سكريبت اللطيف والخطير الفصل الأول 1 بقلم ياسمينا محمد
 |
| سكريبت اللطيف والخطير الفصل الأول 1 بقلم ياسمينا محمد |
سكريبت اللطيف والخطير الفصل الأول 1 بقلم ياسمينا محمد
-ايه دا،مين دي يازين؟
-مش عارف ياخالتي والله ،اسنديني بس ننيمها عل السرير.
-طب هات يابني عنك.
“طلعنا برا”
– احكيلي بقا مين دي ؟انت بدأت تسرق بني ادمين كمان ولا ايه؟
-ليه طيب ياخالتي سوء الظن دا وايه اسرق دي ،مش باخد من الاغنيا وادي الغلابه؟
-ماعلينا ربنا يهديك،مين دي بقا؟
-والله ماعرف انا كنت بقضي مصلحه ومخلص وانا ماشي لقيتها..
-لو سمحت لو سمحت انا..
“واغمي عليها مره واحده “
-مرضتش اسيبها ف الشارع جبتها هنا علطول.
-ياضنايا شكلها بنت ناس وطيبه ايه الي بهدلها كدا ؟
-والله ماعرف ياخالتي ،واهي عندك استأذن انا وبكرا اجي تكون صحيت ونشوف مالها .
-ماشي يابني اتعشى وروح.
-تسلمي ياخالتي .
انا زين الشاب المغرور ف نفسي ،بهزر يجدعان انا حرامي بس حرامي كويس باخد من الاغنيا وادي الغلابه الي زي حالاتي كدا ويتيم ابويا مات قدام عينيا بس اكتشفت بعدين انه مكنش ابويا ماعلينا انا صايع اصلاً،خايف يكون عقابي هيبقى البت دي ،انا غلبان يجدعان مستحملش.
“عند الست”..
-غيرتلها وبتملس عل شعرها وقرأت قرآن وفضلت تتأمل فيها ونامت.
“الصباح،الباب خبط”
-صباح الخير ياخالتي.
-صباح الخير يازين يابني ،اتفضل هعملك الفطار تعالى.
-طب قوليلي البت اياها صحيت؟
-وطي صوتك ،لاء تقريباً بقالها كتير منامتش ماهو ياحبة عيني باين عليها التعب.
-طب يخالتي صحيها عايزين نخلص من البلوه دي.
“بصيتله بلوم”
-البنت مش بلوه يازين متقولش كدا تاني لازعل منك .
-ايه دا بقا انتي شكلك هتحبيها وتركنيني انا .
-محدش يقدر ياخد مكانه ف قلبي ادك ،اقعد افطر وانا هدخل اشوفها.
-حاضر.
“وقعدت افطر وافتكرت موقف حصل زمان وانا صغير”
“كنت عيل ١٤سنه”
-انت زين الغندور؟
-ايوه نعم حضرتك مين؟
-مش مهم مين،عايزينك ف مصلحه وهتاخد فيها مليون جنيه.
-بجد ياست هانم! عنيا دا انتِ لو عايزاني اقتلك حد موافق.
-تعجبني بس لاء ،حاجة سهله هتروح جنينه **** دي يوم الخميس وهنشاورلك عل بنت وتجيبها .
-واعمل بيها ايه ياهانم؟
-لاء مش هتعمل احنا الي هنعمل وسيب الباقي علينا .
-تمام تؤمري بس فلوسي كاش.
-حاضر ياعسل عنيا.
“فوقت من شرودي”
-زين تعالى البنت منهاره مش عارفه اعمل ايه !
-ازاي دا ؟
“وقُمت”
“بعياط”
-ابعدوا عني ،كفايه حقن كفايه “ونامت “.
-ياعيني يابنتي شايف يازين البت منهاره ازاي شوفلنا دكتور يابني ،زين سرحان ف ايه؟
-هه لاء حاضر ياخالتي هجيب حالاً جهزيها انتي بس.
