رواية مهرة العز الجزء الثاني الفصل الرابع 4 بقلم مريم

رواية مهرة العز الجزء الثاني الجزء الرابع

رواية مهرة العز الجزء الثاني البارت الرابع

رواية مهرة العز الجزء الثاني الحلقة الرابعة

.عند مهرة كانت خلصت كل محاضرتها وخرجت هي ورفيف عشان يقعدوا في اي مكان
بس اتفاجأت لما خرجت ب عبير واقفه بتستناها برا الجامعه….مهرة قلبها وجعها جامد وفكرت ان باباها حصله حاجه…وجرت عليها وقالتلها …
مهرة بخوف:بابا…….بابا كويس….
عبير بابتسامه: ايوة كويس…
مهرة بارتياح:خضتيني لما خرجت ولقيتك واقفه كده
فكرت بابا حصله حاجه……
عبير بابتسامه: لا بعد الشر……انا بس قررت اني هقرب منك انتي وشمس وهحاول اعوضكوا عن كل حاجه
ف قولت اجي اخدك ونروح لشمس ونعمل شوبينج شويه مع بعض ونقعد في اي كافيه….اي رأيك
رفيف بضحك:حرام عليكي خضيتي البت…..
عبير بضحك: لو كنت اعرف…كنت رنيت عليكي قولتلك
بس انا حبيت اعملهالك مفاجأة انتي وشمس…..
انا عارفه اني كنت مقصرة معاكوا جامد…بالذات انتي يامهرة…..كنت حرماكي من حاجات كتير…وجه الوقت اللي اعوضك فيه عن كل حاجه…
رفيف بضحك:يعني انتي جايه تاخديها من الكليه…الكلام ده لما كانت لسه في ابتدائي مش شاحطه 😂😂
مهرة:لمي نفسك……وكمان انا مبسوطه اووووي اننا هنفتح صفحه جديدة…..
عبير:معرفش ليه يابت يارفيف مش برتحالك انتي وامك
رفيف:حوش حوش….احنا اللي مرتاحينلك اوووي
عبير لسه هترد…مهرة بصوت علي نسبيا
مهرة:بسسس….في ايه……خلاص اللي راح راح…واحنا هنفتح صفحه بيضاء من النهاردة…..اركنوا الماضي على جنب….
رفيف بابتسامه: اشطا…….بس هروح انا بقى مش هعرف اخرج معاكوا عشان ماما لوحدها في البيت
عبير:ومين قالك انك كنتي هتخرجي معانا…انا واحدة وهتخرج مع بناتها….انتي مالك
رفيف:تصدقي البت مهرة دي معاها حق لما كانت بترد عليكي بدل الكلمه عشرة
مهرة بضحك:خلاص بقى…..مش هنتخانق احنا في الشارع😂
رفيف بابتسامه: حاضر…..وراحت حضنت مهرة وبعدين مشيت ومهرة بصت لعبير بابتسامه وقالتلها يلا نروح لشمس 🥰
بقلمي:مريم حسين
(طبعا انتوا كنتوا مفكرين عز😂….يا جماعه مينفعش عز عشان هما متفقين ان محدش هيعرف انهم بيتكلموا
وطبعا لو عز كان جه كانت رفيف هتشك….انا في الأول كنت كاتبه اسر…وبعدين غيرته وخليتها عبير
عشان بحب امشي عكس التوقعات
عارفه اني طولت😂)
🦋♡♡♡♡♡♡♡♡🦋
بقلمي:مريم حسين
عند عز في المكتب كان قاعد بيفكر في مهرة وازاي هيقابلها وهحيكلها ازاي…..
قطع تفكيره دخول اسر كالعادة…
اسر:ها…قطعت تفكيرك في مين؟؟؟؟
عز:في سلوى
اسر بصدمه: بتهزر…..صح!!!
