رواية توأمان وقلب واحد الحلقة العاشرة 10 بقلم إيمان المهدي
 |
| رواية توأمان وقلب واحد الحلقة العاشرة 10 بقلم إيمان المهدي |
رواية توأمان وقلب واحد الحلقة العاشرة 10 بقلم إيمان المهدي
على طاولة الإفطار تجتمع عائلة الهاشمى ومن بينهم رنا وصمت يسود المكان
حبيبه. احم. كنت عايزة اقول حاجة .. أمير هيرجع يعيش معانا
هالة بفرحة بجد يا حبيبه طيب ازاى ايه ال حصل خلاه يوافق
حبيبه قعدنا مع بعض واتفهمنا كان لازم عشان حور
يسرا الحمد لله ربنا يسعدكم ويهدى سركم يارب.
حبيبه طيب هو أكيد هيكون هنا على الغدا
هاله.بسعادة هعمله الأكل ال بيحبه
محمود. أنا رايح المستشفي وهكون هنا على الغداء.
حمزة. بابا. أرجوك هتفضل كتير كدا زعلان منى ومتكلمنيش
محمود …..
حمزة. أنا عارف ان تصرفى مكانش صح بس كمان شوف الموضوع من وجهه نظري. ان عارف يستحيل عمر شاكر كان يوافق على جوازنا صدقنى دا كان الحل الوحيد وقتها حتى لو مكانش الأفضل
محمود. ال انت عايزه عملته طول ما شاكر مش راصى على جوازك من بنته أنا مش هسامحك. لانه شايف ان خزلته وان موافقك على عملته
حمزة وانا هعمل ال اقدر عليه عشان اخليه يوافق
######
خالد. إيه يارحمه لسه مفطرتيش
رحمه. من امتى بقى وانا بفطر من غيرك.
خالد. من وقت ما بقيت أفطر معاكى وانا الأكل بقى ليه طعم تانى.
رحمه. عشان الأكل بيحب اللمه وانا كنت منعزل لوحدك بعيد عن الكل
خالد وانتى بقى خلتينى شبه الأراجوز بتنطط ف كل مكان شويه اتعودت على الخلطة بالناس. غيرتينى كتير من وقت ما عرفتك يارحمه. شكرا ليكى
رحمه انا اللي مفترض اشكرك وقفتك جنبي خلت عندى ثقه بنفسى
الأيام والوقت. قادرين على تغير تفكير انتهاء وجع
ودا ال حصل مع رحمه بوجود خالد جمبها كان أكبر داعم ليها ف ظروفها.
دخل احمد المستشفي. وسأل بعض الممرضات على خالد وراح غرف الراحة
وهو خارج الغرفة سمع ضحكات خالد ورحمه التى تملأ المكان.
أحمد بخبث بقا كدا يا ابن عمى طردتنى من المستشفى عشان يروقلك الجو معاها. بس والله ما اهنيك بيها. ست رحمه ال عامله فيها الخضرا الشريفه
خالد. رحمه انتظرينى هخلص شويه حاجات واوصلك
رحمه هستناك تحت.
بعد وقت نزل خالد امام المستشفي بيدور على رحمه
لنفسه راحت فين أنا قايلها تستنى عند عربيتى
دخل سأل عليها الممرضات وعرف منهم ان احمد كان بيسأل عليه. الشك سيطر عليه وان يكون احمد ناوى على حاجة
خالد لا لا أكيد أنا بتخيل بس مستحيل يأذى رحمه.
خرج كالمجنون يسأل الحارس. عليها
الحارس. أه شوفتها واقفه من دقايق هنا مع دكتور احمد وتقريبا ركبت معاه.
ف فيلا الهاشمى.
