رواية وحدة شغف الحلقة العشرون 20 بقلم ندى
 |
| رواية وحدة شغف الحلقة العشرون 20 بقلم ندى |
رواية وحدة شغف الحلقة العشرون 20 بقلم ندى
دخلت شغف وراها احمد
شغف بخجل – بجد انت انسان رخم اوي
=رخم عشان بحبك
شغف بعصبية – حبك برص .. ممكن بقي تجيبلي الاسدال بتاعي
احمد بغضب مصطنع = لا مش هجيبلك حاجة وهتنامي كدة زي ما انتي كدة
شغف بدموع وخجل – انت واحد متخلف … انا هاروح اجيبه بنفسي مش عايزة منك حاجة
حاولت تحرك الكرسي لحد الدولاب فتحته ولسه هتأخد الاسدال
احمد راح ليها واخده منها وحطه في رف فوق عالي
شغف دموعها نزلت انه مش مقدر كسوفها وحركت الكرسي للمراية تسرح شعرها من غير ما تكلمه او تبصله او حتي تعلق علي تصرفه
قرب منها وبدأ هو يسرحلها شعرها وعلي وشه ابتسامة – علفكرة مش قصدي اضايقك بس احنا اتفقنا اني هعملك اي حاجة عايزاها صح ولا مش صح .
شغف بحزن = لو سمحت انا عايزة انام
احمد عملها شعرها وشالها بخفة ونيمها علي السرير وقال بمشاكسة- خدودك دي بتجنني خلي بالك منها ممكن الصبح متلاقيهاش.
شغف شدت الغطا عليها وحاولت تبعد نظراتها عنه وبعدها بشوية اتصنعت النوم
احمد ابتسم لتصرفها ولخجلها وقرب خطف بوسة سريعة – علفكرة عارف انك صاحية
شغف اتنرفزت وفتحت عيونها = طالما عارف يبقي تلم نفسك وتنام … سيبني انام بقي
احمد قربها منه واخدها في حضنه وهي بتحاول تبعد – اهدي بقي عشان انام لو فضلتي بعيد مش هعرف انام وهفضل اغلس عليكي للصبح .
سكتت شغف وبصتله لقيتوا مغمض عينيه ابتسمت علي مشاكسته ليها ونامت
……..
تاني يوم صحوا علي خبط كتير علي الباب تحت
احمد صحي وعدل شغف اللي بدأت تتحرك – صباح الخير
شغف = صباح النور… مين اللي بيخبط تحت دلوقتي ده ..هي الساعة كام
احمد -الساعة تسعة لسه
قرب احمد منها يبعد بعض خصلات شعرها عن وشها
برقت شغف لقربه ليها
=فيه ايه
– ايه
=انت بتقرب كدة ليه
-بعدلك شعرك فيها حاجة
=طب خلاص ابعد
-لا
شغف بخجل ونبضات قلبها بتزيد بتوتر =اوووف طب الباب بيخبط علفكرة .
احمد قام وعلي وشك الخروج- ده لحظك بس ان الباب بيخبط
شغف ضحكت بعد خروجه.
………
شهد صحت بدري مش عارفة تنام بعد ما قرت رسالة عمر خمستلاف مرة وحاسه بمشاعر متلغبطة لحد ما الباب خبط
فتحت شهد وصرخت بسعادة – مننننننه
منة بفرحة = شهوووودي وحشتيني
“منة ، البيست بتاعت شهد من زمان جدا وهم صحاب حتي قد بعض ونفس السن يعتبر ، بنوتة قصيرة عيونها عسلي وبشرتها فاتحة وشعرها طويل بني فاتح يميل للاصفر ”
شهد- تعالي خشي .. انتي جيتي هنا ازاي
منة = روحت بيتك ملقتكيش وسألت عمر كان نازل من بيته صدفة عطاني العنوان
شهد – مسألكيش عن حاجة او قالي حاجة تانية
منة بغمز = قالي سلميلي علي احمد وشهد
شهد بابتسامة هبلة – بس كدة
منة = اها وانتي كنتي عايزة ايه اكتر من كدة
شهد ضربتها – ولا حاجة .. وحشاني اوي يا زفته انتي
=وانتي اكتر يا عيون الزفته ????❤
-هتقعدي معايا صح اكيد مش هتمشي تاني
=يعني هقعد معاكي يومين بالظبط كدة انا حاولت مع ماما ووافقت علي يومين بس وبعدين حد قالك تسيبي بيتك وتيجي اخر الدنيا هنا
-معلش بقي عشان احمد وشغف
=شغف مين
-لا انتي مش عايشه بقي .. السفر لجدتك لحس دماغك
ضحكت منة = لا بجد مين شغف دي
-مرات احمد واختي الجديدة
منة بغيرة = اختك ايه يا عنينا .. طااايب انا هقوم ارجع لامي تاني ومش هقعد معاكي
مسكتها شهد – اقعدي يابت هنا .. شوية وتنزل وهعرفك عليها هتحبيها بجد
طلعت منة دبدوب صغير وسلسلة رقيقة لشهد = كل سنة وانتي طيبة يا شهووودي، انا معرفتش اجي في عيد ميلادك غصب عني بس منسيتكيش ❤????
