رواية نمت أعزب صحيت لقيت نفسي متجوز الحلقة الأولى 1 بقلم عمرو خالد

 رواية نمت أعزب صحيت لقيت نفسي متجوز الحلقة الأولى 1 بقلم عمرو خالد 

رواية نمت أعزب صحيت لقيت نفسي متجوز الحلقة الأولى 1 بقلم عمرو خالد

رواية نمت أعزب صحيت لقيت نفسي متجوز الحلقة الأولى 1 بقلم عمرو خالد 

محمد : داخل انام شويه يا ماما

ماما _ مش هترد عليا يعني

محمد : ارد على أي يا ماما .. ؟

ماما _ بنت خالتك

محمد : ماما انا واحد مش بعترف بحاجه اسمها حب اصلا رايح انام

بنت خالتي فاطمه بتحبني  وماما عايزاني اتجوزها، طب انا مش بعترف بالحب ولا الاحساس اللي بيقولوا عليه دا، ولا عايز انا مرتاح كده، دخلت على السرير رتبته ونمت على طول، أول ما غمضت عيني بعد شويه بفتحها، قومت مفزوع لقيت واحده داخله عليا الأوضه ..

اروئ : صباح الخير يا حبيبي كل دا نوم

محمد _ حبيبك، انتِ مين .. ؟

اروئ : انا مين اي اصحي بقا الضهر قرب يأذن

محمد _ نهار ابيض انا فين وانتِ مين وبتعملي اي هنا ..  ؟

اروئ : في أي يا محمد مالك صاحي بتقول انا مين وفين اي الكلام دا انا مراتك

محمد _ مراتي !! أمته دا وازاي

ارؤئ : عمتوا يا عمتوا تعالي شوفي ابنك اللي قولتيلي صحيه

محمد _  ماما !!

ماما : اي يا حبيبي مزعلها لي ..؟

محمد _ مزعل مين يا ماما مين دي  ..؟

ماما :  محمد انت كويس  ..؟

محمد _ انا كويس لكن مراتي ازاي وأمته انا دخلت نمت صحيت لقيتها داخله عليا الأوضه بتقولي اصحي يا حبيبي انا مراتك

ماما : ايوا مراتك اتجوزتوا من اسبوع

محمد _ اسبوع !!

ماما : ايوا اسبوع يلا قوم صالح مراتك

محمد بصوت مقطع _ حح حاضر 

روحت اصالحها اللي اسمها مراتي دي، طب أزاي دا مفيش عشر دقائق اصحي الاقى نفسى متجوز ومن اسبوع كمان، اكيد بحلم ماهو مش معقول يكون حقيقه، دخلت ليها لقيتها قاعده في البلكونه  ..

محمد :  الشمس جميله انهارده

اروئ _ ملكش دعوة 

محمد : خلاص حق عليا انا كنت بهزر 

اروئ _ بتهزر بردو  

محمد : اه بهزر وحقك عليا انا اسف 

اروئ _ تؤ متعتذرش انت معملتش حاجه  وتعالى نجهز الاكل عشان جعانه ومفطرتش من الصبح 

محمد : حاضر يلا 

روحت معاها نجهز الاكل، لقيتها بتعمل رز وفراخ، جهزناه وخرجنا بيه علي السفره، وفضلنا ناكل، وانا طول الوقت بتفرج عليها عيني مش عايزه تبعد عنها مش مصدق اني متجوز وفي وحده معايا في مكان واحد، حسيت بشعور جميل كده مكنتش عايزه يفارقني، احساس بالمسؤوليه، احساس انك هتخرج كل الحلو اللي شايله جواك لشخص اللى المفروض ياخده، كل الحب هيبقي ليه، وكل الاحتواء هيبقي عشانه عشان هو اللي المفروض تكون ليه الحاجات دي، فضلت بتامل فيها لدرجه انها اخدت بالها مني ..

