رواية أحببتك منذ الطفولة الفصل الخامس عشر 15 بقلم سلمى سعيد
 |
| رواية أحببتك منذ الطفولة الفصل الخامس عشر 15 بقلم سلمى سعيد |
رواية أحببتك منذ الطفولة الفصل الخامس عشر 15 بقلم سلمى سعيد
اياد بصوت دافئ
=سما حبيبتي انا عايز اقولك حاجة مهمة وعايزك تفهميني كويس قبل ما تاخدي اي رد فعل ماشي يا روحي
سما هزت راسها لـ اياد وهي كمان مسكت ايده
اياد بصوت دافي:سما،طنط هبه تعبانة اوي
سما بصوت مهزوز من الخوف:مالها ماما
اياد مسك ايد سما بقوة اكبر علشان يطمنها
=طنط عندها كانسر في الدم …
سما حست ان الدنيا بتلف بيها،مش مستوعبه اللي اياد قاله..حاولت تقنع نفسها انها سمعت غلط
سما :اياد انت بتقول ايه…انت واعي للي انت بتقوله دا.
اياد عرف ان سما مش عارفه تستوعب اللي هو قاله،او بمعني ادق بتهرب من الحقيقة دي..حاول يحضنها بس هي رجعت لي ورا وبعدت ايده عنها
سما بصوت عالي:ابعد عني انت ايه اللي انت بتقوله دا انت اكيد بتهزر..مستحيل ماما كويسة
اياد عرف ان سما خلاص دخلت في انهيار قرب منها بسرعه وحضنها جامد..سما حاولت تبعد عنه بس هو مدهاش فرصة..وبقي يحضنها بقوة أكبر
سما منهارة ومش مستوعبه اللي اياد قلهولها ..وازاي وهي ملحظتش اي حاجة علي مامتها ..حاولت تبعد عن اياد بس هو مرضاش…حاولت تتمالك أعصابها وتهدا
سما بهدوء:ممكن تسبني
اياد:مستحيل
سما:اياد سبني عايزة اتكلم معاك
اياد بعد راسه من على كتفها . بس لسه في حضنه
اياد بهدوء :اتكلمي يا روحي قولي كل اللي انتي عايزاه بس وانتي في حضني.
سما ببكاء:ممكن تفهمني بقا
إياد وهو بيمسح دموعها :حاضر بس ممكن بلاش عياط ارجوكي انا قلبي بيوجعني اوي لما بشوف دموعك
سما هزت راسها وفضلت ساكتة مستنياه يتكلم
اياد اتنهد وخايف من اللي جاي
اياد:حاضر…فكرا لما جينا عندكم يوم النتيجة وبابا طلب ايديك ليا ..انا بقا عرفت تاني يوم علي طول
سكت بيحاول يشوف تعابير وشها علي كلامة…لقها ساكته ومش باين على وشها اي تعبير
كمل كلامة:مامتك جت عندنا تاني يوم البيت وقعدت معايا وقالتلي انها تعبانه ومش عارفة تقولك ازاي وانها خايفة جدا عليكي من الخبر دا
سما كانت بتسمع اياد والدموع مش مفرقة عنيها..واستنتجت حاجة بس خايفة تطلع صح
سما :وانت جيت بعدها علطول و قولتلى انك بتحبنى عايز تتجوزني..!!
اياد فهم سما بتلمح ل ايه..قربها منه أكثر كان عايز يدخلها بين ضلوعه..
اياد بحب وخوف:سما متفكريش كدا والله اللي في بالك دا مش صح..انا بحبك اوى من وانتي صغيرة بس كنت خايف لو اعترفلك اني ابقا فارض نفسي عليكي…بس مامتك قالتلي انك بتحبيني بس خايفة لاكون مبحبكيش..صدقيني انا بحبك اوي وعلشان كدا اتجوزتك مش عشان اى حاجة تانية
سما بعدت عن اياد بعنف
سما:اانت لو بتحبني بجد كنت جيت قولتلي علي طول..مش تسبني اتجوز وافرح و امي بتموت
كانت بتتكلم بصوت متقطع من كتر العياط..حست بالذنب لانها محستش بتعب مامتها
اياد قرب منها وحاول يخدها في حضنه بس هي بعدت عنه بسرعة ..بس هو كان اسرع منها وسحبها لحضنه جامد ..حولت سما تقومه بس معرفتش..فضل اياد حضنها لحد ما استسلمت في حضنه…شويا ولقا سما هي اللي بحضنه جامد وبتعيط وبتتكلم بصوت متقطع من العياط
سما:انا مش عايزاها تموت انا بحبها اوي ..مش متخيله حياتي من غيرها..هي اللي بتعملي كل حاجة في حياتي..حياتي كلها هي وبابا…انا مش عايزة اخسرها
اياد كان بيطبطب على ظهرها ..بيحاول يخليها تهدأ..كان قلبه وجعة جدا بسبب الحاله اللي هي فيها…هو اللي مربي سما كوعارف انها مش هتقدر تستحمل حاجة زي كدا ابدا.. بس كان هيعمل ايه كان لازم يقولها
فضلو كدا شويه لحد لما ملقاش سما بتعمل صوت..بعد وشها عن حضنه وبص عليها لقها سكته و عنيها حمرا جدا
اترعب من منظرها
اياد بخوف:سما حبيبتي مالك
سما بتعب :مش عارفة.. انا عايزة اروح لماما
اياد عرف انها تعبت من العياط و مش واعيه هي بتقول ايه
اياد بحنان:حاضر يا روحي بس احنا دلوقتي في نص البحر..الصبح هنتحرك ونروح نشوف ماما سوا ..بس اهدي انتي يا عيوني
سما هزت راسها من غير ما تتكلم ..رجعت حضنت اياد تاني..عايزة تستمد منه القوة علشان هي لوحدها مش هتقدر تواجه تعب مامتها لوحدها
ابتسم اياد بحب وفضل يمشي ايده على ظهرها بحنان ..شويا وحس بنفسها المنتظمة على رقبته..بعدها عنه شويا وراح شايلها زي الطفل الصغير..ودخل اوضة موجودة في اليخت نيمها عليها وغطاها كويس..قرب راسه من شعرها وحط وشه فيه علشان يشم ريحة شعرها اللي بيعشقه ..قرب اكتر ونام جنبها وبعدين شدها براحة عشان ينيمها علي صدره..وفضل يمش صوابعي في شعرها اللي لحد ما هو كمان راح في النوم
________________________
“ملك”
جهزت ملك عشان تروح الجامعه..وطول الطريق بتشجع نفسها على القرار اللي هي خدته…انها مش هتفكر في عمر تاني وانها خلاص دي اخر سنة في الجامعة وكلها كام شهر وتتخرج ومش هتشوفه تاني ..اهم حاجة تفضل بعيدة عنه وتتجنبه علي قد ما تقدر..
