رواية مالك قلبي الفصل الرابع عشر 14 بقلم بنت الصعيد
 |
| رواية مالك قلبي الفصل الرابع عشر 14 بقلم بنت الصعيد |
رواية مالك قلبي الفصل الرابع عشر 14 بقلم بنت الصعيد
في مكتب مالك
دفعت مي باب المكتب ودلفت مسرعة الي الداخل فتصنمت مكانها …وفي المقابل ظهرت علامات الدهشة والصدمة علي وجوه مالك والتي كانت معه
كان مالك واقفا امام طاولة عليها بعض المخططات وبجواره سيدة ف نفس عمره تقريبا ولكنها متفجرة الأنوثة وتضع الكثير من مساحيق التجميل وتدخن سيجار ولكنهم كانوا يتحدثون في شغل تطلبه السيدة من شركة مالك
مالك ..بقلق ….مي ف حاجة
مي…بارتباك… مين دي ؟؟؟!!!
مالك..بابتسامة وقد أدرك غيرتها….تعالي هنا
السيدة ….مين دي يا باشمهندس مالك وازاي طالبة تقتحم مكتبك كده من غير استأذان
مالك بابتسامة لا يستطيع أن يخفيها وضع يده علي كتف مي وقال….دي مدام مي مالك السيوفي يا مدام نڤين
نڤين بصدمة…دي دي صغيرة اوي يا مالك تحسها طفلة
مالك…ماهو دا اللي عاجبني فيها
مي وقد شعرت أن نڤين تقلل منها فبدا عليها الغضب وارادت أن تبدوا أكثر نضجا
مي …حبيبي أنا هستناك ف الكافيتيريا لغاية ما تخلص شغلك وسوري لأني دخلت من غير ما اخبط كنت فاكرة انك لوحدك
مالك…..بابتسامة لا يستطيع اخفائها……مسك خدها بلطف وقال …اوك وانا مش هتاخر عليكي
___________________________________
في مكان آخر بعيد عن الجامعة
مليكة …اعاااااااااااا.كريييييييييم خرجني من هناااااااا لا
كريم ميت من الضحك علي خوفها من بيت الرعب…اهدي يا ملوكة انتي قلبك ضعيف كده ليه
هو كان قاصد يدخلها بيت الرعب ف الملاهي عشان تكون في حضنه
مليكة تكاد تدخل في ضلوعه من الخوف .تتحدث بصوت عالي ..هو دا المكان اللي عمري ما هنساه خرجنيييييييي
_
خرجوا من بيت الرعب ولعبوا كثيرا ف الملاهي وبعد ذلك أخدها ع النيل وركبوا مركب وختموا يومهما بعشاء في احد الفنادق الفاخرة عشاء رومانسي ع الموسيقي وضوء الشموع
__________________________________
في المساء في منزل مالك ومي
يجلس مالك ممسكا ببعض اوراق بها مخططات خاصة بشركته التي لا يذهب إليها سوي يوما واحدا كل اسبوع
كان مركزا جدا ف الاوراق وكل وهلة يسترق النظر ل مي التي كانت مركزة ف شيئا آخر كان ينظر ويكتم ضحكته
كانت مي تتابع مسلسلها الكرتوني المفضل ???? اسبونج بوب سكوير بانتس????
مالك …هو الكرتون دا هيخلص امتا
مي …ربع ساعة ويخلص ليه
مالك…عشان الست كسلانة لازم تذاكر ولا ايه أنا عايز تقدير
مي ….اعتدلت في جلستها وقالت …مالك حبيبي انا مش عايزة اشتغل أنا كان عندي حلم واحد بس وهو انك تحبني وتتجوزني وبس مش عايزة حاجة تانية
اقترب مالك منها وطبع قبلة هادئة علي شفايفها وتابع
بخبث …خلاص مدام دا قرارك اوك ..يا خسارة كنت حاجزلك مكان ف شركتي عشان نشتغل مع بعض ونشوف بعض اليوم كله بس خلاص أنا هشغل البت چرمين الدحيحة دي اللي ف دفعتكم
مي …وقد استشاطت غضبا ونسيت اسبونج بوب …تشغل حد تاني معاك غيري لا ازاي دانا انهاردة مش هنام للصبح فين الكتب أنا هذاكر وانت مش هتنام كمان عشان هتذاكرلي وركدت تحضر كتبها.
