رواية ولد للايجار الفصل الأول 1 بقلم محمد مالك
رواية ولد للايجار البارت الأول
رواية ولد للايجار الجزء الأول
رواية ولد للايجار الحلقة الأولى
صباح .. هتعملي ايه ؟
فاطمة .. من حسن حظك ان اختي لسة والدة امبارح وجابت ولد
صباح .. وبعدين ؟
فاطمة .. ولا قابلين . هناخد الولد منها علي انه ابنك اللي ولدتيه وكام يوم كده ونرجعهولها تاني
صباح .. انا مش فاهمه حاجة ؟! واحنا كده نبقي عملنا ايه يعني ؟!! طالما هناخد الولد كام يوم ونرجعه !! ولما يسألوني ابنك راح فين هارد اقول ايه ؟!
فاطمة .. يا بنتي افهمي .. احنا هنقول انك ولدتي توأم وهناخد الولد علي انه ابنك واخو بنتك دي التوأم وكام يوم يعدوا كده هنقول ان الولد مات وبكده اتحلت المشكلة يا ست صباح
صباح .. يعني ايه ؟! انتي هتموتي الولد بجد ؟!
فاطمة .. بعد الشر طبعا .. احنا هنقول انه مات كده وكده افهمي بقي مخك تخين ليه ؟!!
صباح .. يا سلام !! ونور واهله هيصدقوني بالسهولة دي طب ما هيسألوني فين جثة الولد
فاطمه .. ساعتها انا هبقي اتصرفلك في عيل متوفي فعلا عندي في المستشفي دي بسيطة ان شاء الله والعيال كلها في السن ده شبه بعض بس ادعي ان مروه اختي توافق
صباح .. دي فكره حلوة اوي يارب توافق كلميها والنبي
فاطمة .. هاكلمها وان شاء الله توافق
وفعلا فاطمه تتصل ب مروة وبعد مكالمة طويلة والحاح شديد وافقت مروه ان تعطي ابنها ل صباح لمدة اسبوع واحد فقط وبالفعل احضرته من الباب الخلفي للمستشفي
نور يحضر متلهفا الي المستشفي ..
نور ل فاطمه .. صباح ولدت بالسلامة ؟
فاطمة .. اه الحمد لله
نور يدخل الغرفة التي تقيم بها صباح ..
نور .. حمد الله ع السلامه ثم يقبل جبهة زوجته ويقول .. هو فين ؟ ويقصد البيبي
صباح .. اهم
نور يندهش .. ايه ده ؟! دول اتنين؟!!!
فاطمه بارتباك واضح .. اه ما هما توأم
نور .. بس انتي يا صباح قولتيلي هو ولد واحد بس !!
فاطمه .. ما هي ماردتش تقول لحد ما تقوم بالسلامة عشان الحسد بس
نور .. اه .. يعني دول ولدين ؟
صباح .. لا .. ولد وبنت
نور .. ولد وبنت ولد وبنت المهم ان فيهم ولد .. طيب هو فين الولد فين في دول ؟
صباح .. اهوه
نور يحمل الولد ويضمه الي صدرة بكل حب .. اخيرا شرفت يا قلب ابوك !! استنيتك كتير اوي اوي .. حمدالله ع السلامه يا بطل .. ثم ينظر للبنت ويقول .. لا اركني انتي علي جنب .. عندنا منك كتير
وتعود فاطمه للمنزل بالطفلين ويتم عمل سبوع كبير جداا يشمل وليمه ضخمه لأهل القرية وفي اليوم السابع واثناء الاحتفال بالسبوع والطبل والموسيقي تدخل صباح غرفة النوم وكلها قلق وتوتر فقد حل اليوم الذي من المفترض ان ترد الولد فيه لأمه وتقترب من السرير والدموع في عينيها وتنظر للطفلين فتلاحظ البنت لا تتحرك فتقلق وتمسكها وتهزها حتي تفاجأ وقد فارقت الحياه!!
صباح .. يا لهوي البنت ماتت !!!!
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية ولد للايجار)
