رواية هو الخائن الفصل الثالث 3 بقلم أميرة محمد
رواية هو الخائن البارت الثالث
رواية هو الخائن الجزء الثالث
رواية هو الخائن الحلقة الثالثة
أمير بصدمه : هديل ليحملها سريعا دون انتظار ليذهب بها الي المشفي لتنظر له ليان بحنق ليلاحظ ياسين ذلك
ياسين بأستغراب : في اي انتي واقفه كده ليه لتنتبه الاخري له سريعا وهي تقول بحزن مصطنع : مش عارفه مش قادره اشوفها كده خايفه اوي
ليربت الاخر علي كتفها بحنان اخوي وهو يقول : اهدي هتبقي كويسه بإذن الله تعالي نروح نلحقهم يلا لتومئ الاخري له وهي تذهب سريعا ليلحقوا بهم
________________________
في مكان اخر
: يعني انتي واثقه من اللي بتقوليه ده واي اللي هيخليه يعمل كده
لتبتسم الاخري بخبث وهي تقول : واي مش هيخليه يعمل كده انت متعرفش انا مين ولا اي
: ايوه انا فاهم ده بس مظنش انه غبي للدرجادي بعدين اشمعنا هو ليه مش حد تاني
لتشرد الاخري وهي تقول بهدوء : فيه اغلب مواصفات الغباء المطلوبه ده اذا مكنش كلها وعداها كمان
ليومئ الاخر بأقتناع وهو يقول : لاحظت ده اكيد بس مش عارفه ليه قلقان من كده
لتبتسم الاخري بخبث وهي تقول : اووووه شوفوا مين خايف حضره المدير معقول خايف من حته عيل لا راح ولا جه
ليبتسم الاخر بخبث مماثل وهو يرفع كتفيه بلا مبالاه : مين قالك خايف منه ده يتفعص تحت جزمتي ومحسبلوش حساب انا خايف بغبائه يبوظ كل حاجه
لتتقدم الاخري أمام مراه وهي تنظر لنفسها : سيب ده عليا وانا هعرف اظبط كل حاجه واخليه يمشي علي عجين ميلخبطوش لتنهي حديثها وهي تبتسم بخبث
____________________
في داخل المشفي
أمير بعصبيه وهو يحمل هديل : حد يلحقها بسرعه حد يجيب دكتور لتأتي له ممرضه ويدخلوها لاحدي الغرف ليأتي الجميع خلفه
محسن بخوف : مالها بنتي في اي الدكتور قال حاجه ليقول عامر بتوتر : اهدي بإذن الله خير لسه مقالش حاجه
حسناء بخوف : بنتي يا محسن حصلها اي دي كانت زي الفل وفرحانه يارب جيب العواقب سليمه يارب
ليحتضنها محسن بخوف وهو يحاول تهدئتها : اهدي يا حسناء بإذن الله هتبقي بخير
ليشرد الاخر في يديه والدم الملطخ علي يديه وقميصه ليغمض عينيه بوجع من تلك الحاله ليقاطعها خروج الطبيب في نفس وقت حضور ليان وياسين معا
ليركض الجميع له وهم يسألونه برعب ليقول الاخر بهدوء: اهدوا يا جماعه هي بخير بس الظاهر انها جالها هبوط حاد خلاها تفقد وعيها وراسها اتخبطت في حاجه فتحتلها دماغها انا حطيتلها مغذي وخيطلها الجرح وباذن الله تبقي بخير محتاجه بس شويه راحه
محسن بلهفه : يعني هي بخير بجد يدكتور ليومئ له الاخر وهو يقول بهدوء : ايوه يجماعه والله بخير
أمير سريعا : طب ممكن ندخل نشوفها ليومئ الطبيب وهو يقول : هي قدامها عشر دقايق وتفوق ياريت بس متتعبوهاش واتنين اتنين يدخلوا
ليدخل الاخر سريعا تحت نظرات ليان الحارقه وهي تذهب خلفه سريعا لتجده يجلس بجانب هديل وهو ينظر لها بحزن
لتركض الاخري وهي تبكي لتجلس بجانب هديل وتمسك بيديها : اي اللي حصلك بس انتي كنتي كويسه وبخير يا هديل وكنتي فرحانه اكيد دي عين مستحيل تكون لوحدها كده
ليقترب منها امير وهو يربت علي ظهرها بعطف ليقول بتأثر: اهدي يا ليان هتبقي بخير بإذن الله انا عارف ان هديل اكتر من اخت ليكي بس شويه تعب وهيروحوا
