رواية وعد الفصل الرابع عشر 14 بقلم ميرفت السيد

رواية وعد الجزء الرابع عشر

رواية وعد البارت الرابع عشر

رواية وعد الحلقة الرابعة عشر

توقفت السيارة امام منزل فاخر وكبير
وكان هناك بعض الرجال بالانتظار على رأسهم عم زياد الكبير ابو كامل
ترجلت وعد وصديقاتها من السيارة ووجدوا بأن الاتوبيس الذي يحمل شقيقها والعائلة والاصدقاء قد وصل بالفعل
رحب الرجال بزياد وبدأ بتقديمهم الى وعد
فقال لها:دة عمي كبير العيلة والبلد الحاج ابو كامل
ابتسمت وعد وصافحته فقال:اهلا ياعروستنا الف مبروك سيبهالي يازياد انا هاعرفها بباقي العيلة
دة عمك الحج كمال اخويا الي فاضلي بعد ابو زياد الله يرحمه
واشار الى احدالشباب واكمل قائلا:ودة ابني. الكبيرالدكتور خالد ودة إبني التاني المهندس أحمد
ودول فريد وحسين وسامح ولاد عمك كمال
كانت وعد تومأ برأسها مرحبة بالجميع
أكمل ابو كامل:ياللا اتفضلو على جوة انتي وصحابك اخوكي وقرايبك جوة بانتظارك ويبقى زياد يعرفك بالحريم بقى الدار داركم ياجماعة
بقلم مرفت السيد
قالت ماريا:انا خايفة
عاليا بمرح:وانا مش هامشي من هنا الا وانا متجوزة حد من ولاد عم زياد
ضحكت وعد: مش تصبري نشوف الحريم الأول
استوقف زياد وعد وقال: وعد قبل ما ندخل انا عاوزك ماتركزيش غير مع امي وبس الحريم عندنا واعرة وفي نسب بيننا وبين اهل ارملتي مابين حسين وحنان ولادعمي كمال
دول متجوزين من عيلة ارملتي منى وحامد ولاد عم ارملتي وطبعا هاتسمعي كلام زي الي كل الي سمعتيه قبل كدة ويمكن اكتر اظن انتي عاقلة وفاهمة ومش اي كلمة تتقالك تصدقيها
ابتسمت وعد:ماتقلقش ومتشغلش بالك
كان بالداخل سفرة كبيرة يجلس عليها وليد واسرته يتناولون الطعام احتضنت وعد اخوها وهنا واولادهم ورحبت بالجميع
فقال زياد: انا جعان احنا ناكل الأول بعدها نطلع للحاجة
ابو كامل:هاتوا اكل يابنات لعروسة زياد والي معاها اتفضلوا اقعدوا
جلس الجميع وبدأت بعض النسوة بتحضير الطعام وهم ينظرن الى وعد وعاليا وماريا وهنا بتعجب
هنا :هما مالهم يازياد
زياد:عشان الاختلاف بالمظهر والكلام دي اختي لما بتيجي هنا بيتعاملو معاها انها فضائية
ضحك الجميع وقال وليد:سفرة دايمة ياحاج ابو كامل
قال كمال:نورتونا ياجماعة
زياد: تعالو ياجماعة نشرب الشاي ونتكلم بالجنينة
ابو كامل:ياللا بينا يارجالة ونده على احدى السيدات :ياام خالد ابقي خلي بالك من البنات وخليهم ياكلو كويس
انصرف الرجال الى خارج المنزل جاءت زوجة ابو كامل بأبتسامة مطمئنة وقالت:من عنيا ياابو خالد اهلا بيكم ياجماعة نورتونا مين فيكم بقى عروسة الغالي
قالت هنا وهي تشاور على وعد:بنورك ياحاجة أهي وعد العروسة
اقتربت ام خالد من وعد واحتضنتها وقالت:زي القمر بخت زياد بقى امه دعياله
وجلست تتسامر معها وتداعب الجميع كانت ام خالد امرأة خفيفة الظل ومرحة انتهت الفتيات من تناول الطعام فقالت ام خالد: الف هنا يابنات
دخل زياد وقال:بعد اذنكم بقى هاخد وعد اعرفها بالحاجة ام زياد
ام خالد:طب استنى اعرفها بحريم وبنات العيلة الأول
تعالو يابنات
جاءت بعض الفتيات والنساء
بقلم مرفت السيد
فقالت ام خالد :دي الحاجة زينب مرات عمك كمال
ودي حنان بنتها
نظرت حنان الى وعد بغل وبابتسامة صفراء وقالت:اهلا ياعروسة مبروك
وعد:الله يبارك فيكي
اكملت ام خالد:ودي منى مرات حسين ابن عمك كمال
فنظرت منى الى وعد بغيظ وقالت: اهلا ياعروسة
فتذكرت وعد كلام زياد وقالت بتكبر :أهلا
همست لهاعاليا:ليه حق زياد يحذرك منهم
وقالت ام خالد:ودي بدور بنتي متجوزة فريد ابن عمها
ابتسمت بدور بود واحتضنت وعد وهي تقول:نورتي ياعروسة الغالي ونظرت الى حنان ومنى وقالت وهي تنظر اليهم بهدف اثارة غيظهم: انتي جميلة ماشاء الله
وعد:من ذوقك بس
