سكريبت من وحي الواقع البارت الأول 1 بقلم أميرة عادل العدوي
 |
| سكريبت من وحي الواقع البارت الأول 1 بقلم أميرة عادل العدوي |
سكريبت من وحي الواقع البارت الأول 1 بقلم أميرة عادل العدوي
_اجهزلك الاكل يا حبيبي؟!
-لا مش جعان دلوقتي، أكلت برة العيال اكلو؟!
_ااه اكلوا من شويه اااا طب اعملك حاجه تشربها
-لا مش عايز
“كان ماسك التلفون وهو بيكلمني حتي مرفعش وشه وبصلي “
_طب هتروح الحفلة معانا بكرة؟
-لا مش فاضي انا للكلام دا
_مش هتتاخر والله إثبت وجودك هناك بس وإمشي العيال هيفرحوا بكدا؟
-يوووووووه مقولت مش فاضي خلاص بقا
_ انت كدا كلــ
-شهدددد انتهينا ويلا سبيني ف حالي وبطلي إزعاج بقا.
“اتصدمت مش علشان زعق لا دا بقي العادي عنده بس علشان كلمه سبيني و بطلي إزعاج دي يعني انا خلاص بقيت إزعاج بالنسبه ليـه! دا حتىٰ مرفعـش وجهـه وهو بيكلمني، غيـر لـما زعـق، _إتغـير_ وعارفه كدا كويس هـو بقي عصبي زيادة واحيانا بحس إنه مش طايق يقـعد ف البيت، دا حتـىٰ العيال بقـا بعيد عنهـم، وبقوا يخافوا من عصبيته، الاهمال وحش أوي قـادر ينهـي كـل ذرات الحب من القلب، وقادر ينسي أي لحظات حلوة عدت بس يا تري مين فينا اللـي اهمل الاول مش يمكن انا اللي بدات……اه اكيد انا….الفترة اللي فاتت كنت مشغـوله بالعيال ذيادة عن اللازم، واهملت فيه ومبكتش أهتم بيه زي الاول أنا السبب اكيد،هحاول اصالحه مهو انا اللي مذعلاه بغبائي ده “
“خرجت مرة تانيه بس ملقتهـوش كـان خَـرج إضيـقت جـدًا إنه خرج وهو زعلان مني، فقلت اتصل “أميرة” صحبتـي يمكن تهون عليا زعلي وخنقـتي دي مسكت الفون ورنيت”
_الو السلام عليكم
-وعليكم السلام يا حببتي اخبارك إيه وحشتيني اوي.
_وإنتِ كمان.
-صوتك مالو كدا!؟
“سكت مكنتش عارفه هقولها ايه يمكن مكنتش عارفه اصلا ايه اللي مضايقني يمكن إهمله دا، او إهمالي أنا، أو العـيال ومشكـلهم، فـي اسباب كتير تخليـني مضايقه لـدرجه إني مش عارفه ايه هو السبب الاصلي “
_وبعدين معاكي يا شهد هتفضلي ساكتة كدا.
“إنتبهت لصوت أميرة اللي نسيت اصلا اني بكلامها ف الفون”
-اسفه والله يا بنتي سرحت شويه.
_سرحتي!!! شهد حالك دا عاجبني بقالك فترة متغيرة.
-متغيرة ايه بس دا بس إرهاق من الاولاد وكدا.
_امممم ماشي هعمل نفسي إقتنعت.
“كنت عارفه إنها مُِـش هتسيبنـي، الا لما تعرف ايه اللي مضايقني صحبتي وعرفاها، مبتسبنيش وأنا مضايقه، إلا لما احكيلـها وتحاول تسـاعدني دي صحـبة الطفوله، فرقتـنا الظروف وكُـل وأحدة فينا سكنت في محافظة تانية، بس قلوبنا لسه متعلقة ببعض علشان كدا حبيت اقفل المكالمة دي معاها، المرة دي بس اللي مش حابة احكي متلخبطة، ومش عايزة اشغلها معايا”
_طيب يا اميرة انا هقفل دلوقتي، علشان البنات بيرنـوا شكلهم متجمعين إنهاردة.