لتقترب الاخري منه وهي تبكي وتنظر له لتقول بشئ من التأثر والصدق: هديل فعلا اكتر من اختي طول عمرنا سوا عمرنا ما فارقناش بعض معرفش ازاي وصلنا لكده
لتلمح استغراب أمير لتقول بتوتر : قصدي مش قادره اشوفها بالوضع ده دايما كانت بتضحك وتلعب انما تنام بالطريقه دي عمري مستحملها بجد حاسه اني السبب لتنهي حديثها وهي تبكي بشده
ليحتضنها أمير وهو يربت علي شعرها بحنان لتتمسك الاخري به بشده وهي تدفن راسها في عنقه ليزداد بكائها : انتي عمرك مكنتي السبب هديل مش هتلاقي اخت زيك فحياتها ولا حد يخاف عليها كده اهدي
ليستمعوا لصوت الاخري تقول بأستغراب : أمير انت بتعمل اي ليلتفتوا لها سريعا ويذهب الاخر لها بلهفه : هديل انتي كويسه حاسه بحاجه
هديل بتعب : ايوه انا بخير بس راسي بتوجعني اوي اي اللي حصل لتقول ليان وهي تقترب منها : دختي ووقعتي ودماغك اتعورت من الوقعه وأمير لحقك وجابت علي هنا انتي كويسه يا ديدو
هديل وهي تومئ بألم : انا كويسه متقلقوش عليا فين بابا والباقي ليقول ألاخر بأبتسامه : كلهم بره مستنيين يطمنوا عليكي بس انا سبقتهم
لتبتسم له هديل وهي تمسك بيده تحت نظرات ليان : اسفه اني تعبتك معايا مش عارفه حصل كده ازاي كمان بوظت الليله بجد اسفه
أمير بابتسامه : كوني بخير وده اهم حاجه فحياتي حاليا وكله هيبقي تمام وبعدين اعتبريه حصل يا ستي وهفضل ازن لغايه لما الخطوبه تبقي بعد بكره ها
ليان بصدمه وتسرع : خطوبه اي اللي بعد بكره لا طبعا مستحيل ليلتفتوا لها بأستغراب
لتقول هديل بأبتسامه : هي كده كل متسمع سيره الخطوبه معرفش هي ليه قلقانه اكتر مني يستي قلتلك هنلحق نجيب الفساتين ونجهز وكله هيبقي تمام
ليان بضيق : ايوه بس ودماغك يا هديل يعني عروسه وبربطه علي دماغها شوفتيها فين دي وبعدين انتي لسه تعبانه لا هنعرف نلف ولا نعمل حاجه
أمير بأبتسامه وهو يمسك بيد هديل : متقلقيش انا بحبها فكل حالتها هي قمر من غير حاجه وبعدين لو علي ده فا سيبي الموضوع عليا احلي فستان لاحلي اميره فحياتي كلها
لتنظر له ليان بحقد يقطعه دخول الباقي للاطمئنان علي هديل لتركض حسناء ناحيتها وهي تقول بلهفه : بنتي انتي كويسه حاسه بحاجه
لتبتسم هديل بهدوء وهي تقول : متقلقيش يا ماما شويه تعب وهيروحوا يمكن عشان مكلتش كويس بس دخت
محسن بحنان وهو يربت علي راسها : معلش يا بنتي بإذن الله تبقي بخير وتتحسني
عامر بتشنج : وسع كده بس يا حج محسن بلا بخير وتتحسن مهي زي القرده بسبع ترواح اهه انا اللي هفتان والمفروض تغذوني
ليأتي ياسين وهو يضربه خلف راسه بقوه : يعم اتهد انت فعلا عايز تتغز مش تتغذي وبعدين سبع ترواح دي بتاعه القطط مش القرود يا فصيله محدش يعلم بيها الا ربنا
ليمسك الاخر براسه بألم وهو يقول بضيق : عيل سمج يعم كنت هتجبلي ارتجاع الااااه
أمير بسخريه: ارتجاع اي يا حبيبي اسمه ارتجاج الله يكون فعون اللي علمك عربي والله ليتذكر ياسين انها كلمه عامر له ليضحك بشده وهو يشير لعامر بسخريه: شفت الدنيا دواره ازاي يا اخي اهي لفت لفت ورجعتلك
هديل بضيق : غور ياض منك ليه مش عارفين اني تعبانه وزياره المريض لازم تكون هاديه وخفيفه زقوا عجلكوا مش ناقصين وجع دماغ
ليركض ياسين وهو يجلس بجانبها ليقول بمشاكسه : يختي شوفوا والله وطلع معاك حق يا واد يا عامر زي القرده وبسبع ترواح اتاريك عارف اكتر مني بس عارفه يا هديل اي اللي صدمني النهارده