وصلت الجامعة ونزلت من عربيتها وكانت خلاص هتدخل المبنى بتاع الجامعة..بس سمعت حد بينده عليها
=ملك
لفت ملك تشوف مين اللي بيندلها لقته “فادى”زميلها في الجامعة ..تعرفوا معرفه سطحيه ..استغربت انه ندهلها
ملك:فادي.!!
فادي:ازيك يا ملك
ملك:الحمد الله ..خير في حاجة.
فادي:ملك انا عايزة اقولك حاجة مهمة
ملك:خير يا فادي في ايه
فادي:ممكن نقعد في اي كافيه بعد الجامعة
ملك:اسفة يا فادي مش هينفع…هو في حاجة مهمة اوي يعني
فادي:ملك..انا عايز اقولك حاجة ومش هقدر اسكت اكتر من كدا
ملك استغربت من كلامه وابتدت تقلق
فادي كمل كلامة مرة واحدة وبسرعة
فادي:ملك انا بحبك وعايز اتجوزك.ممكن اجي اقابل باباكي
ملك ملحقتش ترود..علشان مرة واحدة لقت عمر ماسك فادي وعمال يضربه في وشه بالبوكس جامد لحد لما فادي وقع على الأرض وعمر برضه مش راضي يسيبه..
حرس الجامعة جم بسرعة وحاولو يبعدو عمر عن فادي بس محدش قادر عليه
ملم صعب عليها منظر فادي..قررت انها تدخل
راحت عند عمر وحاولت انها تبعد عن فادي
ملك:سيبة انت اتجننت ..اياد عنه حرام عليك هيموت فى إيدك
عمر فاق علي صوت بعد عن فادي بسرعة ..وراح عند ملك سحبها وراه وماشي..وملك بتحاول تبعد ايده عنها بس مش عارفه لانه كان ماسك ايدها جامد اوى لدرجة انها حست انها هتكسر
فتح عمر باب عربيته ودخل ملك بعنف ودخل هو كمان العربيه وساق بسرعة مجنونة..
ملك كل دا مش فهمة في ايه
عمر كان مش شايف قدامة غير شكل فادي وهو بيعترف بحبه لملك..زود سرعة العربيه وهو في قمة غضبه ..ازاي حد يستجرا يقرب منها اصلا مش يقولها بحبك و عايز اتجوزك دا يقتله ويقتلها قبل دا ما يحصل..بص عليها لقها بتعيط جامد ومسكه ايدها بتاعك فيها..
وقف الغربيه بسرعة لما لقها هتموت من الرعب
عمر بقلق:ملك انتي كويسة..ملك رودي
ملك مش قادرة تتكلم من كتر الخوف ..مش قادرة حتا تتنفس كويس..عمر لاحظ دا وحاول يهديها
عمر:ملك حبيبتي..انتي كويسة..اهدي يا روحي مفيش حاجة
شدها لحضنه وقعد يطبطب عليها ويهديها وملك كل دا مش عارفة تتكلم ولا حتا تبعد عنه ..
عمر بقا بيحاول يخليها تهدأ..فجاءة مسمعش صوتها وهي بتعيط افتكرها هديت بس لما بعدها عنه لقها مش قادرة تاخد نفسها وشها احمر دم …قلبه اتنفس من مكانة ..
عمر :ملك..ملك حبيبتي مالك
ك
ملك باردو مش بترود..فجأة ملك اغما عليها …عمر ساق العربيه ب أقصي سرعة علي المستشفى…بس فجاءة.
يتبع…..
لقراءة الفصل السادس عشر : اضغط هنا
لقراءة باقي فصول الرواية : اضغط هنا
نرشح لك أيضاً رواية اغتصبت خطيبة أخي للكاتبة مهرائيل ماجد
