رواية يوسف وأماني الفصل الثاني 2 بقلم أمل صالح
رواية يوسف وأماني الجزء الثاني
رواية يوسف وأماني البارت الثاني
رواية يوسف وأماني الحلقة الثانية
– يوسف احنا متجوزين بقالنا 6 شهور!
بصلها شوية وكأنه مِش مستوعب، شوية وبدء يضحك وهو بيتقدم بخطواته لقُدام.
– إي الهزار دا بس يا أماني!!
زعقِت – مِش بهزر..
وكمِلت بتريقة – قول إن دي تمثيلية منك عشان تحور على موضوع امبارح.
قعد على الكنبة وحط راسه بين إيديه.
– أنا بجد مِش فاهم ولا فاكر حاجة!! 6 شهور إي!
اترددت ما بين إنها تصدقه وبين إنه بيكذب عليها، في الآخر قعدت قُصاده علىٰ الكنبة التانية وهي بتقول بشك.
– بجد!
رفع راسه – فعلًا آخر حاجة فاكرها إننا كنا عند حماتي!
هزت راسها – لأ لأ كِدا في حاجة غلط.
بصلها – هو في إيه.
– احنا اتخانقنا امبارح خناقة كبيرة..
– و…
– وقولتلك تطلقني ورفضت..
– بعدين..
– قولتلك إني هخلعك قولتلي ماشي.
وقف بسرعة – أنا قولت كِدا!! لأ مستحيل..!! وبعدين إزاي مِن ست شهور!!
– أنت لازم تروح لدكتور.
– أماني أنا بجد مِش فاكر إني قولت كِدا، أنا لا يمكن اسيبك أصلًا..!!
وقفِت – أنا هنزل.
لحقها قبل ما تفتح الباب وهو بيمسك دراعه.
– لأ لأ، أنتِ مصدقة..!!
– معرفش، أنا هروح عند ماما.
– مِش هسيبك تنزلي.
شدت إيدها – لأ هنزل، لما تبقى تفتكر مع نفسك بقى.
قالتها بتريقة قبل ما تفتح الباب وتنزل وهو وقف ورا الباب ياخد نفسه وهو بيقول لنفسه.
– عدت على خير…..!!!!!
يتبع…
لقراءة الفصل التالي : اضغط هنا
الرواية كاملة اضغط على : (رواية يوسف وأماني)
2 تعليقات