رواية وحوش الأرض الفصل العشرون 20 بقلم منة ضياء

رواية وحوش الأرض الفصل العشرون 20 بقلم منة ضياء

رواية وحوش الأرض الجزء العشرون

رواية وحوش الأرض البارت العشرون

رواية وحوش الأرض الحلقة العشرون

بسم الله..
ياسين بعد ما خرج من الشركه ركب عربيته و اتصل ع واحد معرفه قديمه و هو واثق انه هيقدر يساعده..
ياسين : الوو ياسعيد
سعيد : اهلا.. عاش من شاف رقمك ع الفون
ياسين : معلش ي سعيد والله الدنيا مشاغل.. بس كنت عايزك ف خدمه
سعيد : و انا تحت امرك
ياسين : الامر لله وحده.. بص انا عايزك توصلي لمكان عربية انا هبعتلك رقمها ف رسالة
سعيد : ممكن افهم دي عربية مين.. و انت مش عارف هي فين ازاي؟! اتسرقت يعني و لا اي؟
ياسين: لا دي عربية واحدة صديقة اختي و نفخ بضيق.. بقالها حوالي ساعتين منعرفش عنها حاجه
سعيد : معلش يعني هو مش ساعتين قليل ع القلق ده كله.
ياسين : سعيد عايز تساعدني تبقا متشكر.. لكن لو مش هتساعدني خلاص و متشكر بردو
سعيد لاحظ ضيقه : خلاص.. انا هحاول اوصل للعربية و لو ف جديد هقولك ع طول
ياسين : تمام و قفل معاه.
_______

ايهاب اتصل ع ياسين..
ايهاب : ياسين انا عايز اقابلك.. ف حاجات عايز اعرفها و عن طريقها ممكن نلاقي وعد
ياسين : تمام انا هسبقك ع الفيلا عندي و انت تعالى ع طول
ايهاب : تمام..
ايهاب و ياسين راحوا الفيلا..
كانوا البنات قعدين ف الفيلا و قلقانين ع وعد و بيدعوا انها تكون بخير..
دخل ياسين بعد ما اتصل ع ياسمين و عرفها انه وصل..
ياسين : السلام عليكم..
الكل : و عليكم السلام..
ياسمين : ها يا ياسين طمني لقيت وعد
ياسين : لا.. لسه موصلتش ليها.. بس كلمت ايهاب و هو قال انه هيجي و ان شاء الله هنحاول نوصلها.
ياسمين : تقصد ان انت و ايهاب متعرفوش مكانها.. البنات بصوا لبعض بخوف
ياسين : بالظبط.. بس ان شاء الله هنلاقيها..
الكل قعد يدعيلها من. قلبه..
بعد شوية ايهاب وصل و ياسين خرج ليه برا علشان يعرفوا يتكلموا مع بعض بعيد عن البنات.
ايهاب دخل و كان الخوف و القلق باين ع ملامحه و صوته : وصلت لحاجه ف الوقت ده..

ياسين : لا لسه..
ايهاب قعد و ياسين قعد جنبه.
ايهاب : معقول يكون حد من اهلها رجع تاني ياذيها؟!
ياسين : مستحيل لان هي قالت ان متعرفش حاجه عن باقي عيلتها و غير كده عمها اتعد.م و اللي كانوا معاه اتحبسوا ماظنش ان حد منهم..
ايهاب مسح ع وشه بضيق : امال هتكون فين
ياسين : انا هحاول اوصل للعربية بتاعتها.
ايهاب و انا هفضل واقف اتفرج؟! انا عايز اروح المخزن اللي كانت اتخط.فت قبل كده فيه..
ياسين : هتروح تعمل اي.
ايهاب بعصبيه : هروح اجيب وعد
ياسين : و هي اكيد مش هناك.. ايهاب لسه هيرد لكن قطع كلامهم اتصال من سعيد..
ياسين رد بسرعه : الوو.. ها وصلت لحاجه ي سعيد..
سعيد بحزن : احم.. الصراحه قدرة اوصل للعربية.
ياسين : قولي بسرعه مكانها فين..
سعيد : احنا لقينا العربية مقلوبه و مدمرة خالص..
ياسين : و وعد فين؟!!
سعيد : معرفش الصراحه لان ملقناش حد ف العربية و ده كويس يعني ممكن يكون حد قدر ينقذها..
ياسين : ط، طب هقدر اوصلها ازاي..
سعيد : ممكن لو معاها فون نقدر نحدد الموقع بتاعها و نوصلها..

