رواية مسك الليل الفصل الثالث 3 بقلم إيمان شلبي

رواية مسك الليل الجزء الثالث

رواية مسك الليل البارت الثالث

رواية مسك الليل الحلقة الثالثة

ااااه انا فين انا فين
قالت جملتها وهي بتتنفض من السرير وبتبص يمين وشمال
كانت في اوضه لاول مره تشوفها سرير مستشفي وادويه علي الكومود
ايديها متجبسه وراسها ملفوفه بشاش
ثواني وبدء عقلها يسترجع اللي حصل
حطت ايديها علي بوقها وهي مبرقه وبتقول بهمس ونبره صوت كلها رع*ب
– ل ليل
خرجت من الأوضه وهي بتحاول تركز في الطريق
الرؤيه كانت مشوشه قدامها ،دماغها بتوجعها وكأن في شاكوش بيض*رب فيها ،رجلها مش قادره تشيلها ،عقلها بيتخيل الف سيناريو كلهم اسوء من بعض كلهم هيوجعوا قلبها عليه
– يا انسه ياانسه انتي ازاي تطلعي كده وانتي شكلك تعبانه
وقفت مكانها وهي بترمش عينيها اكتر من مره بصدمه وذهول
الصوت ده هي عارفاه كويس اوي حفظاه عن ظهر قلب طب ازاي متحفظهوش وهو أول صوت كانت بتتعلم منه النطق وهي صغيره !
لفت وهي بتتنفس وبتقول بدموع
– ل ليل
ليل باستغراب : انتي تعرفيني ؟!
مسك بصدمه : ليل انت مش فاكرني ؟!
ليل بتوهان : انا اسمي ليل؟!
قربت منه مِسك وهي بتهز رأسها بدموع : ا انت ا انت بتعمل عليا مقلب صح ؟؟
ليل وهو بيهز راسه بنفي : لا بجد انا معرفكيش انا فاقد الذاكره ،انتي مين
مِسك بدموع اكبر : ف فاقد الذاكره ؟!
ليل وهو بيتنهد بضيق : ممكن لو تعرفي اي اللي حصل تقوليلي ا..
قطع جملته ومسك بترمي نفسها في حضنه وهي بتدفن راسها في صدره وبتقول بعياط ور*عب
– انت لو كان جرالك حاجه انا كنت ه*م*وت فيها أوعي ياليل اوعي تسيبني انا مليش غيرك
قالت جملتها الاخيره وهي بتتنفض في حضنه
اما عن ليل كان واقف مصدوم من اللي عملته ،قلبه بيدق بسرعه رهيبه علي وشك يقف من التوتر وكم المشاعر اللي حاسس بيها وهي في حضنه !
هو لحد دلوقتي ميعرفش هي مين بس متأكد انها شخص قريب منه اوي قريب من قلبه لدرجه لما قربت حس أن روحه كانت مفقوده ورجعت
لف أيده حوالين وسطها وهو بيسند رأسه علي راسها اللي كانت عند قلبه بالتحديد وبيقول بهدوء وتساؤل: انتي مراتي ؟!
اتجمدت مِسك وهي بترخي ايديها ارتعشت ،حست انها علي وشك السقوط
كلمه زلزلت كيانها زلزلت روحها حركت مشاعر حاولت كتير تخفيها حركت قلب مي*ت كلمه حركت جسم راقد في الضلمه طلعتها للنور بعد ما كانت فاقده الامل
-انتي كويسه ؟!
مِسك وهي بتهز رأسها بدموع : كويسه لما شوفتك بخير بقيت كويسه
ليل وهو بيتنهد : انا مش فاكر اي حاجه انتي مراتي صح
– صح ا انا مراتك
قالتها مِسك بتوتر وسرعه ولهفه وخوف
ليل وهو بيقعد علي الكرسي الحديد اللي كان في الممر وبيسألها بهدوء
– هو اي اللي حصل بالظبط
– ليل مِسك انتوا كويسين حصلكم حاجه
كانت لسه مِسك هتتكلم بس قاطعها صوت مُصعب وهو بيجري في الممر وبيقرب منهم بلهفه وخوف
ليل باستغراب : مين ده ؟!
