رواية أحببت مشاغبة الحلقة السادسة عشر 16 بقلم ناهد

 رواية أحببت مشاغبة الحلقة السادسة عشر 16 بقلم ناهد 

رواية أحببت مشاغبة الحلقة السادسة عشر 16 بقلم ناهد

رواية أحببت مشاغبة الحلقة السادسة عشر 16 بقلم ناهد 

آسيل بصراخ:جاسر انت فين حد هنا ساعدوني ارجوكوا 

كانت محبوسه ف مخزن مصنع مهجور بعد شويه دخل عليها تلات رجاله ملثمين اول لما شافتهم خافت واتكمشت على نفسها 

آسيل بخوف:انتوا عاوزين مني ايه انتوا مين 

واحد منهم: بطه عاوزه تتاكل دي يارجاله لولا كلام الست الي طلبت اننا نخطفها كنا اتسلينا سوى خساره 

الاتنين الباقين:ههههههه 

آسيل بعياط:ارجوكوا سيبوني حرام عليكم عاوزين مني ايه 

راجل تاني:ششششش بطلي كلام كتير يابت انتي وإلا 

انكمشت على نفسها اكتر وقعت تعيط وتدعي ربنا 

آسيل بصوت واطي:جاسر انت فين 

………………******************……………..************

آسر:ملك كفايا عياط بقا هنلاقيهم 

ملك بصراخ ف آسر:ابني ياآسر ابني بعيد عني انا مكنش لازم اسيبه انت فين ياروحي 

خدها آسر ف حضنه ماصدقت مسكت فيه وقعدت تعيط وكل البنات قاعدين بيعيطوا على عيالهم 

رن تليفون جاسر بص على تليفونه لقاه رقم غريب 

جاسر:الو 

…………….

جاسر بصدمه:انتي متأكده انهم معاكي 

……..

جاسر:انا جاي حالا خليكي عندك 

آسر:ايه 

جاسر :العيال بخير حميده الخدامه لما شافت المجرمين دول خدت العيال وطلعت بيهم من البوابه الخلفيه 

اول لما سمعوا كلام جاسر فرحوا 

زينب:ابني ياخالد هاتوا دلوقتي 

آسر:جاسر قولي هما فين هنروح انا ومدحت وخالد نجيبهم هنا 

جاسر:استنى انت هتجيبهم وعلى القصر انا زودت الحراسه هناك خدهم معاك مش عاوز حد هنا 

آسر:طب وماما 

جاسر:متقلقش انا معين حراسه عليها يلا خدهم مش عاوز حد هنا بسرعه 

سمع كلام جاسر وخد البنات واخواته ومشيوا بعدها قعد جاسر على اقرب كرسي حط ايده على وشه واتنهد تنهيدت وجع نزلت من عنيه دمعه مسحها بسرعه 

جاسر :ايمن خلي بالك من ماما امانه ف رقابتك انا رايح ادور على آسيل 

هز ايمن راسه طلع جاسر بعربيته مش عارف يروح فين قعد يلف بيها 

رن تليفونه ف نص الليل كان قاعد على عربيته 

جاسر :الو 

شخص مجهول:تؤتؤتؤ حالك دلوقتي يصعب على الكافر مكنتش اعرف إن بعدها وجعك اوي كده كنت خطفتها من زمان 

جاسر بغضب:انت مين يازباله انت رد عليا لو لمست منها شعره هقتلك 

شخص مجهول:هههههههه هه مش هلمسها كنت عاوزك اشوفك مزلول بس مش اكتر خطفتها عشان اعرفك إنه انا اقدر ادمرك قصاد عينك وانت مش هتقدر تمنعني يابن السيوفي 

جاسر:لا عاش ولا جه إلى يزل جاسر السيوفي والله العظيم مانا سايبك اما خليتك تبوس رجلي عشان ارحمك مش هرحمك 

شخص مجهول :هههههههههه هنشوف سلام ياجسوره ههه 

قفل الفون ف وش جاسر رمى جاسر تليفونه بكل غل على الارض اتكسر مرت عربيه سودا من جنبه بسرعه عملت صوت مزعج بص لناحيتها لقا آسيل مرميه على الارض جري عليها 

جاسر بخوف:آسيل ردي عليا ولاد الكلب ردي ارجوكي عليا 

آسيل بوجع:اااااه ولاد الوسخه وقعوني من العربيه لازم يحدفوني يعني والفيلم العربي ده ميخلوني انزل بشياكه وخلاص مموتش متخفش لازم اشلك الاول 

جاسر مصدقش نفسه اول لما اتكلمت واتأكد انها كويسه راح واخدها ف حضنه اتصدمت من الي عمله بس ضحكت بفرحه كانت مبسوطه قوي مش عارفه السبب بس كان شعور حلو 