هاله نورت البيت يا حبيبى
أمير شكرا ياماما عامله ايه
هاله هو انت مبتسأل. يعنى
أمير حقك عليا ياماما
يسرا. طيب كفايه احضان الغدا جاهز
اجتمع الكل على طاوله الطعام ف صمت تام
حتى تحدثت حبيبه عيد ميلاد حور بعد يومين وحابه اعمل عيد ميلاد. مميز إيه رأيكم
هاله. ياريت والله خلى الفرح يدخل البيت
حبيبه وانت يا أمير رأيك ايه
أمير ال تشوفيه
حبيبه تمام كدا هبدأ ف تحضيرات من بكرة
أمير انا طالع ارتاح بعد إذنكم
هاله استنى يا أمير شويه على ما الدادة تنقل سرير حور من قوضة حبيبه. لقوضتى
أمير بعد فهم. مش فاهم ليه ياماما
هاله عشان تاخد راحتك انت وحبيبه
أمير بغضب أنا قولت…. قاطعته حبيبه مسرعه
خالتو أنا وامير اتجمعنا عشان حور وبس ارجوكى يا خالتو متتكلميش تانى ف الموضوع دا
هالة هو ايه الجنان ال احنا عايشين فيه
حمزة اتجوز وعايش لوحده وانتم كمان. هو فيه جواز كدا اومال اتجوزتم ليه أنا امشى قبل ما اتجنن من تصرفاتكم
حمزة بضحك. هههههه دلوقتى تروق
أمير طيب أنا وحبيبه وظروفنا مختلفة انت بقا بعيد ليه عن رنا. يابنى دا انت كنت هتتجنن عشان متجوز غيرك
حمزة أنا بحب رنا أه لكن مجبتهاش بيتى عشان تبقى تتعذب ببعدها عن ابوها. لازم الأول شاكر يكون راضى عن جوازنا اظن لو عرف ان أنا ورنا يعنى … دا هيخليه يحس ان مأخدش بنته غصب او هيريحه شويه
أمير مع ان مش مقتنع وتقريبا شاكر كمان مش هيقتنع بس ال اقدر اقوله ربنا يصلح الأحوال ما بينكم
خالد كان متأكد ان رحمه مش ف امان واكيد أحمد هيأذيها. رطب العربيه وطلع سريعا على شقته القديمه ال احمد عايش فيها مؤقتا طول الوقت بيتصل برحمه ومفيش رد. وصل تحت العمارة واتأكد من وجود عربيه أحمد.
كان دايما خالد معاه نسخة من مفاتيح الشقه لانها كانت ليه سابقا وسابها لأحمد بعد طردته من المستشفي والفيلا
أول ما وصل الشقه سمع أصوات وكان واضح ان دا صوت رحمه بتستنجد بأى حد للمرة التانيه كان أحمد بيحاول يعتدى
خالد. أه يا بن ال….. انت حيوان وقذر وكان بيضرب فيه زى المجنون
أحمد بوجع تحت لكمات خالد. هو حلال ليك وحرام ليا ما انت رايح جاى معاها ف كل مكان. وواخدين راحتكم على الآخر
خالد انت فعلا زباله ووساختك دى اخرتها على إيدى.
رحمه ببكاء ارجوك كفايه ياخالد متضيعش نفسك عشان واحد زي دا.
خالد سابه ومسك رحمه من ايديها وخرج بيها.
وبعصبيه. عايزة أعرف ازاى وصلتى شقته. أنا مش قايلك تستنينى
رحمه ببكاء. أنا كنت واقفه وهو جه وبعد يعتذرلى كتير وانا زعقت معاه ولما جيت امشى ضرب دماغى ف العربيه وبعدها محستش بنفسى غير وانا جوه الأسانسير حاولت اصرخ كتم صوتى ودخلنى الشقه غصب وانت جيت بعد كدا
خالد صعب عليه دموعها والقهر ال عايشه فيه بسبب ابن عمه قلبه كان بيوجعه عليه. لدرجه ان محسش بنفسه ال وهو بيقولها.
تتجوزينى يا رحمه
رحمه ????????
يتبع..
لقراءة الحلقة الحادية عشر : اضغط هنا
لقراءة باقي حلقات الرواية : اضغط هنا
نرشح لك أيضاً رواية القوية إذا أحبت للكاتبة ندى الشريف.