عز:شايفني بهزر
اسر:لا بجد ياعز…..هو انت بجد معنتش بتفكر في مهرة
قصدي يعني ان مهرة مش بتعنيلك حاجه…ولا ده كلام وخلاص…
عز:أسر…..انت صدعتني ب ام الحوار ده قولتلك لاا
اسر:لما هو لا..ليه لما جيت انقذتك من العصابه وقولتلك مخفتش على مهرة قولتلي محدش يقدر يلمس شعرايا منها طول منا عايش…ليه…وليه امبارح كنت بتوجهلها كل كلمه…ايوة ياعز….انا عارف كويس انك قصدك بكل الكلام ده على مهرة…مش سلوى…يابني احنا اخوات قبل ما نبقى صحاب….ليه مش مصدق اني عارفك كويس وقت ما بتكذب ومهما خبيت وحاولت تداري انا بردو كاشفك…..كاشفك ياعز….
عز بابتسامه: وانا قولتلك يا اسر سيب كل حاجه لوقتها
متستعجلش…..عشان محدش فينا يرجع يندم في الاخر
اسر:يعني اطمن انك لسه بتحب مهرة
عز باستسلام: ايوة………ارتحت….حل عني بقى
اسر بابتسامه جميله قام وخرج وهو مبسوط….
وبعدين قرر يقابل رفيف لأنها وحشته…
ف رن عليها…….
رفيف:الو
اسر:عامله اي
رفيف بابتسامه: تمام وانت
اسر:بخير طول مانتي بخير
رفيف ابتسمت وسكتت…
اسر:احم احم…..بقولك ايه…انا كنت عايز نتقابل النهاردة
في اي كافيه ندردش شويه…طبعا ده لو انتي حابه
رفيف بتسرع:لا مش حابه……
اسر بحزن وحس انه ميعنيش ليها اي حاجه:تمام…انا اسف يارفيف لو ازعجتك….باي…
بعد ما قفل رفيف بحزن بتكلم نفسها
غبيه غبيه….ليه…ليه قولتيلوا كده ليه زعلتيه….
انا ايه خلاني اتسرع…..طب اعمل اي….او اصالحه ازاي
وفضلت زعلانه طول اليوم….
عند اسر..
حس انه زودها اوي معاها…ومكنش لازم يحرج نفسه معاها كده من الاول…
اسر لنفسه:غبي…..ليه فكرت انها ممكن تكون مشدودة ليك او حتى معجبه..هه..وهي اصلا مش بطيقك وقالتلك ده بلسانها……بس انت مكنتش مصدقها وكنت فاكرها بتكذب…..بس انت اللي طلعت حمار في الاخر
انا هحاول ارجع اسر بتاع زمان…ايوة اسر اللي مش بيهتم ب اي بنت..اسر اللي كل يوم مع واحدة شكل
اللي مقضيها خروجات وفسح من هنا لهنا………… اسر القديم……..اللي عمره ما حب…ولا هيحب…….☠️
🦋♡♡♡♡♡♡♡♡🦋
بقلمي: مريم حسين
عند منى خرجت من الجامعه لقت ياسر واقف مستنيها
منى باستغراب: ياسر!!!
ياسر بحب:وحشتيني 😍
منى بابتسامه: وانت وحشتني…..بس انت ليه سيبت شغلك وجاي…..مكنش ليه داعي عشان شغلك
ياسر بابتسامه: كله يروح….بس انتي اللي في الروح
منى بضحك:حلووة اووي
ياسر:طب ايه رأيك نروح نتغدا بالمناسبه الحلوة دي
منى باستغراب: مناسبه اي
ياسر بغمزة: اني واقف مع القمر
منى بضحك:والله انت اللي قمر
ياسر:طب يلا عشان انا جووووعاااان😂
منى:يلا….
بعد شويه في المطعم °•°•°•
ياسر:بقولك ايه يامنمن
منى وهي بتاكل:امممم
ياسر:ما تحني بقى شويه واقنعي اخوكي نعجل الفرح شويه…
منى بابتسامه: يا ياسر ياحبيبي…….انا قولتلك انا مش جاهزة دلوقتي صدقني وكمان احنا لسه معرفناش بعض كويس وانا عايزة نقضي وقت حلو مع بعض قبل الجواز…وكمان لو قولت لعز حاجه زي دي ممكن يفركش الخطوبه كلها وانت عارف عز يعني. .