حضنتها شهد بحب -حببتي انتي
نزل احمد ليهم – يا خبر منة هنا وانا اقول البيت فيه دوشة ليه
منة بضحك= والله يا حضرة الظابط مش لوحدي اللي بعمل الدوشة
شهد – احمد هي شغف صحت
احمد بكدب = لا لسه هطلع اشوفها بقي انا كنت جاي اشوف مين خبط .. البيت بيتك يامنة طبعا مش محتاجة عزومة انتي ????????
…….
دخل احمد اوضته و شغف لسه نايمة بزهق حس جواه ان فعلا الموضوع صعب عليها اي حاجة ، ابتسملها بحنية
شغف بزهق= احمد
– قلب احمد
كملت باحراج = انا كنت عاوزة .. هي شهد صحت
احمد – اها صاحبتها جت تحت صح اسمها منة قاعدة معاها
شغف =طب ممكن تناديها لخمس دقايق بس
احمد- لا قولي عايزة ايه وانا هساعدك غير كدة خليكي زي ما انتي بقي ومش هتنزلي
شغف بكسوف = انا كنت عايزة … عايزة ادخل الحمام
احمد – يا سلام انتي تؤمري
شالها ودخلها ..
شغف – طب اخرج بقي
احمد = لا هقف هنا انا
شغف بتوتر – احمد اخرج بقي متهزرش
احمد محبش يغلس عليها اكتر = طيب متزوقيش الاه
بعد شوية نادت علي احمد بدموع ، دخل احمد بسرعة ليها
احمد بخضة – في ايه
شغف بدموع وانهيار = انا مش عارفة اخد شاور ولا اغسل وشي حتي انا تعبت هفضل كدة لحد امتي.
احمد بحنية – حببتي منا قولتلك هساعدك .
شغف بخجل ودموع = لا مينفعش انا قولتلك جيبلي الدادة اللي كانت موجودة هنا احسن مش هستحمل انا كدة
احمد – طب ليه مش عايزاني اساعدك.. انا جوزك يعني بلاش كسوف مني مش انتي وافقتي عشان كدة
شغف = مش قادرة بجد الموضوع صعب عليا اوي
احمد – طب حاضر هجيبلك الست اللي كانت هنا بس بردو ده مينفعش انك تطلبي مني حاجة بلاش الكسوف ده بقي … واكمل بهزار .. ده انا حتي زي جوزك
ضحكت شغف
-طب ها عايزة تاخدي شاور ولا تعملي ايه انا هساعدك
=لا لما تيجي الدادة
احمد بحيرة – بردو مش هتبطلي كسوف ابدا انتي
شغف بخجل = معلش بس الموضوع صعب عليا
و غسلت وشها ولبست ونزلت كل ده بمساعدة احمد
شغف كانت حاسه انها مبسوطة وهو بيساعدها حست انها طفلة مش عارفة تعمل حاجة وباباها بيساعدها في كل حاجة حتي ترتيب شعرها .
شهد قامت مع منة مع دخول شغف – شغف صباح الخير
=صباح النور
-دي صاحبتك صح
منة قربت منها بابتسامة : انا منة البيست بتاعت المعفنة دي وشاورت علي شهد
شهد بغيظ = انا معفنة وبعدين متحاوليش تاخدي شغف مني دي بتاعتي
شغف ضحكت عليها
احمد – بتاعتك ايه يا بتاعه انتي شغف دي بتاعتي وبس مش بتاعت حد تاني ويلا ياختي انتي وصاحبتك اللي فرحانة بيها دي خشوا جهزوا الفطار.
