رواية يوميات سماء وغيث الفصل الأول 1 بقلم Faloula Elazab
رواية يوميات سماء وغيث الجزء الأول
رواية يوميات سماء وغيث البارت الأول
رواية يوميات سماء وغيث الحلقة الأولي
* غيث اسمعني بسرعه …. بنتي امانه في رقبتك ليوم الدين …. سامع لو حصلي اي حاجه اتجوزها …. محدش غيرك هيحافظ عليها
# عمو محمد حضرتك بتقول ايه ؟!
ربنا يخليك لينا ….. هي اصلا متعرفنيش ….. و محدش فينا هيستحمل غيابك
محمد : انا حاسس اني خلاص …. دي وصيتي ليك
غيث : ارجوك متقولش كده ….. انا ماليش غيرك بعد موت اهلي
محمد : في ايه يلا انت …. انت شايفني بموت قدامك ولا ايه …. اسد يلا في ايه …. انا هقوم اروح يحسن تعبت اليومين دول في الصفقه الجديدة
و محمد عند الباب قبل ما يطلع : غيث متنساش وصيتي
____________________________________________________________
في بيت محمد
محمد : سمسمتي ….. انتي فين يا بت انتي
^ انا هنا يا حاج … بعملك حتة اختراع هتاكل ايدك وراها
محمد : حلو اوي على ما تخلصي اكون انا غيرت هدومي و اتصلت بالاسعاف يادوبك
سماء : انت بتتريق عليا يا والدي … مكنش العشم يا بابا مكنش العشم
ايه الريحه دي …. يالهوي الصينيه
محمد : يا ربي انا مخلف هبله
# على السفرة #
محمد : لا بس بجد الاكل تووحفة …. شكلك فالحة يا بت في المطبخ و مش خاايبه
سماء : عيب عليك يا والدي …. معدتك في ايد امينة
انا هعملنا كوبايتين شاي بالنعناع و نقوم نشربه في البلكونة ………. اتفقنا !
محمد : اتفقنا يا حبيبي لاني محتاجك في كلمتين
# في البلكونة #
سماء : ايه يا حبيبي مالك ايه اللي مقلقك كده ؟!
محمد : بصي يا سماء اسمعيني كويس و من غير عواطف و سيبيني اخلص كلامي مرة واحدة ………. فاكرة عمك عبدالله هو طنطك فيروز الله يرحمهم ؟!
سماء : اه يا بابا فكراهم و كان عندهم ابن تقريبا …. كان اسمه غريب كده
و كنت بقوله غلط على طول و كنتوا بتتريقوا عليا صح !
محمد بضحك : صح يا حبيبتي … غيث كان اسمه غيث
و بعد موت عمك عبدالله هو مراته الله يرحمهم غيث كان معايا على طول كان موجود معايا في شغلي لانه عبدالله كان شريكي في الشغل فمن و هو في ثانوي و هو جه و بدا يفهم الشغل لحد ما اتخرج و بقى بيطور في الشغل كمان ….. غيث دلوقتي هو ايدي اليمين و بير اسراري ….
سماء اسمعي الكلمتين دول مني كويس اووي …. لو في يوم حصلي حاجه خليكي مع غيث … انا قلتله نفس الكلام …. اتجوزوا هو هيحميكي زيي بالظبط … و خليكي عارفه ان غيث شاف كتير في حياته
ييييي انتي بتعيطي ليه دلوقتي افهم بس
سماء : بابا انت مش هيحصلك حاجه صح ؟!
محمد : تعالي في حضني يا هبلة انتي … تعالي
سماء : بابا انا مش هقدر اعيش من غيرك يا بابا …. متسيبنيش
محمد : انتي شيفاني صابح ميت يا بت انتي ولا ايه
سماء و هي بتخش في حضنه اكتر : خليك معايا على طول يا بابا
محمد : انا على طول معاكي يا قلب بابا …. جوا قلبك يا حبيبتي
اتفقنا ….. يلا نقوم ننام بقى
_____________________________________________________
محمد : اسمعني كويس يا مدحت الوصية تتفتح بعد دفني على طول و تتنفذ و في حضور الاتنين سماء و غيث
المحامي مدحت : بس يا فندم انت مقولتش ليهم ليه الكلام دا
محمد : و مين قال اني مقولتش ….. انا قولت من شهر بس نتراهن ان كل واحد فيهم نسى بمزاجه علشان مش عايزيين يتخيلوا الموقف اصلا
اياك تنسى يا مدحت …. و يلا قوم على شغلك انت كمان
_____________________________________________________
سماء : بابا …. يا بابا قوم يلا علشان الفجر بيأذن ….. يا بابا
يا حاج انت كبرت و نومك تقل كده ليه
بابا !!!! لا لا بابا قووم …. بابا متعملش فيا كده
دكتور احمد … انا هروح اناديله انت تلاقي بس ضغطك وطي شويه
الطرحه فين
طخ طخ طخ طخ طخ ….. دكتور احمد افتح الله يخليك …. حد يفتح البااااااااب
دكتور احمد : انسه سماء في ايه الفجر كده
سماء بعياط : بابا … بابا مش بيرد … بابا مش بيرد
دكتور أحمد : ايه وسعي كده و دخل جري الاوضه يكشف عليه بس الروح كانت طلعت لخالقها
انا اسف يا انسه سماء …. البقاء لله
سماء …… سمااااااء
____________________________________________
* الو …. مين معايا
دكتور احمد : استاذ غيث معايا ؟!