ياسر بهيام:سيبك من كل ده……انتي قولتيلي ايه في الأول….
منى باستغراب: قولت ياسر…..ليه
ياسر بحب:لا مش دي اللي بعد ياسر على طول
منى بتذكر:اللي بعد يا……..كملت بخجل قولت حبيبي
ياسر: قوليها مرة كمان
منى بحب:حبيبي
ياسر بفرحه: بجد يامنى انا حبيبك
منى بهيام:انت حبيبي وقلبي وروحي وعقلي وكل حاجه
ياياسر انا بحبك من زمان اووووي و كل ليله حبي ليك كان بيزيد عن اللي قبلها…..صدقني انا بموت فيك
ياسر بحب:وانا بعشقك….واوعدك اني هعوضك عن كل ليله نمتي فيها وزعلانه عشان حبك كان من طرف واحد
صدقيني هخليكي تبقى اسعد انسانه في الدنيا
منى بخجل: طب يلا نكمل الاكل…
ياسر بضحك:يلا….
🦋♡♡♡♡♡♡♡♡🦋
بقلمي:مريم حسين
عند نجوى كانت خرجت وراحت النادي لأصحابها……
منال:بس بنتك يا نجوى كانت طالعه زي القمر امبارح
نجوى بابتسامه: تسلمي يا حبيبتي
امل:ايوة بجد….كانت شبه العروسه اللعبه كده
نجوى بضحك:هي كده طول عمرها…..
نجلاء:بس مقولتليش يا نجوى…..مين البت القمر اللي كانت قاعدة معاكم امبارح دي
نجوى باستغراب: مين…….اه قصدك مهرة..
نجلاء: ايوة هي دي……..مهرة….اسمها حلو اوي
نجوى بابتسامه: ايوة فعلا….معاكي حق
منال:تصدقي يانجوى انا اول ما شوفت البنت دي…قولت دي هي اللي تليق على عز….مش البت العريانه،،،،،اللي جايبها امبارح….
امل:ايوة….انا قولت كده فعلا…خصوصا انها مقبوله كده
اول ما تشوفيها تحسي براحه جواكي وعندك إقبال على الحياة ودمها خفيف وعثل كده……
نجلاء بمقاطعه: بصراحه انا اول ما شوفتها قولت لازم اخدها للواد حسام ابني…عشان كده كنت بسأل
نجوى بضحك:بصراحه كلنا كنا عايزنها لعز…..بس للأسف بقى النصيب….وكمان هي مخطوبه…هنعمل ايه وباين عليها بتحب خطيبها اووي
نجلاء بزعل: بجد……ياخسارة…ده انا كنت راسمه عليها
خلاص بقى اشوف واحدة تانيه….
منال:خدي البت البيضا اللي كانت واقفه معاها….أهي حلوة بردوا
نجوى بضحك:مين دي ….قصدك على شمس اخت مهرة…..دي لسه في ثانوي…
امل:وماله ثانوي ثانوي…..اهي شربات هي كمان….
نجلاء: خلاص يبقى انا كده حجزت…
نجوى بضحك:حجزتي ايه…دي محجوزة من بدري
منال:لمين
نجوى بضحك:دي محجوزة ل لؤي وانتوا طبعا عارفين لؤي لو حد جه جنب حاجه بتاعتوا……ده حاجزها لبعد الكليه كمان
الكل فضل يضحك ونجلاء قالت:يا مصيبتي يعني انا اسيب كل حاجه واجي جنب لؤي….لا ياختي خليها ليه
مش عايزاها………انا هشوف حد تاني بقى….
امل بضحك:مش لما ابنك يخلص ثانوي ابقى دوري
نجلاء:خير البر عاجله😂
الكل ضحك وقضوا اليوم مع بعض…..
