رواية عشق مخيف الحلقة السادسة عشر 16 بقلم ندى
 |
| رواية عشق مخيف الحلقة السادسة عشر 16 بقلم ندى |
رواية عشق مخيف الحلقة السادسة عشر 16 بقلم ندى
وقفت قدامهم بحب وحماس ودهشة وتبصلهم، حاولت تشوف بيرفيوم كل واحد بس الاتنين نفس البيرفيوم
جنة بحيرة وتردد : انت حطيت لاخوك نفس البيرفيوم ليه
ضحك جاد وبيجاد
جاد : ياستي ركزي بس و هتعرفي لوحدك مين فينا
جنة بصت لاول واحد بس نظراته عادية يعني شافتها عادي قبل كدة حاساه جاد
وبصت للتاني بتركيز ، عيونه كانت فيها لامعة جميلة كدة و تردد و حب ، مختلفة خالص
قربت منه ووقفت قدامه وابتسمت
جنة ل بيجاد بنظرات عاشقة : علفكرة انا اقدر اعرفك وسط مليون واحد شبهك برغم اني مشوفتكش
بيجاد ابتسم وحضنها بحب
ضحك جاد : ايوة يا سيدي
بيجاد : مكنتش متوقع انك تعرفيني
جنة كانت في حضنه بتعيط كتير جدا
جاد : احم طب استأذن انا طيب
خرج جاد وقفل الباب وراه
بيجاد حاضنها جدا وحاسس بدموعها : حببتي خلاص انا جيت .. انا اسف والله بس مكنتش عايز حد يأذيكي مهما حصل ، كنت خايف لو مقولتش سيبتك اي حد كان ممكن يأذيكي وقتها
جنة بدموع ومش عايزة تسيبه : انت وحشتني اوي يا بيجاد
بيجاد ابتسم : ااه اخيرا قولتي بيجاد ، كل مرة كنتي بتقولي جاد كنت ببقي عايز اضرب نفسي بالجزمة
ضحكت جنة : هو الفرق حرفين بس
بيجاد : حتي لو حرف ، انك تنطقي اسمي بصوتك القمر ده دنيا تانية
خجلت جنة وسندت علي كتفه : بيجاد
بيجاد باسها علي جبينها : اممم
جنة : انت عمرك ما هتسيبني تاني ابدا صح
بيجاد : عمري
جنة : وعد
بيجاد : وعد
الحمدلله رجعوا بقي اخيرا ????
———☆
دخلت سلمي البيت بعد ما حسام وصلها، كانت حاسه بشعور غريب
مامتها : سلمي كل ده في الحفلة
سلمي بتوتر : لا ، اه ، مش بالظبط
مامتها : حصل حاجة ولا ايه
سلمي: لا بس جنة جوزها رجع وكدة ، كنت بطمن عليها وجيت
مامتها : الحمدلله ربنا يطمنها ، خشي سخني الاكل بقي عشان تتعشي
سلمي : طيب انتي كلتي
مامتها : ايوة
سلمي : طيب هغير واجي بقي
دخلت اوضتها في توتر و كسوف وبتقول لنفسها: يالهوي انا عملت ايه بس ، حسام هيقول عليا ايه ،يخربيت طريقتي السودة دي ، اوف انا مصدقت دخلت البيت يا ساتر ، حاسة شوية وكان هيتريق عليا
عند بسنت وفهد
فهد : بسنت انا عايز سلمي تيجي تلعب معايا
بسنت : ماشي يا حبيبي بس هي كبيرة بردة عيب كل شوية اقولها كدة
فهد : هي موافقة علفكرة بس انتي خليها تيجي
بسنت : ماشي هقولها ، خلص الطبق ده كله بقي
فهد : ماشي
حسام دخل الشقة.
بسنت : حمدلله عالسلامة ، قولي ان القضية خلصت بقي
حسام : الحمدلله
بسنت : الحمدلله ، هتأخد اجازة ولا لا بردو
حسام : لا مش هينفع ، بس كدة كدة هرجع بدري بعد كدة
بسنت : حلو ، احطلك تتعشي طيب
حسام : لا مش عايز انا هدخل انام
بسنت : طيب
دخل حسام اوضته ويحس بالذنب كالعادة بردو من مشاعره اللي بتظهر تجاه سلمي، ونام لاول مرة في اوضته الاساسية
بسنت برة حست بالقلق عليه بس سكتت أفضل.
