رواية وحوش الأرض الفصل التاسع عشر 19 بقلم منة ضياء
رواية وحوش الأرض الجزء التاسع عشر
رواية وحوش الأرض البارت التاسع عشر
رواية وحوش الأرض الحلقة التاسعة عشر
بسم الله.
ياسين بعد ما خلص المكالمه مع ايهاب راح ع الفيلا و شاف ياسمين قعده ف جنينة الفيلا لوحدها
ياسين : السلام عليكم.. قعده كده ليه
ياسمين : و عليكم السلام.. مفيش طول ما انا جوا بنام قولت اخرج اقعد علشان افوق..
ياسين : ماشي ي حبيبتي اهم حاجه تكوني مرتاحه.. يلا علشان تاكلي معايا.
ياسمين قامت و ياسين حاوطها بدراعه و قعدوا يتكلموا لحد ما دخلوا الفيلا..
كانت سعاد بتحضر السفره : حمدلله ع السلامه
ياسين : الله يسلمك.
سعاد : ثواني و تكوني السفره جهزه
ياسين : تمام خدي وقتك انا لسه هطلع اخد شاور..
سعاد هزت راسها و راحت ع المطبخ.
و ياسين طلع اخد شاور و اكل هو و ياسمين و كان جاسر اجى و اكل معاهم..جاسر طلع ينام و ياسين و ياسمين فضلوا قعدين مع بعض
عند وعد..
وعد كانت قعده بتلعب ف الفون و قفلته بزهق : فين ايام الشغل و المرمطه و افضل راحه من مكتب ل مكتب و لما اشتغل كويس احس بانجاز و لما اشتغل غلط يترمي الملف ف وشي.. هو اه بيبقا شكلي مهزق بس ع الاقل ف ونس و بدات تهز رجليها.. يعني انا كنت حيرانه اشتغل عند ايهاب و لا ياسين الوقتي قعده لا عارفه اشتغل عند ده ولا ده.. اعااا.. الا صحيح هو المفروض اشتغل الوقتي عند مين 🤔 نفخت بزهق و راحت تشوف اي فيلم يسليها بدل الزهق ده..
__________
ايهاب رجع الفيلا وطلع جري عند اخته خبط ع الباب و دخل بعد ما سمع الاذن منها بالدخول..
ايهاب دخل و حط كيس كان ف ايده ع الكرسي و قرب منها : هي فردوس مشيت و سابتك ولا اي.. ده انا قايلها ما تتحركش غير لما اجي.
مروة : فردوس كانت قعده معايا والله كتر خيرها بتتعب معايا اوي
ايهاب : هو ده شغلها تاخد بالها منك.. ليه الاهمال بقا؟
مروة : لا.. لا مش اهمال.. بص بصراحه انا اللي قولتلها تمشي
ايهاب : ليه؟!
مروة : اصل واحنا قعدين بنتكلم عرفت ان امها تعبانه و ف المستشفى و لما سالتها بتيجي ليه قالت انها محتاجه الفلوس علشان المصاريف و علاج امها.. الصراحه اتخانقت معاها وقولتلها ازاي تسيب امها و هي تعبانه و قولتلها تروح ليها و فلوسها زي ما هي مش هتنقص.. ايهاب بليز حاول تساعدها
ايهاب : لا حول ولا قوة الا بالله.. طب هي ليه مقالتش .. خلاص انا هكلمها و اعرف هي ف مستشفى اي و هتصرف.
مروة : ماشي.. الا صحيح اي الكيس اللي انت حطيته ع الكرسي ده
ايهاب : لا ما انا ناوي اسهر معاكِ و دي شويه حاجات لزوم السهره.
مروة بفرحه : و سيب اختيار الفيلم عليا.. عندي فيلم رعب انما اي لسه جديد.. حاجه كده تاخدك ف عالم تاني..
ايهاب ضرب كف ع كف : الله يخربيت افكارك و افلامك اللي فعلا هتاخدني ف عالم تاني بس لما اتلبس بسببك.
مروة بضحكه : هههه.. ليه بس ده مفيش احلى من افلام الرعب بتحس كده بمغامرة لطيفه..
ايهاب ضربها ع قفاها بهزار : ده انا لو قاعد مع ابليس مش هجيله افكار الافلام اللي بتجبيها دي 😒
مروة حطت ايديها الكويسه ع قفاه : عيب عليك اللي انت بتعمله ده.. انك تمد ايدك عليا دي مش رجوله..
