رواية لم تجعلني الدنيا أفرح الفصل الأول 1 بقلم أسو أحمد

رواية لم تجعلني الدنيا أفرح الجزء الأول

رواية لم تجعلني الدنيا أفرح البارت الأول

رواية لم تجعلني الدنيا أفرح الحلقة الأولى

انا إقبال عندى 23 سنه فى تالته كليه تجاره بس واخدها منازل علشان بشتغل واساعد اهلى حكيتى بدأت لما صحيت فى يوم على صوت ماما كالعاده
* لا ما انا لازم اشوف حل معاكم يا اما هامشي ومش هتعرفولى طريق علشان انا زهقت منكم خلاص
= بدئنا اهو … ربنا يستر …. ايه يتكامل في ايه صوتك مسمع لآخر الشارع ليه ؟ ايه إللى حصل بس على الصبح كده
* اهو ابوكى عندك اهو اساليه ، اوعى كده من طريقى ده انتو عيله تشل ، عملت ايه انا بس باربي علشان يحصلى كل ده لا جوز يقولى كتر خيرك ولا ابن يحترمنى … بقيت مهزقت البيت انا خلاص على آخر الزمن ، انا إللى مكنتش بشيل القشايه من على الأرض فى بيت ابويا جيت هنا واتمرمط …
¥ مش هنخلص فى اليوم إللى مش فايت ده
= اهدا بس يابابا واقعد كده بس وروق اعصابك
¥ يعنى مش شايفه عمايل امك معايا يا إقبال ، امك بقت صعبه قوى الايام دى وكل ما تكلمنى تفضل تعاير وتزل فيا على دهبها إللى باعته زمان دى بقت عيشه تزهق
= معلش يا بابا ما انت عارف ماما الايام دى مش طايقه حد يكلمها ، معلش اسمع من هنا وطلع من هنا وهى بس مشكله اخوتها تتحل وهى هتهدى شويه
¥ ربنا يهديها يا بنتى
* ليه شايفنى مجنونه قدامك وانتى يا ست إقبال هانم بتتحاميله ده بدل ما تتحميلى انا إللى شلتك لحد ما كبرتى وبقيتى شحطه اهو ، أخرت المعروف ده ، نسيتى حالا كل إللى عملته معاكى خلاص دلوقتى ماما بقت كخه وبابا بقي حلو
= يا ماما ماقصدش والله انتى فهمتى غلط انا..
¥ خلاص يا إقبال روحى انتى على شغلك امك دى دايما دماغ عمرانه تناكف فينا لليل ونهار
* ايوه اظهر وبان على حقيقتك يا يوسف ، بعد ما خلصت مصلحتك منى طلعت عليا دلوقتى صح انا إللى وقفت معاك زمان لما اخواتك سابوك انا إللى كنت بفضل بالأسبوع جعانه ولما ابويا يسالنى اقوله مش حرمنا من أي حاجه وعمري ما قولت لحد على إللى بتعمله معايا تعمل معايا كده! دى اخرتها يعنى
انسحبت من سكات علشان لو أدخلت بينهم هخصرهم هما الاتنين واصلا البيت مش ناقص نكد
وبعد دقايق وصلت عند صحبتى واختى
= تعبت
– تعبتى من ايه ؟؟! هى مامتك رجعت تحكيلك كل حاجه تانى
= مش هى بس يا دنيا ، الكل جاى عليا وعلشان مش مبينه ليهم مفكرينى مابحسش ولا حتى مره قالو مالها إقبال انا خلاص زهقت من نفس اليوم اللى بيتكرر ده نفسي اعيش زى اى وحده فى سنى ، نفسي مره واحده بس افرح من قلبي مش اكون بمثل الفرحه يا دنيا
– طب اهدى بس ياحبيبتى وان شاء الله نلقي حل
= كل يوم تقوليلى نفس الكلمتين دول وانا بصبر نفسي بيهم بس انا فعلا تعبت ومحدش حاسس بيا خالص ، من ناحيه خناقة بابا وماما كل يوم يا اما اخويا اللى بأحوال ده اللى يبقي لسه بيضحك معايا والقي الجنونه قامت عليه و ماما وبابا اللى بعد اى خناقه ياخدونى ويقعدو يشكو ليا وعن قد ايه هما ضحو علشانا وقد ايه هما مش سعده بسببنا برضه ، انتى متخيله انهم بيجو يحكولى حاجات حصلت من قبل ما اتولد وعن اللى عملوه فى بعض ويوم ما اقولهم تعبانه او مش عايزه اسمعهم علشان تعبت يزعلو ويتقمصو منى ويقولولى لزمتك ايه انتى فى الدنيا حتى كمان مش عايزانا نفضفض شويه باللى جوانا ، انا حقيقي تعبت يا دنيا
