رواية مالك وجميلة الفصل الثاني 2 بقلم سلسبيل أحمد

رواية مالك وجميلة الجزء الثاني

رواية مالك وجميلة البارت الثاني

رواية مالك وجميلة الحلقة الثانية

– فين القهوه يابت
= انت وانت لابس ومتشيك كدا خليني اخطفك قوم ننزل نشتري قهوه هعزمك انا لسه قابضه
– لاء
= لا هتنزل
– لاء
سكت بزعلي فا بصلي وهو بيزقني عشان ابصله:
هنضرب اتنين عصير قصب وانا الى هدفع
ضحكت: هوبا يلا بينا
نزلنا انا وهو جابلي عصير قصب وشربنا بسرعه واحنا راجين للعربيه..
– استني يا جميله قبل ما نركب
= اية
– مش جعانه
= مالك اوعي تضغط عليا مستحيل اكل دلوقتي
__________________
= تحفه الشاورما دي هات مخلل متبقاش طفس
– خدي
= لا هات جزره
– احلي جزره يعم،
= اخوياا
– طب اطفحي وانتي ساكته
= هيهيهيي
احلي حاجه اننا بناكل فالعربيه
“غمزلي” : عكي براحتك
ضحكت: الي فاهمني بتكسف اكل قدام حد .
– عمرك ما خليتنا ناكل في مطعم
= ايوا يبني مبعرفش
– مع ان طريقة اكلك كيوت ولطيفه … زيك
الاكل وقف في زوري وقعدت اكح
كتم ضحكه: خدي خدي اشربي
= يا ساتر عينيك فى الاكل؟
– لا دا في ناس اتكسفت باين
حسيت جسمي سخن ووشي احمر: اسكت ، مالك هو انت لسه بتحب سارة ولا كدا خلاص
= لا طبعا ولا بفكر فيها اساسا
قلبي فرح وكان بيرقص كمان اخيرا
= طب يلا نروح بقي
ضحك – ماشي يلا بينا ياستي
رجعنا البيت و بخصتار يا مشاهدي العزيز كدا انا و مالك ولاد عم و من الشرقيه ونزلنا مصر في بيت قديم للعيله لان جدنا عاش فالقاهره فتره واشتري البيت ايام زمان اما انا ومالك قعدنا في البيت ده بقي عشان دخلنا جامعه القاهره وكل واحد عنده حلم هو نفسه ..يكون دكتور كبير وانا اكون مهندسه ديكور وكدا بقي.
لحد ما قرب يتخرج وشاف ساره وكان معجب بيها كان متحمس اوي يشوف اهلها شجعته لحد ما اتقدم ليها وكسرته بطريقه مقرفه عارفه انه اتجرح جدا خصوصا ان كرامته غاليه عنده بس بحاول اكون جمبه!
– واد يا مالك انت ياجدع انت
= ايوا يا اخرة صبري قولي
– امبارح وانا بدخل بالمفتاح بتاع شقتك الى انا واخده قوة واقتدار يعني اتعوج منه حته
= ليه هولاكو ماسكه!
“اقوله اني كنت بفتح بعصبيه عشان اللحقه طب ولا اي”
– المهم هات بتاعك
= يخربيتك وانا امشي ب اية
– هبقي افتحلك
= صارحيني ، شقتك مش عجباكي وعينيك علي عشقتى صح ؟
– مش الفكره
= انتي بتقعدي عندي اكتر ما بتقعدي عندك
– م انت بتبقي بره وبصراحه انا بخاف اقعد في شقتي انا لحسن حد يجي يقتلني
= بتخافي؟ بتتكلمي جد
وطيت راسي فا بصلي هوا لتحت حركته الشهيره عشان ارفع راسي تاني
– اية بتبصلي كدا لي
= انا اسف
– علي اية
= انك مش حاسه بالامان
– ماهو انا بحس بيه لما اقعد عندك ولما بتيجي برجع عندي وبكون مطمنه برضو
سحب المفتايح من جيبه ومسك ايدي حطهم فيها
= البيت بيتك عيشي براحتك فيها وبهدلي ان شالله تعملي بيبي فالارض
– بيبي فالارض هو انا قطة !
لمس دقني بسرعه تقل من الثانيه: يا لمضه انتي اجمل قطه كدا كدا
ضحكت بكسوف وحسيت بخدودي بتولع من مجرد لمسته ليا ثواني: بس متقلش كدا
= انا قلت حاجه بس
– طب يلا من غير مطرود اللحق شغلك
= ماشي وانتي اقعدي ذاكري دي اخر سنه يا هانم ها
– عنيا هدح واشرفك
= واثق فيكي يقطتي
– باي
= سلام اقفلي كويس وخلي الفون جمبك
نزل.. مشي.. رحل خلاص اها يا قلبي الصغير مبقاش في غيري انا والى بيقرأ دلوقتي👀
