رواية يوسف وأماني الفصل الرابع 4 بقلم أمل صالح
رواية يوسف وأماني الجزء الرابع
رواية يوسف وأماني البارت الرابع
رواية يوسف وأماني الحلقة الرابعة
بص يوسف لأماني وغمز – ونزعل ليه والدُنيا فيها A….!!!!!
بصتله بشك وهي مِش قادرة تصدقه ورجعت بصت لمامتها اللي قالت.
– طب مالكم طب!!
كانت أماني هتتكلم لكن بسرعة قطع كلامها وهو بيرد عليها.
– مفيش يا طنط حاجة، جايين نشوفك ونطمن عليكي وكِدا يعني.
وقفت سامية ومشت للمطبخ بعد ما قالت بشك.
– طيب أنا هقوم اجبلكم عصير ولا اي حاجة.
قالت أماني وهي بتبصله بضيق.
– لأ يا ماما متتعبيش نفسـ…
قاطعها تاني – لأ لأ دانا همدان وعايز بُق عصير يروي عطشي، اصلي جاي من اول البيت لحد هِنا ولسة قايم من النوم كمان،تخيلي يا حماتي تخيلـ…
زعقت أماني وهي بتقاطعه المرة دي هي.
– خلاص!! أنت هتشحت يا يوسف!!
سابتهم ودخلت المطبخ وهو قام من مكانه قعد جنبها وهو بيقول بكذب اجاده.
– قوليلي بقى احنا اتخانقنا ليه.
بتريقة – لأ خليها لما تفتكر براحتك.
– لا والله أبدًا انا عايز اعرف now.
بصتله بشك أكبر – أنت بتهزر.
غمز – ومهزرش ليه وأنا قاعد جنب القمر.
– لأ دي اسمها قلة أدب، قوم من جنبي يا يوسف أنا مِش طايقاك.
بجدية – لأ بجد عايز اعرف، ليه اتخانقنا..!!
– عشان سيادتك كُنت سهران في كباريه، حلو كِدا!!
شهق – يا مصيبتي، أنا..!!
غطا وشه بتأثر وبدراما قال – لأ لأ دا افترا دا.
خرجت سامية وهي شايلة الصينية اللي عليها العصير، مِسِك كوباية شِرب منها شوية وهو لسة بيتصنع الحزن.
– هاتي يا حماتي، هاتي ابل ريقي، الصدمة نشفته.
ضغطت أماني على سنانها وهي بتقرب منه وبتقول بصوت واطي عشان مامتها.
– طب وحياة ربنا انا حاسة إنك كداب يا يوسف.
بصلها بتأثر – اخص عليكي، اخص عليكي 1000 اخص ياريتني اتجوزت برميل على الاقل مكنش هيشك فيا.
يتبع…
لقراءة الفصل التالي : اضغط هنا
الرواية كاملة اضغط على : (رواية يوسف وأماني)
تعليق واحد