رواية أحببت مجنونة أطفال الفصل العاشر 10 بقلم مي ابراهيم

عدى اسبوع على ابطالنا زى مهما ولا اصحاب ولا متجوزين ولا كأنهم يعرفوا بعض بالليل هنا كانت وضبت العشا ونادت عليه ياكل 

احمد:هتفضلى مابتاكليش معايا كتير 

هنا:بكرا هاكل

احمد:طب اقعدى كلى معايا نفتح نفس بعض

هنا:حاضر وقعدت تاكل بس بسيط 

احمد:الاكل مش عاجبك ولا اى دا  انتى اللى عملااه

هنا:لا باكل بس ماليش نفس 

خلصوا اكل ولمت الاطباق ودخلت المطبخ دخل وراها اعمليلنا حاجه نشربها وتعالى نقعد قدام التليفزيون

هنا:ماشي عملت كابتشينو وشطبت المطبخ وطلعت حطت المجين قدامهم وقعدت

هنا:احمد انا هرجع المستشفى بكرا انا زهقت من قعدة البيت

احمد:بس احنا بقالنا اسبوع بس متجوزين مينفعش تخرجي

هنا بضحكة استهزاء :متجوزين وماينفعش ليه يا دكتور

احمد:بطلى تقولى يا دكتور ومينفعش عشان كلام الناس

هنا:كلام الناس دا يأثر فيك انا مش هفضل قاعدة فى البيت انا هروح اكلم دكتور حسين وارجع المستشفى الصبح لو انت قاعد فا انت حر عن اذنك 

وفعلا كلمت دكتور حسين فى التليفون 

هنا:السلام عليكم ورحمه الله وبركاته ازى حضرتك يا دكتور

حسين:وعليكم السلام، انا الحمد لله بخير ازيك انتى يا دكتورة 

هنا:الحمد لله ، اسفه لو عطلتك بس 

حسين بمقاطعه: متقوليش كدا يا هنا انتى زى بنتى قولى فيه اى وبعدين تعالى هنا دا انتى لسه عروسه بتكلميني ليه

هنا:دا العشم برضوا يادكتور انا كنت عايزه ارجع المستشفى 

حسين: مابتزهقيش من المستشفى انا عارف بس انتى فى اجازه حد يسيب الاجازه ويرجع الشغل

هنا: زهقت من الاجازه والقاعدة فى البيت 

حسين:زهقتزهقتي اي بس هو الجواز وحش 

هنا:معلش يا دكتور بس انت عارف المستشفى والشغل بالنسبة ليا اى 

حسين :خلاص يا هنا تقدرى تقطعى اجازتك وتيجى الصبح الشغل 

هنا:تمام يا دكتور وشكرا لحضرتك 

حسين:شكرا اى مقولتلك انتى زى بنتى وابقى سلميليعلى احمد

هنا:الله يسلمك يا دكتور يوصل مع السلامه

تانى يوم هنا جهزت الفطار ولبست وصحت احمد 

احمد:فى اى هنا بتصحينى بدرى ليه

هنا:انا حضرت الفطار لو عايز تفطر وجيت اقولك انى نازله 

احمد:وهو بيتعدل نازله فين هى الساعة كام

هنا:الساعة 8رايحه المستشفى 

احمد:برضوا عملتى اللى ف دماغك

هنا:سلام يا احمد مش عايزين نتخانق على الصبح

فى المستشفى 

ايات وهى بتحضن هنا: وحشتين الاسبوع ده اوى

هنا:انتى اكتر والله يا هنا 

ايات:بس انا زعلانه منك بكلمك مش بتردى وبعدين قطعتى الاجازه وجيتى الشغل ليه

هنا:بصي هقولك كل حاجه بس اشوف الحالات وبعد ما نخلص شغل نقعد فى اى مكان نتكلم 

ايات:خلاص ماشي 

بعد يوم طويل لهنا بين حالات مرضي جديدة وحالات قديمة اطفال بيتوجعوا وهى بتحاول تخفف عنهم وترجع الفرحة لقلوبهم من تانى وامهات فاقدين الامل هى بترجع املهم بربنا تانى هى بتحب شغلها جدا ونفسها تبقى اشطر دكتورة فى مجالاها بتحب الاطفال جدا مجنونة اطفال ممكن تعمل اى حاجه عشان خاطر ماتشوفش طفل بيعيط

