رواية وقعني ظبوطه الجزء الثاني الفصل الثامن 8 بقلم منار مجدي

رواية وقعني ظبوطه الجزء الثاني الجزء الثامن

رواية وقعني ظبوطه الجزء الثاني البارت الثامن

رواية وقعني ظبوطه الجزء الثاني الحلقة الثامنة

هارون:نعم يختى
أسيل ضحكت وقامت شغلت اغنيه
أسيل:هنرقص الاول
هارون ضحك وقام
أسيل قربت ليه بابتسامه ومسكت ايديه حطيتها على وسطها وهى مبتسمه وحطيت إيديها حوالين رقبته
هارون:هنرقص
أسيل ابتسمت وهى بتهزر رأسه ليه
رقصة على اغنيه لساندى بتقول
(الى انا اتمنيته لقيته معاك
حاسه بأمان وانا وياك
نفسى ما تشوفنيش غير بس عينيك
فى كل مكان يكون شايفاك
جوااااايا احلام كتير
وحب كبيييير انا حساه
ومنايا نكون عايشين
لبعض سنين
فى احلى حيااااااه)
هارون رفع أسيل من وسطها وداخ بيها
أسيل كانت بتضحك وسط كسوفها بس كانت مبسوطه اوى
هارون نزلها وهو بيقرب لوشها ابتسمت ليه وغمضت عينيها
جماعه هى ديه المحاوله رقم كام عشان نسيت اه ال ٢٠
بس المره ديه مش هنعد عشان خلاص بقا أسيل زهقت وهارون كمان وانا كمنار زهقت من كتر العد الصراحه انتو مزهقتوش😂
تانى يوم صحيت أسيل على لمسه ايديه على وشها ابتسمت ومسكت أيده باستها وحضنتها.
هارون:كده هضعف تانى
أسيل:تؤ حبيبى مش بيضعف خالص
هارون ضحك:بتثبتينى
أسيل فتحت عينيها وبصيت ليه بحب:امممم مش عارفه.ثبتك؟
هارون وهو بيقرب ليها تانى:ثبتينى جدا جدا
أسيل وقفته:وشغلك والقسم والشويش عزت
هارون:كمان شايله هم الشويش عزت
أسيل ضحكت:مش قصدى بس انت
هارون:هاخد اجازه اسبوع بقا
أسيل ضحكت:لا لو كده ماشى
هارون ضحك
الباب خبط جامد
هارون بعد بضيق:مين
يوسف:انا يا بابا هارون
هارون:نعم ياعم
يوسف:عايز أسيل تلعب معايا بالكوره
هارون:هلعب معاها انا شويه وبعدين تنزل تلعب معاك ماشى
أسيل ضحكت وحطيت إيديها على بقها كده🤭
يوسف:طيب ما تيجى انت تلعب معانا كوره وهتكون أسيل لعبت معاك ومعايا
هارون بإعجاب:بحيى ذكاءك يابنى بس برضو مش هينفع
يوسف:ليه
هارون:عشان عشان أسيل نايمه وتعبانه.
يوسف:بجد طيب هقول لرحيم يجيب دكتوره
هارون:لا لا بص هى هتنام شويه وتصحى
يوسف:هو انت ليه مش بتفتحلى
أسيل بصوت واطى:رد بقا
هارون:عشان مش لابس هدوم
أسيل😳
يوسف:ليه🤨
هارون:عشان كنت باخد دش ولسه هلبس
يوسف اتنهد بضيق:خلاص هلعب مع سما
مشى يوسف وهارون سمع خطواته وهى بتتحرك رجع بص لأسيل
هارون:كنا بنقول ايه
أسيل بسخرية:انك بتستحما تقريبا
هارون:ايوه ايوه افتكرت
بعد فتره كبيره
هارون بعد وهو بياخد نفسه بفرحه كبيره
أسيل كانت محمره ومكسوفه بس اقلل من الاول بكتير وبرضو مبسوطه اوى
هارون: أسيل انا بجد مبسوط اوى
أسيل:وانا كمان مبسوطه
هارون:عارفه عندى استعداد افضل هنا جمبك على طول
أسيل:وايه يمنعك انا مش هزهق على فكره
هارون ضحك:يمكن شغلى يمنعنى بس مش كتير.