ايهاب بتوعد : انا هعرفك الرجوله اللي بجد و قعد يضرب فيها بهزار و هي تضحك و تصوت..
وسهروا مع بعض سهره حلوه ..
_________
عدى الوقت بدون احداث و نيجي بقا ليوم الخميس..
ياسين قام هو و جاسر و ياسمين..
ياسين : عرفتي ي ياسمين انتي هتعملي اي
ياسمين هزت راسها : ايوه فهمت و هنفذ بالحرف..
ياسين : تمام
ياسين اخد جاسر و راحوا الشركه مع بعض.
و ايهاب قام من النوم بكل نشاط جهز و فطر مع مروة.
ايهاب : انا هنزل الشركه و هرجع قبل ميعادي علشان نروح فيلا ياسين نطلب وعد
مروة : ماشي ربنا يتمم ع خير
ايهاب : يارب.
ايهاب سمع خالد بينادي عليه علشان يروحوا مع بعض الشركه و ايهاب نزل بسرعه و راحوا مع بعض.
___________
بقلمي منه ضياء
ياسين وصل الشركه و شاف مالك : صباح الخير
مالك : صباح النور
ياسين : احم.. هي مليكه ماجتش و لا اي..
مالك : لا ماجتش قالت ان اختك عايزاها
ياسين : اه و انت كمان تجيب مراتك و ابنك و الباقي و تيجي ع الفيلا
مالك : ليه هو ف اي
ياسين : ايهاب هيطلب وعد من بابا النهارده.. فقولت اننا نبقا كلنا معاهم
مالك : تمام بعد اما ارجع هروح اجيبهم ع الفيلا عندك ع طول
ياسين : تمام..
الكل بدا يشتغل و ياسين كان بيعمل كل حاجه لوحده و كان مفتقد مليكه و حركاتها و نشاطها ف الشغل.. نفخ بزهق و كمل شغله
مليكه راحت عند ياسمين و قعدوا مع بعض و اتصلوا ع وعد.
وعد ردت : الوو
ياسمين : ازيك يا وعد عامله ايه
وعد : الحمدلله
ياسمين : وعد هو انتي ممكن تيجي تقعدي معايا
وعد : هو ف حاجه ولا اي
ياسمين : لا.. لا كل الموضوع ان مليكه عندي و كنا عايزينك تتجمعي معانا
وعد : تمام هجهز كده واجيلك
ياسمين : تمام.. مستنينك
عدى الوقت و وعد راحت لياسمين و مليكه و قعدة معاهم..
و ايهاب رجع البيت و قال لواحده من الشغالين تساعد مروة ف انها تجهز.. و بعد ما جهزوا خالد و ايهاب و مروة راحوا ع فيلا ياسين..
مالك و هو ف الطريق اتصل ع احلام و قالها و قال لعماد و هاني.. و اتصل ع همس علشان تجهز.. الكل بدا يجهز بحماس..
ياسين رجع الفيلا هو و جاسر و اتجمعوا كلهم ع السفرة و اكلوا مع بعض.
وبعد ما خلصوا اكل.. مليكه : يلا ي بنات نطلع نقعد فوق
ياسمين و وعد قاموا و طلعوا فوق و ايهاب وصل ف نفس الوقت اللي وصل فيه هاني و العيله..
سلموا ع بعض كلهم و سلموا ع مروة بحب كبير.
هاني دخل ع طول و كالعادة ملامحه جامده..
الكل دخل و ياسين رحب بيهم.. طلعت سعاد ندهت ع البنات و نزلت
وعد : و هو اخوكِ هيعوزنا ف اي
ياسمين : انا اعرف ما انا معاكِ اهو
مليكه : كفايه رغي تعالوا نشوف ف اي..
نزلوا و كان الكل قاعد وعد استغربت وجود خالد بس حركت كتفها : مليش دعوه.
هما التلاته راحوا وقفوا معاهم و سلموا عليهم كلهم همس قامت وقفت مع وعد و مروة راحت بالكرسي بتاعها جنبهم..
وعد استغربت انهم بيتجمعوا عليها و اتكلمت بهمس بسيط : هو ف اي..
مروة غمزت لها.
وعد بصت ع ايهاب شافته مبتسم.
