رواية أحبني متمرد الحلقة السادسة عشر 16 بقلم رنا
 |
| رواية أحبني متمرد الحلقة السادسة عشر 16 بقلم رنا |
رواية أحبني متمرد الحلقة السادسة عشر 16 بقلم رنا
مراد بتردد: انا كنت طالب ايد الانسه امنيه
امنيه بصدمه: ايه.!!
مدحت: انت بتتكلم بجد يامراد
مراد: اكيد يا اونكل.. الحاجات دي مفهاش هزار
امنيه بعصبيه: وانا مش موافقه يلا ياجدو
محمد: اهدي يابنتي الامور متمشيش كده…اممم وانت يامراد تقدر تتفضل وتشرفنا وتكلم ابوها اول ماارجع هقول لابوها وتقدر تيجي بكره
مراد بابتسامه: تمام…تحب اوصل حضرتك
محمد: لا يبني كتر خيرك طارق واقف بره…يلا يا امنيه
امنيه: بس ياجدي انا….
محمد: يلا يبنتي…هنتكلم قدام ابوكي
امنيه اتنهدت بعصبيه: ماشي… يلا
______________________
*نور طلعت ولقت سليم لسه ف اوضته *
نور: انت لسه هنا
سليم: رايح اعمل مشوار كده وهمشي
نور بتردد: طيب كنت…
*سليم مكنش مركز معاها من ساعه ما اتخانق معاها وحس ان جمبه بيوجعه *
سليم حط ايده علي جمبه بتعب: نور سيبيني لوحدي دلوقتي
نور لاحظت تعبه: انت كويس!! انت تعبان؟
سليم: لا لا انا كويس
نور بخوف: كويس ازاي…..ايه ده!! دم جمبك بينزف ياسليم
سليم: ااه متخافيش هتلاقي بس لما كنت بغير هدومي
نور: سليم انت اتعورت ازاي!!
سليم: عمر الزفت ده ضربني بسكينه
نور بصدمه: سكينه!! وازاي مروحتش المستشفى!! سليييم
*سليم حضنها فجأه وكل شويه يقربها منها *
نور بخوف عليه: سليم انت كويس… سليم رد عليا
سليم بهمس: انا كويس… متزعليش مني يانور مش عايزك تزعلي مني أبداً مش عايزك تتخيلي ف يوم اني بفرض سيطرتي عليكي
نور بعدته عنها: خلاص ياسليم مش مهم الكلام ده..المهم انت يلا نروح المستشفى
سليم: يحببتي انا كويس مستشفيات مش رايح…خلاص
نور: طيب اقعد اغيرلك علي الجرح
سليم ضحك: اهو كده مش تقوليلي مستشفي وبتاع…بس انتي بتعرفي تغيري ع الجرح!!
نور: ايوه اقعد يلا
سليم ابتسم وراح يقعد علي السرير: تحت امرك
نور جابت الاسعافات وقعدت جمبه: اقلع
سليم ابتسم بخبث: علي طول كده!!
نور ضربته علي كتفه براحه: قليل الادب
سليم بتعب مصطنع: ااه حاسبي
نور قربت منه: اسفه انت كويس
سليم ضحك: لا تعباان
نور: فين
سليم شاور علي شفايفه: هناا…
نور ضربته علي كتفه: انت قليل الادب انا ماشيه
سليم مسك ايدها: استني بس
نور: نعم!!
سليم شدها جامد ووقعت عليه: ااه سلييم!!
سليم ضحك: مش قولتلك قبل كده مش هتقدري تبعدي عني
نور: سيبني…
سليم همس ف ودنها: ششش مش هسيبك….عايز اشبع من حضنك قبل ما اسافر
نور اتعدلت واتكلمت بجديه: هتسافر بردو!!
سليم: خلاص يانور اكيد مش هغصبك علي العيشه هناك.. بس انا لازم اسافر كفايه اليومين ال قعدتهم هنا وكمان كلها كام يوم واقعد حوالي شهر
نور: شهر ليه
سليم ابتسم بخبث: شهر عسلنا يحببتي
نور بكسوف: طيب وليه شهر كفايه اسبوع واحد
سليم: تؤ تؤ شهر…. ويلا بقي انا هنزل
نور بسرعه: سليم انا…
سليم مسك ايدها بتشجيع: انتي ايه!!
نور: كنت عايزه اتكلم معاك
سليم: سامعك!!
نور: سليم انت عارف اني متخرجه من اكتر من سنتين من الكليه و….