غيث : ايوا انا مين معايا ؟!
دكتور احمد : انا دكتور احمد جار استاذ محمد … كان اداني رقمك علشان لو حصل اي حاجه اعرفك انت اول واحد و تيجي … كان بيقول انك ابنه اللي مخلفهوش
غيث : عمو محمد فيه حاجه ؟!
ايه اللي حصل … انا دقايق و هكون عندكم بس في ايه
دكتور محمد : انا اسف ….. البقاء لله
غيث : انت بتقول ايه مستحيل …….. انا جاي حالا حالا
____________________________________________
غيث : هو فين ؟!
محمد : انت غيث ؟!
غيث : اه …. هو فين ؟!
و سماء فين ؟!
محمد : هو في اوضته لسه معملناش اي حاجه في الاجراءات ….. استنيناك
و الانسه سماء في اوضتها …. مستحملتش الخبر و اغمى عليها …. انا علقتلها محاليل و زوجتي معاها في الاوضه متقلقش ……..
غيث : انا هدخله لو سمحت
# في الاوضه #
غيث بعياط : ليه كده يا عمو ؟! قلتلك اني مليش غيرك …. طب سماء هتضيع من غيرك … و انا كمان احنا ملناش غيرك والله …. انت كنت معانا في كل حاجه و كل ثانيه …. كنت ابويا و اخويا و صاحبي … من غيرك عمري ما كنت طلعت من كل اللي وقعت فيه ….. انا مش لسه قوي كفاية علشان اشيل الشيله دي يا بابا ….. كنت بقولك في نص الكلام بابا و انت عمرك ما علقت كنت بشوف ابتسامتك لما بتطلع مني بتلقائي و مكنتش بتسأل علشان متحرجش … بس كل مرة كنت بقولها كنت بقولها من قلبي لاني كنت حاسسها يا بابا …. يمكن جايه متأخر …. بس انا هفضل اقولك بابا يا بابا …….ليه عملت فينا كده ليه ….. ربنا يرحمك يا حبيبي …. سلملي على ماما و بابا معاك …..
# برا الاوضه #
غيث : دكتور محمد خلينا نبدأ في اجراءات الغسل و الدفن علشان نصلي عليه الظهر …. و ارجوك حاول تخلي سماء تفوق قبل ما نغسله علشان تلحق تودعه ….
محمد : محمد يا غيث …. عمو محمد كان زي ابونا كلنا …. متقلقش على انسه سماء …. حبه و هتلاقيها فاقت
* محمد … سماء بدأت تفوق ….. اعمل ايه
محمد : اتاكدي من حجابها يا رحمه و انا جاي وراكي علشان اتاكد انها احسن
غيث : انا جاي معاكم اطمن عليها
# جوا اوضة سماء #
محمد : ضغطها مش احسن حاجه بس اتحسن شويه
غيث : سماء …. انتي سمعاني
سماء : بابا …. انا عايزة بابا …. انت مين …. انا عايزة بابا ارجوكم
هو كويس صح ؟!
غيث : انا غيث يا سماء
غيث عبدالله ….. و بابا محمد لسه في الاوضه
سماء : بابا قالي انه بيثق فيك … فانت مستحيل تكذب …. هو كويس صح ؟!
غيث : فاكرة يا سماء كان بابا محمد دايما بيقول ايه ؟!
كانت ايه الكلمة اللي على طول بيحفظهلنا ؟!
سماء بعياط : الذين اذا اصابتهم مصيبة قالوا انا لله و انا اليه راجعون
غيث : بالظبط ….. بابا محمد راح خلاص و احنا لازم نريحه
سماء : انا عايزة اشوفه لاخر مرة ممكن !
عايزة احضنه …. ارجوك
غيث : ادخلي يا سماء … ادخلي …. و احنا هنبدأ في الاجراءات
يلا يا محمد
محمد : خليكي معاها يا رحمه في البيت
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية يوميات سماء وغيث)
تعليق واحد