رواية فتاة الملجأ الحلقة الخامسة عشر 15 الجزء 2 بقلم ملك محمد

 رواية فتاة الملجأ الحلقة الخامسة عشر 15 الجزء 2 بقلم ملك محمد 

رواية فتاة الملجأ الحلقة الخامسة عشر 15 الجزء 2 بقلم ملك محمد

رواية فتاة الملجأ الحلقة الخامسة عشر 15 الجزء 2 بقلم ملك محمد 

“بعد انتهاء الحفل ذهب اياد مع ملاك لمنزلها ليخبر والدتها بأنهم اتفقا أخيرا على موعد الزفاف”

ف المنزل 

ملاك بخجل تفرك كلتا يديها بتوتر

والدتها بفرح : يعني أخيرا خلاص قررتوا تتجوزا

اياد بإبتسامه : انا قررت ان الفرح يبقى قريب وأمري لله 

ملاك بتعجب : وامرك لله لي هو انت مغصوب

اياد بإبتسامه: لا مش مغصوب بس عارف انك هتطلعي عيني 

والدتها بضحك: بصراحه ف دي عندك حق 

ملاك بدهشه : ماما انتي معانا ولا معاه

اياد بضحك : والدتك مع الحق اكيد

والدتها بضحك : تنكري انك مش هطلعي عينه

ملاك بخجل : خليكوا اضحكوا عليا براحتكوا انا طالعه اوضتي 

اياد : واضح اننا تقلنا ف الهزار عليها ربنا يستر لتصحى الصبح مغيره رأيها

والدتها بفرح: لا متقلقش دانا مصدقت اني هفرح بيها ربنا يسعدكوا يابني 

___________

نهار يوم جديد ف الشركه 

مروان ونرمين يتحدثان سوياً

مروان بغضب: عاجبك الأهانه ال شوفتها امبارح دي انا كان مالي ومال المصايب دي كلها

نرمين بغضب: اياد طلع بيحبها بجنون الموضوع طلع صعب اوي بس مش مهم لسه معانا وقت

مروان بغضب : وقت اي انتي مجنونه انا خلاص مش لاعب اللعبه دي البنت اساسا بتحبه وهو بيحبها يعني اصعب اخليها تبعد عنه وانتي كمان صعب تخليه يبعد عنها دول خلاص حددو معاد الفرح

نرمين بعصبيه : مانت لو شايف شغلك صح مكنش دا حصل أنا قولتلك خليها تتعلق بيك وتنسى اياد مش تروح تمسكها قدامه وتدايقه 

مروان : وانا اعرف انه مجنون كدا منين وبعدين انتي متجبيش العيب عليا انتي عملتي كل حاجه علشان يكرها ومكرهاش بردو

نرمين : وانا مش هسكت بردو ولسه قدامي حاجات كتير اعملها اياد دا ليا انا وبس فاهم

مروان بضيق: طب بقولك اي خرجيني انا من الحوار دا علشان زهقت وشكله مبيأكلش عيش ثم اني عايز باقي الفلوس ال اتفقنا عليها

نرمين بغضب : فلوس اي دي ال تاخدها هو انت. عملت حاجه واحده صح من يوم اتفقنا لما تبقى تشتغل مظبوط ابقى تعالي خد باقي حسابك

مروان بعصبيه : انتي واحده مجنونه انتي كمان بقولك خلاص هيتجوزوا شغل اي ال هكمله 

نرمين بخبث : لي وانا هسيب الفرح يتم عادي كدا 

مروان بضيق : بقولك اي اعملي ال تعمليه انا مش هكمل ف اللعبه دي دانا لو مضردتش يبقى كويس

_________

قبل قدوم اياد للشركه مر على منزل ملاك لإصطحابها معه

ملاك كانت تقف على الرصيف تنظره 

اوقف سيارته امامها 

رآته ملاك ركضت بسرعه نحوه وركبت قائله

:اتأخرت اوي ع فكره 

اياد قاد السياره وانطلق بها نحو الشركه قائلا بإبتسامه  : انا اسف ياروح قلبي كنت بعمل حاجه مهمه 

