رواية أحببتك الفصل الثالث 3 بقلم غيمة أمل

رواية أحببتك البارت الثالث

رواية أحببتك الجزء الثالث

رواية أحببتك الحلقة الثالثة

زين قام من على الكرسي بعصبية- انتي؟؟
أميرة- انت ؟؟
زين بابتسامه صفرا- تعالي اتفضلي
أميرة قعدت وهي متوترة جدا وخايفة …زين لاحظ توترها ف اتكلم هو
زين- اسمك؟ مؤهلاتك؟ منين؟ كام سنة؟
أميرة بتوتر- ا اميررة ا ح احمد انا بصراحـةة يـعـنـي مـش مـعـايـا غير دبلـوم تجارة ومن الجــيـزة عندي ٢٢سنه
زين باستهزاء- دبلـوم في شركة هندسة انتي عارفة اللي رفضتهم قـبلـك كان معاهم بكالوريوس هندسـه ومـعاهـم لغـة تانـية
اميرة بعصبية- انا بقول مؤهلاتي والله لو حضرتك مش موافق قول وقصر
زين- اسلوبك اتكلمي عدل ! خدي أملي الاستمارة دي واديها لمي وقوللها توريكي مكتبك الجديد
اميرة- يعني انا اتقبلت انت بتهزر
زين- لا بتكلم جد روحي يلا
اميرة- حاضر
زين- انتي لسه قاعدة ؟
زين كان عارف انها مش هتعرف تشتغل في الشركة بس كان عايز وجودها لانها عجبته وقال يجرب حاجة جديدة وبعدين تمشي
••
‘اميرة خدت الاستمارة وطلعت من المكتب جري مي استقبلتها
مي باستهزاء – اي اترفضتي صح اكيد زي اللي قبلك؟
اميرة بضحك- مش عايزة اصدمك بس انا اتقبلت
مي بصدمة- اي نعم؟؟!
البنات كلهم في صوت واحد- اي؟
البنات مكنوش مصدقين وقالوا انه شغلها بالرشوى او بالوسطى او عشان عجباه وعملوا دوشة
مي- اهدوا يبنات انا هروح اسال المدير ممكن تهدوا
••
زين- ادخل
مي- استاذ زين البنات برا كلهم مستغربين يعني ازاي تشغل واحدة زي دي معهاش غير دبلوم تجارة يعني مش هتعرف تشتغل
زين- ده شغلي انا عارف اوظف مين وارفض مين
مي- البنات بيقولوا ان حضرتك شغلتها عشان وسطى او رشوى او او يع يعني يعني
زين بعصبية- انطقي
مي بخوف- يعني عاجبه حضرتك
زين- روحي مشيهم وقوللهم محدش بيدخل في شغل المدير يلاا
مي- حاضر
زين- انتي لسه واقفة؟
مي طلعت هدت البنات وقالتلهم اللي قاله وخدت اميرة توريها مكتبها الجديد وهي متغاظة منها وبتسال نفسها ازاي يشغلها السكرتيرة الخاصة؟ طيب هي عجباه؟ لا ازاي عجباه دي لبسها مش مبينها من ساسها لراسها؟ لا لا اكيد مش هتعجبه واحدة زي دي!! دي كمان مختمرةة وانا بشعري وكل يوم لبس استايل اكيد ده مش ذوق زين ولا يرضى يتجوز واحده زيها
‘مسكينة متعرفش ان العري والبناطيل بترخص البنت وبتبقى فرجة للكل وان مفيش اجمل من الستر’
في مكتب زين’
زين- مييي
مي دخلت بسرعة – نعم يا استاذ زين
زين- وصلتيها مكتبها
مي- ايوه
زين- عرفتيها نظام الشغل؟
مي- اكيد
زين- طيب اتفضلي انتي
مي خرجت وقفلت الباب …وهي مضايقة هو مهتم بيها كده ليه!؟
في مكتب اميرة.
طرقات خفيفة على الباب
اميرة- ادخل
ليأتيها صوت زين- عندنا meting بعد ربع ساعة برا الشركة
اميرة- عندك انت انا مالي؟
زين خبط على راسه بخفه من غبائها- ما انتي بقيتي السكرتيرة الخاصة يعني في حته هتكوني موجودة معايا
اميرة بغباء- اه بس انا مالي برضوا؟
زين بعصبية- لا كده كثير انتي بتفهمي؟
اميرة- اكيد بفهم
زين- عندك عقل زينا يعني ؟
اميرة- اومال الراس دي جواها بطيخة؟
زين بابتسامة – تقريبا كدا
اميرة بعصبية- لا كله الا الاستخفاف بياا لو سمحت احسن والله العظيم اتعصب عليك
زين بعصبية- تتعصبي على مين؟
اميرة بخوف- على نفسي على نفسي يا زين بيه
زين ضحك- طيب يلا عشان منتأخرش
” في منزل زين محمد ”
يوسف بضيق- مش معقول بجد هو هيفضل موقف حالي لامتى؟
هدى بنفاذ صبر- يا ابني ده اخوك مينفعش اللي انت بتقوله ده ومتنساش ان هو اللي بيصرف علينا واللي احنا عايشين فيه ده بفضل ربنا ثم بفضله
يوسف بعصبية- ايوه يعني افضل انا بقى ل٣٠سنه متجوزش لحد ما ابنك يتجوز؟
هدى بهدوء- لا حول ولا قوة الا بالله استهدى بالله يبني انتي لسه صغير ٢٤سنه مش كبير يعني يا يوسف
يوسف- لا كبير يا امي انتي عايزني افضل كده لحد ما اكمل ٢٧زي ابنك زين يا امي دي الناس كلت وشنا وكلهم بيقولوا زين متجوزش ليه لحد دلوقتي؟ وهو غني للدرجة دي ومش محتاج ؟ دا الناس شكت انه عنده عقم وبعدين فيها اي لما اتجوز انا الاول انا مالي مين الكبير
هدى- يا بني كبر عقلك و استهدى بالله واستعيذ بالله من الشيطان الرجيم
يوسف بتأفف- لا لا انا فعلا زهقت ولازم تشوفيله عروسة وتخلصينا منه ويا أنا يا ابنك زين في البيت ده
-انت هتحكم علينا ولا اي؟
يوسف اول ما سمع صوت زين اترعب واتوتر وخاف يتكلم
يوسف بتوتر- ا ا ن ا ه و ي ع نـي
زين بعصبية- انت تسكت خالص اولا انا هتجوز لما الاقي واحدة مناسبة وان شاء الله اوصل٣٠سنه دي حاجة ترجعلي ثانيا انت ملكش حكم عليا زيك زي الكرسي هنا في البيت ثالثا بالنسبة لي يا انا يا انت ف اكيد انا والباب هناك يفوت جمل ومتعصبنيش اكثر من كدا وتخليني امشيك اقعد باحترامك بدل ما امشيك بقلة الادب واخد منك كل حاجة عربيتك وتلفونك وحتى الهدوم كله من فلوسي ف اتمنى تكون وضحت