رواية أحبني متمرد الحلقة الثانية عشر 12 بقلم رنا
 |
| رواية أحبني متمرد الحلقة الثانية عشر 12 بقلم رنا |
رواية أحبني متمرد الحلقة الثانية عشر 12 بقلم رنا
زينه: واو حلوه اوي الفستان ده يانور
امنيه: ملبستيش ال سليم جايبه ليه
نور بابتسامه: ده بتاع ماما الله يرحمها.. كنا قاعدين سوا وكانت بتكلمني اد ايه نفسها تشوفني بيه
زينه: يحببتي ربنا يرحمها.. وهي اكيد دلوقتي مبسوطه وفرحانه بيكي.. الف مبروك
نور حضنتها: الله يبارك فيكِ… هو خطيبك مش هييجي!!
زينه: مش عارفه هو مسافر اصلا ولو لحق يرجع اكيد هييجي
نور بابتسامه: اوك
زينه: بس انتي عارفه اول مره اخد بالي من جمالك كده..بجد فيكي حاجه غريبه وملامحك غربيه اكتر مش زي عمي
نور: اه مانا جدتي ام ماما اصلها امريكي وانا شبهها هي وماما اوي
امنيه ضحكت: واو جدتك امريكيه!!
نور: اها عشان تلاقيني انا ومراد شبه بعض وفينا من جدتي كتير
امنيه بعصبيه لما سمعت اسمه: شبه ازاي يعني مش انتو صحاب
نور ضحكت: ده ابن خالتو..عشان كده بعتبره زي اخويا
امنيه: بس سبحان الله مش شبهك خالص..غبي ومغرور و…
نور: لا بالعكس مراد مفيش احن منه صدقيني هو بس بيحب العند شويه… وغبي! معتقدش ده دكتور اسنان شاطر جدا عنده عياده خاصه ف اميركا بس هو ناوي يقيم هنا وميسافرش تاني
زينه ضحكت: واو وشوفته تحت كان قمر بصراحه يعني مش ناقصه حاجه مش عارفه انتي مش طيقاه ليه ياامنيه
امنيه بعصبيه: خلاص احنا هنفضل نتكلم عنه كتير..زمان كل حاجه جاهزه تحت..انا رايحه البس
زينه: هه وانا كمان يلا…
___________________
مدحت خبط علي الباب: نور!!
نور راحت تفتح بسرعه: بابا!! اتفضل
مدحت لما شافها بالفستان افتكر مامتها ودمع: قمر يحببتي
نور: فيه ايه يابابا انت كويس
مدحت: مكنتش مصدق اني ممكن اشوفك مع عريسك..انا حاسس اني شايف والدتك قدامي.. عايزك تخلي بالك من نفسك..عايزك تحافظي علي نفسك من بعدي
نور حضنته: ربنا يخليك ليا
مدحت: طيب يلا ياحببتي هروح اشوف سليم لما تخلصي
نور هزت راسها بموافقه: اوك
______________________
طارق بمرح: ولا وشوفتك عريس يابو سليم هه
سليم وهو بيلبس هدومه: عقبال مانشوفك انت كمان
طارق: هانت ان شاءالله اول مانرجع هروح اتقدملها ويكون كل حاجه رسمي
سليم: ايوه كده…الف مبروك ياطارق
طارق: الله يبارك فيك.. طيب انا هنزل اشوف كل حاجه جاهزه ولا ايه
طارق خرج ومدحت دخله: مبروك يابني
سليم: الله يبارك فيك ياعمي…اتفضل
مدحت دخل وقف قدامه بابتسامه: سليم يابني انت ابن اخويا اه وعارف انك هتحافظ علي نور علي انها بنت عمك قبل ماتكون خطيبتك او مراتك بس من واجبي ك اب ليها اوصيك عليها..انا لو حصلي حاجه نور مش هيبقالها حد غيركو..وغيرك انت بالتحديد
سليم بسرعه: اكيد ياعمي نور في عيني ومش محتاجه توصيه عليها..وربنا يخليك لينا ويطولنا ف عمرك وان شاء الله نور مش هتحتاج لحد طول ماحضرتك موجود
مدحت حضنته بحب ابوي: ربنا يخليك يابني انا كده اطمنت علي نور.. اسيبك انا بقي انزل اشوف طارق لما تخلص
سليم بابتسامه: اتفضل
مراد دخل: فيه ايه! اونكل مدحت ماله
سليم: مفيش..كان بيوصيني علي نور.. ميعرفش انها ف قلبي قبل عنيا
مراد ضحك: بجد!! وده من ايه ده!!
سليم ضربه علي كتفه بهزار: من زمان اوي..واقعد بقي ساكت عشان اخلص
مراد: طبعاً مش محتاج اوصيك انا كمان علي نور..يعني لو جاتلي ف يوم تشتكي منك هه…
سليم بتريقه: هتعمل ايه!!