آسيل بغضب مصطنع:انت ازاي تتجرأ وتحضني كده انت اتجننت مش عارف انا مين 

جاسر بحرج:انا اسف 

قامت من على الارض نفضت التراب الي على هدومها 

آسيل:انا جعانه على فكره متقوم نطفحلنا لقمه كان يوم اسود لما شوفتك 

مسكها جاسر من ايديها وشدها وركبها جنبه 

آسيل:براحه ياعم انت بتسحب جاموسه ايه ده 

جاسر:ششش ممكن تسكتي صدعتيني 

آسيل:مانا برضوا جعانه عاوزه اطفح ايه ده مهنش عليهم ولاد الجزمه يأكلوني حرميه معندهومش قلب 

جاسر بصلها ف عنيها بحزن وحسره كان زهقان من نفسه انه مقدرش يحميها فجأه 

جاسر :اسف 

اول لما قالها عيطت كانت مستنيه كلمه تانيه وتعيط تطلع كل الي جواها كل الهموم الي جواها طلعتها وهى بتعيط خدها ف حضنه مقومتش فتره وبيبص عليها لقاها نامت  راح ساند دماغها على الكرسي براحه وسايق وواخدها على القصر 

********************بعد يومين 

الدكتور :هنشيل القماش من على عنيك مستعد 

مازن بحماس وتوتر:مستعد 

كانت ندى واقفه جنبه وحطه ايديها على كتفه ورقيه واقفه متوتره جنبه 

شال الدكتور القماش بالراحه عن عين مازن وطلب منه يفتح عنيه ببطئ فتره وبدأ يفتح عنيه وتتأقلم مع ضوء الاوضه وجع عنيه ف البدايه بس اتعود عليه 

الدكتور:ها 

مازن بص حوليه لقا صوره شخص واقف قدامه بس مشوشه الصوره قدامه شويه وقدر يشوفها كامله كانت ندى اخته 

مازن :انا شوفت رجعلي نظري تاني انا شايفك ياندى 

بص الناحيه التانيه لقى امه 

حضنته وقعدت تعيط من الفرحه 

خد ندى ف حضنه ورقيه امه كان مبسوط انه رجعله نظره وانه هيرجع ياخد حقه تاني 

………………………..**************مر اسبوع وحياه ابطالنا عاديه الجو ف القصر عادي هادي بيسموه هدوء ماقبل العاصفه آسيل بتهرب من جاسر هو بدأ يحسن من حاله معاه بيحاول يقرب منه بس هى بتصده لسه بيدور هو واخواته عن الي خطف آسيل وقتل بتوع الامن ولحد دلوقتي ملقاش حاجه ومعرفش مين اما مازن فاهيحصل فى بيته مصيبه هطيرله عقله تعالوا نشوف ايه الي حصل *********

………مازن :ادخلي ياندى مش لازم تخبطي يعني 

ندى :عامل ايه دلوقتي يامازن كويس 

مازن :عال جدا يعني تعالي واقفه عندك ليه كده تعالى جنبي هنا 

راحت ناحيته وقعدت جنبه بصت ف ايده لقت صور لآسيل 

ندى بغضب:آسيل 

مازن :حاولت اشيلها من دماغي بس مقدرتش او انا مش عاوز انا بحبها ياندى اخوكي ادمنها 

ندى خدت صور آسيل وجابت ولاعه وولعتها قصاد مازن 

مازن بغضب:انتي اتجننتي ايه الي عملتيه ده 

ندى :مازن انا بحبك 

مازن بتنهيده ويأس:وانا كمان بحبك عارف خايفه عليا بس مش هسيبها 

ندى :انا بحبك يامازن مستحيل تكون لآسيل انت ليا انا وبس 

مازن بصدمه:نعم يأختي قولتي ايه 

ندى :ايوه انا انا بحبك يامازن مش حب اخوات انا بحبك وعاوزه نتجوز فاهمني ارجوكي 

ضربها مازن بالقلم على وشها وقعت على الارض قام جايبها من شعرها 

ندى:ااااه سيبني 

مازن:مش هسيبك غير لما تفوقي انتي مجنونه ايه الي انتي بتقوليه ده فوقي انتي اختي انتي بتقولي ايه 

ندى:معرفش بس الي اعرفه انك ليا انا وبس مستحيل تكون لحد غيري

يتبع..

لقراءة الحلقة السابعة عشر : اضغط هنا

لقراءة باقي حلقات الرواية : اضغط هنا

نرشح لك أيضاً رواية رأيتك صدفة للكاتبة لارا.