اروئ _ اي متاكل

محمد :  هه باكل اهو

اروئ _ واضح بس انت باصص عليا من اول ما قعدنا كأنك أول مره تشوفني

محمد : لا متاخديش ف بالك مفيش حاجه

خلصنا اكل وشالته وقعدنا قدام التلفزيون وهى قعدت جمبي ، لقيتها بتقرب مني ورفعت ايديا لفوق ودخلت في حضني ورجعت ايدي مكانها تاني ..

اروئ : تعرف انت احلي حاجه حصلتلي حقيقي يعني، كنت مستنيه اليوم اللي اشوف اللحظه دي فيه واكون ف حضنك انت، كنت دايما بتخيل، بس عمري ما تخيلت أن الخيال هيبقي حقيقه، واهو فعلا بقي حقيقه وانت معايا وجمبي وبحبك

محمد _ هو انا مش عارف اقولك اي بس ربنا يديمك ليا

اروئ : ويديمك ليا يا حبيبي

مكنتش عارف اقول اي لاني مش فاهم حاجة خالص، بس حسيت ان كلامها لمس قلبي كأني اعرفها وبحبها، بس انا لسه شايفها دلوقتي هعرف كل دا ازاي، حسيت بإحساس جميل جدا جدا جدا، وراحه نفسيه رهيبه، كل دا اندمج مع بعضه وبقي احساس جوايا، كنت متلخبط مابين كل دا، بس في النهايه هو احساس جميل مش عايزه يفارقني، أخدتها في حضني ونمت بعدها مشفتش حاجه تاني ..

اول ما صحيت لقيت نفسي فى أوضتي وعلي السرير بتاعي وهي مش جمبي، قومت بجري ادور عليها في الصاله وفي البيت، دورت ملقتهاش خالص، كأني كنت بحلم وحلم حقيقي مس مجرد حلم، لقيت ماما قاعده في قدام التلفزيون  ..

ماما : اى مالك في أي بتدور على حاجه  ..؟

محمد _ هه لا مش بدور على حاجه

ماما : طيب مش قولت هتنام .؟

محمد _ مانا نمت

ماما : حالا كده دا مفيش خمس دقايق، مش معقول تكون نمت

خمس دقايق  ؟  ازاي دا انا و اروئ قعدنا مع بعض اكتر من ساعتين، ودلوقتي ماما بتقولي خمس دقايق طب ازاي، مبقتش فاهم حاجة، رجعت أوضتي تاني وفضلت افكر، ومن كتر التفكير تعبت ونمت، وأول ما صحيت لقيت اروئ نايمه جمبي، فضلت مركز ف شعرها إلى نزل على عيونها، وفجأه لقيتها صحيت وابتسمت ليا  ..

اروئ : اي هتوقف قلبي

محمد _ سلامت قلبك

اروئ : لا هو كان هيقف بجد ملوش ذنب يصحي يلا القمر بيتفرج عليه كده

محمد _ انتِ إلى قمرين

اروئ : تسلم يا حبيبي يلا قوم نشرب حاجه

محمد _ لا خليكي معايا هنا شويه وبعدين نخرج

أروئ :  في أي يا حبيبي 

محمد _ مفيش حاجه بس خليني معايا شويه صغننين

أروئ : طيب بشرط تحكيلي حدوته

محمد : عيوني  ..  بصي يا ستي  مره واحد مش بيأمن للحب ولا الاحساس بتاعه ولا الكلام دا كله، وفجأه كده راح ينام شويه، دخل ينام صحي لقي نفسه متجوز ومعاه مراته، مكنش مصدق انه متجوز أو مستغرب ازاي حصل كل دا وأمته، فجأة حب الحلم مش الحلم لا حب الشعور بتاع الحلم الجميل، طلع بيحس وعنده دم وحب الحلم ، كل دا ف ساعتين حصل

أروئ _ وهو حبها ولا لسه  ..؟

محمد : حبها وبقى مش عايز يبعد عنها، مش عشان الحلم لا عشان الاحساس الحلوة اللي عاشه جو الحلم دا بحبك

أروئ _ وانا كمان بحبك

فعلا انا حبيتها، عشان اول مره احس الاحساس الجميل دا، من جماله مش عايز اصحي ولا انام تاني، عايز ابقي جمبها علي طول، عشان أفضل حاسس الاحساس دا، مش خايف منها انا خايف اصحي ملاقيهاش جمبي  ..