مراد: مفيش ههزقها طبعا
سليم ضحك: ولا حتي دي..انت متكلمهاش تاني
مراد بعصبيه مصطنعه: يبني نور متقدرش تبعد عني اصلا
*سليم كان بيقرب منه عشان يضربه بس جري وخرج من الاوضه بسرعه *
امنيه بعصبيه: ااه مش تحاسب يااستاذ انت
مراد ابتسم عشان يضايقها: سوري ياقمر
امنيه بعصبيه: قمر ف عينك..احترم نفسك
مراد بعصبيه: انتي عبيطه يابت… قولتلك سوري هش شغلانه
امنيه: بت ف عينك بردو
مراد ضحك وحب بضايقها اكتر: كل ده ف عيني… ماتيجي انتي كمان
امنيه كانت لسه هتضربه بس مسك ايدها بعصبيه: شكلك اتجننتي فعلاً
*امنيه كانت لابسه حاجه ف ايدها ف لما مسكها اتكسرت وعورتها *
امنيه بوجع : سيب ايدي
مراد مسك ايدها اكتر وميعرفش انها اتعورت: اتأسفي!!
امنيه ايدها وجعتها اكتر وقالت بدموع: انا اسفه…سيب ايدي
*مراد لما شافها كده ساب ايدها وكان لسه هيتكلم لقي ايدها متعوره وبص علي ايده كان في دم بردو *
مراد قرب منها بسرعه: امنيه!! انا اسف مخدتش بالي اني عورتك.. وريني ايدك
امنيه مسكت ايدها بوجع: شكرا مش عايزه منك حاجه
مراد شد ايدها وخدها علي اوضته يلفهالها: تعالي معايا
امنيه: سيبني مش عايزه منك حاجه بقولك
*مراد دخلها الاوضه وراح يجيب شنطه الاسعافات*
امنيه: متشكره انا ممكن اعملها لنفسي
مراد تجاهل كلامها ومسك ايدها وبدأ يلفهالها بحنيه *
امنيه كانت قاعده وهو قاعد قدامها وكانت بتكلم نفسها: فعلاً ماشاء الله عليه حلو اوي حتي عينه زي نور لونها اخضر شويه..ايه الهبل ده استغر الله..
مراد خلص ولقاها سرحانه وبتبصله: مالها دي!!
امنيه خدت بالها انها معاه وشدت ايدها ال كان لسه ماسكها: ش..شكرا
مراد: علي ايه بس…يلا
*امنيه هزت راسها بموافقه ونزلو *
___________________
نور: ادخل
*سليم دخل بطلته ال جننت نور وهو لما شافها مقدرش ينزل عينه من عليها *
_ سليم قرب منها ومسك ايدها الاتنين بحنيه: ايه القمر ده..
زينه كانت واقفه معاها: ايدك لو سمحت… دي خطوبه فوق كده
سليم: كلها دقايق وتبقي مراتي
نور: ازاي
سليم ابتسم: لاني بصراحه فكرت وقولت نخليها خطوبه وكتب كتاب سوا وقولت كده احسن وهيطمني عليكي اكتر
نور ابتسمت وراحت حضنته: سليم ربنا يخليك ليا
زينه: تؤ تؤ اهدوا كده لما تبقي مراتك ابقي احضن براحتك
سليم: بت انتي انزلي تحت
زينه ضحكت: طيب يلا…
سليم بصلها بحنيه: يلا يحببتي
* حطت ايدها ف ايده ونزلو…. راحو سلمو علي كل ال موجود وهي راحت تحضن ابوها وجدها والمأذون وصل وقعدو عشان يكتبو الكتاب *
_ بارك الله لكما وبارك عليكما وجمع بينكما في خير… مبروك
* الكل سلم عليهم بفرحه وسليم فضل حاضنها فتره انها خلاص بقت مراته *
امنيه: مراد…
مراد كان قاعد: في حاجه !!
امنيه بصتله فتره وهو اتكلم لما لاقاها ساكته: امنيه انتي كويسه!
امنيه بابتسامه: ايوه.. كنت جايه اقولك ان عمي مدحت كان عايزك وقالي اناديلك
مراد راح معاها وبصلها وابتسم: قمر اوي
امنيه: مين دي!!
مراد ضحك: نور
امنيه:. ااه… وسليم يجنن
مراد: اه فعلا…عقبالك
امنيه: عقبالك انت الاول
مراد ابتسم: هيحصل…عن اذنك هشوف اونكل مدحت
امنيه بعصبيه مصطنعه: عمي عايزني بردو
* راحو هما الاتنين ومدحت كان عايز مراد بس يقوله علي كام حاجه ومشي وسابهم *
سليم: كان عايزك صح!!
امنيه: انت مالك..كنت عايزه اقف مع عمي اصله بيوحشني
مراد: بيوحشك ااه…
امنيه بعصبيه: عن اذنك اشوف نور
* كانت ماشيه بس سمعت صوت زي طلق نار…خافت للحظه وبصت وراها بسرعه وكان فعلاً زي ماتوقعت هو…كان واقع علي الارض وحاطتت ايده علي كتفه وغرقان ف دمه *
امنيه بصدمه: مرااااد…..
يتبع..
لقراءة الحلقة الثالثة عشر : اضغط هنا
لقراءة باقي حلقات الرواية : اضغط هنا
نرشح لك أيضاً رواية عريس من ديزني للكاتبة ندى حمدي.
