رواية عشقت ميمونة الفصل الحادي عشر 11 بقلم هاجر محمد

_ميمونه أنا قولت لك من الأول احسبيها من ناحية إنه عمل خير وربنا هيجازينا خير ان شاء الله

نهضت ميمونه بغضب وعصبيه و:- وأنا قولت لك لأ يامالك مع البت دي لأ لأ لأ. إنت مش فاهمها دي بتحاول تخدعك بالطريقه دي أنا فاهماها كويس

وقف مالك وهو يحاول ان يهدئها و:- طيب ممكن تهدي علشان نعرف نتفاهم

عشقت ميمونه. هاجر محمد. حبيبة

ميمونه :- أنا مش هتفاهم علي حاجه واللي عندي قولته وإنت اعمل اللي يعجبك وتحركت للخروج1

اتجه مالك سريعاً أمامها و:- أنا مش هعمل غير اللي يعجبك إنتي بس برده عايزك تسمعيني

كتفت ميمونه ذراعيها و:- عايز تقول إيه اتفضل سمعاك

مالك :- أنا ما ينفعش أرفض حاجه زي كده … بس برده ما أقدرش ازعلك

ميمونه :- يعني هتعمل ايه دلوقتى

أمسكها مالك من كتفها و:- يعني ياست الكل في عندي حل إنك تكوني معايا دايما كل ما أكون هناك وأعتقد كده هتبقي مرتاحه

لوت ميمونه فمها بضيق و:- أنا مش مرتاحه يامالك مش مرتاحه إنت ليه مش عايزه تفهمني

عشقت ميمونه. هاجر محمد. حبيبة

اقترب مالك وقبل جبينها و:- ما فيش حد في الدنيا يفهمك أدي بس أنا مش عايزك تخافي وصدقيني لو بعد ما بدأنا لقيت إنك لسه متضايقه هعتذر عنه بس نجرب سوي ……. هاااا قولتي ايه

حركت ميمونه رأسها باستسلام و:- ماشي … بس خليك فاكر إنت قولت إيه وطبعاً ده بعد الفرح

عشقت ميمونه. هاجر محمد. حبيبة

إبتسم مالك وضمها و:- أكيد بعد الفرح.. وما تقلقيش هفضل فاكر

:٪:٪:٪::٪:٪:٪:٪:٪:٪:٪:٪:٪:٪:٪:٪:٪:٪::٪:٪:٪:٪:٪:٪:٪:٪:٪:٪:٪

بعد مرور عدة ايام أتي اليوم الموعود كان الجميع علي قدم وساق والحاره بأكملها تشارك في تلك الفرحه فمالك بالنسبه لهم هو ابن كل بيت

في بيت مالك دلف خالد صديقه بعد أن طرق الباب و:- مبروك ياعريس

التفت مالك ناحية الصوت بسعاده و:- خالد إنت جيت امتي

فتح خالد ذراعيه وضمه و:- وأنا ينفع ما أحضرش فرح أخويا

مالك :- بس إنت قايلي إنك مش هتعرف تيجي

خالد :- كنت عايز أعملها لك مفاجأة بس إيه رأيك

مالك بابتسامه :- أحلي مفجأه في الدنيا

لفه خالد ناحية المرآه و:- طب يلا بقي ياعريس علشان أجهزك

===================================

في الأسفل عند أمينه يتجمع سيدات الحي يساهمون في الترتيبات معاها

أمينه :- صهييييب ياصهيب

دلف صهيب بتأفف و:- إييييه ياماما فيه إيه علي فكره انا راجل يعني مكاني مش في المطبخ والله

عشقت ميمونه. هاجر محمد. حبيبة

أمينه :- أومال أجيب حد من الشارع يقضي لي اللي أنا عاوزاه ولا أعمل إيه.. خد الحله دي وديها لخاتك حليمه وشوفها لو عايزه حاجه

أمسك صهيب الإناء بضيق و:- حاضر ياما مااااا حاضر بس بقولك إيه شوفي لي مريلة مطبخ ألبسها