ملاك بعصبيه : اي روح قلبي دي ماتتكلم عدل

اياد بتعجب : يعني سبتي الحاجه المهمه ومسكتي ف روح قلبي يخربيت ال يدلعك ياشيخه

ملاك : اه صحيح اي الحاجه المهمه بقى 

اياد : كنت بحجز بنفسي المكان ال هنعمل فيه الفرح

ملاك بخجل: اي دا يعني خلاص هنتجوز 

اياد بإبتسامه: اها للأسف يعني

ملاك نكزته في كتفه قائله: بطل رخامه هو اي للأسف انت تطول

اياد وضع يده على كتفه بألم قائلا

: ااا دراعي يابت

ملاك بذهول : ماله دراعك معقوله الضربه الصغننه دي وجعتك

اياد بضحك : لا ياناصحه بس انا دراعي واجعني من امبارح من وقت ماضربت الواد مروان

ملاك بحزن : وانت كان لازم تضربه يعني ع فكره صعب عليا

اياد بعصبيه : انتي عايزه تشليني ولا اي بالظبط هو اي ال صعب عليكي 

ملاك بخوف : مقصدش بس انت ضربته جامد اوي

اياد بذهول: هو عادي عندك انه يمسكك من وسطك ولا اي بالظبط

ملاك بلهفه : لا طبعا انت اتجننت بس معرفش ليه بحسه طيب وانا متأكده انه مكنش يقصد يعمل كدا وكان هيعتذر اساسا هو كان عايز يساعد مش أكتر

اياد وهو يكتم غيظه : ملاك انتي اسبتيلي انك اغبى واحده ف الدنيا ومبتعرفيش تفرقي بين الأشخاص مروان دا من اول يوم شفته وانا عارف انه بني ادم مش سهل وصايع 

ملاك بعصبيه : انتي ليه كل شويه تتهمني بالغباء ع فكره انت ال نظرتك للناس غلط جرب تشوفهم بقلبك هتغير فكرتك اكيد

اياد يقود السياره بعصبيه

رد قائلا: لما كل الناس عندك حلويين كدا ليه بتكرهي نرمين

ملاك : علشان نرمين كداب..

لم تكمل الكلمه ثم صمتت 

اياد نظر لها بتعجب : ماتكملي

ملاك بحزن : مهما اتكلم مش هتصدقني بس اكيد هيجي يوم وتشوف الحقيقه

اياد : دا تقريباً نفس ال عايز اقولهولك عن مروان انا مهما اتكلم عنه عمرك ماهتصدقي بس هيجي يوم وهيتكشف على حقيقته وانا هسبتلك داه

صمتت ملاك ولم تنطق بكلمه 

اياد نظر لها قائلا 

: تقريباً احنا مبنكملش دقيقه من غير خناق نفسي تكبري عقلك مره واحده وتفهميني

ملاك : ماتصغر انت عقلك وتفهمني 

اياد : يخربيت ردودك هتجبيلي جلطه ف يوم انزلي انزلي

وصلو أخيراً للشركه ونزلت ملاك من السياره 

رآت الجميع ينظر لها وهي تنزل من سيارة اياد فركضت بعيداً عنه

نزل اياد من السياره وخلع نظارته قائلا بصوت مرتفع

: انتي يا ارجعي مكانك

ملاك وقفت مكانها وادارت وجهها له قائله بتوتر

: عايز اي الناس بتبص علينا 

اياد اقترب منها بإبتسامه وشبك يده في يدها قائلاً

: مايبصوا فاضل يوم واحد على فرحنا والكل عارف

ملاك بتعجب : هو احنا مش لسه كنا بنتخانق

اياد بإبتسامه: واي يعني نتخانق بس اهم حاجه ان انا وانتي عارفيين اننا عمرنا ماهنبعد عن بعض 

