رواية معذبي الفصل السادس 6 بقلم وفاء هشام
رواية معذبي الجزء السادس
رواية معذبي البارت السادس
رواية معذبي الحلقة السادسة
*في دبي*
*في قاعة اجتماعات أحد الشركات الكبرى*
وقفت مسك تشرح المشروع المقترح من شركة ليل ووالده لتنمية التجارة بين مصر ودبي
صفق لها الحاضرين بعد الانتهاء ومن بينهم ليل الذي زاد إعجابه بها أكثر وأكثر
* بعد ساعة في أحد المطاعم *
ليل: مكنتش مصدق إنك واقفة وبتشرحي المشروع بالمهارة دي
مسك: دي أقل حاجه عندي
ليل: لو بس تقللي غرور هتبقي عشرة على عشرة
مسك: دا مش غرور على فكرة دي ثقة
ليل: ثقتك واصلة لسابع سما خلي بالك
مسك: وإيه يعني
ليل: طب كلي خلينا نمشي
مسك: نمشي إيه المكان هنا حلو أوي والمنظر جميل إحنا هنقعد هنا شوية
ليل وقد بدأ بالأكل: ومالو
ابتسمت ثم أعادت نظرها إلى الحديقة الواسعة التي تحيط بذلك المطعم لتعطيه منظراً جذاباً مريحاً للعين والنفس
*في المساء*
*في غرفة الفندق*
مسك: احكيلي يلااااا
ليل: يا ستي طيب، مفسدة اللحظات السعيدة
مسك: احكي
ليل: وسعي أنام على رجلك
مسك: اتفضل احكي
وضع رأسه على قدمها وأغمض عينيه
مسك: إيه يا بابا أنت هتنام
ليل: مش لو كنت جيبتلي جوزين حمام كانوا نفعوني
مسك: بتقول حاجه يا حبيبي
ليل: لا مبقولش يا حبيبتي
مسك: طب يلا وأنا هلعبلك في شعرك
ليل: الصراحة عرض مغري مقدرش أقاومه
مسك: شوفت بقى يلا
ليل: بسم الله، بصي يا ستي زمان وأنا صغير
مسك: هو إيه أصله دا، أنا عايزة أعرف مين دي مش عايزة تاريخ طفولتك
ليل بضحك: طيب، البنت دي كانت مراتي
مسك: اه، إيه مرات مين؟
ليل: مراتي
مسك: إزاي يعني عمي مقاليش إنك متجوز
ليل: عمك مين؟ تقصدي بابا؟
مسك: أيوة
ليل: مش عارف بس افتكرت إنك عارفة، على العموم هي كانت بنت صاحب بابا قابلتها في عشاء عمل مع والدها وأعجبت بيها واتجوزنا
مسك وهي تشد أصابعها على شعره: وبعدين
ليل: شعري لو باظ هخنقك، المهم كنا عايشين عادي لحد ما عملت الحادثة، مستحملتش وطلبت الطلاق، قالتهالي بالحرف يا مسك، قالتلي مش هعيش مع واحد معاق زيك كلمتها جرحتني و مع أن الدكتور قال أن ممكن أرجع تاني بعد ما أعمل العملية إلا إنها مستحملتش، تخلت عني مع أول امتحان
أرخت أصابعها ثم انحنت لتضع قُبْلة على جبهته وقالت بحب: هي الخسرانة وكمان لولا اللي حصل مكنتش هبقى معاك دلوقتي
ليل بإبتسامة: دي أحلى حاجه حصلتلي
ثم نهض وأكمل: قوليلي بقى عايزة ولد ولا بنت
مسك: إيه دا؟
ليل: ولادنا يا حبيبتي
مسك: ماشاء الله إحنا عندنا ولاد
ليل: فيما سيكون مستقبلا بإذن الله
مسك: اه، بص اللي يجيبه ربنا حلو
ليل: أكيد وأنا عايز بنوتة حلوة شبهك
مسك بضحك: طيب قول يارب
ليل: يارب يا حبيبتي
*بعد سنة*
قالت مسك بغيظ وهي تطوي الملابس: ياللي نسيت الغرام ارجع هنا وقولي
كان ليل يعمل على حاسوبه غير منتبه لها
مسك: وقوووولي
لم ينتبه فقذفته بالملابس التى في يدها
ليل: في إيه يا مسك
مسك: بتخوني صح
ليل: بس أنا هروح عند أمي أكمل شغلي ولا تقولي بتخوني ولا يحزنون
مسك: يا ليل
ليل: ربنا يرحمه يا شيخة، أنا قلت لأبويا دي مجنونة مسمعش كلامي