هديل بسخريه : اي يا خويا اللي صدمك وعز عليك اوي كده ليبتسم الاخر بسماجه وهو يقول : انك طلع عندك دم تخيلي صدمتيني فكرتك معندكيش ريحته
ليضربه أمير علي راسه بقوه وهو يقول : عقبال ما نعرف انت بقي عندك ريحته حتي ولالا اصلي الصراحه مش شايف انك تعرفه حتي
لينظر له ياسين بضيق ويضحك الجميع عليهم ليقول أمير بأحراج : وبما ان اليوم باظ او ضاع خلاص مش حابب يروح هدر فااا احب اعزمكوا بقي علي خطوبتي بعد بكره بإذن الله
ليركض عامر له وهو يقول بلهفه : الاااه الف مبروك يا صاحبي مين العروسه لينظر له أمير ببرود ليرد ياسين سريعا : بطل غباء يا متخلف ده سؤال يتسال اكيد الجثه اللي نايمه دي المفروض تسأله هو بيعزمنا بصفته اي
تامر بسخريه : بصفته زي العريس باين كده او قريبه يعني ليومئ الاثنين بأقتناع ليقول محسن بأستغراب : ايوه يبني بس ده معاد قريب اوي ومش هنلحق وبعدين هديل لسه تعبانه
ليان بضيق : قوله يا عمو مش مصدقني قلتله كده قالولي عادي هديل لسه تعبانه مش هتقدر علي كده
أمير بأبتسامه : انا هجهز كل حاجه يا عمي وهديل الدكتور قال انها كويسه يعني يومين راحه كفايه ولا اي يا ست هديل
هديل بأبتسامه : امير معاه حق يا بابا انا كويسه مفيش داعي للتأجيل ليزفر محسن بأقتناع وهو يقول : خلاص هقول اي علي بركه الله
______________________
في صباح اليوم التالي
يدخل الاخر وهو يضع يده في جيب بنطاله ويصفر بأستمتاع ليلقي التحيه علي الموجودين وكأنه أصبح مالك المكان
ليقابله شخص ما وهو يقول بسخريه : شوف سبحانه اول امبارح تبقي واقف ترتعش والنهارده نطيت لسكرتير صاحبه الشركه كلها
ليغمز له ياسين بأستمتاع وهو يقول: اي دهه شامم ريحه حقد في المكان الله كنت بموت فيها ونفسي اجربها واخيرا يجدع كنت فين من زمان ايوه كده حسسني بقيمتااااي
لينظر له فادي بسخريه وهو يقول : اسمي فادي يعم وهحقد ليه انا بس مستغرب السرعه مش اكتر اي سر الخلطه
ليضربه ياسين بخفه علي زراعه بمزاح : هات ورقه وقلم والحقني علي مكتبي يا فوفو ومتنساش اوعي الخلطه تتحرق منك اصلي شامم ريحه شياط ها
ليرفع الاخر حاجبيه بسخريه : حاسس انك عشت الدور شويه فوق يعم الحج مجرد سكرتير يعني مش اكتر
ياسين بأستفزاز : حاسس بكده برده من كلامك اني مجرد سكرتير لدرجه انك هتطق قدامي اهه ابقي تعالي اعزمك علي بيبس يا اصفر
ليتركه ويرحل تحت غيظ الاخر منه بشده ليزفر سريعا وهو يجلس علي مكتبه الجديد بانبهار ليرتب اشيائه وهو يضع قدم علي الاخري بغرور ليدور بكرسي المكتب بلهو
يأسين بأستمتاع : الله بقي يا واد يا ياسين يا حارقهم الكرسي ده حلو اوي بيلف كده ومريح ده احنا مكناش عايشين يا جدع
: انت بتعمل اي يا بني آدم انت ليلتفت الاخر سريعا وهو يمسك بالمكتب كي لا يسقط : بسم الله قطعتيلي الخلف
روجدا وهي ترفع احدي حاجبيها بسخريه: اسم الله عليك يا حبيبي
ليفتح الاخر فمه بصدمه : وه الله يسلمك يا حبه جلب حبيبك قولي بالله انه حقيقي قولي كدههه اتاريكي من يوم واحد قعدتيني جمبك عشان بتحبيني انا كنت حاسس برده انه مش عمل خير ابدا
لتضرب روجدا علي المكتب بغيظ وهي تقول بشرار : انت بتهزر يا استاذ انت دي شركه وجاي تشتغل مش تقعد تلف بالكرسي جايبه ابن اختي معايا ما تفوق ياض لفوقك