——-☆
يوم جديد بدأ
صحي بيجاد بص ل جنة اللي نايمة في حضنه ، كانت لافة ايديها حواليه ورجليها كمان عليه ، ضحك بصوت عالي : يا مجنونة مش ههرب انا ، جنة اصحي
جنة بتتحرك تصحي : بيجاد صباح الخير
بيجاد : صباح النور ، يلا الساعة 2 الضهر علفكرة
جنة قامت بسرعة : يالهوي انا مقولتش ل خالتي
بيجاد بصلها بتعجب : انا جوزك والمصحف
جنة : منا عارفة قصدي هي متعرفش انك رجعت
بيجاد : طب قومي البسي حاجة ونروحلها
جنة : بيجاد انت لسه نايم ولا ايه ، مفيش هدوم معايا هنا غير الفستان ده
بيجاد : علي جثتي لو لبستيه، لولا اللي حصلك امبارح كنت قتلتك
جنة بخبث : بس ده تحفة عليا ناس كتير قالتلي شكله حلو عليا
بيجاد ثبتها تحتيه بغضب : مين دول بقي
جنة بغيظ : سلمي يا بيجاد
بيجاد : اه بحسب
جنة : لا متحسبش ، هعمل ايه طيب
بيجاد : كلمي صاحبتك دي تجيبلك حاجة تتلبس
جنة بتفكير : طيب فكرة حلوة بردو
بيجاد بجدية : بقولك اعملي حسابك هتعيشي معايا هنا طبعا يعني لو محتاجة حاجة ضروري من بيتك هاتيها لحد ما اجيبلك اللي عايزاه
جنة بحب : ماشي، طب انا خايفة خالتي تزعل مني تاني وكدة
بيجاد : هفهمها كل حاجة متقلقيش
جنة بمكر : كانت جايبالي عريس
بيجاد بصدمة : نعم
جنة بتلعب في شعره : ايوة ما هي مفكرة انك طلقتني
بيجاد قام وقف وجاب موبايله : بقولك ايه خدي كلمي صاحبتك دي تجيبلك هدوم دلوقتي ونروح لخالتك دي دلوقتي
جنة ضحكت : دلوقتي
بيجاد : بتضحكي علي ايه يا مجنونة انتي
———☆
كانت سلمي قاعدة في البلكونة بحزن علي مشاعرها الجديدة اللي ظهرت دي تجاه حسام وبتفكر سعات ما جنة رنت عليها
لبست سلمي ونزلت تروح ل جنة ووصلت رنت الجرس
جاد : أهلا سلمي اتفضلي
سلمي : ازيك ، انت بقي انهو فيهم
جاد ضحك: انا جاد
سلمي : وكنت بتضحك علينا علي اساس انك بيجاد
جاد ضحك : بالظبط كدة
سلمي : فين جنة
جاد : خشي هي جوة في الاوضة ، بيجاد معاها ، استني اخبط عليهم
بيجاد : عايز ايه ياض
جاد : سلمي جت
بيجاد خرج وبص ل سلمي : ازيك
سلمي : يالهوي انتوا توأم جدا ، جنة هتتلغبط فيكوا
بيجاد ابتسم : لا هي عارفاني كويس .. ادخليها بقي عشان شوية وهقتلها
سلمي بتلقائية بصت لجاد : هاتلي حاجة اشربها بدل ما انت واقف كدة
جاد ضحك : طفسة والله ، طيب ياختي
ابتسمت سلمي ودخلت
جنة حضنتها بسعادة : سلممممي انا مبسوطة اوي ، شوفتي زي ما حسيت بجد انا كان قلبي حاسس انه بيحبني فعلا
سلمي حضنتها : انا كنت هموت من الخوف عليكي بس عرفت كل حاجة من حسام
سكتت سلمي بحزن بعد نطقها لاسمه
جنة بشك : مالك
سلمي انفجرت في العياط : انا مش عارفة يا جنة مخنوقة جدا
جنة بصدمة : ايه اللي حصل طيب
سلمي : مش عارفة انا امبارح بعد ما قعدت مع حسام شوية كنت بتصرف تصرفات غريبة ، كنت بأكله بايدي متخيلة
جنة بتعجب : ايه الهبل ده ، احكيلي
سلمي حكت كل حاجة : انا حاسه بمشاعر ناحيته فاهماني ، بس مش هينفع يا جنة مستحيل اتجوز انا
جنة حست بحزن تجاهها : حببتي اللي حصل زمان انسيه خلاص ، ده قضاء ربنا مينفعش تعيشي لوحدك عشان ربنا بيبتليكي هتتحملي قد ايه
سلمي : بس حتي لو ده حصل افرضي هو رفض مثلا
جنة : مش هيقول حاجة