ضحكت أمينه و:- امشي ياواد خلص

*وصل صهيب عند حليمه ودخل مباشرة دون أن يطرق الباب و:- طنط حليمه… ياطنط حلي

صمت صهيب وهو يفتح عينيه علي مصرعهم وهو يرى تلك الفتاه التي عباره عن شيئ اسود وفقط وجهها الحليبي يظهر من رفع نقابها و:- إ إن ب ب

صرخت بسرعه وهي تستدير وتغطي وجهها.. وقبل ان يبرر لها صهيب أي شيء ركضت من أمامه ظل واقفا مكانه كالتمثال بلا حركه ولم يشعر بحليمه التي سلبت الإناء من بين يده و:- صهيب

لم يرد عليها فلكزته بشده :- واد ياصهيييييب

انتبه صهيب ولكن ما زالت عينيه تتابع أثر تلك

الفتاه :- ليمه من البنت دي

نظرت حليمه الي محل ما هو ينظر و:- بنت مين

صهيب :- بنت منتقبه كده لابسه اسود في اسود وطولها تقريباً نفس طول ميمونه مين دي بقي

تذكرت حليمه صديقة ميمونه التي أتت لتأخذ لها بعض الأشياء التي تريدها و:- أاااااااه دي تلاقيها سجود صاحبة ميمونه

صهيب بشرود :- إسمها سجود الله إسم حلو أوي

حليمه باستفسار :- بس بتسأل ليه عليها

عشقت ميمونه. هاجر محمد. حبيبة

هقولك بعدين ركزي دلوقتي في الفرح وما تنسيش جوز الحمام بتوعي ماشي يلا سلام

:٪:٪:٪::٪:٪:٪:٪:٪:٪:٪:٪:٪:٪:٪:٪:٪:٪::٪:٪:٪:٪:٪:٪:٪:٪:٪:٪:٪

في غرفة مالك فتح صهيب الباب وبدون أي مقدمات :- مااااالك أنا عايز اتجوز دلوقتي

نظر إليه خالد ومالك و:- سلام قولا من رب رحيم

مالك :- مالك ياصهيب إنت سخن ولا إيه

اقترب صهيب من مالك بضيق و:- مالك أنا مش بهزر أنا بجد عايز أتجوز

رفع مالك حاجبيه و:- انت عليك عفريت إسمه عايز أتجوز استني لما تخلص جامعتك الأول وبعدين فكر في الجواز

صهيب :- مالكش دعوه بالجامعه المهم اتجوز سجود عايز اتجوز سجود

مالك بتفكير :- سجود… دي صاحبة ميمونه إنت تعرفها منين

صهيب :- إنت تعرفها؟؟

اومأ مالك برأسه و:- أيوه طالبه عندي في الكليه وصاحبة ميمونه

صهيب :- يعني تعرفها وهتجوزهالي ولا يرضيك أخوك يشيل ذنوب بسببك

خالد بضحك :- مالك جوزه ده شكله واقع خالص

مالك :- طب أتجوز أنا الأول وبعدين أشوفك انت.. وسعوا بقي كده ده أنا العريس

1

:٪:٪:٪::٪:٪:٪:٪:٪:٪:٪:٪:٪:٪:٪:٪:٪:٪::٪:٪:٪:٪:٪:٪:٪:٪:٪:٪:٪

في السنتر صدحت ضحكة ميمونه وهي تتابع غضب سجود و:- هههههههههه ده أكيد صهيب

سجود بغضب :- إنتي قولتي لي ما فيش أي رجاله في بيتكم مين صهيب ده بقي… بطلي ضحك وردي عليه علشان هموتك دلوقتي

ميمونه :- ده أخو الدكتور مالك اكبر مننا بسنه ودي آخر سنه له في كلية هندسه

سجود :- هو أنا كنت سألتك ب ب بس يعني يعني هو كده هيجي الفرح بالليل.. يبقي أنا مش هحضر

ميمونه :- بس ياهبله.. الرجاله لوحدها وإحنا لوحدنا وبعدين مش يمكن نبقي.. غمزت لها و:- نبقي سلايف

