رواية يوميات زوجة كوميدية الفصل الأول 1 بقلم لمياء علاء
 |
| رواية يوميات زوجة كوميدية الفصل الأول 1 بقلم لمياء علاء |
رواية يوميات زوجة كوميدية الفصل الأول 1 بقلم لمياء علاء
يزن بعدما أغلق باب الشقة، وجد ورد جالسة على الأريكة.
يزن مداعبًا/ بتسمعي أيه…؟!
ورد بنظرة الست البريئة /لو مهتم كنت عرفت و….
يزن مكملًا كلام ورد/ والإهتمام مبيطلبش وانت لو مهتم كنت عرفت لوحدك، أكمل ولا كفاية…؟!
ورد مصطنعة الزعل /بتتريق عليا…؟!
يزن ببراءة /مين..؟!، أنا..؟!
ورد/أومال أنا…؟!
يزن / يا بنتي ما أنا بسألك بتسمعي أيه؟!، وانا هعرف منين كنت ساحر مثلًا!!
ورد بضحكة مشاغبة/مثلًا يعني، عمومًا بسمع مرعشلي
يزن باستغراب/ بتسمعي أيه يا اختي؟!
ورد بفخر/ مِ….ر…عِ….شْ…لِ….ي، مرعشلي، Merashly ، أقولها تاني ولا كفاية…؟!
يزن / تركي ولا كوري المرادي…؟!
ورد بابتسامة/ تركي، أحكيلك قصته..؟!
يزن بتعب/ لا لا شكرا، اسمعي الزفت مرعشلي بتاعك عاليوتيوب، بس صوت مش عايز عشان مصدع وعايز أنام…؟!
ورد / مش هتاكل يا ابني
يزن بقلة حيلة/ ابنك…!!، عمومًا مش واكل يا ماما
ورد / ماشي، وفرتْ والله.
يزن باندهاش/ وفرت…!!، ماشي لما أقوم من النوم على لسانك الطويل ده…
ورد بابتسامة/ سيني سيفيورم
يزن ببلاهة/ يرحمكم الله
ورد متأففة/ أوووووف بقى…
يزن/ عايزة أيه اخلصي
ورد بغيظ/ ادخل نام، مش بقول حاجة.
يزن بضحك/ بحبك يا بنت المجنونة، أنا داخل أنام صوت مش عاوز، بقولها تاني صوت ممنوع.
ورد / ما خلاااص بقى عرفتْ
يزن / ماشي اما نشوف.
بعد نص سااااعة
سلعااااااااااااااااااااوي
قالتها ورد بصوت عالٍ
قام يزن من عالسرير مخضوض/ مين، فين، ايه…؟!
وفجأة فتحت ورد الباب وقالت/
سلعاااااااوي إنت اللي كلت الشوكولاتة وشربت الكانزاية…؟!
يزن باستغراب/ سلعاوي مين؟!، وشوكولاتة أيه، وكانزاية أيه يا بنت المجنونة…؟!
ورد مفسرة/ إنتَ سلعاوي، والشوكولاتة اللي كانت في التلاجة ورا علبة المربى والكانزاية كانت ورا علبة الجبنة…؟!
يعني أنا سلعاااوي….؟!، وعمالة تصوتي ولميتِ علينا الجيران على شوكولاتة وكنزي…؟!، وعايناهم كمان ورا علب المربى والجبنة؟!، مربي قطة ياربي في بيتي.
ورد بتفسير/ اه عشان مش تاكلهم، أنا عارفاك…؟!
يزن باستغراب/ أنا برضوا اللي باكل الحاجة…
ورد بلهجة غريبة/ بقولك أيه إنت هتستعبط عليا، لا ما انا مش هبلة أه، انا بقولك أهو، اطلع بالشوكولاتة والكانزاية بدل ما زعلك…؟!
نظر لها يزن وضرب بيده كفٍ على كف، ووضع يديه على شعره وقال ريلاااكس يا يزن، ريلااااكس، وورد واقفة منتظرة رده..
يزن بهدوء مصطنع/ حبيبتي هو أنا قولتلك أيه قبل ما أنام…؟!
ورد ببرود / مش فاكرة
يزن بغيظ / مش فاكرة أه…تمام، طب هو لما الواحد بينام و حد عاوز يصحيه يقوم مصحيه على صوت سرينة…؟!
ورد بنبرة إجرامية/ إنت عايز أيه من الآخر، عشان مش بحب اللف والدوران؟!
يزن /اطلعي برة…!
وقفت ورد مصدومة وقالت/ طب والكانزاية
مازن بصوت هادي/ برة
ورد بزعل/طب الشوكولاتة طيب…
يزن بنفس الهدوء/ برة
خرجت ورد بزعل….
يزن وقد عاد لطبيعته…
استني…
ورد بابتسامة نصر
هتديني فلووووووس صح أجيب حاجات…؟!
يزن/ اقفلي الباب وراكِ وصوتك لو طلع هقطع لسانك، وسلعاااوي اللي ماشية تغنيها دي لو سمعتها تاني هعلقك من قفاكِ والشوكولاتة والكنزي هتلاقيهم في الزبالة بعد ما انتِ استوليتِ عليهم وانتِ بتسمعي مِرْ…..
أه صحيح كنتِ بتسمعي أيه…؟!
ورد بسرعة في الرد وابتسامة/مرعشلي…
يزن/ شطورة حافظة المسلسلات بس ناسية إنت كلتي أيه…؟!
ورد ببراءة / استنى بس طيب…
يزن بصوت عالٍ/ برة ومسمعش صوتك لحد ما اصحى يا أخرة صبري.
ورد وهي خارجة/ طب ما تزُقش طيب????
يزن وهو يستعد للنوم مجددًا/ مزقش…!! طب لما أصحالك على طول لسانك ده.
يتبع ……
لقراءة الفصل الثاني : اضغط هنا
لقراءة باقي فصول الرواية : اضغط هنا
نرشح لك أيضاً رواية العودة إلى الوراء للكاتبة روان ريحان