مُصعب وهو بيقف قدامهم وبيتنفس بع*نف وتعب : حد حصله حاجه ليل انت كويس مِسك جرالك حاجه حد يرد عليا
مِسك وهي بتهز رأسها برفض : انا كويسه بس
– مين ده ؟ انت مين ياكابتن
كانت لسه مِسك هتكمل كلامها بس قاطعها ليل وهو بيسأل عن مُصعب اللي وقف يبصله بذهول وبوق مفتوح
مِسك : ليل فقد الذاكره
مُصعب بصدمه : ليل اخويا فقد الذاكره
ليل بشك وهو بيبص لمُصعب: انت اخويا ؟!
قرب منه مُصعب بدموع وهو بيقعد علي ركبته قدام ليل وبيحط أيده علي رجله: انا اخوك ياليل متقلقش هتكون بخير هوديك لاحسن مستشفي هعمل كل حاجه عشان تبقي بخير عشان تفتكرني وتفتكر ماما ومِسك
ليل بتوهان: مين مِسك
مِسك بلهفه : انا مراتك انا اسمي مِسك
لف مُصعب بنص جسمه وهو بيبصلها بش*ر وبيجز علي اسنانه بعنف ..
أما عن مِسك بلعت ريقها وعينيها اتملت بالدموع وهي بتبصله برجاء من عينيها أن هو ميكشفش سرها والكذبه اللي اخترعتها
اتنهد بضيق وهو بيقول : يالا ياليل نمشي
ليل بتوهان اكبر : يالا
قرب من مِسك وهو بيهمس في ودنها بنبره خلت الرع*ب يدخل قلبها : نفذتي خطتك يابنت خالتي ؟ تمام بس اللي عايز أقولهولك ليل لما يفوق ويعرف الحقيقه صدقيني هيزعلك واوي كمان عشان هو اكتر حاجه بيكرهها هو الكذ”ب يالا يا يامرات اخويا
قال جملته الآخيره بسخريه وهو بيبصلها من فوق لتحت وهي بتتنفس بعن*ف
دقائق وكانوا في عربيه مُصعب ليل جنبه قدام ومِسك قاعده ورا وهي بتبص علي الطريق من ازاز العربيه ودموعها نازله علي خدها بصمت
كان ليل بيبص عليها في المرايه بين الحين والتاني وهو حاسس ان قلبه هيت*خل*ع من مكانه حاسس بخنقه بسبب دموعها
وصلوا البيت وعرفت مامته اللي حصلهم وانهارت وهي بتحضنهم الاتنين وبتبوسهم بلهفه وخوف
مِسك وهي بتبوس ايديها بحنان: متخافيش ياخالتو احنا كويسين
ليل باستغراب: خالتو مين
ام ليل بدموع : انا ياضنايا انا امك ومسك بنت خالتك
ليل برفعه حاجب : بنت خالتي !!
مِسك وهي بتبلع ريقها : ومراتك ا ايه ياخالتو نسيتي تقولي اني مراته
قالت جملتها وهي بتبص لخالتها اللي كانت فاتحه بوقها بذهول
– الاه انتوا اتجوزتوا أمتي ؟ ياولاد ال”ج*زمه من غير ما تعرفوني د آممممم
حطت مِسك ايديها علي بوقها وهي بتكتم صوتها وبتبصلها وهي بتضحك باهتزاز
– ايه ياخالتو الهزار ده مش وقته هزار ا احم انتي نسيتي أننا كتبنا الكتاب ولا اي
قالت جملتها وهي بتغمز ل خالتها وبتقول بهمس : جاريني في الكلام
هزت خالتها رأسها ومِسك شالت ايديها عن خالتها اللي اتنفست وهي بتبلع ريقها بتوتر
– يوه يادي الزهايمر معلش يابنتي انتي عارفه اني عندي زهايمر
ليل بهدوء وغموض : فين اوضتي عايز ارتاح
مِسك وهي بتقوم بلهفه : تعالي أنا هوديك
ليل وهو بيبصلها بصمت مريب فات عليه ثواني وقال بنبره صوت فيها هدوء مُريب
– انا هعرف اوصل لوحدي متتعبيش نفسك وريحي عشان ايدك ودماغك
مِسك وهي بتميل برأسها علي كتفها بهيام : يادكري قد ايه انت ليل حنين
ليل برفعه حاجب : مالك ؟!