غلبني النوم تاني ونمت، صحيت لقيت نفسي علي سرير وفي أوضتي وهي مش جمبي، حسيت بنغزه في قلبي، روحت راجع نايم تاني عشان اروح اشوفها وأخدها ف حضني ، فضلت اكتر من ساعه وانا بتقلب يمين وشمال عشان انام مش عارف، خرجت لقيت ماما قاعده في الصاله  ..

ماما _ مالك متوتر كده ليه

محمد : مفيش

ماما _ بقولك في أي ..؟

محمد : دخلت انام ، طلعت لقيت   نفسي متجوز

ماما _ ازاي دا

محمد : معرفش دخلت انام اعزب وجو الحلم اتجوزت

ماما _ بتهزر  ..؟

محمد : مش بهزر يا ماما

ماما _ خلاص يا حبيبي مجرد حلم

مرضيتش افتح الموضوع تاني عشان مهما اتكلمت هي مش هتقتنع بيه، فضلت قاعد قدام التلفزيون لحد ما حسيت نفسي انى هنام، روحت دخلت أوضتي ونمت، صحيت لقيت نفسي نايم في الصاله، سمعت صوت ارؤئ ف المطبخ بتغني ..

واحلف بأن مفيش ف الدنيا حد ف جمالوا 

      طول مانت جمبي هبص لمين سيب الكلام دا لناس تانين

روحت جاي من وراه واخدتها في حضني  ..

اصل إلى يبقى في أيدوا ملاك هيبص بردو لبني آدمين

أروئ _ بحبك يابني وبحب حركاتك الهبله دي

محمد : بحبك اكتر، بتعملي  .؟

أروئ _ بعمل بيتزا عشان حبيبي بيحبها

محمد :  وه انا فعلا بحبها، طيب بسرعه يلا

أروئ _ عيوني حالا

دخلت استناها في الصاله، اخدت وقت طويل ف المطبخ دخلت اشوفها لقيتها جايبه الاكل وجايه ، قعدنا أكلنا مع بعض وانا مش مشلتش عيوني من عليا، مش عارف اي حصل بسببها بس انا حبيتها، خلصنا اكل وقالتلي هجيب اللاب نتفرج على فيلم اجنبي، جابت اللاب وفضلنا نتفرج لحد ما هي نامت، اخدتها في حضني ونمت جمبها، وبردو صحيت لقيت نفسي علي سرير وفي أوضتي، المره دي مرضيتش اتسرع وانام تاني، خرجت بره البيت اغير جو شويه، قعدت اكتر من خمس ساعات، جيت لقيت ماما مجهزه الاكل ..

ماما _ تعالي يا حبيبي عشان ناكل يلا

محمد : لا يا أكلت معاها كلي انتِ

ماما _ أكلت مع مين كده  ..؟

محمد : مع أروئ

ماما _ أروئ مين دي  ..؟

محمد : إلي في الحلم يا ماما إلى اتجوزتها

ماما _ اه ماشي ربنا يهديك

محمد : هروح انام انا بقا

ماما _ اه روح لست أروئ بتاعتك

محمد : حاضر يا ست الكل

دخلت أوضتي وغيرت هدومي، روحت نمت على طول، صحيت لقيت نفسي نايم علي السرير، بس انا فاكر أني كنت انا وأروئ نايمين في الصاله، خرجت ادور عليها ملقتهاش، دخلت المطبخ وبصيت لقيتها واقعه على الأرض  و ..

يتبع..

لقراءة الحلقة الثانية : اضغط هنا

لقراءة باقي حلقات الرواية : اضغط هنا

نرشح لك أيضاً رواية جوازة غصب للكاتب عمرو خالد.