اتكلم جاسر : تعالي ي بنتي.. ايهاب اجى يطلب ايدك مني
وعد حست بلخبطه..
جاسر : مش انت قولتي ان انا ف مقام والدك
وعد هزت راسها بتاكيد.
ايهاب شاف عيونها بتلمع بدموع
عماد : انتي موافقه ع ايهاب ي بنتي.
وعد هزت راسها : موافقه
خالد : يبقا ع خيرة الله.. يلا نقرا الفاتحه…
الكل قرا الفاتحه و وعد قلبها بيدق و هي شايفه الكل حواليها..
الكل بدا يبارك ليها حتى احلام..
و اتفقوا ان الخطوبه و كتب الكتاب بعد اسبوعين بالظبط..
بعد شوية وقت الكل رجع بيته..
ايهاب كان فرحان بس وعد كان اشد فرحه لانها حست ان في جنبها عيله..
بعد يومين وعد اتفقت مع ياسمين و مليكه و همس انهم هيخرجوا يتمشوا مع بعض..
وعد : الوو يا مليكه.. ايوه خلاص هخرج من الفيلا اهو هنتقابل ف المكان اللي قولنا عليه.
مليكه : تمام.
اتفقوا البنات و خرجوا كلهم و بالفعل اتقابلوا اتكلمت همس بزهق و هي بتبص ف الساعه : كل ده و وعد لسه موصلتش ده المكان اقرب ليها مننا.. انا سايبه معاذ مع ماما احلام و عارفه انه هيتعبها..
ياسمين : بتصل عليها مش بترد.. معقول كل ده فين.
مليكه : انا خايفه يكون حصل ليها حاجه يا بنات..
همس : بس يا مليكه متقوليش كده هي اكيد جايه ف الطريق و مش عارفه ترد و هي بتسوق.
ياسمين : ان شاء الله خير.
و بعد نص ساعه همس : لا بقا ف حاجه غلط كل ده لسه ماجتش.. انا قلقت اوي عليها.
ياسمين : بتصل عليها و مش بترد انا خايفه عليها اوي..
مليكه : احنا هنفضل نتفرج ع بعض كده لازم نتصرف..
ياسمين : هنعمل اي يعني ي مليكه.. نروح ليها الفيلا؟!
همس : يلا مستنين اي.. بس حد عارف عنوان الفيلا..
ياسمين بتاكيد : ايوه انا عارفاه
همس : طب يلا… وقفوا تاكسي وراحوا ع فيلا وعد..
___________
ف مكان تاني كان مقفول تماما مش وصله نور بالرغم من انهم بالنهار..
وعد كانت مربوطه ع الكرسي و فقده الوعي.. اجي واحد معاه مايه دلقها عليها.. وعد قامت و شهقت بصوت عالي و مكنتش قادرة تحرك راسها..
الشخص ده سابها وخرج..
وعد بدات تحرك راسها.. اااه انا فين.. وفتحت عيونها بس مفرقتش كتير هي كده كده مش شايفه حاجه..
وعد غمضت عيونها جامد و فتحتها تاني و قالت بصوت باكي : اي ده انا مش شايفه اي حاجه ليه.. انا اتعميت و لا اي.. انا خايفه اوي و بدات تعيط.. طب هو ف حد هنا انا خايفه اوي حد يلحقني انا مش بشوف.
نرجع تاني للبنات..
وصلوا عند فيلا وعد.. همس دفعت لسواق التاكسي فلوسه و دخلوا هما التلاته جري ع جوه..
ياسمين : وعد انتي فين..
اجى واحد من الامن : خير ي انسه اقدر اساعدك ازاي.
مليكه : و، وعد فين؟
اتكلم باحترام : الست وعد خرجت من حوالي ساعه و لسه مرجعتش..
هما التلاته بصوا لبعض بخوف..
همس : مش معقول هتكون راحت فين يعني..
مليكه : ياسمين حاولي تتصلي عليها تاني.. و انا هتصل ع مروة ممكن تكون راحت ليها.
ياسمين : حاضر..
ياسمين اتصلت بس للاسف مفيش اي رد..
مليكه اتصلت ع مروة و هي ردت..
مروة : اهلا يا مزه عامله اي..
مليكه : احم.. الحمدلله.. مروة انا كنت عايزه اقولك
قطعتها مروة : بقولك اي ما تجيبي وعد و ياسمين و همس و تيجوا تقعدوا معايا بدل ما انا قعده بكلم نفسي..