مِسك بتوتر ووشها كله احمر : هه م مفيش ح حاضر تصبح علي خير
ليل وهو بيديها ظهره وبيقول ببرود : احنا لسه الساعه خمسه المغرب مش كتكوت انا
مِسك وهي بتجز علي أسنانها بعنف : حتي وانت فاقد الذاكره لوح تلج اتف*و علي تربيه امك
– مالها بقي تربيه امه ماهي نفس تربيتك يامِسك الكل*ب
قالتها خالتها وهي بترفعها من هدومها وبتبصلها بشر
أما عن مِسك لف وهي بتقول يتذمر: سيبي الشاكيت بس
خالتها باستغراب وحسره : شاكيت؟! ياخساره التعليم في امك انتي اخرك تسرحي بعربيه خضار علي اول الشارع يابيئه
مِسك وهي بتقرب منها مره واحده وبتقول بشر : اسمعي كويس اللي هقوله
خالتها وهي بتبعد عنها بخوف : انتي بيقربي ليه يابت ت تكونيش نهار اسوووود انتي منهم
مِسك وهي بتبصلها بغباء : هما مين ؟!
خالتها وهي بتقف علي الكنبه بخ*وف : بت بت ابعدي عني بدل وربنا اصوت والم عليكي الفيله واقول بتتحمرش بيا
مِسك بصدمه : بتحمرش بيكي ؟ هي وصلت لكده ياخالتي
خالتها بخوف : لا خالتك ايه بس هي بقي فيها خالتي بت اقفي مكانك لتولعي يابت
مسك وهي بتتنهد بضيق
–
انا بحب ابنك
خالتها بصدمه : نهار اسود بتحبي مين الواد مُصعب؟!
مسك بغيظ : مُصعب مين ياخالتي انا بحب ليل
خالتها وهي بتقعد وبتربع علي الكنبه ببرود : طب مانا عارفه ايه الجديد مانتي طول الوقت بتقولي بحب المحروس
مِسك وهي بتقعد جنبها علي الكنبه وبتترمي في حضنها وهي بتسألها بخو*ف : فكرك لما يعرف الحقيقه ه*يكره*ني ؟؟
خالتها بغموض : معرفش بس احنا لازم نعمل خطه عشان تقربي منه
مِسك وهي بتتعدل بانتباه: هنعمل ايه
خالتها بخبث : هقولك
………………………………………………………………….
في اوضه ليل
كان قاعد علي طرف السرير حاطط وشه بين ايديه الاتنين وهو بيتنهد بتعب
الباب خبط رفع راسه وهو بيقول بصوت جهوري وخشن يتماشي مع شخصيته
– اتفضل
اتفتح الباب ودخل مُصعب وهو بيقرب منه بابتسامه
– يالا ياباشا ننزل نتغدي
ليل وهو وهو رأسه بنفي : لا يا مُصعب انا مش جعان
مُصعب بأصرار : لا طبعا انت لازم تاكل عشان تاخد العلاج بتاعك
ليل وهو بيرفع رأسه وبيبصله بجمود: العلاج ملهوش لازمه يا مُصعب
مُصعب باستغراب : يعني ايه ؟؟
ليل وهو بيتنهد: انا مش فاقد الذاكره
مُصعب بصوت عالي : نعممممم مش فاقد الذاكره
ليل وهو بيقرب منه وبي*كت*م بوقه وهو بيبصله بتحذير من عينيه : اخرس ياغ*بي
مُصعب وهو بيبلع ريقه وبيهز رأسه بخوف وبيشيل أيده من علي بوقه وهو بيقول بخفوت : ممكن افهم انت ليه كذبت علينا ؟!