🦋♡♡♡♡♡♡♡♡🦋
بقلمي: مريم حسين
عند سلوى كانت بتتمشي في المول وعماله تشتري هدوم كتير عشان الفرح…..
وبعدين جالها فون….
سلوى بتوتر:االو……
المجهول: عملتي ايه في اللي قولتلك عليه
سلوى بخوف:والله العظيم دخلت دورت في كل مكان في الاوضه…ملقتش اي حاجه…معرفش مخبي الملف ده فين..انا…….انا بصراحه خايفه ل يكشفني ونروح وقت ساعتها في داهيه انا وانت…
المجهول بضحك:انا وانت ايه…..قصدك انتي لوحدك
هو انتي تعرفيني او عمرك شوفتيني عشان تقولي انا وانت…..انتي هبله يابت…..انتي بتلعبي مع عيل في الشارع ولا ايه؟؟؟
سلوى بخوف:لا والله مش قصدي….انا بس…..
قاطعها المجهول وقال:مبسش….الملف لو مجاش في خلال ٤٨ ساعه ابقى قولي لعز يجهز مكان ليكي جنب اختك الله يرحمها….وقفل الخط في وشها…
سلوى برعب:انا ايه اللي خلاني اتفق مع شخص معرفوش في قتل اختي….ايه اللي انا عملته في نفسي ده…..وبدأت تفتكر قبل سنتين…
فلاش باك °•°•°•
(سلمى بابتسامه: أنا فرحانه جداا انك جيتي ليا يا سلوى….من زمان مشوفتكيش…انتي معنتيش بتيجي ليه…
سلوى في سرها:ازاي عايزاني اجي واشوفكو انتوا الاتنين بتحبوا بعض قدامي ومبسوطين مع بعض وكل شويه حضن وضحك…ازااااي…..مقدرش…..صدقيني مقدرش اشوف عز مع واحدة غيري……
سلمى:سرحانه في اي
سلوى:ها…..لا مفيش…..
سلمى:مش بتيجي ليه
يلةى:مفيش والله كنت مشغوله اوووي اليومين دول عشان الامتحانات قربت بقى وكده…
سلمى بابتسامه: ربنا معاكي يارب…
سلوى بابتسامه: يارب………..اومال فين عز…
سلمى بحزن:اسكتي متفكرنيش……
سلوى باهتمام: ها في اي…..اتخاتقتوا ولا اي
سلنى بحزن:لا…بس عز معاه قضيه كبيرة اووي
وانا خايفه عليه…خايفه يحصله حاجه….صدقيني مقدرش اعيش….
سلوى:مش فاهمه…ممكن توضحي اكتر…..
سلمى:عز بيدور على عصابه اعضاء،،،،،،والعصابه دي سمعت انها خطر وممكن تأذي عز….وانا قولتله يسيب القضيه دي…..هو مرضاش…وقالي انو عايز يترقى ويبقى رائد وانا ماسكه قلبي ب ايدي وخايفه اووي
سلوى:متخافيش ياعمري….كله هيبقى تمام….اطمني انتي بس وهتعدي المحنه دي على خير انشاء الله
سلمى بابتسامه: انا معرفش بجد من غيرك كنت عملت ايه……انا بحبك اوووي
سلوى بحزن جواها:وانا اكتر ياعمري…..يلا بقى هستأذن انا عشان عندي امتحان بكرة ولازم اذاكر…..
سلمى:ربنا معاكي ياعمري….
ولما سلوى نزلت وراحت عشان توقف تاكسي….
جه شخص من وراها وخدرها واخدها وركب العربيه
بعد حوالي ساعتين فتحت عيونها ولقت نفسها في مكان غريب ومفيش حد موجود…
سلوى برعب:ا…اا…..انا فين…….حد يرد عليا….
وفضلت مرعوبه لحد ما جه شخص من بعيد ولا بس قناع على وشه وقعد قدامها وقالها اهلا بالعروسه….
سلوى برعب:انت مين
المجهول: انا الشبح…..
