رواية وقعت في غرامها الفصل الأول 1 بقلم غلا

رواية وقعت في غرامها البارت الأول

رواية وقعت في غرامها الجزء الأول

رواية وقعت في غرامها الحلقة الأولى

يعني اي مش عايزاه انتي تجننتي
_في اي ي ماما بقولك مش عايزاه وانتو مكلفتوش نفسكوا تسألوني عن رأيي
_واللهي بقا رايك مش مهم احنا جربنا رايك اول مره وشوفنا اختياراتك الغلط اتهدي بقا
_طيب ي ماما هشوف انا ي انتو
انا مرام عندي ٢٢ سنة مخلصة كلية
اتقدملي عريس قبل كده ووافقت عليه بس هو سابني
ودلوقتي انا مخطوبه لحد ثاني بقالي شهرين ومش مرتاحه معاه خالص وأهلي مش عايزين يفشكلوا الخطوبه
عشان كلام الناس
بس انا مش هاممني غير نفسي
اه مااصلي بحب نفسي قولوا عني انانيه قولوا اي حاجه بس مش انا اللي اتغصب على حاجه
انا لما أشر للحاجة تجيلي
ساميه ام مرام :تعالي ي آخرة صبري ودي الحاجة دي لخالتك
مرام :حاااااضر
طلعت مرام هتروح لخالتها
شافت ناس جايبين عفش وطالعين بيه العماره
مرام باستغراب :هو في اي ي ام حنان
ام حنان : داا شكلو عزابي جاي يسكن ف الشقة اللي جنبكوا
مرام :اااه طيب هتعوذي مني حاجه
ام حنان :الله يسهلك ي بنتي
راحت لخالتها
افتحي ي خالتي
امال فين سمر
خالتها :تعالي اهي ف اوضتها
سمر:اهلا بالعروسه اللي شافت نفسها علينا
مرام بلوية بوز :بالله بطلي قر علشان هي من اولها جوازه زفت وشكلها مش هتكمل
سمر :ليه ي بت بتقولي كدا
مرام :اهو وخلاص انا مش مرتاحه واحتمال افركش الموضوع
سمر بخضه :ي لهوي تجننتي
اكيد اهلك مش هيوافقوا هي لعبه ولا اي
مرام :بقولك مش مرتحاله حساه كدا واد صايع وعايش على سيط ابوه ومن الآخر مالوش كلمة ف البيت ابوه الأمر الناهي وانا مش بحب كدا انا عاوزه واحد بسيط يحبني واحبه وابسط الأشياء تسعدنا وكفايه نفضل نبص ف بعض ونضحك
سمر :بقولك اي طلعي الكلام ده من دماغك بقولك اهو عشان اهلك هيطربقوها عليكي
مرام :يعملوا اللي يعملوه مافيش حاجه ابكي عليها
سمر بقلة حيلة :ي مرام أخرى الشيطان وروقي وحاولي تحبيه
مرام :فكك مني عامله اي انتي والواد خطيبك دا امتا هياخدك ونرتاح منك
سمر بسعاده وكسوف : لو دلوقتي ف انا موافقه والله بس انتي عارفه الظروف وبيحاول يخلص نفسه
مرام :اهي بقه السعادة والابتسامه اللي كانوا على وشك هما دول اللي انا عايزاهم
ياريت تكوني فهمتيني
يلا سلام
سمر :لسا بدري
مرام :ورايا حوار هخلصه
سمر :ربنا يهديكي
روحت البيت
دخلت اوضتها ورن خطيبها
اووووووف اي اللزقة دي ياربي
طلعت البلكونه
_نعم
_هو في واحده تكلم خطيبها كدا
بقولك اي انت عارفني اني مغصوبه ع الجوازه دي
ف متعمليش فيها اللي انا دايبه فيك وبتربيني
حسن :بس انا عايزك
مرام بخنقة :انت عايزني بس انا لاااا مش راضي تفهم لييييه
حسن :وافقتي ليه من الاول
مرام :واللهي مش محبه ف خلقتك بس انا ماحدش خد رايي اصلا لو اخذو رايي كنت مش هوافق
حسن :طب فكيها بقا الله
اي رايك هجيلك النهارده
مرام :عايز تيجي تعالا بس وربي ماني طلعالك ي حسن
حسن :بتعملي معايا كدا ليه هو انا قصرت معاكي ف حاجه
مرام بنفاذ صبر :أقفل ي حسن أقفل متخلنيش اتقفل منك اكتر ماانا مقفوله
حسن :اللي تشوفيه ي بنت الناس مع السلامه
مرام فضلت تعيط كتيير وبعدين دخلت نامت
مر اسبوع وهي بتكلم خطيبها انها مش عايزاه
بس هو رافض يسمع منها او يسبها
دخل عليها ابوها
تعاليلي بره عايزك
_حاضر
ابوها :اسمعيني كلمتين وحطيهم حلقة ف ودنك فركشه مافيش وهتتجوزي غصبن عنك فاهمه
كلام ولعب عيال مش عايز سامعه ولا لا
مرام بدموع :ي بابا حرام عليك انا مش عايزااااه
ابوها :ي بنتي مش هتلاقي احسن منه راجل مال وهدومه
مرام :بس انا مش حساه
انا مش عايزاه مش عايزززززاه افهموني بقااا
سبوني ف حالي بقااا
وطلعت تجري على اوضتها قفلت تلفونها وقفلت الأوضه بالمفتاح وسندت ع البلكونه