ليل وهو بيتنهد بحزن : عشان متروحش مني
مُصعب ببلاهه: هي مين ديه لا مؤاخذه؟؟
ليل بجنون: مِسك يا مُصعب اكتشفت انها لو بعدت عني ممكن يجرالي حاجه انا مقدرش اعيش من غيرها انا بحبها اول مره اكتشف ان هي نقطه ضعفي لما قالتلي انها
وقف كلامه وهو بيتنفس بعنف وبيضغط علي أيده بغيظ وهو بيكمل من بين سنانه
– لما قالتلي انها هتتجوز سيد مقدرتش استحمل لقيتني بفكر في طريقه ارجعها لقيت نفسي بنحرف بالعربيه وبعمل حادثه ،مع اني عارف انها خطر علينا بس مكانش فارقلي حاجه كان كل اللي فارقلي اني لو حصلي حاجه او موت هي هت*مو*ت معايا المو”ت كان اهون عليا من اني اشوفها مع واحد تاني وخاصه سيد
مُصعب بصدمه : للدرجادي ؟
ليل باستغراب : للدرجادي ايه ؟؟
مُصعب : للدرجادي بتحبها !
ليل وهو بيتنهد بعشق يفيض العالم : اكتر من نفسي بحبها اكتر من نفسي يا مُصعب
مُصعب وهو بيقرب منه وبيقعد جنبه وبيقول بمزاح
– ده احنا عندنا هنا سوما العاشق بقي انت انتت يطلع منك كل ده ؟! تخيل كده معايا اكتب عنك تقرير واقول فيه شاهد قبل الحذف ليل عز الدين عاشق مُتيم قد وقع في الفخ ياااااه ياجدع دي هتجيب صريخ لايكات شوف بقي كاااام بنت هت”نت*حر بعد الخبر ده
بصله ليل من فوق لتحت بقرف وهو بيضربه في كتفه بغيظ
– قوم يالا غو*ر من هنا
مُصعب بوجع: ياعم انت ايدك تقيله
كان لسه هيرد عليه بس الباب خبط
– ادخل
دخلت وهي حاطه وشها في الأرض وبتفرك ايديها بتوتر وهي بتقول بخفوت
– ا احم الغداء جاهز
مُصعب برفعه حاجب : الاه هي جعفر بقت رقيقه أمتي
ليل وهو بيض*ربه في بطنه وبيقول بهمس : اتلم ياحيوان وقوم غور من هنا
مُصعب وهو بيغمزله بمشاكسه: بتستغل الفرص انت مطلعتش سهل
مِسك وهي بتبصلهم بفضول : انتوا بتتكلموا بصوت واطي ليه ؟!
مُصعب بتوتر : هه طب انا هنزل بقي
قال جملته وخرج من الأوضه وهو بيغمز لمِسك اللي وقفت تبصله باستغراب !
مِسك بتوتر : ط طب انا هنزل بعد اذنك
مِسك
قالها ليل وهو بيقوم يقف ويقرب منها وهي واقفه بتترعش وبتبلع ريقها بتوتر وخوف
فكره انها معاه في نفس المكان علي انها مراته خلت كل ذره في جسم*ها تتنفض
ليل وهو بيقف قدامها مباشره وبيبص في عينيها وهو بيقول بخبث : انا طلعت محظوظ
مِسك و وشها كله احمر : ل ل ل ليه
ليل وهو بيحاوط وشها برقه وبيبص في عينيها وهو بيقول بنبره عشق : عشان مراتي جميله زي الملاك رقيقه بس قويه مجنو*نه وفي نفس الوقت هاديه خليط من كل حاجه كانك حاجه وعكسها
مِسك وهي فاتحه بوقها بصدمه : هه
ليل بخبث : ايه ياحبيبتي مالك
مِسك وهي بتبلع ريقها وبتقول بخفوت : يخربيت جمال امك ياجدع
ليل وهو بيضحك بصوت عالي وبيغمزلها بمشاكسه : مش اجمل منك ياجميل
مِسك وهي بتحط ايديها علي بوقها : احي*ه انت سمعت ؟!