شهد اخدت منة وخارجين- دلوقتي بتاعتك ..ماااشي يا بتاع شغف .
قضت شهد مع منة طول اليوم في اوضتها بتحكيلها عن عمر واللي حصل.
………
فات شهور وشغف صحتها بتتحسن شوية شوية مع العلاج الطبيعي وبدأت تحرك ايديها الاتنين والدادة بتاعتها بدات تساعدها في كل حاجة قليل اوي ما بتطلب من احمد حاجة وده مضايق احمد بس سايبها براحتها.
شهد بتذاكر طول اليوم او بتكلم منة صاحبتها او تقعد مع شغف شوية و متضايقة اوي من جواها ان عمر كل ده حتي مجربش يسأل عليها اوي يكلمها .
…….
شغف صحت من نومها وفضلت باصة لاحمد كتير وهو نايم حبه ليها شتت افكارها .. هو بيحبها بجد… طب هي لما تخف تطلق ولا تكمل معاه وقالت بصوت ووضعت قبلة رقيقة علي دقنه : انا بحبك اوي
قامت حاولت تقعد بسرعة لما لقيته بيتحرك واتوترت اوي حطت ايديها علي خدودها تخفف من خجلها. احمد بصوت هادي : مالك حاطة ايديك علي وشك ليه كدة
شغف بتوتر- ابدا مفيش يعني لسه صاحية بس عادي يعني
احمد قام اخدها في حضنه وقال بقلق: شغف حببتي انا عندي شغل كتير النهاردة واحتمال اتأخر كمان ف خلي بالك من نفسك واوعي تأخري معاد اكلك عشان علاجك.
شغف باستغراب- انت ليه بتقول كدة
احمد: بقول ايه
شغف بعدت عن حضنه وقالت – يعني انك هتتأخر واخلي بالي من نفسي وكدة هو فيه حاجة مش عايز تقولهالي
احمد باطمئنان: لا بس بقولك كدة عشان لو اتأخرت متستنينيش مش اكتر
وبعدين خدي هنا يعني انا بحضنك وبتاع وانتي ولا هنا مفيش صباح الخير يا حبيبي او ياابوحميد حتي
ضحكت شغف وقالت بدلع بتلقائية- صباح الخير يا روحي
احمد بهزار ويقرب منها: انا بقول ماروحش الشغل احسن
زقته شغف – لاااا قوم انا عايزة اقوم انا كمان بقي يلا شيلني
احمد شالها : انتي فرحانه اني بشيلك علطول صح قولي اه متتكسفيش
شغف بضحك ولفت ايديها حواليه وقابت بدلال – ايوة انا بحب انك تشيلني كتير
احمد سارح في جمالها : وبعدين
شغف بصتله بحب – وبعدين ايه
احمد: استغفر الله العظيم يارب صبرني .. يلا ياختي ورايا شغل جايه تتدلعي في يوم الشغل منا قدامك طول الاسبوع مش بتتكلمي ليه
ضحكت شغف جدا وقالت بضحك – يلا طيب نزلني وروح البس .
……..
الساعة 2 بالليل وشغف قاعدة عالكرسي بتاعها رايحة جاية للبلكونة وحاسة بقلق علي احمد … حاولت شهد تخليها تنام وهي رفضت وفضلت قاعدة كدة مستنياه خصوصا حاولت تتصل بيه كذا مرة ومردش ،
خرجت دخلت اوضتها الغامضة وقعدت فيها 5 ساعات ودي كانت اوضة شغف بتاعت الرسم … فضلت ترسم احمد كتير كتير كتير لحد ما سمعت صوت الباب خرجت بسرعة وقفلت الاوضة بالمفتاح ودخلت اوضتها هي واحمد بصت من البلكونة لقت احمد داخل بس شكله ميطمنش استنت شوية
دخل احمد وكان هدومه مليانة دم وحاسس بتعب جدا اتفاجئ ان شغف صاحية
بصت شغف لاحمد كل هدومه غرقانة دم وقامت بفزع وخوف عليه ونست رجليها….
يتبع..
لقراءة الحلقة الحادية والعشرون : اضغط هنا
لقراءة باقي حلقات الرواية : اضغط هنا