مليكه بلعت ريقها بخوف.. معنى كده ان وعد مش معاها!!
مليكه : احم.. معلش ي مروة مش هينفع انهارده خليها يوم تاني و نتجمع فيه عندك من اول اليوم..
مروة : اتفقنا.. الا صحيح انت كنت هتقولي حاجه خير؟!
مليكه : احم.. لا كنت بطمن عليكِ بس..
مروة : متحرمش منك ي حبيبتي
مليكه : يارب.. يلا سلام.. وقفلت معاها
همس : هاا طمنيني.. وعد عندها صح.
مليكه : لا مروة متعرفش عنها حاجه.
همس : طب هنعمل اي؟!
ياسمين : مفيش حل غير اننا نبلغ ياسين و هو اكيد هيعرف يتصرف..
همس : استنوا ي بنات ما هي ممكن تكون وعد عند ايهاب.
مليكه و ياسمين بصولها : بس محدش فينا معاه رقم ايهاب، و غير كده وعد مش هتروح الشركه و احنا مستنينها..
مليكه : معاكِ حق يا ياسمين.
همس : خلاص نتصل ع ياسين نبلغه مفيش حل تاني..
ياسمين اتصلت ع ياسين و مردتش و حاولت مره تانيه بتوتر..
عند ياسين ف الشركه..
ياسين كان ف اجتماع و شاف اتصال ياسمين و قفل اول رنه و شاف الاتصال للمره التانيه و وقف: بعد اذنكم ي جماعه مضطر ارد ع اتصال مهم.. و سابهم و خرج..
ياسين : الوو..
ياسمين بصوت باين عليه الخوف و التوتر : الوو يا ياسين انت فين.
ياسين : هكون فين يعني؟! اكيد ف الشركه.. بس ماله صوتك
ياسمين : وعد يا ياسين.. احنا مش لاقين وعد و مش عارفين هي فين..
ياسين : ازاي يعني… هي طفله و تايهه
ياسمين بعياط : مش عارفه هي قالت انها خرجت من البيت و بقالها اكتر من ساعه مش عارفين هي فين و حتى مش بترد ع الفون و حتى هي مش عند مروة.. ممكن تكون عند ايهاب ما هي متعرفش حد غيرنا.
ياسين : خلاص اهدي.. انت فين الوقتي.
ياسمين : انا و مليكه و همس عند فيلا وعد..
ياسين : ارجعوا الفيلا و انا هتصرف و هكلم ايهاب و اشوف هي عنده و لا اي..
ياسمين : تمام.. وقفلت معاه.
ياسمين : تعالوا ي بنات معايا لحد ما ياسين يطمنا ع وعد و يرجع بيها يارب
البنات : يارب.. و راحوا معاها.
ياسين قفل مع ياسمين و اتصل ع ايهاب..
ايهاب رد : الوو
ياسين : الوو ي ايهاب هي وعد عندك
ايهاب باستغراب : عندي فين يا ياسين؟! و تقصد اي بسؤالك ده
ياسين : قصدي اننا مش عارفه وعد فين و قاله اللي ياسمين قالته
ايهاب : هتكون راحت فين دي متعرفش حد غيرنا..
ياسين انا عارف رقم العربية بتاعتها و هحاول اوصلها من خلال واحد معرفه لاننا مش هنعرف نقدم محضر دلوقتي
ايهاب : و انا هحاول اتصل عليها.. و هحاول اوصل لموقع الفون بتاعها..
ياسين : تمام و قفل معاه..
ياسين دخل تاني غرفة الاجتماع :بعتذر انا مضطر امشي..بس استاذ معتز و استاذ جاسر هنا مكاني..
_______
ف المكان اللي فيه وعد..
وعد قعده بتعيط من كتر الخوف و مش شايفه اي شعاع ضوء يوضح ليها اذا كانت هي ف مكان مظلم و لا هي اللي مش بتشوف..
وعد بلعت ريقها بتعب : ه، هو ف حد هنا.. ممكن حد يرد عليا انا تعبانه اوي.. انا عطشانه بجد.. حد. يرد عليااا انا اجيت هنا. ازاي. بتحاول تفلت ايديها من الرابطه بس مش عارفه محاولاتها فاشله.. فضلت قعده بتعيط بخوف كبير..
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية وحوش الأرض)