ياسين : ايوه فونها معاها..
سعيد : كويس و ده شئ هيسهل علينا الموضوع.. ابعتلي رقمها ف رساله
ياسين تمام و قفل مع سعيد و بعتله الرقم ف رساله ع طول
ايهاب وقف بقلق ولهفه: وعد فين..
ياسين : سعيد قال انه لقى عربية وعد مقلوبه بس هو قال انها مش فيها و ده شئ كويس ان هو ممكن يوصلها عن طريق الفون..
ايهاب مسك دماغه بحيرة و حزن..
و سابه و خرج من الفيلا..
________
عند وعد..
وعد كانت قعده ف مكانها و الخوف متملك منها حرفيا..
لقت الباب اتفتح و حاولت تشوف اي حاجه من خلال النور اللي دخل من الباب بس معرفتش لان هي بعيده جدا عن الباب و غير كده اللي دخل.. دخل بسرعه، لكن هي اطمنت انها بتشوف عادي.
راح عندها و اتكلم بصوت غليظ بسببه قلبها و جسمها اتنفضوا..
-يلا علشان تمشي من هنا و راح يفك ايديها..
وعد بخوف : اي ده انتم هتاخدوني فين..

ضحك عليها بسخرية : ههههه.. اكيد مش هنفسحك يعني.. ده انتي مخطوفه و انا هاخدك من هنا و دي اوامر من الست هانم..
وعد : ست هانم مين..
-اكيد مش هقولك لان انت هتعرفي من نفسك.. و فك ليها ايدها اليسار.
وعد بدات تصرخ و تستنجد باي حد..
-مسمعش صوتك.. لان كده كده انت هتبعدي عن هنا خالص.. و الكل بقا مفكر انك مو.تي ههههه
وعد : انتم مين و عايزين مني اي؟
-هعوز منك اي.. و بطلي رغي بقا و جاله اتصال و سابها ف مكانها و خرج..
وعد مش عارفه تعمل اي بس شافت ان ايديها اليسار مش مربوطه.. ابتسمت بامل : انت اللي غبي مش بتعرف تخط،ف زي الناس..
حاولت تستخدم ايدها ف انها تفك نفسها لكن معرفتش و افتكرت ان معاها فون ف جيب البنطال و دعت ان يكون معاها مش اخدوه..
وعد بعد محاولات قدرة تطلع الفون و من حسن حظها كان صامت علشان لو حد اتصل محدش ياخده منها.. ابتسمت بنصر : ههه قولت غبي و مش بيعرف يخط،ف.. و هي بتحاول تمسك الفون ترن ع اي حد الفون وقع منها ع الارض..

شهقت : لا الفون وقع هعمل اي مش هعرف اجيبه و انا مربوطه ف الكرسي كده و مفيش نور انا مش شايفه الفون فين..
حاولت انها تميل بجسمها علشان تجيبه و فعلا قدرة توصله و مسكته بصعوبه و حاولت تهدى علشان تعرف تمسك الفون و ترن ع اي حد.. لسه هتفتح الفون اتفاجاة باتصال من رقم غريب..
وعد بحيرة و عياط: ارد و لا لا.. انا خايفه اوي يارب
الرنه خلصت و اجى اتصال من نفس الرقم تاني ع طول.. وعد ردت و قبل ما تتكلم دخل عليها نفس الشخص ده.. وعد قفلت شاشة الفون و رمته تحت الكرسي..
وعد بتحاول تشوف ملامحه لكن مش قدرة بسبب شدة الظلام…
_________
سعيد اول ما وعد ردت هو قعد يقول الوو لكن لما ملقاش رد قلق و استغل الفرصة و قدر يحدد موقعها و عرف المكان بالظبط… و اتصل ع ياسين يبلغه.
ياسين : هاا يا سعيد عرفت مكانها انا لحد دلوقتي معتمد عليك بعد ربنا..
سعيد : ايوه يا ياسين قدرة اعرف مكانها بالظبط.. و بدا يوصفله المكان..
ياسين قلبه اتنفض و قال لنفسه ده مخزن عصام.. بس اي اللي خلاها تروح هناك و اتكلم : خلاص شكرا يا سعيد تعبتك معايا..
سعيد : متقولش كده انا تحت امرك ف اي حاجه..
ياسين : متشكر.. و قفل بسرعه.
ياسين راح للبنات و قالهم انه قدر يعرف مكانها و هيروح يجيبها…
_______________