سلمي بانفعال و دموع : جنة انتي مش فاهمه حاجة ، انا مستحيل اخلف انتي متخيلة الفكرة ، حتي لو غير حسام انا عمري ما هسعد حد بأبن او بنت ، حتي امي عمري ما هفرحها بحفيد ليها
جنة دموعها نزلت : حببتي اهدي والله كل حاجة في حياتنا بتحصل ليها سبب ، لازم تتقبلي نفسك كدة وصدقيني احنا كلنا بنحبك جدا واكيد لو حسام بيحبك عمره ما هيبص للخلفة
سلمي بحزن : عندك حق ، انا همشي بقي عشان متأخرش
جنة : استني البس واقول ل جاد يوصلك
سلمي خرجت بسرعة : لا مفيش داعي
جنة نادت علي بيجاد : بيجاد
دخل بيجاد متعجب : هي صاحبتك مالها
جنة : بقولك خلي اخوك يوصلها والنبي هي نزلت زعلانة شوية
بيجاد بلغ جاد بس جاد نزل ملحقهاش ورجع تاني
جاد : هي مالها كانت بتعيط لما خرجت من عند مدامتك
بيجاد : معرفش ، بص ل جنة : ساكتة ليه
جنة : مفيش ، بس حاجة بيني وبينها ، هي شوية وهتبقي تمام
جاد : طيب ، انتوا رايحين فين مش هتاكلوا
بيجاد : لا هنروح ل خالة جنة وجايين
بيجاد اخد جنة ونزلوا
جاد رن علي حسام
جاد : مختفي فين ياباشا
حسام : هكون فين يعني في الشغل
جاد : بقولك طيب ممكن اختك تيجي تساعدني في حاجة ضروري كدة
حسام بغضب : ما تتلم بلا والا اقسم بالله مهجوزهالك
جاد : يابني مش قصدي حاجة غلط انت دايما فاهمني غلط ليه ، انا عايز اعمل حفلة صغيرة كدة في الشقة ل بيجاد والمدام وكدة ، كنت هقولك تخليها تساعدني هي وفهد وهشوف سلسبيل تيجي هي كمان متقلقش
حسام بنفخ : لا
جاد : يابني بقي انجز والله عيب عليك علفكرة انا مش بكلمها اساسا
حسام : طب اشمعني سلسبيل ما تجيب صاحبتها دي
جاد بتعجب : قصدك سلمي
حسام : اها
جاد بتفكير : مش عارف اصل هي كانت هنا عشان مدام جنة بس نزلت متضايقة مفتكرش انها هترضي تيجي
حسام : متضايقة ليه
جاد بخبث : ابقي أسألها
حسام : ماشي يلا عندي شغل
جاد : طب قول ل بسنت والنبي لو بتحبها
حسام : طيب
———☆
بسنت قاعدة في امان الله بتقرأ كالعادة لقت جرس الباب بيرن
فهد جري فتح : سلمي
سلمي بحب : ايوة ايه رأيك في المفاجأة دي
بسنت قابلتها سلمت عليها : حببتي عاملة ايه ، اتفضلي .
سلمي دخلت وفهد وبسنت
بسنت : وحشتيني
سلمي : وانتوا كمان ، انا قولت اجي العب مع فهد شوية من زمان مكسبتهوش
فهد : علفكرة انا اللي بكسبك اساسا
سلمي بهزار : اه ماهو باين ، احنا نخلي بسنت تحكم
فهد بثقة : ماشي بس انا اللي هكسب بردو
بسنت ضحكت : مش هتبطلوا المشاكسات دي
سلمي : لا مش هنبطل
بسنت بصت ل سلمي بقلق من ملامحها مجهدة : انتي كويسه صح
سلمي : ايوة هيكون فيه ايه يعني
بسنت : طب قومي نعمل اي حاجة ناكلها واحنا بنلعب ،بصت ل فهد ، روح جهز اللعبة بقي لحد ما نيجي
فهد: اشطا
دخلت معاها المطبخ وفضلت واقفة
بسنت : مش هتقولي مالك
سلمي : انتي ليه لحد دلوقتي متجوزتيش صح
بسنت استغربت سؤالها وضحكت : عادي مجاش النصيب.. ايه السؤال ده
سلمي ضحكت : مش قصدي يعني ، مش عارفة هو السؤال طلع كدة
بسنت: انتي ناوية علي ايه
سلمي : عايزة اشتغل وكدة انا اخيرا اتخرجت ، بس بفكر اسافر
بسنت سكتت شوية وقالت : ليه ، عايزة تبعدي عني