سلوى:عايز مني ايه
المجهول رجع براسه لورا وقالها:سمعت انك بتحبي عز
زوج اختك….هل الكلام ده صحيح…ولو صحيح..تتخيلي اي رده فعل اختك لما تعرف…ياترى هتتقبلك ولا هتقولك مش عايزة اشوف وشك تاني
ومعنتيش تشوفي عز…..
سلوى بخوف:انت مين…وعرفت ازاي
المجهول:مش مهم تعرفي انا مين….المهم تعرفي اني ممكن افضحك دلوقتي قدام العيله كلها…..ايه رايك
سلوى بعياط:لا والنبي…..حرام عليك متعملش كده
المجهول بضحك: اوكي…..يبقى تنفذي اللي اقولك عليه
سلوى:عايز اي
المجهول:ادمر عز….
سلوى بصدمه:اييييه….انت بتقول ايه…انت مجنون
المجهول: عز مش هيسكت الا لما يكشفني وانا طبعا مستحيل اخليه يوصل ليا…مهما كان التمن
سلوى بصدمه: انت …انت رئيس العصابه بتاعت الاعضاء،،،،،،
المجهول:ايوة انا…..
سلوى بخوف:وانت عايز مني ايه…..
المجهول: عايزك تقنعي سلمى اختك انها تنزل …لان عز محرج عليها جامد انها متخرجش من البيت
سلوى بخوف: وانت عايز ايه من اختي
المجهول ببرود:اقتلها….هعوز ايه يعني
سلوى بصدمه:اييييه….انت مجنون…انت عايزني اقتل اختي ب ايدي…
المجهول بضحك: مين قال انك هتقتليها ب ايدك…انتي بس هتحاولي تخرجيها من البيت…بس..
سلوى:ولو معملتش كده…..هتقتلني….صح…انا عندي اموت ومأذيش اختي…
المجهول: ومين قال اني هقتلك…..تؤ….انا هرجعك لأهلك
بس تخيلي بقى سلمى تعرف انك بتحبي جوزها…..اااه
ولا عز……تخيلي كده سلمي بتقولك انا مش عايزة اعرفك تاني…..طب تخيلي كده انك انتي مع عز مكان سلمى…
سلوى: ازاي…..ازاي هكون معاه
المجهول:تخيلي ان سلمي هي اللي ماتت…وانتي لسه عايشه….وعز بقى معاكي انتي…..بقى جوزك…كمل باستهزاء هه…واهو سلمى تموت وانتي تبقى مرات عز
احسن ما يعرفوا عنك كل حاجه وهتموتي بردوا…
سلوى بتفكير:يعني ممكن عز يتجوزني؟؟
المجهول: ده مش ممكن….ده اكيد….
سلوى:وانت ايه مصلحتك من ده كله…
المجهول:وقت ما سلمى تموت…..عز هيتعب نفسيا
ومش هيكمل في شغله تاني…..وانتي هتقربي منه
عشان عاوزة مصلحته…وكمان عشان تربي ابن اختك
وشويه شويه عز هينسي سلمي وهيحاول يتأقلم على الوضع الجديد….وهيحبك…..ويسيبني ومش يدور عليا
سلوى:يعني انت عايز مني اقنع سلمى انها تنزل من البيت….هتعمل ايه وقت ساعتها….
المجهول:ههدد عز بيها…واخليه يجي لحد عندي ويسلمني الملف بتاع القضيه…وبس…..
سلوى:يعني مش هتقتلها صح
المجهول:والله لو عز رخم ومرضاش يجيب الملف هضطر اقتلها….ولو وافق هخليهم يمشوا…وتبقى اختك مع عز طول العمر وللابد……وانتي مش هتقدري حتى تلمسي شعرايا واحدة منو………..ها قولتي اي
سلوى بتردد:مش عارفه…….