أسيل:اممم صحيح بمناسبه الشغل انا برضو هنزل الشغل من الاسبوع الجاى أن شاء الله
هارون:هتعرفى
أسيل:اعرف ايه
هارون:تطلقى الناس بعد ما لقيتى إن الجواز حلو
أسيل:مين قال كده الجواز حلو اه بس مش كل الناس هارون وأسيل فى ناس حياتهم صعبه اوى ورجاله مش حلوين زى هارون بيستقوى على الست وبدل ما يعملو زى هارون ويحسسوهم بأمان لا يخليهم يعيشو فى خوف وذل واهانه
هارون:اممم معاكى حق مفيش زى هارون
أسيل بضحك:وده غرور بقا
هارون:ثقه فى النفس كمان مش كلهم يتحبو زى أسيل
أسيل ابتسمت وقامت ودخلت الحمام تاخد دش
قام هارون وراها لقا الباب مفتوح ابتسم بمكر ودخل وقفل الباب وراه
بعد فتره كبيره
خرجو كان هارون شايلها وبيحطها على السرير
بليل
أسيل قامت من النوم وبطنها وجعاها
أسيل:انا جعانه اوى يا ربى اعمل ايه
بصيت على هارون لقيته نايم
أسيل:اكيد جعان هو كمان عشان وله انا وله هو اكلنا طب وبعدين امممم هطلب اوردر
مسكت تليفونها واتصلت
أسيل:ألو لو سمحت مطعم بهيه معايا لو سمحت كنت عايزه اطلب*************
طلبت اكل كتير من جوعها قامت واخدت دش وخرجت وهى ماسكه بطنها:خلاص يا بطنى الاكل قرب يوصل.
هارون صحى:بتعملى ايه يا أسيل وبتكلمى مين.
أسيل:بطنى
هارون قام اتعدل على السرير وهو بيكلمها بإستغراب:بطنك
أسيل:أصلها جعانه
هارون:بطنك.
أسيل:بالظبط كده ووجعانى
هارون:طيب اطلبلك اكل
أسيل:انا طلبت بس لسه مجاش وبطنى وجعانى اوى وجعانه اوى
هارون ضحك:طيب تعالى هنا
أسيل🤨: ليه
هارون ضحك:مش هكلك تعالى
أسيل:لا انا مش مطمنه لما اكل هاجى انا جعانه اوى.
تليفونها رن
أسيل بفرحه:الاوردر وصل اهو
هارون:طيب خليكى انا هنزل اجيب
أسيل:هنزل أشيل معاك
هارون:انتى طالبه قد ايه
أسيل:بقولك جعانه اوى اكيد جبت حاجات كتشير
هارون ضحك :طيب تعالى.
نزلو سوا واخدو الاوردر والراجل مشى
أسيل: هارون ايه رايك ناكل فى الحديقه السريه
هارون ضحك:حديقه طيب تعالى
راحو وقعدو فى الارض واكلو وهما بيبصو للسما
أسيل:عارف لو بابا كان عايش كان مستحيل يجوزنى
هارون:ليه يعنى
أسيل:زمان مكنش بيرضا يخلينى اكلم حد وله ألعب مع ولاد كان بيقولى لو عرفوكى هيحبوكى ويقرفونى بقا لما تكبرى عارف مكنتش فاهمه كلامه زمان لكن دلوقتي فهمته بابا كان بيحبنى لدرجه مكنش عايز انى اتجوز واسيبه
هارون:باباكى كان بيحبك كده
أسيل:كان بيحبنى وانا كمان كنت بحبه اكتر حد حبيته فى طفولتى عارف كانت ماما بتغير منى بسبب انى كنت دلوعه بابا
هارون:عشان كده انتى اكتر حد تعب
أسيل:مكنتش مصدقه كنت كل يوم اصحى من النوم واروح أسأل عليه ماما كانت هى تعيط وتحضنى كنت بدور عليه فى كل الوشوش إلى بشوفها فى الشارع كنت فاكراهم بيضحكو عليا أو مثلا عاملين فيا مقلب تعبت جامد لما صدقت من جوايا أنه خلاص مبقاش موجود بقيت بخاف من كل حاجه واى حاجه بخاف من الضلمه بخاف اقعد لوحدى بخاف انام لوحدى بخاف من الزحمه والصوت العالى كنت ساعات كتير بنهار كان مالك بيحاول يهدينى عارف مالك بقا دكتور نفسى عشانى بس لما قابلتك انت كأنى عمرى ما تعبت مبقتش بخاف من معظم الحاجات إلى كنت بترعب منها عارف ليه
هارون:ليه
أسيل:عشان حسيت بأمان وانت جمبى ببقا من جوايا مصدقه انى مش هيحصلى اى حاجه عشان انت موجود محدش هيأذينى نفس إلى كنت بحسه مع بابا الله يرحمه.
هارون حضنها وباس راسها:وهفضل على طول
أسيل:بس اوعدنى متسبنيش عارف ماما معاها حق انا ضعيفه ومش هستحمل اخسرك يعنى لو انت روحت انا كمان هروح صدقنى.
هارون:مش عايزك تقلقى عليا انا مش هيفرقنى عنك غير الموت
أسيل:لا لا لا مش مش.
هارون:أهدى أهدى
أسيل بدموع حضنتها:لا متسبنيش
هارون:مفيش حد هيعيش على طول يا حبيبتى بس عارفه انتى هتعيشى وتبقى اقوى كمان من الاول عارفه ليه
أسيل:ليه
هارون:عشان انا لو هموت هعيش فى قلبك هتفتكرينى وتضحكى وكمان انا أن شاء الله يعنى هجيبلك هارون الصغير.
أسيل:انت مش مسموحلك تبعد عنى سامع حتى لو هنجيب هارون الصغير انا عايزه هارون الكبير يبقا معايا عايزاك معايا في كل اوقاتى.