ثم مضى ودخل للشركه وهي في يده 

الجميع كان ينظر ويهمس بالكلام 

اياد اوصلها لباب مكتبها وذهب لمكتبه 

جلست ملاك على مكتبها والجميع ينظر لها ويتهامسون

نرمين آتت اليها وقالت بخبث: مبروك ياملاك فرحتلك من قلبي اوي 

ملاك : الله يبارك فيكي عقبالك 

نرمين بخبث : اوعي تكوني لسه زعلانه مني 

ملاك  وهي تقلب ف الملفات التي على مكتبها وتتحدث بلامبالاه : لا مش زعلانه هزعل ليه 

نرمين تركتها وذهبت لمكتبها بغضب 

“اياد كان يجلس في مكتبه ويتحدث مع اسامه الذي جاء له بكل اخبار مروان 

اياد : انا عايز الصور لأن الصور دي هتبقى الديلل الوحيد معايا

اسامه : حاضر يافندم هبعتلك كل الصور ال عندي 

اياد : عايز اقفل والاقيهم على موبايلي يا اسامه

اسامه : اعتبرهم وصلوا يافندم 

ثم اغلق اياد الهاتف وجلس يقلب في هاتفه وينتظر مجئ الصور الذي طلبها 

آتت الصور اخيرا وعندما رآها اياد اتصل على نرمين قائلا

: ابعتيلي مروان على مكتبي 

نرمين بخوف اغلقت الهاتف وهي تفكر ان اياد حتماً سيتصرف بغضب مع مروان

ذهبت لمكتب مروان قاائله

: مروان اياد بيه عايزك

مروان بلع ريقه الذي جف في حلقه وذهب للمكتب بخوف 

دق الباب

اياد : ادخل

مروان دخل 

اياد وقف من على مكتبه قائلا

: اقفل الباب وراك وتعالى

مروان شعر بالخوف فقال بسرعه

: اياد بيه انا بعتذر عن ال حصل امبارح انا مكنتش اعرف ان ملاك تخصك صدقني 

اياد اقترب منه قائلا 

: واديك عرفت بس للأسف متأخر 

مروان لم ينطق بكلمه

اياد بغضب : تقدم ورقة استقالتك حالا

مروان شعر بالغضب قائلا

: ولي اقدم استقالتي انا اعتذرت منك واظن الموضوع انتهى 

اياد اقترب منه ونظر له بخبث 

: انا ميشرفنيش واحد زيك يكون شغال عندي ف الشركه

مروان بدهشه  : واحد زي ازاي يعني 

اياد امسكه من لياقة قميصه بغضب قائلا

: واحد صايع وبتاع بنات يلا ولا انت هتعملهم عليا اوعى تكون فاكر اني معرفش حاجه عنك لا اطمن انا اعرف كل حاجه وقدم استقالتك بهدوء بدل ماتمشي من الشركه بفضيحه وشكلك هيبقى وحش اوي قدام الموظفيين 

مروان بغضب : وانت اي دليلك عل الكلام داه

اياد تركه وآتى بهاتفه وفتحه وآراه بعض الصور الذي تجمعه بفتيات وهو سكران

اياد بخبث : اي تحب ابعت الصور للموظفين حالا

مروان فذع عندما رآى الصور ونظر لأياد بغضب والشر يتملكه قائلا

: تمام انا هقدم استقالتي بس اتقل عليا علشان اللعبه هتحلو 

ثم تركه وخرج من المكتب متجهاً نحو مكتب نرمين قائلا

: نرمين مش انتي عايزه تنتقمي من اياد انا بقى هعرف اكسره ازاي 

نرمين بخوف : اي الكلام دا يامروان انا مش عايزه انتقم منه ولا حاجه انا قولتلك اني بحبه وعايزاه يكون ليا لوحدي 

مروان بضحكة شر : اطمني انا هخليه ليكي لوحدك والحاجه ال بيحلم بيها هتختفي من قدامه ف اقرب وقت 

نرمين بتعجب : هو اي ال حصل جوه بالظبط

مروان بخبث: حصل كل خير ناوليني ورقة استقاله علشان أملاها 

يتبع..

لقراءة الحلقة السادسة عشر : اضغط هنا

لقراءة باقي حلقات الرواية : اضغط هنا

نرشح لك أيضاً رواية لو كان خيراً لبقى للكاتبة نورهان صبري.