ليل وهو بيغمزلها بخبث : بعد كده ابقي وطي صوتك يا حرمي المصون انزلي وانا جاي وراكي
قال جملته وهو بيلف بجسمه وبيدخل الحمام ومِسك واقفه تبص لآثره بصدمه
– الاه تصدق هتصدق أن شاء الله لو كنت اعرف ان الحادثه هتخليك رومانسي كده كنت ركبت عربيه ودو*ستك من زمان عديت علي نفوخك ونفوخ اخوك اللي مشافش تربيه روح ياليل يابن ام ليل الهي الذاكره تفضل مفقوده لو هتفضل رومانسي كده روح يامُصعب يابن ام مُصعب الهي اشوف فيك يوم روحي ياخالتي كشفت راسي ودعيت عليكي عشان عندك ولدين واحد اسمه علي علوكه والكاريزما هتم*وته في يوم والتاني اسمه اشرف كخه مش طايق الهدوم اللي عليه روح ياجدي الهي يبشبش الطوبه اللي تحت نفوخك لو مكنتش خلفت خالتي مكنتش زماني عايشه مع بهايم دلوقتي حسبي الله ونعم الوكيل والسلام عليكم ورحمه الله وبركاته وشكرا والي اللقاء في فقره ادعيه جديده علي خالتي وعيالها اللي مشافوش ربع دقيقه تربيه وشكرا
– انتي لسه واقفه ؟!
مِسك وهي بتخرج من الاوضه بسرعه
– لا مين قال كده انا خرجت من بدري
قالت جملتها وطلعت تجري علي تحت وليل واقف يضرب كف فوق التاني وهو بيقول بضحك
مجنونه بنت مجانين
………………………………………………………………….
بليل كانت قاعده مِسك في جنينه الفيله سانده رأسها علي الكرسي وبتبص للسما بشرود
بتفتكر اللي حصل النهارده بعد ما خلصوا اكل
طلع ليل أوضته يرتاح بدون ولا حرف ،خرجت خالتها في مشوار ومُصعب راح الشغل وهو بيودع الكل بابتسامه صافيه لاول مره يودعها بيها
بقاله فتره كبيره بيعاملها بجفا وبرود بيهددها
بقاله فتره في اعتقاده أن هي ممكن تأذي ليل حبيبها وأخوها وكل دنيتها
ميعرفش انها ممكن تأذي نفسها ولا تأذي ليل ممكن ترمي نفسها في النار عشان تحميه ممكن تضحي بأي حاجه وكل حاجه عشانه
– قاعده لوحدك ليه !
لفت لمصدر الصوت واللي كان مُصعب واللي عمره ما سألها حتي عن أي حاجه تخصها حقيقي تصرفاته غريبه جدا النهارده
– ا احم عادي
– احم طب ممكن نتكلم شويه؟!
بصتله باستغراب وهي بتشاور علي نفسها وعليه
– قصدك مين انت وانا؟!
مُصعب بضحك : هههههه ايوه يابنتي مالك
– ا احم يعني مستغربه
قعد مُصعب علي الكرسي اللي قدامها وهو بيقول بندم
– أنا آسف
مِسك باستغراب : اسف ؟ علي ايه بالظبط
مُصعب وهو بيتنهد: علي معاملتي معاكي الفتره اللي فاتت بس انتي عارفه اني بحبك صح ؟؟
مِسك بعيون مليانه دموع : عارفه ب بس انت طول الوقت كنت محسسني اني شر*يره ،ط طول الوقت كنت بت*ه*ددني لو قربت من اخوك هتطردني من الفيله
ك كان نفسي تبقي اخويا وسندي ،ك كان نفسي احكيلك اللي مزعلني ،ن نفسي احكيلك احساسي نحيه اخوك ب بخاف اتكلم معاك عنه تفتكر اني هأذيه
اتخنق صوتها بالعياط وهي بتقول بشهقات
و والله العظيم عمري ما افكر في أذيته ا انا بحبه يامُصعب ب بحبه وخايفه يسيبني ويروح لغيري و وقتها مش هستحمل و والله ما هستحمل يا مُصعب هو حبيبي واخويا وابويا وكل دنيتي
قرب منها مُصعب وهو بيشدها لحضنه وبيقول بهمس
– بس بس اهدي خلاص انا اسف حقك عليا علي فكره هو كمان بيحبك
مِسك بلهفه : بجد ؟!