“ونزلت اجيب الدكتور”
-ها يادكتور طمني؟
-انتي ازاي تعملي كدا ف بنتك ؟
-بنتي؟!
-مع احترامي لحضرتك بس مشوفتش ام ف قسوتك ،انتي عارفه دي لو كانت اخدت حبوب ولا حقن تاني كان ايه الي هيحصلها ؟
دي كانت ممكن تموت ولا تبقى مدمنه !
بنتك مناعتها ضعيفه وشكلها مكلتش بقالها كتير ،بتمنى تهتمي بيها اكتر من كدا ياما اخدها عندي المستشفى وابلغ عل حالتها دي،انا ركبتلها محلول وان شاء تبقى احسن.
“الدكتور كان بيتكلم وانا سرحانه ف كلمه بنتي ،دمعت وافتكرت بنتي الي راحت مني “
-حاضر، حاضر يادكتور .اتفضل ،الحساب كام؟
-لاء مش هاخد حاجة ،هاجي الاسبوع الجاي اشوف حالتها اتحسنت ولا ايه عشان مش هقدر اديها اي حاجة خالص لانها مش هتستحمل ،هاخد عينه دم واعمل تحاليل واكشف ،بس اتمنى ياامي تهتمي بيها اكتر من كدا أتمنى.
-حاضر يادكتور اتفضل.
“عند زين برا،افتكر الي حصل زمان”
-شايف الطفله الي ف العربيه دي ؟
-ايوه!
-روح شيلها وهاتها واوعى حد ياخد باله.
-اشطا متقلقيش.
“وراح شالها وطلع يجري عل سيارة الست”
-هو مين الي شال بنتك دا ياام زينه؟
“بصيت عليه وصوتت”
-بنتي الحقوا بنتي وملحقتش تجري وراه.
“زين ف السياره بيبص عليها” الست كلمتُه..
-عاش يابطل خد فلوسك اهي ومنشوفش وشك تاني.
-طب انتوا هتعملوا بيها ايه؟
-لاء دا ميخصكش بقا ويلا انزل هنا.
“وخدت الفلوس ومبسوط بيهم ،ولد صايع وبقى ف ايده مليون جنيه بسبب عمليه صغيره تخيلوا الفرحه ،واخيراً هتتعشى فراخ ياواد يازين..فوقت من شرودي عل صوت الدكتور”
-انت جوزها؟
-جوز مين؟
-المدام الي نايمه جوا؟
-هيا مدام؟
-وانا هعرف منين ،انت بتقول ايه يااستاذ ؟!
-اسف اسف مش مركز،اه انا جوزها خير مالها؟
-مش عارف اقول ايه الله يكون ف عونها ،المدام كان ممكن تموت منكم ف ثانيه ايه الي وصلكم لدرجة دي ؟طب لو في حاجة اطلقوا من غير اذيه، حسبي الله ونعم الوكيل.
-يادكتور انا..
-خلاص يااستاذ مدامك جوا اطمن عليها، وهاجي الاسبوع الجاي عشان اطمن وهبقى اقول نتيجة التحليل.
-تحليل ايه؟
-احذت عينه دم من المدام عشان معرفش فيها ايه بس الظاهر اخدت كمية حبوب وحقن كتير ايديها مش طبيعيه الله يسامحكم.
-طب اتفضل يادكتور مش ناقصه هيا.
“ومشي الدكتور،ياترى حكايتك ايه ياست البلوه انتي”
“خبطت الباب”
-خالتي؟
-ادخل يازين.
-حالتها ايه دلوقت ؟
-مش عارفه يابني قلبي مقبوض اوي عليها حاساها حته مني.
“حطيت ايدي عل كتفها”
-اطمني ان شاء الله هتبقى كويسه .
-اتمنى يازين ،ايه دا بتتحرك شكلها هتفوق.
“بتهلوس”
-صُبحي…هيقتله هيقتله زي داداه سميه صح..