ضربتها سجود بخفه و:- إنتي ليكي نفس تهزري وأنا هموت من اللي حصل

ميمونه :- مين قالك اني بهزر أنا بتكلم بجد وبكره تشوفي

سجود :- خليكي في فرحك إنتي دلوقتي علشان مش عايزه أرخم عليكي أنا خارجه

أمسكتها ميمونه وهي تضحك و:- هههههههههه خلاص خلاص والله هسكت بس خليكي هنا

:٪:٪:٪::٪:٪:٪:٪:٪:٪:٪:٪:٪:٪:٪:٪:٪:٪::٪:٪:٪:٪:٪:٪:٪:٪:٪:٪:٪

في شركة خالد الجندي :-

في مكتب كمال كانت يتحدث في هاتفه و:- يعني الفرح النهارده والدنيا سايبه عندك

_أيوه ياباشا كل حاجه كل حاجه جهزه وأنا نفذت

اللي إنتي قولت عليه

ابتسم خالد بخبث و:- حلو أوي خليكي بقي عندك لحد ما أديكي الاوكيه

1

_تحت أمرك ياباشا

أغلق كمال الخط ونهض من مكانه متجها ناحية مكتب خالد و:- مبروك ياباشا شكلنا كده هنخلص من الاتنين النهارده

خالد :- نفذت اللي قولت لك عليه

كمال :- عيب عليك ده أنا كمال ولا إنت ناسي سلام أنا بقي علشان ألحق أجهز للفرح

خالد :- إنت رايح؟؟؟؟؟

تحرك كمال استعداداً للخروج و:- طبعاً مش بنت عمي ولازم أروح أبارك وأعمل الواجب1

:٪:٪:٪::٪:٪:٪:٪:٪:٪:٪:٪:٪:٪:٪:٪:٪:٪::٪:٪:٪:٪:٪:٪:٪:٪:٪:٪:٪

في المساء وصلت سياره مزينه أمام السنتر وعدة سيارات أخري بها الأقارب والاحبه.. النساء تصفق وتزغد بفرحه وتدندن بعض الاغاني الخاصه بالأفراح.. والرجال يقفون حول مالك يلقون عليه التهنئات والمباركات

عشقت ميمونه. هاجر محمد. حبيبة

خرجت سجود من السنتر واتجهت ناحية حليمه و:- طنط حليمه خلي الدكتور مالك يطلع ياخد ميمونه

أمسكتها حليمه من وجهها وقبلتها و:- عقبالك ياحبيبة قلبي

سجود بحرج :- ربنا يخليكي ياطنط

أخبرت حليمه مالك بأن ميمونه أصبحت جاهزه… صعد مالك ليراها واقفه موليه ظهرها له بردائها الأبيض الذي رأها به مره لكن تلك المره مختلفه نهائيا وقف خلفها وادارها ببطئ ليري أجمل عين رأها في حياته بلونها الرمادي المسكر .. انحني مقبلا جبينها وبعدها جذب الكاب الموضوع فوق راسها وأخفضه ليخفي عينيها و:- مبروك ياملاكي وساعدي

اخفضت ميمونه رأسها بخجل و:- الله يبارك فيك.. بس إيه رأيك حلو كده

مالك بابتسامه :- أجمل ماشافت عيني وأحلى حاجه حصلت لي في حياتي كلها

ميمونه :- الناس مستنيه تحت

تابط ميمونه في ذراعه وهبط بها إلى أسفل للتتعالي أصوات الزعاريد والتصفيق

*وصولوا إلي القاعه وظل مالك معها لفتره بسيطه وبعدها تركها وغادر الي القاعه المجاوره

أثناء خروجه تقابل مع عائلة سجود وهي معهم.. سلم عليهم باحترام و:- أنا مبسوط جدا إنكم لبيتوا الدعوه وشرفتونا بوجودكم معانا

والد سجود :- الشرف لينا يادكتور ما نقدرش نرفض الدعوه ربنا يتمم لكم على خير

مالك بابتسامه :- ربنا يخليك وعقبال الدكتوره سجود إن شاء الله.