مُصعب وهو بيغمزلها بمشاكسه
جد الجد كمان بس لو مقومناش نجري دلوقتي هيتعمل مني ومنك بطاطس سورري
مِسك بغباء : مش فاهمه ليه
مُصعب وهو بيبعد عنها وبيبلع ريقه : ف في وحش هناك علي وشك ياكلني وياكلك ومش بس كده بوشكاش محفوظ بيضحي وهنت*ع*ذب قبل الأكل
مِسك ببلاهه : ا انت بتقول ايه انت سخن ياض !
مُصعب وهو بيمسح علي وشه بضيق : يابت بصي فوق وانتي تفهمي
فوق في الشباك كان في عيون زي الصقر بتراقبهم
كان بيضغط علي أسنانه بعنف شديد عروق رقبته بارزه عيونه فيها خطوط حمراء من الغ*ضب والغيره صدره بينزل وبيطلع بعن*ف
فكره ان في حد قريب منها بالشكل المُهلك للأعصاب ده بتق”تله ،محدش من حقه يحضنها محدش من حقه يشوف دموعها أو يسمع اللي مزعلها محدش من حقه اي حاجه تخصها غيره هو وبس
مِسك وهي بتبلع ريقها برعب : سلم علي الشهداء اللي معااك
مُصعب وهو بيبص ل ليل اللي كان بيبصله بغيظ وبيكمل الاغنيه بتوجس: سلم علي كل اللي هناااك
مِسك بخفوت : تعرف تجري ؟؟
مُصعب وهو بيقوم من مكانه : ده الجري نص الجدعنه
مِسك وهي بتجري وراه : اجري يامجددددددي
طلعت تجري هي ومُصعب تحت نظرات ليل اللي انفجر من الضحك علي هيئتهم
فتحت باب الاوضه بتاعتها وهي بتتلفت يمين وشمال بخوف
ضحكت ضحكه واسعه واتنهدت براحه وهي بتقول
– الحمد لله فلت منييهم
– ومين قال كده يا قطتي؟!
مِسك بتلقائية : الاه انت مش كنت هنا ايه اللي جابك هنا !!
قالت جملتها وهي بتشاور علي الاوضه بتاعته اللي جنب أوضتها بالتحديد وعلي أوضتها اللي كان واقف فيها وهو حاطط أيده في جيبه وبيبصلها ببرود
مِسك وهي بتبلع ريقها بتوتر : ط طب ش شكلك حابب تفضل في اوضتي مفيش مشكله ا انا متنازله عنها و…
قطعت جملتها وهي بتشهق بعن*ف لما ليل سحبها للاوضه وقفل الباب وهو بيسند ظهرها عليه وبيحاصرها
مِسك بفرحه : ياااااااس
ليل ببلاهه: مالك ؟؟
مِسك وهي بتقول بسرعه ولهفه: يالا بسرعه بسرعه اعمل زي بتوع الروايات مفيش وقت للخجل
ليل وهو بيرمش عينه اكتر من مره بصدمه : انتي مجنونه يابت انتي !
مِسك بتذمر: ياساتر يارب ده انت محترم جدا يا اخي
هز رأسه وهو بيبعد عنها وبيضرب كف فوق التاني بيأس
– ده انتي ربنا يعينك علي المهلبيه اللي في دماغك
مِسك بغيظ : اقدر افهم حضرتك جيت هنا ليه ؟!
ليل وهو بيتصنع البرود : كنت بدور علي حاجه
مِسك وهي بتربع ايديها ببرود : وياتري ايه هي ؟!
ليل بعدم اهتمام : لا متاخديش في بالك
قال جملته وهو بيقرب منها وهي بتبعد لورا بتوتر ور*عب
– ا انت بتقرب ليه ل لا بقولك ايه انت مفكرني كيوووت لا ده انا م
قطعت جملتها لما باس راسها وهو بيقول بمكر : تصبحي علي خير ياقطتي
قال جملته ولف جسمه وخرج من الاوضه وهي واقفه تبص لآثره بصدمه وبلاهه
– هو بيب*وس راس والدته ؟ اومال فين بقي البو*سه اللي بنسمع عنها في الروايات حسبي الله ونعم الوكيل فيك يا محطم اللحظات الرومانسيه لوح تلج لا يبالي اه والله روحي ياخالتي كشفت راسي ودعيت عليكي انتي والبغ”ل ابنك روح ياجدي الهي ..
