رواية ياسمينا الفصل الأول 1 بقلم هدير بدر
رواية ياسمينا الجزء الأول
رواية ياسمينا البارت الأول
رواية ياسمينا الحلقة الأولى
انا كنت واخدك رهان للأسف انا مش بحبك ولا هحبك
ياسمين وهي مصدومه: مش فاهمه وضحلى اكتر
براء بلا مبالاه : يعني انتي كنتي رهان بيني وبين صاحبتك لو خليتك تحبيني وكسرتك انا هتجوزها واكسب قلبها
ياسمين بعدم استيعاب وهي بترفض الحقيقه : انت اكيد بتعمل فيا مقلب زي كل مره
براء بغضب وعصبيه : عايزه تصدقي صدقي مش عايزه عنك وفاجاه ظهرت نهال من ورا ضهره وهي شمتانه فيها
ياسمين بانهيار : انتي انتي تعملى فيا كدا
نهال ببرود : والا وجيه اليوم اللي اشوفك فيه مذلوله ومكسوره وقربت منها بفحيح تعرفي انا فرحانه اوي باللي وصلتيله كنتي دايما الأولى علي دفعتك ودايما كل الشباب بتحبك علشان محترمه اللي مش بتكلم حد دايما احلى مني في كل حاجه شوفتي بقا خليتك ضيعتي كل حاجه في لحظه يعني خليته يقعدك من الشغل بس علي الهادي علشان طبعا ماتزعلهوش خليتك تهملى دراستك خليتك زي الحشره بالظبط اوعي تكوني مفكراني كنت مصحباكي حبا فيكي لا كنت مصحباكي علشان انتي شاطره وخدت اللي عايزاه منك وزياده يعني دلوقتي ولا حلم ولا مستقبل لا وكمان مكسوره
اشمعنا انتي عندك أهل يحبوكي وانا لا ها اشمعنا انتي احلى مني في كل حاجه حتي اهلك خليته يلعب عليكي ويكرهك فيهم ويبعدهم عنك عارفه ليه علشان لما تتكسري تبقي وحيده وبعدين سقفت بسخريه وشماته انا انهارده اسعد واحده وانا شيفاكي كدا تعرفي انتي كنتي بتكلميني وبعدين تقوليلي رايحه اذاكر كنت بدخل اقوله ادخل كلمها علشان اذاكر انا وهو يلهيكي واول مابيقفل بدخل اكلمك
ماتعمليش نفسك ام قلب ابيض بقا وبطلى دور الشريفه اللي انتي فيه دا
ياسمين كانت كلمتها كلها بترشق في قلبها وماكنتشي مستوعبه اللي بيحصل معقول صديقتها الوحيده وحبيبها يعملوا كدا
ياسمين بدأت تتكلم بانهيار ومراره: لييييه لييييه اناااااا لييييه انا كنت معتبراكي اختي اللي امي ماجابتهاش كنتي أقرب ليا من نفسي كنت ببخل علي نفسي علشان اجبلك حاجات تفرحك تعويض عن اهلك كنت بقف جنبك في كل خطوه وبساعدك وبشجعك ليه تبصيلي في رزقي وانا عمري مابصيت ليكي في حاجه ليه دا جزاتي ليه دخلتي حياتي انا كنت انطوائيه مش بتعامل مع حد اصلا انتي الوحيده اللي قربتي مني وحبيتك واديتك كل اللي بايدي ناسيه لما بعت الخاتم بتاعي علشانك ناسيه انا عمري ماهاسامحك وبعدين بصيت لبراء بمراره: ليه تأذيني انا اذيتك في ايه انا سلمتك قلبي وامنتك عليه ليه تجرحني بالطريقه دي وتكسرني وانا كنت مستعده اضحي بعمري علشانك انا انكسرت منك وبعدين بدأت تكسر في كل حاجه ادامها بانهيار وبدأت تصرخ ااااااااه لييييييييه حرام عليكم وبدأت تخبط علي قلبها ذنبه ايه دا ها ذنبه اييييه حبك ذنبه اييييه وثق فيك دا انا كنت بمشي ورا كلامك وواثقه انك عايز مصلحتي دا انا كنت معميه بحبك ليا عارف انا استاهل اني اغضبت ربنا بسببك
وبدأت تكسر اكتر
كان براء واقف باصص في الأرض وقلبه واجعه وهو شايفها كدا ونهال باصه بشماته انه حلمها اتحقق
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية ياسمينا)
