رواية وعد الجزء الثاني الفصل الثاني 2 بقلم عزة العربي
رواية وعد الجزء الثاني البارت الثاني
رواية وعد الجزء الثاني الجزء الثاني
رواية وعد الجزء الثاني الحلقة الثانية
البنت واقفه عالسرير ويونس وأسر قدامها: لا بقولك ايه يا حلو انت وهو مش عشان ربنا عطيلكم شويه حلاوه تدوسوا علي خلق الله رجعولي زاكرتي وإلا وربنا هزعلكوا رجعووووووولي زاكرتي
يونس نفخ بخنقه: انتي بتزعقي ليه يا بت انتي
_ بت لما تبتك
_ لا بقولك ايه هتغلطي وديني وما أعبد هعلمك الادب
اسر: هشششش وحدوا الله يا جماعه خلينا نشوف هنعمل ايه
_ عاااااا انا عاوزه اروح بيتنا زمان جوزي وعيالي بيدوروا عليا عااااااا
يونس بأمل: هااا الزفت الزاكره رجعتلك وهنرتاح منك
اسر: انتي فاكراهم لو فاكره اي حاجه قوليها وانا هتصرف
_ عاااا لا مش فاكره بس اكيد مزه زيي اكيد متجوزه يمكن مخلفه وكملت بتفكير اممم ويمكن لا عاااااا انا ممكن اكون عندي مشكله ومش بخلف يادي النيله عااااااا
يونس بنرفزه: انتي مجنونه أبت انتي
انا ماشي عشان متهورش عليها
_ عملت عملتك وعاوز تخلع عااااا يا بوليس عاااااا
اسر بيكتم ضحكته
يونس قرب منها وعيونه بتطلع شرار: هو انا اعرفك يا بنتي انتي هتتبلي عليا لا حول ولا قوه الا بالله انا ماشي يا عم شوف هتعمل ايه في المصيبه دي ناقصين بلاوي فوق دماغنا
_ مصيبه في عينك
يونس : استغفر الله العظيم يا رب
اسر: يونس انت عارف اني عايش لوحدي وميصحش أنها تقعد معايا
يونس: نعم يعني عاوز ايه أن شاء الله
اسر: البنت هتقعد عندكم في البيت لحد الزاكره مترجع لها
يونس بعصبيه : نعمممممم علي جثتي
*ڤيلا السيوفي.
روح: الوو
فهد بنرفزه: انا نبهت عليكي مليون مره اول ما اتصل تردي علي طول صححححح
روح بخضه: هااا فزعتني يا فهد
فهد بنرفزه: بلا فهد بلا بتاع مردتيش علي طول ليه ام الزفت تليفونك سيباه بعيد عنك ليه
روح: انت علي طول عصبي كده انا تعبت معاك بجد نفسي تتكلم بهدوء
فهد بتريقه: نفسي تتكلم بهدوء امممم ممكن اعرف حضرتك مبترديش ليه ….حلو كده …..عجبت حضرتك ولا في اعتراض تاني
روح بابتسامة: لا حلو كده بس من غير ما تتريق عليا
بابي كان بيتكلم معايا واول ما انت اتصلت انا استأذنت وبعدت عنه ورديت عليك بس كده
فهد: وليه بعدتي ما كنتي رديتي
روح بلخبطه: اصل يعني ….بابي….بابي كان متضايق شويه مكنش ينفع ارد قدامه
فهد بشخط: رووووووووح في ايه
روح قالت كل اللي حصل لفهد
فهد بتفكير : اقفلي
روح: اقفل ليه
فهد : سلام
في الجامعه .
دكتور ادم الديب كان بيشرح للطلبه في كلية طب عملي وكل تركيزه في الشرح والكل منتبه ليه جدا ومحدش قادر يتنفس ولا يرمش ومجرد ما خلص الطلاب اتنفسوا براحه أنه اخيرا خلص
الباب خبط ودخل رئيس الجامعه
ادم بعمليه: اهلا بحضرتك
رئيس الجامعه: اسف اني قطعت محاضرتك في طالبه جديده هتبدء مع حضرتك وعاوزك تهتم بيها لأنها تهمني جدا
ادم بيكره الوسطه وبيكره الجو دا وبيحب كل حاجه تكون صح بس رئيس الجامعه قريب من قلبه جدا لانه صاحب يحيي الديب اتضايق و قال في سره : يخرب بيت الوسطه ناقصين بلاوي اكيد واحده زفت مدلعه جايه تقرفنا بس وربي لعلمها الادب
البنت دخلت بهدوء وبراءه بفستانها الفضفاض وحجابها البسيط وخدودها الحمرا
حور: السلام عليكم
ادم انتبه: وعليكم السلام ورحمه الله وبركاته
رئيس الجامعه: اتفضلي يا بنتي دكتور ادم الانسه حور يا ريت لو مش هتقل عليك تشرحلها اللي فاتها ولو في اي حاجه انا موجود دايما
ادم هز رأسه ومش عارف اتلبخ كده ليه
ڤيلا السيوفي .