– كل ده جواكى يا اقبال ياحبيبتى طب اهدى بس الأول وأن شاء الله ربك هيفرجها
= ونعم بالله ، بس انا زنبي ايه يا دنيا فى اللى بيحصل معاهم ليه؟؟ ليه بيضغطو عليا ليه ؟؟ سيبك من انى بنتهم والمفروض يحسو بيا وكده ، ليه مش بيعتبرونى منهم مره وحده بس ويعملونى كانسان عايز يفضفض زيهم !! ولا انا مش انسانه زيهم علشان استحمل كل الضغط ده وانا ساكته مابتكلمش ، ده حتى ربنا قال رفقن بالحيوان ، انا لو حيوان مش هيتعمل فيا كده ، انا بجد تعبت من كل ده نفسي يوم واحد بس مايحصلش نكد كل يوم ده
– واخواتك فين ؟؟!
= اخواتى ههههه….. اخواتى مش بيعبرونا غير لما يكونو عايزين حاجه حتى يوم ما اشتكيلهم على التعب اللى فيا والظروف اللى احنا فيها مش قدرو وفيه اللى يطنش وفيه اللى يقولك ما احنا كلنا كده واكتر ، دول عمرهم مره واحده بس قولتلهم على حاجه غير يا اما طنشوها يا اما قلولى احنا كل يوم زيك واكتر وعمرهم ما قلولي حتى معلش ، ايوه مش هتعمل حاجه بس انا محتاجه اسمع الكلمه دى ، و مفتقداه جدا والطبطبه وجمله ” ماتزعليش نفسك ياحبيبتى وكل حاجه هتبقي تمام واحنا جنبك اهو ” يااااااه يا دنيا لو الجمله دى سمعتها بس منهم بدل كلامهم اللى بيستفزنى ده
– كل ده جواكى يا إقبال ، ده انتى حالك يصعب على الكافر يا بنتى
= اهو انا دلوقتى بس اتاكدت من المثل اللى بيقول ” البعيد يحبك ويودك اكتر من القريب ” اهو اللى قاله ماكدبش والله
– بصي يا إقبال ياحبيبتى انا عارفه انى مهما اتكلمت كلامى مش هينفع معاكى بس انا هقولك جمله قلتهالى جدتى الله يرحمها يمكن تفيدك
= ايه هى دى ؟؟
– جدتى زمان اووى لما كنت بلعب فى بنت زقتنى وكسرتلى رجلى وقتها زعلت جدا عارفه قالتلى ايه ؟؟ قالتلى وقتها يا بنتى ماتزعليش على كسر رجلك بالعكس افرحى ، ولما سألتها افرح ليه وانا رجلى مكسوره ووجعانى تعرفى وقتها قالتلى ايه ؟؟ قالتلى ربنا كاتبلك ان فى الحظه دى رجلك تتكسر حتى لوالبت دى مش هنا كانت هتتكسر وافتكري ان كل حاجه ليها سبب حتى الموت سبب لينا اننى نعمل كويس للاخره وعلشان نفوز بالجنه ، تعرفى يا إقبال الجمله دى انا ماعرفتش معناها ايه غير لما حصل معايا موقف بعدها بفتره لما روحت اجيب عيش وانا عالعكاز وقتها فلوس كتير اووى وقعت منى فضلت ادور وادور عليها وبرضه مالقتهاش وتأتى يوم وانا بجيب العيش فى واحد وقفنى ودانى الفلوس اللى وقعت منى وقتها قولتله انت ازاى عرفت انى الفلوس دى ليا ومش لحد تانى وقتها ضحك وقال عرفتك من رجلك المكسوره والعكاز سعتها بس اتاكدت انى فعلا مقولت جدتى صح ، وانتى يا إقبال يا حبيبتى ان شاء الله تلقي العكاز لل بيحصل معاكى ده
= تفتكر يا دنيا انى ممكن القي العكاز للبيحصل ده ؟؟!