“مسكت ايديها وطبطبت”
-اهدي يابنتي انا معاكي اهدي وقعدت تقرأ قرآن.
“هُوَ الّذِيَ أَنزَلَ السّكِينَةَ فِي قُلُوبِ الْمُؤْمِنِينَ لِيَزْدَادُوَاْ إِيمَاناً مّعَ إِيمَانِهِمْ وَلِلّهِ جُنُودُ السّمَاوَاتِ وَالأرْضِ وَكَانَ اللّهُ عَلِيماً حَكِيماً “.
“ومسحت عل راسها”.
“عيطت”
-ماليش ذنب ف حاجة ومعملتش حاجة .
-استهدي بالله ومتخافيش انا معاكي ،زين روح هات مايه .
“جريت اجيب المايه وانا خايف عليها كان نفسي اعمل اي حاجة معرفش ليه”
-اتفضلي ياخالتي.
-اشربي يابنتي واهدي محدش هيقدر يأذيكي اهدي.
“شربت مايه وبدأت تهدى”
-مش هتعملولي حاجة صح؟
“خالتي بصتلي وقالت”
-اكيد يابنتي متقلقيش اعتبريني امك قوليلي مالك ؟
-هحكيلك بس صدقيني والله انا كويسه ومش تعبانه ولا اي حاجة خالص.
-طب اهدي ومتعيطيش احكي.
-انا اسمي زينه بنت رجل الاعمال محمد الدمنهوري”سكتت شويه وعيطت”لاء مش بنته اكتشفت اني مش بنته ،هو اصلاً عمره ما عاملني عل اني بنته.
“كنت واقف بسمعها وحاسس الاسم دا مش غريب عليا ،اه ماهو عشان حد كبير مشهور وبدأت اسمعها تاني”
-انا كنت مفكره اني بنته لحد ما فيوم سمعته بيتكلم مع الداده الي ربتني..
“كنت راجعه من النادي وطالعه عل اوضتي سمعت”
-سُميه انا كلامي يتسمع انتي فاهمه؟
-يامحمد بيه مقدرش دي مهما كانت انا الي ربيتها قلبي مش هيطاوعني اعمل كدا.
“ضحك بسخريه”
-هه وقلبك كان فين واحنا بنخطفها؟
“اتصدمت”
-!اكيد اكيد مش قصدهم عليا .
-انت بتذلني يامحمد؟
-محمد بيه ماتنسيش نفسك ياسُميه،وهتعملي الي قولت عليه انتي فاهمه؟
“فتحت الباب ودخلت ،بصولي بصدمه ومحدش اتكلم”
“بصيتلهم بشك”
-بابا هو في ايه؟
“اتوتر”اااا لا لا مفيش يامريم ،وزعق”
-انتي ازاي تدخلي كدا من غير ماتخبطي؟
-ليه يابابا مكنتش عايزني اسمع بتقولوا ايه؟اوه سوري او اعرف خاطفين مين ؟
“اتوتر والداده فضلت تبصلي”
-انتي انتي بتقولي ايه ،اي التخاريف دي ،خطف وهبل ايه ،نسيتي بتكلمي مين ولا ايه؟
“زعقت وعيطت”
-بتخطف بتخطف يابابا !مين دي يابابا قول مين الي خطفتها.
“الداده اتكلمت”
-انتي يامريم.
“بصيتلها بصدمه”
-انا ؟انا ازاي ؟انا مش فاهمه حاجة ،بابا هو الكلام دا حقيقي ؟
“بص للداده وزعق”
-انتي مجنونه!! “بصلي “مريم حبيبتي دي بتكدب انا باباكي ولو مبقتش انا باباكي هيكون مين يعني ؟متصدقيهاش يامريم.