سلمي : لا يا قمر بس مش حاسه اني هفضل هنا ، يعني بفكر كدة اسافر احسن حتي لو محافظة تانية
بسنت حست بحزن لان ملاحظة مشاعر أخوها تجاه سلمي : تمام يا حببتي ربنا يوفقك يارب
رن موبايل بسنت
بسنت ل سلمي : بقولك معلش شوفي مين كدة الي بيرن
سلمي راحت ورجعت وقالت بتوتر : حسام
بسنت شالت الصينية وقالت بخبث : طب ردي عليه طيب اكيد هيطمن علي فهد
سلمي بتردد : لا هاتي الصينية دي وانتي ردي
بسنت : مش هعرف اديهالك انت مش بصدق اشيلها ، ردي لحد ما احطها في الاوضة واجي
سلمي بتوتر وكسوف : الو
حسام بص في موبايله واتاكد من الاسم : مين
سلمي : انا سلمي ، بسنت بس مش فاضية عشان كدة رديت ، هي بتقولك عايز حاجة ضروري يعني
حسام ابتسم علي توترها الملحوظ : عايز اقولها اني هتجوز قريب
سلمي بدهشة و صدمة : تتجوز
حسام بمكر : ايوة ، كنت هاخد رأيها، بس بمأنك رديتي قوليلي انتي رايك ايه
سلمي دموعها نزلت في صمت
حسام : سلمي روحتي فين
سلمي بنبرة مهزوزة : عادي انت حر انا مالي انا
حسام : مش احنا صحاب
سلمي بغضب : لا مش زفت صحاب
راحت قفلت السكة في وشه
حسام انفجر في الضحك ارن تاني
سلمي جريت لبسنت بعد ما مسحت دموعها : بسنت خدي شوفي اخوكي عايزك
بسنت ردت متعجبة: ايوة يا حسام
حسام : بقولك جاد عايز يعمل حفلة ل بيجاد ومراته ف عايزك تساعديه سلسبيل هاتروح معاكي انتي فهد وخدي سلمي بمأنها عندك
بسنت بتوتر : ليه ما بلاش انا اروح
حسام : ليه
بسنت : م م مفيش ، حاضر هاروح بس ابعتلي العنوان طيب
حسام : سلمي عارفاه
بسنت : طيب سلام
——–☆
راحوا كلهم بيت جاد.وبيجاد وبيجهزوا للحفلة قبل ما يجوا
جاد : مالك.ساكتة ليه
بسنت بتوتر : مليش
جاد : لسه مقررتيش بردو
بسنت : لسه
جاد : انا مش عارف صابر عليكي ازاي
بسنت ابتسمت تحت النقاب وقالت بجدية مصطنعة: والله انا حرة يعني واخد الوقت اللي عايزاه
جاد : طبعا ، بس ارحميني شوية
بسنت مشت بسرعة تبعد عنه ووقفت جانب سلمي
عند بيجاد وجنة
خالتها بغضب : انت ازاي تتجوزها كدة من غير اذن اهلها انت غبي .. حتي لو ظابط وبتحميها ده ميدكش الحق ابدا
جنة ضحكت بخفة وهمست : تستاهل عشان تسيبني بعد.كدة تاني
بيجاد بهمس : انا سايبها تقول اللي في قلبها بمزاجي
بيجاد : طب اعمل ايه يرضيكي
خالتها : انا عايزة فرح ل جنة يتعمل بدل الهبل اللي حصل ده ، عايزة افرح بيها زي ما بيحصل في اي عيلة ، فين شبكتها كمان ، مفيش اي خاتم فب ايديها ليه هو ده الجواز
بيجاد : انا موافق علي كل ده حددي انتي معاد مع جنة واتفقوا وانا عليا هنفذ
خالتها: تمام اتفقنا ، لو رجعت في كلامك يبقي مش هتشوف جنة تاني
بيجاد : يعني بعد اللي حكيته ده وبتقولي هرجع في كلامي انا مصدقت رجعت والمصحف
خالتها : انا بنبهك بس مش اكتر
جنة : يعني مش زعلانة مني
خالتها حضنتها بحب: مقدرش انتي بنتي ، حد بيزعل من بنته بردو .
خرجت جنة مع بيجاد تجيب هدومها وحاجاتها وتقفل الشقة كويس ورجعوا
دخلت جنة الشقة وكانت ضلمة جدا
بيجاد بيولع النور: اومال جاد راح فين
جنة بانبهار : ايه ده
يتبع..
لقراءة الحلقة السابعة عشر : اضغط هنا
لقراءة باقي حلقات الرواية : اضغط هنا
نرشح لك أيضاً رواية وحدة شغف للكاتبة ندى.