-طيب روحي يا حببتي مع انك عارفه رائي فيهم وعلى العموم لو حبيتي تتكلمي ف اي وقت انا موجودة.
“قفلـت معاها وأنا دمـاغي لسـه بتلف بيا مـش عـارفه فيا ايه بس مضايقه، مضايقه اوووي، رحت ع العيال انا عندي بنتين وولد زي العسل طبعا زئي كدا عملت معاهم واجباتهم وذاكرتهم زي كل يوم واليوم خلص ع كدا نفس النظام.
……………………..
“صحيـت الصبـح وملقتهوش كان خرج، خـرجت فطـرت أنا و العيال و ودتهم على المدرسه، ورنيت على البنات علشان نتجمع هما 3 بنات اتعرفت عليهم لما سكـنت هنـا جديد حببـوبين أوي، والقعده معـاهم حلوة قُلـت يمكن يخرجـوني مِـن الملل اللي أنا فيـه دا.
-اذيكم يا بنويييت إتاخرت عليكم
نهله_لا يا حببتي إقعدي.
سارة-عامله ايه دلوقتي إمبارح قلتي تعبانه.
_كويسه دلوقتي الحمد لله …امال بسمة مش معاكم يعني
نهله_اااه قالت مش جايه إنهاردة
-لتكون تعبانه
سارة_امممم يمكن اااااا هتعملوا ايه ف الحفله بتـاعت الولاد هتحضروا صح.
نهله_يا دي الحـفلة، العيال عمليـن ليا صداع بسببها الواحد قرف والله.
_هههه يا حببتي إنتِ اي حاجه مش علي هواكي بتجبلك صداع.
“اتكلمنا كتير وضحكنا أكتر، حقيقي الواحد بينسىٰ نفسه مع لمة الصحاب الحلوة، رجـعت البيت بعد ما جِـبت العيـال مِـن المدرسة عملـت الغـداء، وكُـنت مستنـيه خـالد يجي علشان نتغدىٰ سوا وكمان علشان اصالحو، بس إتاخر كـ العادة، إصلت بيه وقال انه وراه شغل مهم واننا نتغدا منستنهوش، طبعا مجليش نفس أكلت العيال وقعدت فاضيه فقلت اتصل بـ بسمة اطمن عليها لتكون تعبانه”
_الو السلام عليكم
-وعليكم السلام اذيك يا حببتي
_بخير يا روحي إنتِ مجتيش ليـه إنهـاردة قلقـت عليـكِ
-كنت تعباانه بس شـشويه.
_ااه الف سلامه عليكـِ.
-الله يسلمك.
_مال صوتك كدا، حد عندك ولا ايه؟
-لااا لااا مفيييش.
“وانا بكلمها كنت سامعهة رنة تلفون لما ركزت إستغربت دي رنه تلفون جوزي!، بس اكيد يعـني مش هو، ايه اللي هيوديه عندها يعـني! والـرنات اكيـد متـشابة، شيلت الموضوع من دماغي وركزت معاها اتكلمنا كتير ومع اني خدت بالي انها متوترة شوية ف كـلامها ويمـكن حسيتها عايزة تقفـل بـس مِـش عارفه ليه محبتش اقفل معاها “
لحد ما سمعت صوت جنبها صوت خلي جسمي يتكهرب.
_صوت مين دا يا بسمة؟؟
-ااا دا. دا صوت مش صوت حد يعني دا التلفزيون.
_ااه طيب انا هروح اشوف الولاد بقا سلام.
“قفلت معاها وكاني كنت مستنيه الحاجة دي تحصل علـشان اقفل كـان صـوت جـوزي ايـوة أنا متاكدة، متاكدة انـه هـو كًان بيقول:(انا ماشي دلوقتي يا حببتي)حببته!!……….
يتبع..
لقراءة البارت الثاني : اضغط هنا
لقراءة باقي الفصول : اضغط هنا
نرشح لك أيضاً سكريبت جميلة للكاتبة مريم حسن