بقلمي منة ضياء ♡
ياسين خرج جري من الفيلا و ركب عربيته و اتصل ع ايهاب..
ياسين : ايهاب وعد انا عرفت مكانها
ايهاب بلهفه : فين؟!
ياسين : حصلني ع(….)
ايهاب : دقيقتين و اكون هناك
ياسين : تمام و قفل معاه.
ياسين سايق بسرعه و عايز يوصل الوقتي قبل دقيقه كمان.
عند وعد..
الراجل قرب منها و فك ايديها التانيه و نزل ع الارض يفك رجليها..
وعد زقته بايديها : ابعد عني
اتكلم ببرود : مقبوله منك ي حُب.. اصلك صعبانه عليا ماهو اللي المدام هتعملوا فيكِ مش قليل بردو.. يلا بلاش كلام كتير و مسكها من دراعها.. وعد خافت و حاولت تهرب.. و قعدة تصرخ.
-لا انتِ هتتعبيني معاكِ و صوتك مزعج.. و مسكها من ايديها.. و اخدها بقوة و راح اتجاه كرسي عليه قطع قماش..هو مسك قماشه و ربطها ع بوقها علشان صوتها العالي..
وعد استغلت الفرصه و ضربته برجليها ف ركبته جامد..
-اااه يا بنت ال..

وعد استغلت الفرصة و طلعت تجري ف اتجاه الباب و كانت الرؤية واضحه شوية و هو كان بيجري وراها لكن حرفيا مش قادر لان كانت الضربة قوية..
وعد فتحت الباب و خرجت بتنهج و هو جرى عليها بسرعه و مسكها من شعرها..
وعد حاولت تصرخ لكن معرفتش بسبب القماشه..
ايهاب وصل المكان بس مكانش عارف اي مدخل او اي محزن فيهم اللي وعد موجوده فيه..
ايهاب طلع فونه و اتصل ع ياسين…
ياسين : الو يا ايهاب انا دقيقه واحده هكون عندك
ايهاب : تمام..
وعد شافت ايهاب و حست بامل جديد و لفت بسرعه و ضر،بت الشاب ف عينه بالبوكس و هو صرخ و صوته لفت انتباه ايهاب اللي كان قريب منهم جدا بس عيونه ف الاتجاه الغلط..
ايهاب شاف وعد اللي شعرها ف قبضت ايد الوحش ده..
ايهاب راح بسرعه عليه و ضربه بوكس و سحب وعد ف اتجاهه لكن مازال شعر وعد ف ايده.. ايهاب بعد وعد شوية و هي دموعها نازله من شدة شعرها.. ايهاب ضر،به تاني ف وشه باستمرار لكن هو مش بيستسلم و يسيب شعر وعد.. بس بتكرار الضربات من ايهاب ساب شعرها من ايده و كان بيصرخ من وشه اللي كله دم و عينه اللي مش قادر يفتحها و عد جريت بسرعه بعيد شافت ياسين نازل من العربية جريت بسرعه عليه و شاورة بايديها ع ايهاب..
ياسين شاف ايهاب اللي اخد الشاب ده جوا المخزن..
ياسين : انتي كويسه..
وعد هزت راسها بدموع بمعنى ايوه و شاورت ع المخزن تاني..

ياسين فك ليها القماشه اللي ع بوقها لان هي حرفيا جسمها كله بيترعش مش ايديها بس..
ياسين فتح ليها العربية و قعدها : خليكِ هنا متخرجيش و انا هشوف ايهاب و هنعرف مين اللي عمل كده.. انا هقفل العربية علشان متقلقيش..
وعد هزت راسها..
ياسين راح بسرعه لايهاب اتفاجا بكمية الدم اللي ع وش الشاب ده.
ايهاب ربطه مكان وعد و كان بيض،رب فيه : قول يالا مين اللي زقك ع سكة وعد
الشاب معتش عنده طاقه حتى يتكلم و ايهاب مش رحمه بيضر،به ضربه ورا التانيه…
ياسين مسك ايهاب : اهدى يخربيتك هتودي نفسك ف داهيه
ايهاب : انت مشوفتش هو كان ماسك شعرها ازاي يبقا متتكلمش.
ياسين : اهدى مش كل حاجه عن،ف.. بما انه هنا ف مخزن عصام يبقا اكيد حد من عيلته..
ايهاب : يعني ده مخزن عم وعد
ياسين : ايوه
ايهاب قرب من ياسين بعصبيه و ضربه بوكس ف وشه : انت اغبى واحد شوفته.. انا قولتلك قولي عنوان المخزن و انت قولت مش هنا.. مش كان زماني لحقتها من قبل ما يمسكها من شعرها..