هارون:انا معاكى اهو
أسيل ضحكت:معاك حق إيه النكد إلى انا فيه ده
هارون ضحك:مش كده عارفه انا ايه اكتر حاجه بسطانى
أسيل:ايه
هارون:انك بقيتى مراتى اسما وفعلا بقا كلك علامات منى.
أسيل احمرت وقعدت تكح
هارون ضحك:يا ربى على إلى كل شويه تتكسف ديه
قام وشالها
أسيل:هارون
هارون:خلاص كفايه كلام بقا بكره عندى شغل
أسيل ضحكت وهو شايلها وطالع بيها اوضتهم
تانى يوم
صحى هارون الاول ابتسم وهو بيمشى ايديه على وشها
أسيل:صباح الخير
هارون:صباح القمر
أسيل:صحيت امتى
هارون:لسه دلوقتي
أسيل:اممممم طيب هنزل اجيب فطارك
هارون:ماشى.
قامت أسيل وغيرت هدومها ونزلت تجيب الفطار
هارون اخد دش ولبس
أسيل:الفطار جهز
هارون:طيب يالا ناكل
أسيل: يالا
قعدو فطرو ونزلت أسيل بصنيه الاكل
هارون جهز ونزل وراها
هارون: أسيل
خرجت أسيل من المطبخ:خلاص ماشى
هارون:اه يالا ودعينى
أسيل:لا لا بلاش هنا
هارون:فى المطبخ ؟
شدها ودخلو المطبخ
أسيل:طب افرد حد دخل
هارون قعدها على الرخامه:يدخلو
أسيل:بس يا هارون
هارون:كده هتأخر
سكتت أسيل وهى بتبتسم وهارون ودعها وبعد عنها
هارون:هتوحشينى
سما:يا فتاح يا عليم يا رزاق يا كريم يا جدعان يا جدعان
هارون وأسيل ضحكو ونزلها الأرض
سما:استنوا اتجوز وبعدين اعملو إلى انتو عايزينو
هارون ضحك وشدها من خدها:باى يا حبيبتى
أسيل:باى
هارون:وانتى يا لمضه
سما:باى يا جدع ايه ده
مشي وأسيل ابتسمت
سما قربت منها تشوفها:مالك كده متغيره
أسيل:انا
سما:امال امى ده انتى عامله زي الفراوله صحيح هو ايه إلى فى رقبتك ده.
أسيل إحمرت:ها
سما:اه هنا
إسراء ضحكت جامد:ده طبيعى يا سما قوليلى بقا خلاص ده انتو امبارح مطلعتوش من الأوضه.
أسيل اتكسفت اوى 🙈🙈
إسراء:يبقا نستنى الاخبار الحلوه بقا
سلوى:ايه بيحصل هنا
إسراء شديتها عندهم
وأسيل حطيت وشها فى الارض بإحراج منها
سلوى:انتى بقيتى كويسه
أسيل هزيت راسها: الحمدلله
سلوى ابتسمت بسخرية:ايه ده عشان كده بقا منزلتوش امبارح انا قولت تعبانه أو حاجه
أسيل احمرت
سما رفعت وش أسيل:ليه باصه فى الارض وبعدين ديه تيته طيبه وبتحبك اوى ليه بتخافى منها
سلوى ابتسمت:معاها حق
أسيل دمعت:بجد
سلوى قربت منها ومسحت دموعها بابتسامه:اكيد بجد انا ابنى عرف يختار صح دلوقتى تعالى فى حضنى يالا
أسيل عيطت وحضنتها
سلوى طبطبت عليها : خلاص بقا بطلى عياط بيبقا شكلك وحش وانتى بتعيطى
أسيل ضحكت ومسحت دموعها وبصيت لها:انا مبسوطه اوى
سلوى:انا إلى مبسوطه ليكى هستنا بقا اخبار حلوه قريب
أسيل:أن شاء الله
سما تليفونها رن ورديت
سما:ازيك يا بابايا ايه بجد يا جماعه بابا هنا
سلوى بسرعه:فين.
سما:بره تعالو بسرعه
خرجو بسرعه
طارق:سما
سما جريت عليه وحضنته
سلوى: حمدالله على السلامه يا حبيبى
طارق:الله يسلمك يا ماما
عينيه جت على أسيل إلى مبتسمه ليه
طارق:امممم انتى بقا مرات هارون
إسراء:اه شوفت حلوه ازاى
طارق:طول عمره هارون بيعرف ينقى
(هى خضار حضرتك ايه بيعرف ينقى ديه😒)
هارون:طول عمرى
طارق لف وشه
هارون:بصراحه مقدرتش مقابلكش بقالى كتير مشوفتكش
المتابعين:يا راجل😂😂😂
حضنه طارق وآسيل كانت مبسوطه أن هارون رجع البيت
إسراء:مبسوطه انتى مش كده
إسيل احمرت
سلوى:بس يا بت متضايقهاش
أسيل حضنتها:سمعتى