سليم: نور مبحبش المقدمات..اتكلمي علي طول
نور: انا كنت مقدمه علي شغل من فتره وكلموني انهارده وقالولي انهم عينوني و انا بصراحه كان نفسي اشتغل انت مش متخيل الشركه دي عامله ازاي دي من اكبر شركات الاستيراد حاليا
سليم: امممم… ماشي
نور بسرعه: ليه ياسليم انا عايزه اشتغل و….. ايه ده!! انت وافقت بسرعه كده!! انا كنت مجهزه كلام اقنعك بيه
سليم ابتسم: ده حلمك وانا اكيد مش همنعك بس بشرط…
نور بتوتر: شرط ايه
سليم: متخليش الشغل ياخدك مني
نور ضحكت وحضنته: محدش يقدر يبعدني عنك ياحبيبي
سليم بعدها وبص في عينها: بتقولي ايه
نور قامت بسرعه من كسوفها: رايحه اشوف بابا..سلام ههه
سليم بابتسامه: استني عليا
_____________________
مراد: نوور…نور!!
نور: نعم!!!
مراد شدها من ايدها بسرعه: تعالي عايز اتكلم معاكي
نور دخلت معاه الاوضه وقعدت علي الكرسي: خير.. ربنا يستر
مراد بتوتر: انا تقريبا عملت مصيبه
نور ضحكت: عارفه مبتشدنيش كده غير لما يكون في حاجه… حصل اي المره دي
مراد: انا طلبت ايد امنيه من جدها
نور ضحكت ورجعت ضهرها ورفعت رجل علي رجل: يالهوي عليكي يانوور… كنت عارفه..مبروك ياماروو هههه
*مراد ضربها بايده علي رجلها ونزلتها بسرعه *
مراد بعصبيه: مبروك اي انتي كمان…. انا باين عليا ادبست
نور بعصبيه: ولاا متنساش ان دي بنت عمي اي ادبست دي
مراد: اخرسي بقي وقوليلي اعمل ايه
نور: انت هتجنني!! مش قولت انك معجب بيها ومرتاحلها!!
مراد: معجب بيها اه مرتاحلها اه بس متوصلش ل جواز
نور: يعني انت مبتحبهاش!!
مراد: لا
نور: اومال اتقدمتلها ليه وكلمت جدو!!
مراد: مش عارف
نور: انت عبيط!!
مراد ببلاهه: لا
نور ضحكت: يبنيي ركز معايا شويه…. ايه اللي اداك الشجاعه عشان تروح وتقول ل جدي انك طالب ايدها!!
مراد افتكر كلامها وانها متعصبيه منه عشان شافها كده ومحدش ليه الحق ب ده غير ال يستاهلها*
مراد بتفكير: كلامها
نور: بعيداً يامراد علي ال انت بتفكر فيه او حتي ال عايزه بس انت كان لازم تفكر كويس قبل ماتتطلب طلب زي ده من جدي… خلاص زمانه قال ل عمي والموضوع مش ف ايدك
مراد: والمفروض اعمل ايه
نور بجديه: المفروض تاخد قرار انك عايز تكمل يا مراد الموضوع مش سهل زي مانت متخيل…يعني لو امنيه وافقت هتبقي مراتك يعني خلاص مرتبطه بيك وبحياتك….لازم تنسي حياه العزوبيه ال انت متعود عليها وخايف تخسرها انت مش هتقعد طول عمرك لوحدك…
مراد: معاكي حق يانور..انا هروح بكره وان شاء الله الموضوع يعدي علي خير
نور: ان شاءالله
مراد بيحاول يهزر: بس انتي بقيتي عاقله كده امتي
نور ضحكت: مش كفايه انت مجنون هيبقي انا وانت!!
مراد: طيب يلا يلا اطلعي.. اعملي حسابك هتيجي معايا بكره
نور بابتسامه: اكيد مش هسيبك..يلا سلاام
________________________
مهاب: اهلا اهلا سليم بيه
سليم بحده: عملت ايه
مهاب: كله في التمام… الامانه ال انت موصيني عليها… متروقه علي الاخر
سليم: طيب كويس..روح انت
مهاب: عن اذنك
_ سليم!! اخص عليك..كده متسألش علي سوسو
سليم : انتي!!
_ ايوه انا….. مكنتش متوقع تقابلني تاني صح!! بعد ماقتلت اروي!!
يتبع..
لقراءة الحلقة السابعة عشر : اضغط هنا
لقراءة باقي حلقات الرواية : اضغط هنا
نرشح لك أيضاً رواية عريس من ديزني للكاتبة ندى حمدي.
