رواية لقد وقعت في حب منتقبه الفصل السابع عشر 17 بقلم بسملة أحمد

رواية لقد وقعت في حب منتقبه الجزء السابع عشر

رواية لقد وقعت في حب منتقبه البارت السابع عشر

رواية لقد وقعت في حب منتقبه الحلقة السابعة عشر

في صباح يوم جديد
تستيقظ بطلتنا وتفتح قهوتيها وتقوم بروتينها وتنزل لتحت
ملاك للجميع: صباح الخير
سليم: صباح القمر علي قهوة عيونك
ملاك وشها احمر
حمزه:صباح ايه يا عنيا انت وهيا ده الساعه 2الضهر
ملاك بصدمه: لا بجد
حمزه: ايوة بجد
ملاك: طب ازاي ده انا ماما بتصحيني كل يوم بدري الا قولولي هيا ماما فين
حمزه: ماما مش هنا خالتك جايه من السفر وراحت تجيبها من المطار
ملاك: قول كده بقا علشان كده مش صحتني تمام بدل ماما مش موجوده تعالَ بقا وهات العده يا معلم
حمزه: هو ده الكلام من الصبح مستنيكي يا شيخه تصحي واقول لسليم متروح تصحي ملاك يقولي لا سيبها نايمه براحتها
سليم:هو فيه ايه انتوا بتعملوا ايه من ورا ماما
حمزه:بص يا سيدي بما ان ماما مش موجوده
ملاك بمقاطعه:واللله ما حد شارحله الا انا
ملاك لسليم:بص يا سولي احنا لما ماما مبتكونش موجوده بنعمل ايه
سليم:ايه
ملاك وراحت جابت تليفونها وجت:بنلعب لعبه انا وحمزه وفي عقاب ومكافأه
سليم:طيب بس بتلعبوا لعبه ايه دي
ملاك:بنجيب شويةورق وبنعمله علي هيئة مستطيل صغير وانا اكتب حاجه في الورقه لحمزه وحمزه بيكتب في الورقه اللي معاه وكل واحد فينا بيحط الورقه اللي كتبها علي راس التاني
ولما حمزه يكون عليه الدور قعد انا اقوله علي اللي علي الورقه بطريقه غير مباشره ممكن بالحركات ممكن باي طريقه اهم حاجه منقولش مباشرة وبعد اما يقول الكلمه هيشرحها بس لازم يوصل الأحساس بتاعه واكتر واحد فينا هيعرف اللي مكتوب علي الورقه ليه مكافأه واكتر واحد مش هيعرف مكتوب ايه علي الورقه هياخد العقاب بس ممكن اللي كسب يسامح اللي خسر ده لو كان عايز يعني بس في المقابل هياخد منه حاجه
سليم:فهمت
ملاك:بس احنا عايزين حد رابع معانا هقولك استنوا ارن علي روان
روان:انا سامعه سيرتي يعني
ملاك:اقولك علي حاجه يا رورو بس متزعليش
روان:قول يا كلب البحر انا اتعودت خلاص
ملاك:انا لو كنت جيبت سيرت مليون جنيه مكانتش هتيجي بالسرعه دي يا بنتي والله
روان:بس انا احلي من مليون جنيه يا كلب البحر
ملاك: خش في حضن اخوك يا فواز
روان وملاك حضنوا بعض
روان:حبيبتي يا كلب البحر
ملاك:احبيبتي يا ثحبتي
حمزه وسليم في نفس الوقت:مش كفايه كده احضان انتي وهيا
ملاك:انتي هتلعبي معانا اللعبه تمام
روان:هي ماما ساره مش موجوده
ملاك وحمزه:بالظبط كده
ملاك:بس في حاجه جديده
الجميع:هيا ايه
ملاك: هنتقسم فريقين كل اتنين في فريق
الجميع:موافقين
روان بسرعه:انا مع ملاك
سليم بخبث:لا انا اللي مع ملاك مراتي في فريقي خليكي انتي مع حمزه
روان:حاضر
وملاك عملت الورق وبدقوا يلعبوا
ملاك وهي بتسهل الطريقه لسليم:بنقولها لحد لما نبقي عايزينه
… طب مشاعر بنحسها وبنعبر بيها بالكلمه دي…طب هسهلهالك كلمه انت علطول بتقولهالي يا سولي لماببقي زعلانه او فرحانه بتاخدني في حضنك وتقولهالي والمشاعر دي مش ممكن تقل بلبعد بل بتزيد وممكن توصل ان الاتنين يحسوا ببعض
سليم:بحبك يا ملاكي
ملاك: صح يا سولي
سليم: دورك يا حمزة انت وروان
روان: هو بيخلينا مع حد لاخر العمر عامل كده زي الرباط الابدي
رباط كده الشباب بيضحكوا بيه علي البنات
حمزه:الزواج
سليم: دورك يا ملاكي
سليم:بصي يا ستي هو بتلبسوه وبيبقي لونه ابيض من فوق بيبقي حلو ومن تحت منفوش ومدور وبتلبسه العروسه يوم فرحها
ملاك:مش عارفه خلاص استسلمت
سليم:فستان فرح يا ملاكي
حمزه:بصي يا روان هو مدور وبيتصنع من الدهب او الالماظ ومعني ان البنت تلبسه بيربطها بحد والبنت بتلبسه في صبعها
روان:خاتم الخطوبه
حمزه:صح