_دخلت سجود وأمها قاعة النساء واخذ مالك ولدها إلي القاعه الثانيه

في القاعه الرجاليه دخل مالك بصحبة والد سجود.. نادي علي صهيب و:- صهيب ياصهيب

أتي صهيب اليه سريعا و:- إيه ياعريس شبيك لبيك صهيب قدام عنيك

عشقت ميمونه. هاجر محمد. حبيبة

ضحك مالك وكذلك والد سجود و:- طب ياجني ده المهندس عثمان والد الدكتوره سجود

أشار صهيب إليه و:- سجود.. نفس سجود بتاعت الصبح

ضيق عثمان عينيه و:- يعني إيه بتاعت الصبح دي

لكزه مالك في بطنه و:- ل لا لا ما فيش ده صهيب بيحب يهزر بس

تأوه صهيب وأمسك ببطنه و:- لا ياعم مش بهزر… بقولك إيه ياحاج عثمان أنا عايز اتجوز بنتك وإنت طبعاً موافق أنا عريس ما اترفضش

عثمان بدهشه :- هو مين الاستاذ ده يقربلك يعني محتاجه في حاجه

. مالك :- هو للأسف أخويا… بس أنا مش محتاجه في حاجه يعني لو عايز تخلص عليه اتفضل

صهيب :- يعني هيتجوزني بنتك ولا إيه

ضغط مالك علي أسنانه بغضب و:- يلعن إبليسك ياشيخ وسع. اتفضل يابش مهندس اتفضل

تحرك معه عثمان و:- هو بجد ده أخوك1

حرك مالك رأسه و:- للأسف أخويا

:٪:٪:٪::٪:٪:٪:٪:٪:٪:٪:٪:٪:٪:٪:٪:٪:٪::٪:٪:٪:٪:٪:٪:٪:٪:٪:٪:٪

عند الفتيات كان يطرقن علي الدف ويتغتين ببعض الاناشيد الاسلاميه بأصوات عذبه

زفوا القمر ع القمرايه و قولوا لهم مبروك ويايا

غالية و غالي يا فرحة تعالي

هنقدم لكم أحلى تهاني

إسلامنا صوته في العالي و عريسنا نجمه بيلالي

و عروسته عاشت ع التقوى ع السنة و على القرآن

الشرع لما يحكمنا الخير أكيد هيوصلنا

إسلامنا دستورنا الغالي بالنور هيرجع من تاني

يا رب تمم فرحتنا و اسعدنا و اسعد لمتنا

بالحب نغني في فرقتنا و الكل أهو سامع ألحاني

فرحونا فرحونا بالعروسة و بعريسها فرحونا

و اسمعونا و اسمعونا و اسمعونا و بعد منهم جوزونا

يا طيور السما غني و قربي

و انزلني عندنا صلي على النبي

دا الورد شاركنا الفرحة و قال

عروستنا راحت لابن حلال

هو ده هو ده و عريسنا ده أيوه ده أيوه ده عريسنا ده هو ده

هيه آه .. هو ده

صقفي يا كفوف

و اندهي يا دفوف

على كل جيران علشان عروستنا تشوف

قمر العرسان في الناس فرحان

قاعد سلطان و الكل ضيوف

و الجمع الطيب مأنسنا بيغني و فرحان بعريسنا

و بيدعي المولى اللي حراسنا من أول سنة يدي له صبي

ده الورد …

قرب يا نسيم هلل يا نسيم

و فل و طل ع المعازيم و ادع الرايحين و ادع الجايين

و ادع لنا و قول المولى كريم

ده فرح نصيب لبعيد و قريب

و بنفرح و المأذون في البيت

و عريسنا نصيبه في مسك و طيب

اللهم صلي عليك يا نبي

ظلو في هذا الفرح يتغنون باجمل الكلمات حتي منتصف الليل كان الجو مليئ بالسعاده المطعه بالطاعه

قامت حليمه وهمست بجوار اذن ميمونه و:- مالك بيقول يلا

جهزت البنات ميمونه مره أخري استعداد للخروج .. كان مالك في انتظارها في الخارج وما إن خرجت حتي أمسك بيدها متجها ناحية السياره ولكن توقف علي صوت كمال و:- إيه ده هو الفرح خلص ولا أنا اللي جيت متأخر

_ضغطت ميمونه بخوف علي ذراع مالك الذي ربت علي يدها ليطمئنها ونظر إلي كمال و:- لا انت اللي جيت متأخر يلا مالكش نصيب بقي… أشار إلي ميمونه لتدخل السياره ولكنها توقفت علي كمال وهو يخرج سلاح من جيبه و:- بس أنا لازم اعمل الواجب.. وأطلق رصاصه في…….

يتبع…..