احمد: خير جاي ليه يا ابن الديب
فهد: اتكلم معايا بطريقه اشيك من كده بدل ما أطلعه علي بنتك
احمد انفجر في وشه: لا وانت بصراحه يا بن الديب عامل اللي عليك وزياده البنت من كتر العكننه اللي انت معيشها فيها مبتكبرش بتتسخط كل شويه
فهد ببرود: انا بحبها كده صغيره وسفيفه عشان اقدر اشيلها براحتي
احمد مسكه من ياقه قميصه : تشيل مين يالا انت اتجننت ولا ايه
فهد بعد أيده: فيما سوف يكون يعني اهدي شويه يا حمودي
احمد بنرفزه: حمودي في عينك عيل رخم زي ابوك
فهد : الله يسامحك
وهو رايح ناحيه الباب لف وبص لاحمد
بقولك انا هتجوز بنتك الشهر الجاي اعمل حسابك هبعتلك الديب الكبير يتفق معاك
ورفع عينه لفوق كانت روح واقفه بصلها وغمز خد البوسه دي امووواه
رحيل بتتكلم في التليفون: والله اخوكي من ساعتها وهو زي المجنون رايح جاي يكسر اي حاجه قدامه وبعدها راح لروح وهو متعصب وقال لها بصي يا بنتي انا من رأيي نفض الخطوبه دي ههههههه
روح حضنته وقالت له بحبه يا بابا قعد مكانه ونسي كل حاجه
وعد: ههههههههههه والله فهد دا قمر بس احمد يا حبيبي اللي مش قادر يسيب بنته تبعد عنه
رحيل: اه يا وعد بيموت فيها بيقوللي انا عاوزها قدامي كده دايما بيتضايق لما يعرف انها متشاكله مع فهد وبيكون طاير لما يشوفها بتضحك وفرحانه
وعد: ربنا يجعله دايما فرحان بيهم يا رب رحيل : يا رب
في شقه في برج عالنيل
يونس فتح الباب : أدخلي
البنت دخلت وراه وهي ساكته وعيونها بتدرس المكان كان بيت هادئ جدا اذاعه القران الكريم عطياله سكون غريب وطمأنينه
يونس : امي انتي فين
ظهرت ست في الخمسينات تقريبا بعبايه بيت وماسكه في أيدها معلقه وخارجه من المطبخ
حنان: انت جيت يا نور عيني حمد الله على سلامتك وبصت علي البنت مين القمر اللي معاك دي
يونس بصلها بقرف : دي واحده كده
_ واحده في عينك متحترم نفسك يا جدع انت انا ليا اسم
يونس بتسليه: وايه هو اسمك بقي
البنت سرحت في غمازته اللي ظهرت : الله اعلم
حنان واقفه مش فاهمه حاجه
يونس قرب منها وباس أيدها ودماغها : تعالي يا حبيبتي هحكيلك كل حاجه
حنان بلهفه: يا حبيبتي يا بنتي زمان مامتك هتتهبل عليكي ربنا يردك لحضنها يا رب
يونس: معلش يا امي اسمها ايه دي هتقعد معاكي شويه شوفيلها هدوم تلبسها من هدوم حور
حنان بابتسامه حلوه : قبل الهدوم نشوفلها اسم
يونس بغمزه ووشوش حنان: سميها نور
نور: علي فكره سمعتك مش حلو نور انا هختار اسم تاني
يونس مردش عليها ودخل اوضته
الباب اتفتح ودخلت حور : يا حنوووون بنتك واقعه من الجوع اه يانا يا بطوني ربنا وقعني في دكتور رخم بس قمر ياادي الكسفه عندنا ضيوف
حنان بابتسامه: مش هتعقلي بقي قبل ما تحكيلي يومك بالتفصيل ادخلي البيت الاول
حور: اه والله طبع منيل مين المزه الحلوه دي
حنان: دي نور
ڤيلا الديب
يحيي: يعني خلاص نتوكل علي الله ونبدا في التجهيزات
فهد : أن شاء الله يا بابا
وعد بدموع: انا من رأيي نستني لما اختك ترجع من مأموريتها قلبي واكلني عليها اوي ربنا يستر طريقها يا رب
فهد: أن شاء الله يا وعدي كنزي قبل الشهر ما يخلص تكون خلصت المأموريه
وعد بلهفه: بجد يا فهد يعني انت تعرف حاجه عنها طمني يا بني هي كويسه
فهد: هي كويسه أن شاء الله بس محدش في الجهاز بيعرف زميله رايح فين أو بيعمل ايه
يحيي حاوطها من كتفها: اهدي شويه يا حبيبتي أن شاء الله كنزي ترجع بالسلامه
وعد بدموع: مش هرتاح غير وبنتي في حضني وسايبه الشغل دا نهائي
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية وعد الجزء الثاني)
