رواية أولاد عمي الفصل السادس عشر 16 بقلم منة وائل
 |
| رواية أولاد عمي الفصل السادس عشر 16 بقلم منة وائل |
رواية أولاد عمي الفصل السادس عشر 16 بقلم منة وائل
تن تن
سميره :طيب طيب اي ده
تن تن
سميره :ماقولنا طيب الله هوا انا نايمه ورا الباب، اي ده ده مفيش حد، اي الظرف ده، طب يبقا لمين ده،. بت يا هنادي يا هنادي
هنادي :اي يا سميره في أي
سميره :اقري اللي على الظرف ده يابت
هنادي :وريني كده، ل.. لفاطمه هانم، من من فااعل خ خير
سميره :هيكون في أي الظرف ده
هنادي :واحنا مالنا ادهولها وانتي ساكته
سميره :استنى بس يا بت اما نشوف في أي، استني، يالهوي يالهوي اي ده
هنادي :ياسوادي، اي ده ده البيه، ياما تحت السواهي دواهي
سميره :ياخرابي
عصام:انتي بتعنلي اي انتي وهي
سميره بفزع:عااااااا اي اي يابيه والله انا انا كنت…
عصام :كنتي اي ووريني اللي في ايدك ده
سميره:يابيه ده ده….
عصام بغضب:هاتي وريني، اي ده انتوا جبتوا منين الصور دي
هنادي ببكاء:والله يابيه انا ماليش دعوه
سميره بخوف : والله يابيه حد خبط على الباب وحطهم ومعرفش مين ده
عصام :مااهو مكتوب عليه لفاطمه هانم بتفتحي ليه
هنادي:غلطت غلطت يابيه ومش هتعملها تاني
عصام :طب يلا روحوا على المطبخ
سميره :حاضر يابيه
عصام بسخريه: هههههه وقال انا فقري وبحب الخدمات، هههه ماانت اوسخ مني اهو ماشي يا وائل ماشي انا عارف انا هعمل اي
بقلمي منه وائل
❣️❣️❣️❣️❣️❣️❣️❣️
في شركه العرباوي
رعد بقلق: وبعدين بقا هي ماجتش ليه دي، انا هتصل بيها بقا وخلاص،………… اي مابتردش ليه دي هجرب تاني
…………..
شروق :عاوز اي ده، اه صحيح الشغل، هرد بقا وخلاص، الو
رعد بقلق :ااالو يا شروق اي انتي ماجتيش ليه النهارده
شروق بحزن:عندي حاله وفاه
رعد:اي مين اللي مات عندك ياشروق
شروق:اخويا
رعد بأسف:لا اله الا الله الباقيه في حياتك
شروق:حياتك الباقيه
رعد:طيب العزا فين وامتا
شروق:لا ربنا يخليك ماتتعبش نفسك
رعد:لا طبعا ياشروق انتي بتقولي انا لازم اجي اديني العنوان
ناديه بهمس:هتعملي اي
شروق:تمم اكتب عندك العنوان
رعد:تمم يا شروق بليل هكون عندك شدي حيلك مع السلامه
ناديه :انتي بتعملي اي يابنتي كده هيعرف كل حاجه
شروق:لا ماتقلقش هو مايعرفكيش اصلا يا ماما هيجي يقضي واجبه ويمشي بس لازم يجي
………….
رعد:لا اله الا الله
نادر :اي ياعم مالك فيك اي بس
رعد:شروق اخوها مات
نادر بحزن :اي ده بجد لا اله الا الله طب وهتعمل اي
رعد:هروح العزا يعني اومال هعمل اي
نادر:تمم انا جاي معاك
رعد:ماشي، اومال ابوك فين
نادر :مش عارف بس انا شوفته وهو خارج كان مستعجل اوي
رعد:مستعجل مستعجل على أي
نادر :مش عارف بابا اصلا بقت تصرفاته عجيبه اوي اوي
رعد:نبقا نشوف الموضوع ده بعدين جهز نفسك ويلا
نادر :تمم
بقلمي منه وائل
❣️❣️❣️❣️❣️❣️❣️❣️
في المستشفى عند نورهان
نورهان :حسام انا عاوزه اروح بيتنا
حسام :ماانتي لسه رجلك مش هتخف دلوقتي والخدوش والكسر والدكتور لسه ما كتبش على خروج
نورهان :بس انا مش عاوزه اقعد في المستشفى انا مخنوقه اوي
حسام :طب انتي عاوزه اي طيب
نورهان :يلا نروح ونبي
مشيره :ازاي بس يا نورهان
نورهان :يعني اي ازاي عاوزه امشي زهقت
حسام :خلاص خلاص انا هتصرف
دب دب
حسام:ادخل
الدكتور : سلام عليكم اخبارك اي النهارده
نورهان :انا كويسه الحمدلله بس عاوزه امشي
الدكتور :هو المفروض تقعدي يومين كمان بس طلما نفس الرعايه هتكون في البيت مفيش مشكله
حسام :انا هجبلها ممرضه مخصوص في البيت
الدكتور:تمم مفيش مشكله وريني بقا ايدك كده اقيس نبض القلب
نورهان :تمم
حسام بغيره :هي نبض قلبها كويس يادكتور
الدكتور :بردو نطمن
حسام باءنفعال :انا هروح اجهز العربيه
مشيره :تمم
الدكتور :لا انتي بقيتي تمم النهارده الف سلامه عليكي
نورهان :الله يسلمك
مشيره :ههههه شوفتي شوفتي
نورهان :شوفت اي في أي
مشيره:شوفتي حسام اضايق ازاي لما الدكتور مسك ايدك