ضحك مالك علي طفلته التي يشكلها كيفما يشاء ويلعب ف عقلها بسهولة
وفجأة تلقي اتصالا
مالك …الو
زين …الو ايوا يا بوي اني زعلان منك جوي انت كنت تاجي كل اسبوع عشان تشوفني ليه ماجيتش بجالك كتير اني اتوحشتك يا بوي
تأثر مالك كثيرا بكلامه….وانت كمان واحشتني يا زين والله أنا كنت هاجيلك يوم الخميس يا حبيبي بس خلاص اني جيلك بكرة إن شاء الله ..تصبح ع خير
مي …مين دا؟!!
مالك …دا زين ابن اخويا أنا حكيتلك عليه قبل كده
مي …امممم ..وانت رايح بكرة الصعيد …
مالك ..اممم
مي … بفرحة ….خلاص هاجي معاك
مالك …بارتباك ..ماهو مش هينفع يا قلبي دي سفرية مفاجأة صد رد يعني ..زي ما انتي عارفة الجامعة والشركة يعني مش هقدر اقعد هناك إلا يوم واحد…لكن لما هاخدك هنقعد ع الأقل اسبوع اوك
مي …بقلة حيلة…اوك…خلاص هروح اقعد اليوم دا عند ماما
مالك ….لا أنا هجيب ماما تبات معاكي …انتي مش هتسيبي بيتك
هزت مي رأسها بالموافقة
مالك…صليتي العشا
مي ….امممم
مالك..ضحك…. بقيتي ملتزمة اكتر مني انا هاقوم اصلي اوك حضري بقا العشاء
مي … اوك حالا هيكون جاهز
___________________________________
في الصباح الباكر
انطلق مالك بسيارته الي الصعيد وذهبت مي الي الجامعة قضت يومها بإحباط وحزن ..فعندما تكون بعيدة عن مالك يبدو كل شئ ف نظرها كئيبا ولا تشعر بالسعادة لقد ادمنت وجوده في حياتها
عادت الي المنزل بعد الظهر
دلفت الي الشقة وما أن دخلت إذ بها تشم رائحة طعام زكية .نظرت إلي المطبخ فوجدت والدة مالك تعد لها طعام الغداء
مي ..ركدت وحضنت حماتها….ازيك يا ماما واحشاني بجد
نادية …وانتي كمان وحشاني يا حبيبتي عاملة ايه
مي …بعفوية…..مضايقة مالك بدأ يوحشني من دلوقتي
ضحكت نادية علي عفوية زوجة ابنها …طب يلا غيري هدومك تعالي نتغدي أنا عاملتك اكل هتحبيه اوي
مي … واضح من ريحته خلاص هغير هدومي واصلي واجي بسرعة
_____________________________________
في المساء وتحديدا في الصعيد
يجلس مالك وزين ف حضنه يتحدث مع جده العمدة في أمور مختلفة كالشغل وامور حياتهم صحة جده وهكذا
مالك …جدي اني هاحكي لامي فاطمة علي جوازي من مي
جده …لا يا ولدي سيبني اعرفها بطريجتي انت عارف فاطمة عجلها (عقلها)صغير قد ايه
مالك …طب بس ارجوك يا جدي بسرعة مي عاوزة تيجي البلد وانا بأجل كل شوية عشان خايف امي فاطمة تعك الدنيا اهنيه
جده ……ما تجلجش يا واد ادهم السيوفي مش عارف ليه طالع لابوك بتاع حب وكلام فارغ وجلبك خفيف
مالك ….تنهد ….اني طالع انام يا جدي ..تصبح ع خير
______________________________________
عند مي
مي ونادية ف غرفة الاطفال كل واحدة ممدة علي سرير ويتحدثون
مي ……ممكن أسألك سؤال يا ماما
نادية ….اتفضلي يا حبيبتي
مي ….انتي اتلقطتي ليه من اونكل ادهم هو شكله لسة بيحبك أنا لاحظت دا من نظراته ليكي
تنهدت نادية وقالت……..ادهم كان بيحبني جدا بس غلط لما خبي عني أنه مجوز في البلد وعنده ولد ..وف يوم من الايام عرفت الحقيقة واتأثرت جدا والغضب عماني كان مالك عنده خمس سنين ..أنا اصريت ع الطلاق ..ادهم حاول كتير جدا معايا بس انا واخويا وبابا حسمنا قرارنا..مع اني كنت لسة بحبه ومتأكده من حبه ليا كمان