قطع جملتها الفون بتاعها وهو بيتهز بيعلن عن اتصال من رقم غريب
– الو
الشخص بخبث : مِسك بنت عمي عرفت اللي حصلك الف سلامه عليكي
مِسك وهي بتبلع ريقها : س سيد
سيد بخبث : عيون سيد
مِسك : ا الله يسلمك شكرا
سيد بمكر وتلاعب : ياتري بقي ابن خالتك عامل اي م*ات ولا لسه
مِسك بغضب : بعد الشر عليه
سيد وهو بيضحك بصوت عالي : ههههههههههه بجد بشفق عليكي
مسك بعصبيه: انت عايز ايه مني؟!
سيد ببراءه : عايز اساعد بنت عمي عايز اوعيها واعرفها الحقيقه
مِسك باستغراب : حقيقه ؟ حقيقه ايه
سيد وهو بيسند ظهره علي الكرسى اللي قاعد عليه وبيرفع رجله الاتنين علي المكتب
– حقيقه ان خالتك وعيالها ليهم يد في مو*ت امك
مِسك بزعيق : انت بتقول ايه انت اتجننت ؟!
سيد بحزن مصطنع : ديه الحقيقه يابنت عمي خالتك لما عرفت أن ابوكي سابلك ورث كبير قررت تم*وت امك عشان تاخدك تعيشي معاها ولما تكملي سن الرشد تجوزك لابنها وتمضيكي علي ورقه تنازل عن كل املاكك وبعدين ترميكي في الشارع زي الك*لاب
مِسك بدموع وعصبيه: انت كداب كداب خالتي عمرها ما تعمل كده ابدا خالتي وليل ومصعب بيحبوني
سيد ببرود : والله انا عندي دليل علي الكلام ده
مِسك وهي بتقعد علي السرير وبتقول بضعف : دليل ؟!
سيد بخبث : هبعتهولك حالا سلام
قفل معاها وبعتلها فيديو فتحته بأيد بتترعش كان ظاهر فيه ليل ومصعب وخالتها بيتكلموا بصوت واطي نوعا ما
خالتها بخوف : طب والعمل يا ليل مِسك لو عرفت ممكن تروح فيها و هتبلغ البوليس
ليل ببرود كعادته : وهي هتعرف منين
مُصعب بخبث : احنا لازم نخفي كل حاجه قبل ما حد يكشف الموضوع اللعب بقي علي تقيل اوي
ليل بابتسامه شريره : نهايتهم علي ايدي واحد ورا التاني
قال جملته في آخر الفيديو ومِسك قاعده حاطه ايديها علي بوقها ودموعها نازله علي خدها زي الشلال بتهز رأسها بهستريه وخوف
أتهز الفون بتاعها بماسدج من سيد
” لازم تهربي يابت عمي متنسيش انك اسبوع هتكملي ال٢١ سنه يعني ابن خالتك هيعرض عليكي الجواز وساعتها بدل ما يمضوكي علي ورقه جواز هتمضي علي تنازل أملاك ومش بعيد يق*ت*لوكي أهربي بيت جدك مفتوحلك في أي وقت ”
اترعشت ايديها لدرجه الفون وقع منها وهي بتبص قدامها برعب ودموع
– ا انا لازم اهرب ل لازم اهرب
قامت فتحت الدولاب وخرجت شنطه هدومها وحطت كل حاجه تخصها بقلب بيترعش من الخوف قلب مكسور لنصين قلب مخذول وكأن الدنيا قاصده متريحش قلبها المسكين
استنت لأكتر من ساعه لحد ما الكل نام وخرجت تتسحب من الفيله وهي بتبص علي كل ركن عاشت فيه ذكريات طفولتها بحسره ..
واخيرا خرجت من الفيله شالت الشنطه علي كتفها وفضلت تجري لحد ما وصلت لمحطه القطر وركبته متجهه لاسيوط عند جدها