“رجعت بضهري لورا وانا مصدومه”
-انا انا كنت حاسه والله العظيم كنت حاسه ،طب مين بابا وفين ماما ؟طب هيا ماتت فعلاً وهيا بتولدني؟”بصيت للداداه” داداه انتي هتقوليلي الحقيقه مامتي فين؟”عيطت”متبصيلوش بصيلي انا وقولي ماما فين؟
“الداده بصت لمحمد بيه”
-انا انا هقولك الحقيقه يابنتي .
“ساعتها محمد بيه زعقلها”
-سُميه انتي لو اتكلمتي كلمه واحده “وطلع مسدس “هفجر دا ف راسك .
“بصيتله بصدمه وخوف”
-ببب بابا انت بتعمل ايه!دا بجد!
“زعق”
-اخرسي وروحي عل اوضتك.
“عيطت اكتر”
-مش قبل مااسمع الحقيقه.
“ضرب رصاصه فوق”
-التانيه هتبقى ف دماغك يامريم امشي عل اوضتك.
“اتفزعت وخوفت وجريت عل اوضتي”
“جوا عند الداداه ومحمد بيه”
-كنتي عايزه تقوليلها الحقيقه صح؟
-ايوه يامحمد مش بعد السنين دي كلها وتعبي ف تربيتها وحافظت عليها تقولي اقتلها مقدرش اموت بنتي!
-متضحكيش عل نفسك ياسُميه ايش حال انتي الي خطفتيها!
-كنت ساذجه وغبيه وجريت ورا الفلوس ،ضحكت عليا وقولتلي هتتجوزني لو مراتك ولدت البنت وماتت
خلتني اديها حقنه وموتها والبنت معاشتش ،مرضتش تتجوزني قولتلي لو محدش عرف بموت البنت وجبتلك بنت تانيه ادها هتتجوزني وتغرقني فلوس ،
رُحت اخدت البنت من اهلها الناس الغلابه،وانت ضحكت عليا تاني قولتلي اربيها وهتتجوزني برضو محصلش كل دا ليه؟ايه المقابل؟وفالاخر بعد ماحبيتها وربيتها بتقولي اقتلها !انت اكيد اتجننت.
-ياسُميه انتي نسيتي ان امها كتبت كل الورث بإسمها ولو حصلها حاجة احنا الي هنورث؟
-بتضحك عليا زي كل مره !
“اتعصب”
-يعني مش هتسمعي كلامي صح؟
“وضرب طلقه ف دماغها بالمسدس،وقال”مسير اي حد ميسمعش كلامي ياسُميه القتل وانتي عارفه.
“كنت ف اوضتي وسمعت صوت ضرب النار اتخضيت خفت اطلع ليقتلني قفلت الباب عليا بالمفتاح وجبت حبل يساعدني انزل من البلكونه”
-بتعمل ايه يامريم هانم؟
“اتوترت”
-ااا انا انا اه انا بتدرب ياصُبحي في حاجة؟
-لاء ياهانم براحتك ، طب …مفكرتيش برضو ف كلامي ؟
“نزلت واتنهدت”
-صُبحي اظن كلامنا خلص والموضوع اتقفل ليه مصمم تفتحه؟
-انتي عارفه انا بحبك اد ايه يامريم وقولتلك هاخدك بشنطة هدومك مش عايز لا اكتر ولا اقل ليه رافضه بقا؟
“اتنهدت جامد”
-مينفعش ياصبحي مينفعش خالص وياريت بقا نقفل الموضوع دا خالص ممكن؟
-براحتك ياست البنات،خلصتي تدريب ؟
“بصيتله بتوتر وخوف”
-صبحي ممكن اثق فيك ؟
“بصلي بإستفسار”
-اكيد ،هو في حاجة ولا ايه؟
“سحبت ايده بعيد عن الحراس و وقفنا ورا الفيله،اتنهدت”
-صبحي انا مش بنت محمد بيه.
“ضحك”
-اومال ابنه يعني؟
-صبحي انا مابهزرش دلوقت!انا بتكلم جد انا سمعت بابا والداده “وحكيتله كل الي حصل فوق”
-انتي بتقولي ايه ؟مريم الكلام دا بجد ؟
“عيطت “
-ايوه ياصبحي انت مسمعتش ضرب النار؟
-طب ممكن تهدي “وطبطب عليا”انا معاكي متقلقيش وهطلعك من هنا .
