رواية خطة رنا الفصل الأول 1 بقلم روني محمد
 |
| رواية خطة رنا الفصل الأول 1 بقلم روني محمد |
رواية خطة رنا الفصل الأول 1 بقلم روني محمد
-: ميجو…
-: يا نعم!!
-: عوزاك تنزل تشتري معايا حاجه..
-: لأ.. روحي شوفي اخوكي يجبهالك ولا ينزل معاكي
-: كريم مش فاضي بيذاكر وبابا مش راضي ينزلني لوحدي…
-: وانا كمان مش فاضي
-: مانت قاعد بتلعب على الموبيل اهوه ولا هو تلاكيك وخلاص
-: شششششش بس روحي اخلص الجيم ده واجيلك
-: لأ انت مبتجيش يا أمجد..
_: يا بت انزلي من على وداني بقى متخنقنيش وروحي نامي ولا ذاكري ولا اعمليلك اي شغله في يومك الي مش معدي ده!!!
-: امجد.. ولله لو و مقمتش معايا دلوقتي لأروح اخبط على حماده ابن طنط كوثر واخده معايا
حدف التليفون من ايده وعنيه أحمرت ومسكني من قفايا � ..
-: تخدي مين يا ختي
-: أحم اخدك انت معايا
-: طب يلا انزلي انا مش رايح حته وانتي كمان مفيش نزول…
-: أووووووف
انا نزلت وانا متعصبة بجد مش فاهمه هو ليه بيعمل كده معايا المفروض اننا في فترة خطوبه يعني يكون ملهوف انه يخرج معايا يتكلم انما ده حاجه كده كتله برود يا ساتر يارب ، اعرفكم بنفسي بقى انا رنا في تانيه فنون جميلة مش قادرة اقولكم بحب الرسم اد ايه ليل نهار ماسكة الفرشة ومش برسم غيرو زوجي وقره عيني � والي واجع قلبي.�..
أمجد ده يبقى ابن عمي وعايش معانا في نفس العمارة مخطوبين ومكتوب كتابنا من سنة تقريبا ولغايه دلوقتي ، تلاجه زي مانتم شوفتم مبيتحركش بالنهار بالشغل وباليل ياما مع اصحابه ياما بيلعب عالموب …..
ديما بحس بالتجاهل من ناحيته مش مديني اي اهتمام ، رغم اني بحبه اوي وأول ما عمي كلم بابا واتخطبنا واتكتب كتابنا يوميها كنت طايرة من السعادة….
-:مالك دخلة كده مكشره وداخلة بزعبيبك علينا ؟
-: بالله عليكي يا ريم سبيني في حالي..
-: فكيتي الطرحة ليه مش قولتي انك نازلة تشتري الحاجات الي نقصاكي بتاعة الكلية
-: اوووف امجد مرضاش
-: وهو عشان مرضاش متجبيش حاجتك ، طب ده مستقبلك وانتي عندك امتحان بكره هتعملي ايه
-: هتصرف من اي حد من صحابي
-: وافردي ملقتيش زياده مع حد تسقطي مثلا عشان خاطره
-: انتي بتسخنيني عليه ولا ايه ؟
-: لا مش بسخنك يا رنا انا اختك وبجد مش عاجبني حالك كده انتي ديما بتجري وراه ومحسساه انك هتموتي عليه وهو ولا هنا…
خطة رنا… روني محمد
لقيت نفسي اتفتحت فالعياط صعبت عليه نفسي أوي ، انا فعلا بحبه اوي وعمري ما حسيت انه بيحبني ، عمره ما قالي ولا حتى لمحلي بده…
ريم حضنتني وطبطبت عليه
ريم : انتي لازم تتقلي عليه يا رنا ، وفعلا يا حبيبتي لو هو مش بيحبك يبقى خلاص فكك منه
رنا : لا لا طبعا يا ريم انا مقدرش اعيش من غيره…
-: خلاص يبقى استحملي بقى وخدي على دماغك وخليه يعمل ما بداله وبعد الجواز ابقى قابليني لو سألك حتى عاملة ايه…
رنا بحزن : طب اعمل ايه طيب ، بس متقوليش اسيبه دي خالص دانا الموت اهون عليه….
-: مفيش فايده فيكي هتفضلي كده غبيه…
-: انجزي بقى قوليلي اعمل ايه ؟
ريم بتفكير : بصي يا رنا انتي تقومي تلبسي طرحتك وتاخدي بعضك وتخبطي على باب طنط كوثر وتخلي حماده يروح معاكي تجيبي الحاجات الي محتجاها
-: بس ده زعقلي وقالي لأ مش بيطيق حماده خالص ، وممكن يشتكي لبابا
-: حماده ده عيل في ثانوي يعني ابوكي مش هيقول حاجه ، ده بالعكس هيزعقله هو انه مرضاش يروح معاكي
-: طب لو رحت و ميجو قصدي امجد عرف ، ده هيعمل مني بطاطس محمره
_: وهو ده المطلوب ، شعلليه يا حبيبتي ايه متعرفيش
-: لأ معرفش
_: اووووف غبيه!!! اسمعي كلامي انتي بس……… وبكره اخلي امجد هو الي يجري وراكي
-: تفتكري يا ريم ؟
_: قومي امشي من قدامي وروحي زي ما قولتلك …
-: طيب ربنا يستر….
بصراحة عجبتني الفكرة ، لبست طرحتي ورحت لبابا عرفته ان كريم وامجد مش فاضيين وانا لازم انزل عشان محتاجة اشتري حاجات الامتحان واستأذنته اخلي حماده يجي معانا ووافق ، رحنا اشترينا كل الحاجات الي نقصاني ولما رجعت لقيت أمجد واقف قدام باب العمارة ، بصراحة كان شكله مرعب شعره منكوش وعنيه حمرا وفاضله ثانيه وهيطلع نار من بقوه ويحرقني انا وحماده ���
يتبع…..
لقراءة الفصل الثاني : اضغط هنا
لقراءة باقي فصول الرواية : اضغط هنا
نرشح لك أيضاً رواية عريس من ديزني للكاتبة ندى حمدي