وبتتآمل وبتعيط وبتفكر ف مستقبلها اللي حلمت تعيشه ع مزاجها
قاطع تفكيرها صوت ف البلكونه جنبها
_اتفضلي نسكافيه
فاقت من شرودها احم شكرا
ولسا هتدخل ونادي عليها
ممكن تستنى
مرام :نعم عايز اي
_نتعرف احنا جيران وماتعرفناش ع بعض
مرام مالهاش مزاج تردح وتهزقوا لأنها كانت محتاجه حد يسمعها
انا مرام وانت
_مالك
مرام :عاشت الاسامي
هو اهلك فين مش باينين يعني
مالك :انا هنا لوحدي
مرام :ازاي يعني
مالك :بصراحه حبيت اقعد لوحدي بعيد عن اهلي وعن السيط وكدا حابب اعمل لنفسي كيان لوحدي
مرام ف خيالها :ياااااه سبحان الله
مرام :ربنا يوفقك
مالك :ممكن اسالك سوال
مرام :اتفضل
مالك :احم هو حضرتك كويسه
يعني انا بقالي اسبوع بسمعك بتتخانقي مع حد وبعد كدا بتعيطي ف البلكونه
مش قصدي حاجه واللهي بس لو محتاجه اي حاجه قوليلي
مررام :شكرا مفيش حاجة عن اذنك
مالك :اذنك معاكي واسف ع الاحراج
وف اي وقت حبيتي تحكيلي انا موجود ارمي بس حاجه ف البلكونه هطلعلك عطول
اكتفت مرامم بالابتسامه ودخلت اوضتها وفضلت سرحانه كتير
ومن كتر التفكير نامت
صحيت على صوت خبط الباب
مامتها :قومي ي بنتي حسن جه
مرام بنفاذ صبر :امتا اخلص منه
قوليلوا نايمه يجي ف وقت ثاني
مامتها: عيب عليكي قومي دا جاي لحد عندك يتطمن عليكي
قلقان عليكي عشان قافله موبايلك
الله يرضيي عليكي يابنتي قومي
مرام حسمت أمرها انها هتقولوه مش عايزاه :حاضر جاااايه اهو
طلعت بمنظرها اللي عليها وبنكد وشها
_خير
حسن :وبعدين معاكي انا مش عايز اسببلك مشكله مع اهلك
بس فركشه لا انسي خالص
مرام : ي بني مش عايزاك مغصوبه عليك انتي مابتفهمش
حسن :اوزني كلامك ي مرام انا لحد دلوقتي محترمك عشان عايزك
متخلنيش اقل أدبي
مرام :تقل أدبك اي ي جدع انت
واللهي عااااال
امشي من هنا ومش عايزه اشوف وشك ثاني
لو عندك كرامه امشيييي
وسابته وراحت اوضتها
ابوها دخل عليه
اي ي بني مالكوا في حاجة
حسن :بتغصبوها ليه ياعمي مدام هيا مش عايزه
ابوها بغضب :مين قالك مش عايزه
حسن :من اول يوم خطبتها فيه بتقولي كدا ودلوقتي بتقول لو عندك كرامه ماترجعش تاني هو دا كلام برضوه
ع العموم انا لحد دلوقتي شاري
والقرار عندك عن اذنك
الاب بزعيييق :ساااااميه ناديي بنتك حااااالا
مرام :نعم
الاب :انتي اي اللي قايلاه للراجل دا ها
مرام :قلت مش عايزاك
الاب :وكمان بتقلي أدبك عليه وبتقولي لو عندك كرامه ماتجيش ثاني
انا ربيتك ع كدا هااااا
مرام بخوف :لا بس انا قلتلك مش عايزاه
مسك ايدها ولولاها ورا ضهرها
ابوها بغضب :بس اي انطقي
مرام بعياط وصريخ :اااااااه ايدييي أيدي حرام عليكي ي بابا
سبنييي سبنييي
ابوها بغضب :قولي يلااا بس اي هااا انطقي
مرام :بقولك مش عايزززززاه
ابوها ساب ايدها وضربها بالقلم ع وشها ومسكها مش شعرها
بتقولي اي سمعييني
ساميه بخوف وعياط :سبها ي محمد والنبي
محمد :ارجعي ورا محدش بوظهم غيرك
تاخدي منها التلفون وتقفلي عليها ف اوضتها مش عايز اشوف وشها بره الأوضه
والاكل ممنوعه عنه
ساااامعه ي ساااااميه
ساميه بخوف :سامعه بس سيبها
ابوها زقها ع الارض ونزل
ساميه :قومي ي حببتي قومي ي بنتي
مرام زقتها :انتي مش ام انتي
الاهل اللي مايعزوش راحة عيالهم دول مش اهل
انا بكرهكم كلكوا
واه صح خدي التلفون اهو
ويلا اقفلي
وانا اللي مش عايزه اشوف فيكو حد
مامتها بعياط قفلت الباب عليها وفضلت تعيط
هدير اخت مرام ف أولى اعدادي بتطبطب على امها :قومي ي ماما ان شاء الله كل حاجه هتبقي كويسه
وحضنوا بعض وعيطوا
في مكان ثاني
ازاي بنت ال…. ترفضني انا
ابوحسن :طول بالك ي بني احنا لازم نجوزهالك باي تمن
عشان نقدر ناخد أرض ابوها اللي ف الصعيد ونستثمرها
حسن :ماشي اللي تشوفه
مر وقت طويل على مرام وهي بتعيط وسرحانه
فجأه سمعت صوت حد رمي حاجه ف البلكونة