“شلت ايده”
-طب والداداه سُميه ومامتي الحقيقه كل دا هعرفه ازاي!
“مسك ايدي وشدني وراه”
تعالي بس وانا هتصرف.
“مشيت معاه وانا واثقه فيه صبحي بيحبني ومستحيل يأذيني ،كلمني واعترف بحبه وانا حبيت شجاعته دي بس مكنش ينفع اعلقه بيا عل الفاضي وانا مفيش اي مشاعر نحيته”
“بصيتله واتعصبت”
-تصدق انا غلطانه اني وثقت فيك ياصبحي وانا بقول مستحيل تأذيني جايبني اوضتك ياصبحي وربنا لاقول لمحمد بيه وافضحك واقول متحرش .
“ضحك جامد ،وغمازته بانت انا محبتوش ليه المُز دا،انا بقول ايه مش وقته”
-عايز افكرك انه طلع مش ابوكي بس استحي،وبعدين ماتتلمي ياست لمضه انتي مانتي قدامي بقالك عشر سنين كنت كلمتك ولا عملت حاجة،بصي انا دلوقت يعتبر صديقك تمام؟ف ثقي فيا لحد ماشوف محمد بيه هيعمل ايه .
“قعدت عل السرير بزهق”
-انا واثقه اصلاً انك مستحيل تعملي حاجة بس خايفه ومحمد بيه لو عرف انك مخبيني مستحيل يرحمك.
“قعد جنبي”
-به به انتي مستقلة ب صديقك وحارسك الشخصي صبحي كدا ليه هيا العضلات دي مش باينه ولا ايه؟
“مسكتها”
-عضلات ياحبة عيني عل الاكسجين صُبحي انا لو جبت دبوس وضربته فيهم هيفرقعوا اسكت اسكت .
-طب تصدقي ..
“الباب خبط بصينا لبعض بخوف “
“همسلي”
-تعالي خليكي ف الدولاب ومتعمليش صوت.
-حاضر حاضر “واستخبيت”
“فتح الباب”
-في ايه ياعلي؟
-انت قاعد ولا داري بالي حصل بنت محمد بيه هربت من الڤيله!
“مثل الصدمه”
-ايه !طب تعالى نشوف محمد بيه بسرعه.
“وقفل باب الاوضه ومشي معاه”
“طلعت من الدولاب ،وعيطت”
-طب انا هعمل ايه دلوقت اكيد لو محمد بيه عرف اني عند صُبحي هيأذيه ،طب اهلي فين وانا هروح فين دلوقت.
“ومن التعب نمت عل سرير صبحي”
-يامريم مريم.
“صحيت من النوم واتعدلت واتخضيت”
-صبحي انت بتعمل ايه هنا؟
“ضحك وخبطني ف راسي”
-نسيتي الي حصل امبارح ياهانم.
“بدأت افوق واستوعب”
-اه معلش نمت مكانك ،اومال انت نمت فين؟
-ياست هانم..
“قاطعته”
-بص هانم وكلام اهبل من دا فكك منه ياصُبحي احنا دلوقت صحاب زي ماقولت وبعدين انا مش هانم خلاص انا واحده خطفوها من اهلها ومعرفش ليه،تفتكر هيعملوا فيا ايه؟
“قعد جمبي واتنهد”
-قولت محدش هيقدر يعملك حاجة طول مانا معاكي.
-صبحي صبحي مش وقت نحنحه هو ،هنعمل ايه؟
“فجأه الباب اتفتح…
يتبع…..
لقراءة الفصل الثاني : اضغط هنا
لقراءة باقي فصول الاسكريبت : اضغط هنا
نرشح لك أيضاً رواية شظايا القدر للكاتبة فاطمة عيد