– ماتفكريش كتير يا إقبال وسبيها على ربنا وهو هيدبرها ليكى ويعوضك عن كل ده
مشيت من عندها وانا طول الطريق بفكر هو انا ممكن القي عكازى فعلا زى ما دنيا قالت ، بس ايه هو السبب فى اللى بيحصلى ده وهل ممكن يكون كلام دينا صح ولا لا
روحت على البيت واول ما وصلت لباب الشقه سمعت صوت بابا وماما عالى اتنهدت ودخلت اخد تقرير كل يوم كالعاده
= بت يا عبير فى ايه تانى
# لا جديد موال كل يوم بعينه ، اهى جيالك اهى استلمى يختى
= يابت الواطيه بتسبينى ليها لوحدى
* تعالى يا إقبال شوفى اللى عمله ابوكى معايا ، اه ما انا قعت الحيطه المايله بتعتكم اللى كل ما تخلصو منها مصلحتكم تدوها بالجزمة ، انا اللى محرمه على نفسي اجيب شبشب ودايره بشبشب العيال ، نسيتو حالاً اللى عملته علشانكم زمان لما بعت ارضي علشان ماخلكمش تبصو لحد
¥ اشتغلنا فى اسطوانه كل يوم اهو
قال بابا كده ودخل اوضته وماما ماقولكمش على اللى عملته قد ايه كانت هاديه وعسل
* ادى اللى انت فالح فيه ،مش مكسوف من نفسك ده مافيش مره دخلت عليا بعبايه او شبشب ابدا زى باقى الحريم ، ما انا الخدامه اللى اهلك جبهالك صح ، ده انا حتى ماحصلتش الخادمين معاكم ، انا اللى حرمت نفسي من كل حاجه علشانك انت وعيالك دول اللى لولايه كان زامنهم لسه جنبك انا اللى مش برضه اجيب كيس شبسي حتى علشان احوش القرش على القرش ويبقو اتنين واقول لنفسي لا خليهم للعيال افرض عازو حاجه ، واهو إللى كنت عامله حسابه حصل اهو
= يا ماما اهدى بس علشان ماتتعبيش و..
عيطت * اعمل ايه لابوكى واخوكى اللى عايزين يورثونى بالحياه دول ، أشق هدومى يعنى ، ده انا حتى ماحلتيش غيرها هى اللى سترانى ، انا اللى وقفت جنبه لما كان بيموت طالع عليا دلوقتى مايعرفنيش ولا فاكرلى اللى عملته فى حقه ، من النهارده لسانكم مايخطبش لسانى ومش مسمحاكم على اللى عملتوه فيا ده
دخلت اوضتها وانا دخلت اوضتى وقفلت عليا الباب وفضلت اعيط على كل اللى بيحصل معايا ده وانا بقول لنفسي ، عملت ايه انا بس ياربي علشان كل يوم نكد نكد نكد انا خلاص تعبت من كل ده ، يارب خدنى عندك وريحنى من الدنيا دى كلها انا خلاص تعبت ومش عارفه اعمل ايه ” قومت وفتحت الدرج وفضلت باصه للبرشام وانا متردده لحد ما مسكته وفضيته كله على السرير قدامى وخدته بايدى علشان اشربه ” يووووه يا إقبال يعنى علشان تتخلصى من اللى بيحصل ده تموتى كافره و تعصى ربنا وتزعليه منك ” رمين البرشام من الشباك بسرعه ورجعت لوعييي تانى ”
استغفر الله العظيم ، سامحنى يارب انا مش عارفه كنت هعمل كده ازاى ، استغفر الله العظيم يارب سامحنى وساعدنى انا كل إللى عايزاه انى افرح يوم واحد بس او حتى خمس دقايق انا راضيه ، انا عايزاه اعرف بس طعم الفرح واعرف احساسه واترحم من كل ده يااارب ساعدتى ، انا راضيه يارب بنصيبى إللى كتبهولى وصابره وهصبر لحد آخر يوم فى عمري بس انا نفسي ابقي زى باقي البنات نفسي افرح يارب حلها من عندك يارب ، يارب ابعتلى معجزه من عندك ياااارب
نمت وانا معيطه وصحيت وجسمى كله متكسر وبحركه بصعوبه ولما قومت لقيت..