المجهول:وكمان الأعمار بيد الله…يعني كده كده هتموت
سلوى بابتسامه: ايوة….معاك حق…..هو عمرها وكده كده هتموت……بس مكنتش تموت على ايدي او بسببي
انا اختها…
المجهول: ومين قالك انو بسببك….انتي هتنزليها من البيت عادي……هو حد يعرف الغيب….وكمان الحي ابقى من الميت يعني انتي ملكيش ذنب خالص…..
سلوى بابتسامه: ايوة صح ….
المجهول: وتعددت الأسباب والموت واحد….وهي سببها انها نزلت تتفسح ومسمعتش كلمه جوزها….
سلوى بابتسامه خبيثه: صح……..انت صح…….بس انت مين…..انا عايزة اعرفك….
المجهول بضحك: وعايزة تشوفيني ليه…..انا محدش بيشوفني…..لان محدش يعرفني…..
وبالفعل سلوى خرجت من عنده ومفكرتش حتى ترجع عن اللي بتعمله وكان كل هدفها ان عز يبقى معاها مهما كان التمن…….واتصلت على سلمى وحاولت تقنعها اكتر من ساعه انها تنزل وبالفعل سلوى نزلت ومعاها سليم
اللي مكنتش سلوى عامله حسابه…..ومفكرة ان اللي هيجي ياخدها هياخدها لوحدها…متعرفش انهم هياخدوا سليم كمان…..وسلوى بقت واقفه مصدومه ومش عارفه تعمل ايه………ومتعرفش هما هياخدوهم على فين……واستنت ساعه وبعدين سمعت خبر وفاة سلمى وسليم…..قررت تقول لعز بس خافت ليقبض عليها
وحاولت تكلم المجهول وقالتله انها هتكشفه
هددها بفيديو صوت وصورة ليها معاه وهي بتتفق
على موت اختها…..وقالها ان اقل حاجه ممكن تاخدها
هي إعدام لانها مشتركه في جريمه قتل اختها…..ومن ساعتها وهي زي اللعبه في ايديه وسافرت عشان ميعرفش عنها حاجه…بس للأسف قدر يوصلها وخلاها ترجع مصر عشان تجيب الملف بتاع القضيه اللي عز مخبيه…..ومحدش يعرف هو مخبيه فين…..)
باك°•°•°•
سلوى بدموع:انا اسفه…..اسفه ياسلمى بتمنى تسامحيني بس عارفه….لو مكنتش عملت كده….كان زمانك دلوقتي مع عز……ومكنش زماني بحضر لفرحي معاه…..انا مبسوطه اوووي ان اخيرا هبقى مرات عز
وهعمل اي حاجه عشان ابقى معاه …حتى لو هقتل،،، تاني
بس المهم اجيب الملف ده….عشان اخلص من المخلوق ده لاني بجد تعبت منه…….
🦋♡♡♡♡♡♡♡♡🦋
بقلمي مريم حسين
عند عزيز كان في المستشفى الجديدة وكان مبسوط اووي من النظام في المستشفى دي….
وبعدين افتكر سلوى……وملامحه اتغيرت وضحك ضحكه شيطانيه وقال….والله صعبانه عليا اوووي يا سلوى….بعد كل اللي بتعمليه ده وهتقعي في الاخر
غبيه ومفكرة نفسها بتلعب مع عيل صغير….بس مسيرك
هتقعي ومحدش هيسمى عليكي…..
🦋♡♡♡♡♡♡♡♡🦋
بقلمي مريم حسين
عند مهرة كانت راحت هي وعبير لشمس وخرجوا سوا
و عملوا شوبينج مع بعض وفي الاخر راحوا قعدوا في كافيه قريب عشان يشربوا اي حاجه….
شمس بابتسامه:تصدقوا اني مبسوطه اووووي
مهرة بنفس الابتسامه:وانا بردو فرحانه اووووي..
عبير بابتسامه: خلاص بقى اتعودوا من النهاردة ورايح ان كل يوم هيبقى كده…..اي رايكوا
شمس ومهرة في صوت واحد:اشطا….
وشويه جت لمهرة رساله…
مهرة فتحت الرساله ووووووو😳