مسك: أنا مجنونة؟ طيب
ليل: هتعملي إيه يا مسك استهدي بالله، استهدي بالله يا مسك
*بعد عشر دقائق*
ليل وهو يطرق الباب: يا مسك افتحي الجو تلج
مسك: روح عند أمك يا ليل
ليل: أمك؟ طب افتحي بس نتفاهم
مسك: مفيش تفاهم مش أنت مش عاجبك خلاص يا حبيبي أنت راحتك تهمني برضو
ليل: أنا متجوز طفلة؟ افتحي يا مسك مش لابس تقيل، يا مسك عيب كدا افتحي، دا أنا ليل حبيبك برضو
مسك: هفكر
ليل برجاء: هتعب يا مسك افتحي
فتحت مسك لتجده يقف منكمشا من البرد
اقتربت منه وعانقته فاختبأ في حضنها
مسك: أنت مهونتش عليا بس متقوليش هروح عند أمي دي تاني علشان أنا كمان هروح عند أمي وهنزعل كلنا
ليل: سؤال بس هو مين فينا الراجل هنا
مسك: أنت يا حبيبي
أمسكها من ملابسها وقال: حلو أومال بتعامليني كدا ليه
مسك وهي تضع يدها في خصرها: هو يعني علشان الراجل تقول أي كلام وأقولك آمين
ليل: يا مثبت العقل والدين يارب، خشي يا أخرة صبري
*بعد سبع سنوات*
مسك: مين بقى اللي هيصحي بابا؟
يزن: كل مرة تقولي كدا ونتفق وبعدين بتدخلي تصحيه
مسك: لا لا هنتفق المرة دي
نجمة بطفولة: بابا
نظر يزن ومسك إلي نجمة _التي تبلغ ثلاث سنوات_ وابتسما
حملت مسك نجمة ودخلت إلى الغرفة بهدوء ثم وضعتها على الفراش بجانب ليل
مسك بهمس: حبيبة مامي هتصحي بابا بقى وربنا معاكي يلا سلام
ثم تركتها وخرجت
اقتربت نجمة من ليل لتجلس بجانب وجهه ثم بدأت تضرب صدره بيدها الصغيرة وهي تنادي عليه بنبرتها الطفولية
حرك ليل رأسه ونظر إليها وقال بنعاس: حبيبة بابا تعالي يا روحي
أخذها في حضنه ونام مرة أخرى
مسك: فشلت المهمة
يزن: طالعة شبهك على فكرة
مسك: علشان كدا زي القمر
يزن: ماما عايزين نصحي بابا ونجمة نامت جنبه
مسك: صح أروح أنا
يزن: لا أنا اللي هروح علشان هتنامي الناحية التانية
مسك بضحك: حضن أبوك حلو يا واد
يزن: استغفر الله وسعي يا مسك وسعي
مسك بصدمة: وسعي يا مسك؟ نهارك مش فايت
يزن: يا بابا الحقني
ليل بفزع: في إيه؟ هتاكلي الولد؟
مسك: أنا هربيه دا قليل الأدب
ليل: مين دا؟ يزن! دا الناس كلها بتحلف بيه وبأخلاقه
يزن: ما تهدي يا مسك كدة خلينا نتفاهم
ليل بصدمة: أنت قولت إيه؟
يزن: حبيبي يا بابا
*بعد خمس دقائق*
يزن: طب نزلني طيب
ليل: هتفضل متعلق كدا لحد ما تعرف أن الله حق
يزن: بهزر مع ماما مغلطتش يعني
ليل: أنت يا ولد جايب الفقاقة دي منين
يزن: وراثة
مسك بضحك: فعلا
ليل: بقى كدا
مسك: هنكدب يعني ما أنت كنت شقي وأنت صغير
يزن: أهو مجبتش حاجه من عندي، نزلني بقى
مسك: خلاص نزلو نزلو دمه خفيف
ليل: اه خفيف فعلا، أنتِ بتشتغليني أنتِ وابنك
مسك وهي تنهض: أنا أبدا
ليل بصراخ: مسك
مسك وهي تركض: اجروا يا عيال أبوكم اتحول
ركض ليل خلفها وهو يضحك ويزن يضحك على ما يفعلانه ونجمة تجلس أرضاً وتلعب بألعابها غير مهتمة بما يفعلونه
اللهم ارزقنا وإياكم أزواجاً صالحين وذرية صالحة وأسرة نسعد بها في الدنيا والأخرة بأمر الله
دمتم بخير وفي معية الله
النهاية ♡
لقراءة الرواية كاملة اضغط على : (رواية معذبي)
كملى من فضلك