ياسين زقه بضيق : يعني انا كنت اعرف انها هنا.. انا استبعدت المكان ده لانه تبع عصام.. و عصام خلاص مبقاش موجود.. و بعدين اللي حصل خلاص حصل و وعد رجعت الوقتي المفروض اننا نعرف مين اللي عمل كده..
ايهاب : هنعرف ازاي ما الكل.ب ده مش راضي ينطق
ياسين : لا ما هو لو منطقش يبقا يتشاهد احسن..
الشاب بلع ريقه بخوف لان خلاص مبقاش في جسمه او وشه حته سليمه..
ياسين : سيبه مربوط كده انهارده و انا هتصرف معاه بكرا بس اهم حاجه وعد الوقتي
ايهاب : معاك حق..
ياسين قفل المخزن و ايهاب راح عند وعد..
ياسين قرب ليهم و فتح العربية..
ايهاب : ها ي وعد انتي كويسه
وعد : ا،ايوه الحمدلله
ياسين : وعد انتي متعرفيش مين اللي عمل فيكِ كده..
وعد هزت راسها بنفي : كل اللي اعرفه انه قعد يقول ست هانم و شوية يقول مدام.. يعني اللي قالتله يعمل كده واحده ست مش راجل.. بس انا مش عارفه مين اللي عرف يدخل مخزن عصام ده مفيش حد معاه مفتاح المدخل غير عصام و شاهي
ايهاب و ياسين بصوا لبعض.. شاهي؟!!
ياسين : خد وعد يا ايهاب معاك ف عربيتك وانا هروح مشوار كده.. بس وصل وعد ف الفيلا بتاعتي البنات هناك و هيقدروا يهتموا بيها
ايهاب : تمام.. و ساعد وعد و اخدها ف عربيته و راحوا ع الفيلا..
ياسين فضل واقف مكانه و اتكلم بحيره: شاهي؟!!
___________

ايهاب وصل وعد الفيلا و البنات كلهم خرجوا ليها و كانوا بيطمنوا عليها بخوف كبير اوي..
وعد وسط وجعها ابتسمت لانها شايفه الحب ف عيونهم ليها..
البنات اخدوها و دخلوا.. ياسمين اخدتها تغسل وشها و همس قامت جابت ليها عصير ليمون يهدي اعصابها..
ايهاب مدخلش طبعا لان كلهم بنات.. سابهم و راح ع الفيلا و طلع عند مروة..
مروة : اتاخرت كل ده ليه يا ايهاب انت مش فاكر اننا هنروح انهارده عند الدكتورة علشان نفك الجبس.. و بعدين ماله شكلك مبهدل كده ليه
ايهاب فعلا راح عن باله خالص حوار الدكتورة بس محبش يظهر ده علشان متزعلش : احم.. معلش ي حبيبتي اتاخرت ف الشغل غصب عني انا هدخل اخد شاور ع السريع و هجيلك و هبعتلك بنت من اللي تحت تطلع تساعدك ف انك تجهزي.
مروة : ماشي..
ايهاب دخل اخد شاور و مروة جهزت و اخدها و راحوا عند الدكتور..
ف الطريق..
مروة : ايهاب انا فرحانه اوي اني همشي ع رجلي تاني من غير قيود و هاكل بايدي..
ايهاب : وانا ايدي مش عجباكِ ولا اي
مروة : لا مش كده بس انا بقيت باكل 3 واجبات ف اليوم بس.
ايهاب : نعم ياختي وانتي عايزه تاكلي كام مره
مروة : والله يا ايهاب الحاجات دي مش بحب اعدها بس اللي اقدر افيدك فيه هو ان ف واجبات خفيفه كده بتتاكل ف وقت الفراغ..
ايهاب : اهااا.. مانا ناسي انك طفسه.. يعني يعتبر انك دلوقتي ماشيه ع نظام رجيم قاسي..
ايهاب وقف قدام المستشفى..

مروة : بالظبط كده.. وانا مش قد الرجيم و عمايله الصراحه
ايهاب : الله يكون ف عون اللي هيتجوزك
مروة عوجت بوقها..
ايهاب ضحك ع حركاتها و اخدها و طلعوا للدكتورة فوق و فعلا فكت الجبس…
مروة قامت بفرحة و عايزه تجري و تتحرك براحتها
الدكتورة : اهدي ي بنتي المفروض تتحركِ بسيط متحمليش ع رجلك اوي و تدريجيا هتبقا كويسه جدا.. و الف سلامه عليكِ.
مروة بفرحه : الله يسلمك
ايهاب : يلا ي مجنونه و اخدها و رجعوا الفيلا..
_______
..
*هربت؟! هربت ازاي يعني..

يتبع…

لقراءة الفصل التالي : اضغط هنا

لقراءة الرواية كاملة اضغط على : (رواية وحوش الأرض)