اتفاجيء الجميع بزينة شقيقة زياد وهي تدخل من الباب حاملة حقيبتها وانطلقت لتحتضن زياد ووعد وهي تقول: مفاجأة
زياد:انتي ياأروبة جيتي إزاي
زبنة:مكانش ينفع افوت كتب كتاب اخويا
وعد:كويس انك جيتي علشان ملحقناش نتعرف المرة الي فاتت
همست لها زينة:قابلتي جوز ذئبات الجبل دول وهي تشير على حنان ومنى
ضحكت وعد:ايوة
زينة:ماتقلقيش انا معاكي في ضهرك
وعد:متخافيش عليا
ماريا:شاركونا معاكم ياجدعان
زينة:انتو بقى الحراسات الخاصة بتوع وعد
عاليا بمرح وهي تنظر لحنان ومنى وهم يتغامزون وينظرون الى وعد وزينة بحقد:مش أحسن من ريا وسكينة دول
ضحكت الفتيات بشدة فقال زياد :خلصتو نمنمنة يابنات عن اذنكم بقى تعالي ياوعد
وامسك بيدها وقبلهاوسط دهشة الجميع وقال: مالكم كلها بكرة وتبقى مراتي عن اذنكم.
ونظر بحدة الى حنان ومنى فنظروا الى الارض
فصعد السلم ووعد بيده فقال لها:حماتك طيبة ما تقلقيش
طرق زياد الباب على أمه وقال:صاحية ياحاجة حسنية
فأجابته امه :ادخل ياولدي
دخل زياد ومعه وعد نظرت وعد فوجدت امه امرأة كبيرة بالسن طريحة الفراش وتبدو مريضة جدا وتتحدث بصعوبة وبجوارهاادوية كثيرة ولكن تهلل وجهها عند رؤية زياد
فارتمى زياد باحضانها وهي تبكي وتقول:حبيبي الحمد لله عشت وربنا مد بعمري عشان أشوفك عريس
قبل زياد يديها بحنان:بعد الشر عنك ربنا يطول بعمرك ياحبيبتي
ووعد تنظر إليهم بتأثر فقال زياد:تعالي ياوعد قربي
دي وعد خطيبتي ياأمي
ابتسمت حسنية وقالت:تعالي قربي مني انا سمعت انك زي القمر
ابتسمت وعد وقالت:سلامتك ياماما
مدت حسنية يدها لوعد فاحتضنتها وقالت: ربنا يسعدكم ياحبايبي خلي بالك زياد دة صعب مش اي واحدة بتعجبه ودة معناه انه بيحبك انا عاوزاكي تخلي بالك منه
بقلم مرفت السيد
وعد:حاضر ياماما
حسنية:وانت ياواد عروستك شكلها مؤدبة وبتتكسف خلي بالك منها
زياد:دي في عينيا
دخلت زينة واحتضنت حسنية بحب وقالت:ازيك ياامي
سلامتك ياغالية
حسنية:حبيبتي يازينة كان نفسي اشوفك عروسة انتي كمان بس شكلي مش هالحق
زياد:بعد الشر عنك ياأمي
اتت الممرضة وقالت:ميعاد الدوا ياحاجة
زياد:عن اذنك ياماما ووجه كلامه الى الممرضة :خلي بالك منها
الام:زياد كتب الكتاب امتى ياولدي
زياد:بكرة ان شاء الله ياحاجة
الام: بإذن الله
قال زياد: وعد انا مش عارف اشكرك ازاي امي روحها ردت فيها بخبر جوازنا دة
زينة: ايوة فعلأ امتي عارفة أمي صحيا تعبانة جدا وتحسين نفسيتها جزء من العلاج
وعد : ربنا يشفيها يارب وتقوم بالسلامة
نظر زياد يالاسفل فوجد وليد يجلس مع الرجال فقال :عن اذنكم انا نازل خلاني حضروا وهاقعد مع مع الرجالة برة
قالت ام خالد: ايه قابلتي حماتك ياوعد
وعد :اه ربنا يشفيها
حنان : ماتيجي ياعروسة اقعدي ويانا
عاليا:لا معلش وعد عروسة ولازم ترتاح وكلنا هانقوم ننام
زينة:اه بكرة فرح ولازم نجهز دة الميكب ارتيست جاية بدري عشان المشوار
ماريا: اه وورانا دلوقتي حاجات اهم من الكلام
منى بضحكه صفراء:ربنا يتمم على خير
زينة:بإذن الله هاتتم على خير غصبا عن اي حد
ام خالد :ماشي ياللا ياجماعة على المضيفة عشان ترتاحو
كان الرجال يتحدثون مع وليد عن عاداتهم بالزواج ويمرحون مع زياد
ووعد وصديقاتها وزينة وهنا بالمكان المخصص لهم يضحكون ويمرحون
الكل كان يشعربالسعادة باستثناء منى وحنان
قالت منى لحنان: خلاص اتفقنا
:
حنان:انا خايفة
منى :جمدي قلبك حامد هايساعدنا
حنان: حسين اخويا لو عرف ولازياد هايقت… لنا
منى: وحق بنت عمي الي قت… لها الفاجر دة والورث الي ورثه من ورا مو.. تها يعني يقت… ل ويورث كمان وجايب عروسته واهلها هنا وفرحان لا لازم يدفع التمن ياحنان
نظر اليهم حامد من بعيد وهو يحلس مع الرجال وهز رأسه بالايجاب وغمز لهما
وابتسم ثلاثتهم بحقد
ياترى ناويين على إيه