قعدت اذاكر وفي وسط التركيز الشديد سمعت صوت فالبلاكونه اشبه برجل انسان وقفت بسرعه و قلبي فضل يدق جامد جريت امسك الفون ومن اللهفه والخضه وقع اتكسر ينهار ابيض جريت على الباب وخرجت بسرعه ونزلت فالشارع ايوا كويس مكان امان وسط النا.. اية دا؟ هي فين الناس!!
ينهار ابيض تاني يلاهوي
مشيت بسرعه للكشك الى علي اول الشارع وكلمت مالك
– اللحقني
__________________
– جميلة! انتي كويسة جرا حاجه؟؟
= لا ان
قاطعني وقرب مسك وشي وقعد يتفحصني مسك دراعي كمان وبص عليا بقلق وهوا بيطمن
= يا مالك انا كويسة
– حصل اي!
= زي ما قولتلك انا سمعت صوت ونزلت جري من عالسلم لحد هنا وسبت الباب مفتوح
– مش مهم
= وكسرت موبايلي
– مش مهم يا جميلة ! المهم انك كويسة
= طب انا خايفه يطلع كان حرامي سرق الشقه
– طب خليكي هنا
= لا خدني معاك
اتحركت ومع اول حركه على رجلي حسيت بوجع اول ما قومت كنت هتكبل قبل ما ايده تلحقني وشدني وبقيت فحضنه
– رجلي اها!!
= قعدني بهدوء وبص عليها بسرعه : ده دم !!!
– لا مش قادره اهااا
غمضت اول ما شوفت اول نقطه دم تقع من رجلي والبنطلون كان مخدوش وروحت في دنيا تانيه
______________
– اها يعني كويسة؟
= ايوا ده جرح سطحي تغير عليه فتره بس
– بس كانت كويسه ومحستش بيه ازاي
= هي كانت بتجري
– تقريبا
= جسمها كان سخن فا محستش بالجرح الا لما هديت التوتر عمتا بيخلي المخ مغيب عن اي وجع
– طب دلوقتي هي خلاص كويسة مش هتاخد دوا؟
= لا لا مش مستاهله اسبوع بالكتير ويروح خالص
فتحت عيوني ولقيت مالك راجع وبيقعد جمبي
– رجلي اكسرت صح قولي متخبيش عليا
= انا النهارده اكتشفت اني بموت من الخوف عليكي
بلعت ريقي – أأ.. أنا اسفه عشان خضيتك كدا
= مكنش حرامي الى في البلاكونه
– اومال
= ولا حاجه ملقتش حد ولا حاجه مسروقه
– والله كان ف
قاطعني: مصدقك!
– يمكن كنت بتخيل ؟ او يمكن اي حمامه وقعت ولا عرسه
ضحك: ياستي فداكي المهم رجلك دلوقتي
– اتكسرت؟ بقيت عارجه؟
= يابنتي بعد الشر الدكتور قال مجرد جرح
– ازاي محستش بيه
= عشان كنتي بتجري
– عرفت منين اني جريت
= ما طبيعيي هتجري منتي جبانه يا وكسه
– هو انا خضيتك اوي؟
= لانك غاليه عندي اوي
– بس مكنش قصدي
= وانا يعني لو متخضتش عليكي هتخض على مين
– كفايه احراج
= انا مش عايز اسيبك لوحدك ابدا
– متخفش انا
= انتي قطه
– اعمل بس انا عمري ما خرجت من هناك الا معاك ولما جيت هنا القاهره جيت معاك انا عمري ما كنت لوحدي
اسفه بقي على كل ده
= اسفه كمان وهرزعك بالقلم
– عنيف اوي الواد مالك ده
= متعتزريش انا اصلا الى غلطان مينفعش اسيبك
– ليه هو انا طفله ولا اية هتقعد جمبها
بصلي بنفاذ صبر فا قولت بخوف
= انا طفله فعلا
– انا هشتريلك كلب
= ونبي اقعد انا بخاف منهم
– هجبلك واحد صغير كيوت
= اها ولما يجي حرامي انا والصغير الكيوت ده نموت من الخضه سوا
قعد يضحك عليا وانا سرحت في ضحكته بقي
– اية ؟
= اية انت ولا كلب ولا غيره
– خلاص بس لازم اجيلك بدري الايام الى جايه دي
= هتعمل عليا دكتور ولا اية
– عندك مانع ؟
= ليا الشرف.
وفعلا طول الاسبوع ده بيحاول يرجع بدري من تدريبه فالمستشفي ويبص على جرحي ويغيرلي عليه و بدء يروح خالص وبقيت امشي واجري
لكن في مره واحنا قاعدين كنا هنتغدي سوا دخل يغسل ايده والباب خبط استغربت بس فتحت ولقتها ساره ؟!!!