مي نظرت لها بابتسامة باهتة ولم تعلق
ونادية سكتت لحظات ثم تابعت
نادية …..تعرفي يا مي لو يرجع بيا الزمن ما كنتش اتطلقت من ادهم ..ولا كنت سيبت مالك يتربي شوية عندي وشوية عند باباه …عارفة انا دلوقتي بتمني أنه ادهم يعرض عليا أننا نرجع لبعض صدقيني هاوافق من غير تردد..ثم نظرت فوجدت مي راحت ف النوم فضحكت وقالت …بجد زي ما مالك بيقول عليكي (طفلة)…مي كانت مستيقظة ولكنها مثلت أنها نائمة لتخبئ دموعها فمجرد تفكيرها أن مالك قد يفعل ذلك بها جعل دموعها تنهمر
__________________________________
في الصعيد وبالتحديد في غرفة ياسمين
دخل مالك فوجد ياسمين نائمة بملابس جريئة جدا انصدم وبلع ريقه بصعوبة ..لأول مرة يرها هكذا مرت لحظات وهو ينظر إليها والعرق يتصبب منه واخيرا حسم قراره وأمسك بطانية وغطأها ولكن المفاجأة أن ياسمين أمسكت يده
ونظرت له دون كلام ولكن عيناه تحكي كل شئ
اعتدلت ياسمين من نومها وجلست اقترب منها مالك واحتضنها بشدة دون وعي وهي ايضا احتضنته ولكن ابتعد عنها بسرعة وهب واقفا
ياسمين …يااااه يا واد عمي للدرجة دي مش عايزني..هو اني وحشة جوي اكده ..بترفضني يا مالك..
مالك جسي علي ركبتيه وأمسك يديها وقبلهما وقال …سامحيني يا بت عمي والله ما جادر اشوف واحدة غيرها …ولا جادر اتخيل نفسي مع حد الا معاها. …وان كان ع الجمال انتي زي الجمر يا ياسمين بس انتي ف نظري اختي وبس احنا اتربينا ع أننا اخوات وانا مش شايفك اكتر من أكده…وقبل رأسها وخرج من الغرفة
ياسمين …تحدث نفسها …..ايه اللي جرالك يابت السيوفي انتي عمرك ما عملتي أكده معاه جبل ما يجوز عليكي بتعملي أكده دلوجتي …مع انك انتي اللي اختارتي أكده ولا نسيتي
________فلااااااااش باااااااك__________
بعد عقد قران مالك وياسمين مباشرة
في غرفة مالك
خرج مالك من المرحاض كان يرتدي جلباب ابيض فوجد ياسمين ترتدي عبأة بكم وتضع حجاب علي رأسها
نظر إليها مالك بتساؤل ولكن لم يعلق خرج الي الشرفة ليستنشق الهواء لعله يشعر بالسلام الداخلي وفجأة
ياسمين ….مالك ….نظر إليها مالك
تابعت …اني عايزة اطلب منك طلب …احنا اخوات صح واتربينا مع بعض فيا ريت نبجي برضوا اخوات اني عمري ما اتخيلتك غير اخوي يا مالك
هز مالك رأسه بالموافقة..
_________باااااااااااااك_____________
وقفت ياسمين وبدأت تكسر في كل شئ ف الغرفة لتفرغ غضبها…وكانت تقول بصوت عالي وهي تبكي …اني عملت اكده عشان زين زين مش لازم يتحرم من مالك هو فاكر انه ابوه ….ااااه يارب مجدراش استحمل خلاص زين واجع جلبي…..
______________________________
في الصباح
امام منزل أمل…
يوسف كعادته كل يوم يوصلها الي الجامعة.. صعدت امل السيارة ولم يتحدثوا طول الطريق ولم يشاكسها كالعادة
واخيرا وصلوا الجامعة ..همت أمل لتنزل ولكن أوقفها صوت يوسف
…….انا راجع لندن بعد تلات ايام……