نورهان :يابنتي انتي بتاخدي بالك من حاجات عجيبه اوي اوي والله
مشيره :ياستي اتنيلي يلا قومي قومي البسي
نورهان :يلا
بقلمي منه وائل
❣️❣️❣️❣️❣️❣️❣️❣️
في المساء في منزل شروق
شروق : فهمتوا هتعملوا اي
الرجال :ايوا ياست شروق عارفين بس الحاجه اللي هناخدها منهم دي هنعمل فيها أي
شروق:تجبوهالي
الرجال :حاضر ياست شروق
شروق :عرفتوا شكلهم
الرجال :ايوا يا هانم عرفناهم
شروق :تمم يلا على مكانكم
الرجال :حاضر
ناديه :انتي هتعملي اي يابنتي
شروق بسخريه :ولا حاجه قرصة ودن بس لولاد عمي
ناديه :يابنتي بلاش مشاكل احنا فينا اللي مكفينا
شروق بعصبيه:مشاكل هو لسه المشاكل بداءت ده انا هخليهم يتمنوا الموت هجيب حقك ياامير
ترن ترن
شروق:الو ايوا يا استاذ عاصم تمم لا هما جايين ماشي مع السلامه
بقلمي منه وائل
❣️❣️❣️❣️❣️❣️❣️❣️
في قصر العرباوي
عبد الرحمن :يلا يا فاطمه احنا المفروض نكون عند الناس من بدري فين وائل
فاطمه :مش عارفه ياعني والله بتصل بيه من بدري بس هو مش بيرد
عصام :هيرد ازاي هو فاضي
عبد الرحمن :ليه يابني انت تعرف مكانه
عصام بسخريه:لا معرفش ولا حاجه يمكن وراه شغل
تن تن
سميره :ايوا حاضر
وائل :انا اسف اسف َوالله يا جماعه كان عندي كميه شغل رهيبه انا اسف على التأخير
عصام :نوعيته اي الشغل ده يا وائل
وائل :نوعيته اي في أي شغل الشركه هيكون شغل اي
عصام :اه طب واخبار السكرتيره اي
وائل بقلق:سكرتيره.. سكرتيره اي بس أتت بتسأل على حاجات غريبه
عبد الرحمن :في أي يا وائل هو وقته الهبل ده يلا بينا عشان الناس يلا يا معتز
معتز :حاضر يا جدو
عصام لنفسه:عامل نفسه مايعرفش حاجه استنا عليا ده انا هسويك
بقلمي منه وائل
❣️❣️❣️❣️❣️❣️❣️❣️
في منزل معتز
ام حور :يلا يا بت خلصي وجهزي نفسك العريس وأهله جايين
حور:منا خلصت اهو
ام حور:نعم خلصتي ده اي
حور:ايوا خلصت
ام حور:فين يابت الأحمر والاخضر ده منظر عروسه وشكلك معيط مالك يابت
حور:مفيش ياماما مفيش حاجه انا كويسه بس مش هحط لا احمر ولا أخضر وسبني في حالي بقا
ام حور:مالك يا ضنايا في أي لو مش موافقه خلاص يابنتي
حور بسرعه:لا. ياماما مفيش حاجه انا كويسه موافقه طبعا بس متوتره شويه
ام حور:لا ماتخافيش يا قلب امك وبعدين ده شكله ابن ناس يعني مش ذي اشرف المعفن يلا يا ضنايا جهزي نفسك على ما تجهز الحاجه
حور بحزن:حاضر
بقلمي منه وائل
❣️❣️❣️❣️❣️❣️❣️❣️
في قسم الشرطه
معاذ :تمم يا فندم انا هجهز حاجتي واجي اخدها من البيت على الفجر
سار باءعتراض :لا يا فندم انا هاخد عرابيتي وهستنا في أي مكان مش عاوزه حد يجي ياخدني انا مش طفله
اللواء رضوان :يابنتي مينفعش هتمشي ازاي بالعربيه في الفجر كدا لوحدك
ساره :بابا هو انا ظابط والا طفله مش هقدر ادافع عن نفسي يعني
معاذ بسخريه:هه سبها يا فندم هي حره كل واحد حر عن اءدنكم
اللواء رضوان :يابنتي انتي ليه دماغك ناشفه ماانتوا كلكم هتسافروا َمع بعض
ساره :تمم عارفه بس انا هركب عربيتي، عن اءذنك يا بابا هروح انام شويه عشان اعرف سافر سلام
فارس :معلش يا فندم ان شاء الله خير
رضوان :انشاء الله يلا روحوا
ميرفت:تمم يا فندم
…………..
ساره :معاذ
معاذ:نعم
ساره :هو احنا هنتقابل فين
معاذ بسخريه:مش انتي بقا شاطره ومش هتغرقينا قوليلي انتي هنتقابل فين
ساره:الله انت بتتكلم كده ليه كل ده عشان عاوزه اروح بعربيتي
معاذ بزعيق :انا مالي انتي حره اوعي كده
ساره :ااااه ماشي ماشي يا معاذ
بقلمي منه وائل
❣️❣️❣️❣️❣️❣️❣️❣️
في الطريق إلى منزل شروق
نادر:اي المكان ده يا رعد
رعد:والله ماعرف هي اللي قالت ده مكان بيتهم مش فاهم انا
نادر :المكان قذر اوي واي الريحه دي
رعد:كح كح كش عارف انا هتخنق
بلطجيه :انزل ياض انت وهو ياض
نادر:كملت
يتبع..
لقراءة الفصل السابع عشر : اضغط هنا
لقراءة باقي فصول الرواية : اضغط هنا
نرشح لك أيضاً رواية الخادمة والأمير للكاتب محمود حماد