خلصت طلعت هى و ايات على كافيه بيقعدوا فيه دايما

هنا:تشربى اى 

ايات:فراولة

هنا:تمام وانا قهوة سادة

ايات:قهوة يا هنا 

هنا:مصدعه وعايزه اتكلم ولا بلاش اتكلم

ايات:لا خلاص اتكلمى

هنا:انا فعلا محتاجه اتكلم والدموع بدات تنزل 

ايات:اهدى واحكى وانا سمعاكى

هنا بصوت مبحوح: مابيحبنيش يا ايات قالى كدا بعد الفرح قالى انه مابيحبنيش قالى انه بيحب واحدة تانيه كسر قلبى تانى يوم فرحى لتالت مره كسر قلبى 

ايات بعدم فهم:هو كسر قلبك قبل كدا

هنا وعياطها زاد: كسر قلبى لما سابنى يوم الفرح بعد ما روحنا البيت جاله رسايل على التليفون مش عارفه من مين وحكت لايات كل حاجة من يوم الفرح  والعلاقة بينهم وحالتها كل دا وايات مشفقة على صاحبة عمرها واختها اللى قلبها اطيب قلب ممكن تقابلوا ماعملتش فى حياتها حاجه وحشه هى من يوم ما شافتها وهى طيبه مع الكل وحنينه على الكل وعمرها ما زعلت حد هى صحيح لو حد فكر يزعلها يكون جنى على نفسه بس قلبها طيب جدا ومابتستحملش حاجه على ايات ودايما بتدافع عنها 

بس ماكنتش ايات بس اللى مستمعه لهنا كان فيه حد كمان 

كان ادهم اللى سمعها واتأثر اوى زعل من نفسه اوى واستحقر نفسه على اللى عمله هو ازاى اذاها كدا و هى ماتستاهلش ازاى قدر يعمل فيها كدا ويكسرها  وبيقول انه بيحبها بيحبها ويإذيها دا ما يستاهلش يتقال عليه دكتور حتى دا كله كان بيقوله لنفسه هو كان قاعد فى الكافيه من شويه لما شافها داخله هى و ايات هو لما عرف انها بتحب تقعد فيه بقى بيحب يقعد فيه 

نرجع لهنا بقى 

ايات:هنا متزعليش اكيد فيه حاجه غلط والايام جايه تعرفنا  مين ظالم ومين مظلوم يا هنوش 

هنا: مش عارفه اقولك اى يا ايات انتى بجد ريحتينى لما حكيتلك كل حاجه 

ايات:طبعا يا حبيبتى مش عارفه منغيرى تعملى اى اصلا

هنا بضحكة خفيفه: طبعا ما اعرفش اعمل حاجه منغيرك انتى حياتى

ايات:متقوليش كدا يا هنوش دا انتى اختى اهم حاجه ضحكتك القمر دى 

هنا:حبيبتى يا  يويو 

ايات:يلا بقي نروح عشان حسن هيولع فيا

هنا بضحكة انتوا لسه بتتخانقوا 

ايات:ماينفعش يعدى يوم منغير خناقاتنا يابنتى 

هنا:ربنا يخليكوا لبعض يلا اوصلك 

ايات:يلا

بعد شهرين بدون احداث تذكر بين هنا واحمد غير تعامل عادى لو يوم عربيتها عطلت يوصلها معاه الشغل مافيش اكتر من كده مره يا كلوا سوا ومرة لئه حياتهم شبه منعدمه مع بعض كأن كل واحد عايش لوحده بس من جواهم كل واحد بيموت من الوجع على حبه للتانى كل واحد شايف ان التانى بيكره كل واحد بيتحسر على حبه للتانى مايعرفوش انهم قلب واحد بس اتقسم نصين 

فى الجامعة هنا قاعدة فى مكتبها بعد ماخلصت محاضرتها بتحضر اوراقها عشان تمشي لما دخل عليها ادهم وكان دقنه طويله وحالته يتشفق عليه من شكله 

ادهم :ممكن اقعد

هنا :ادهم اتفضل اقعد اى عمل فيك كدا ومختفى بقالك كتير ليه حصل حاجه 

ادهم:خايفه عليا وانا ما استاهلش اصلا يا هنا

هنا:متقولش كدا 

ادهم:هنا ممكن تسمعيلى عشان اللى هقولهولك ده ممكن يخليكى ماتشفقيش عليا اصلا 

هنا:ليه كدا قلقتني فيه اى

ادهم:انا السبب فى اللى بينك وبين احمد يا هنا

هنا :اييييييه 

يتبع…