لينظر لها الاخر بصمت وهو يتمتم بخفوت : الله قطه الزمالك بقت من حواري بولاق بركاتك يا تموره هلت هو دعواته راجل بركه اوي ما شاء الله
روجدا بعصبيه : بتقول اي يا جدع انت ليقول ياسين سريعا : بقول حاضر هشتغل ربنا علي المفتري
لتستقيم الاخري وهي تقول بجديه : ملفاتك والحقني بسرعه مش عايزه تأخير فاهم
لتنهي حديثها بصوت مرتفع ليقول الاخر وهو يومئ سريعا: فاهم فاهم لتذهب سريعا ويزفر الاخر وهو يلحق بها
______________________
تجلس الاخري بتفكير دام لساعات لم يغفل لها جفن من حديثهم ليله امس أيعقل ان يكون لغيرها غدا بعد حب دام سنوات أيعقل ان ينتهي ذلك الحلم فجاه
لتنظر ليان للفراغ وهي تقطم في اظافرها بغيظ ليدخل والدها وهو يقول بأستغراب : في اي يا بنتي قاعده في الضلمه كده ليه
لتنظر له ليان بهدوء وهي تقول : خطوبه هديل وامير بكره وقاعده بفكر هلبس اي وكده وحابه اروح اساعدها
ليبتسم محمد بسخريه وهو يقول : بتفكري تساعديها يا ليان مفكراني غبي ولا داقق عصافير ومش فاهم
ليان بتوتر : فاهم اي يا بابا هيكون في اي يعني
ليكمل الاخر بهدوء: يبنتي بعد موت والدتك الله يرحمها ربيتك انتي واخوكي وتعبت عليكوا مصرفتش قرش واحد حرام عليكوا ليه بتعملي كده قصرت فحقك فأي
ليان بضيق : ملوش لازمه الكلام ده بعدين مش فاهمه قصدك اي انا عملت اي لكل ده
محمد بعصبيه : لا عارفه ومتكذبيش هديل صاحبه عمرك مفيش حاجه كنتي بتعمليها لوحدك من صغرك ومن ساعه ما نقلنا للمنطقه دي كنتي زي خيالها وهي زي خيالك تيجي دلوقتي وعايزه تأذيها
لتقف ليان بعصبيه وهي تقول : ااذيها وهي بتعمل اي قولي هي عملت اي فيا وهي ع…..
ليقطع الاخر حديثها وهو يقول : اسكتي خالص حتي لو ده حصل امير مش عيل صغير وعارف بيحب مين هو عمره مشافك غير اخته وبس وانه يخطب هديل كان قراره هي ملهاش ذنب
ليان بعصبيه : وانا ذنبي اي ذنبي اي اقعد سنين بحلم بيه واتمناه وهو يروح يشوف غيري بعد ما عشمني وانت اكتر واحد عارف الماضي أمير كان ليا يا بابا هي اللي عملت المستحيل عشان تاخده وكنت مفكره ان ده عادي
لتكمل بعصبيه وبكاء : بس لا مش عادي طلعت مخططه لكل حاجه لغايه لما خدته مني ووقعته فشباكها
ليصفعها الاخر بشده وهو يقول : فوقي واعرفي بتعملي اي انا مش هضيعك واضيع سمعتنا عشان الكلام الفاضي ده لولا أن اخوكي مسافر كنت قلتله يتصرف معاكي لان انا خلاص شكلي كبرت ومعدتش عارف احكمك ولو مرجعتيش عن اللي فبالك يا ليان هقولهم كل حاجه وانتي عارفه اللي هيحصل
ليتركها ويرحل تحت بكاء الاخري الشديد لتمسح دموعها بعد فتره وهي تقول بحقد : لا يا بابا مش انا اللي لازم ابعد لازم ادفع هديل تمن اللي عملته فيا وحتي أمير لازم يفوق ويعرف حقيقتها كلكوا مخدوعين فبرائتها محدش فيكوا حاسس باللي هي بتعمله
لتكمل بأصرار : بس انا هكشف كل حاجه وقريب اوي ومش بس كده مش هخلي دبله أمير تتحط فصباع حد غيري ولو اضطريت أعمل اي
لتبتسم بخبث وهي تقول بأصرار : وانا عرفت هعمل اي بكره استنوا عليا وعد مني يا هديل بدل ما يلبسك دبلتك هتكون الدبله فأيدي انا وخلاص عرفت انا هعمل اي
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية هو الخائن)