ملاك:يلا كل واحد يشرح كلمته اتفضل يا سولي
سليم: الحب ده احساس جميل جداً ملوش مفهوم معين مشاعر كتيره متلغبطه بس هو شعور جميل جداً جدا الحب مش ان اي شاب ييجي يقول للبنت كلمة بحبك تجري وراه لا الحب ان البنت تبقي واثقه لو بيحبني عمره ما هيقذيني بالعكس هيحاول يفرحني علي قد ما يقدر هيعمل اي حاجه بتسعدني وهيهتم بكل تفاصيلي حتي لو كانت صغيره عارفني وحافظني زعلانه فرحانه مخنوقه مرتاحه وهيحاول علي قد ما يقدر دموعي متنزلش مهيقدرش يرفضلي طلب لانه بيضعف قدامي وبص لملاك وكمل ولو بعد حبيبك ده مهتحسش بأي مشاعر البسمه راحت فرحتي راحت كأنه اخد روحي معاه يعني انا اكبر مثال ليكوا لما ملاك بعدت عني كنت اكتر كلمه توصفني اني كنت روبوت بمعني الكلمه مكنتش بحس بمشاعر خالص كانت روحي مش موجوده ومع ان كنا بعاد بس كان حبنا بيزيد بمعني ان حبنا لما بنبعد مش بيقل بل بالعكس بيزيد اكتر من الاول لحد ما بيوصل لمرحلة انك بتحس باللي بتحبه والحب بيفضل يزيد يزيد لحد ما بيوصل لمرحلة العشق والادمان
ملاك بصتله بتأثر
سليم وملاك كانوا قاعدين جمب بعض مال عليها وقال في ودانها:بحبك يا ملاكي ومراتي وحبيبتي وحب طفولتي
ملاك:وانا بحبك يا أجمل من رأت عيني
روان بصت لحمزه:دورك اتفضل اشرح
حمزه بص لروان: الزواج رابط بيربطنا بشريك عمرنا لاخر العمر مش ضروري يكون زواج عن حب ممكن يكون عادي بس نحب بعض بعد جوازنا الجواز عند البنت بتبدأ تحلم فيه وبفارس احلامها وبتبني حياة في مخيلتها وبتحلم بالفستان الابيض اللي هتلبسه بتحلم بحاجات كتيره اووي وبتبقي بانيه عليها حياتها وحلمها الشاب بيستسهل البنت وبقولها بحبك وكلام كتير وهي بتصدقه وبتمشي وراه بس لو كانت ادت لنفسها فرصه انها تفكر هتلاقي انه بيحبني مش هيقذيني وهيحافظ عليا وهيخاف عليا حتي من نفسه وهيجي يتقدملي وهيدخل البيت من بابه مش من الشباك
سليم:دورك يا ملاكي
ملاك:فستان الفرح ممكن ميكونش الشاب مهتم بالبدله وكده لكن بالنسبه للبنت فالفرح ده حلم عمرها بتحلم بيه من صغرها فارس احلامها وخاتم الخطوبه وفستان فرحها اللي بتقعد تتخيل شكله في مخيلتها وبتعمله تعديلات وبتفكر هيبقي يوم فرحي شكله عامل ازاي طب يا تري هيحصل معايا ايه وبيبقي يوم فرحها ده اسعد يوم في حياة البنت بتبني عليه حاجات كتير وفي اليوم ده بتنتقل من بيت عيلتها لبيت جوزها وبتبدأ حياة جديده
حمزه: دورك يا روان
روان:خاتم الخطوبه هو دليل اننا وصلنا لنص الطريق بمعني ان لما البنت بتلبس الخاتم بتبقي بتعلن لكل الناس انها ملك لخطيبها هو بداية علاقه ورابط جديده هيحدد مصير حياتها مع خطيبها وشريك حياتها
حمزه: كلنا صح الا ملاك
روان: يعني لينا مكافأة وملاك عقاب
ملاك:غدارين اه قلبي الصغير لا يتحمل
حمزه:هردلك شويه من اللي عمليتيه فيا زمان
ملاك:موزي
حمزه:اممممم
ملاك:انا اختك حبيبتك صح
حمزه:صح بس ده مش هيمنع ان ليكي عقاب
ملاك:ثحبتي
روان:اممممم
ملاك:ممكن مفيش عقاب ليا يا ثحبتي
روان:لا مش ممكن
ملاك :طب ايه المكافأه وايه العقاب
حمزه:المكافأه شوكولاتايه 🍫والعقاب يا مولا كيس تلج
ملاك:بيقولوا الجري نص الجدعنه فلما تعرف تمسكني ابقي حطيلي التلج وطلعت تجري وهما وراها وفجأه خبطت في حد واقف عند الباب
ملاك بصت لقت شاب واقف غضت بصرها علي طول وحمدت ربنا انها كانت لابسه نقابها
حمزه من ورا ملاك:مسكتك وهحطلك تلج ومسكها من هدومها زي اللي ماسك حرامي
ملاك بصتله بنظره كلها براءة زي براءة القطط:ينفع تزعل اختك وتعاقبها
حمزه: ايوه
ملاك بنظره بريئة:ثحبتي
روان:عقاب
ملاك بصت لسليم:سولي الحقني
سليم اخدها من حمزه واشتالها في وضعية العروس
حمزه:بس كده مش عدل مفروض تتعاقب
سليم:ملاكي ملهاش عقاب دي ليها مكافأه ومش شيكولاتايه واحده دي هيجيلها شنطه شيكولاته
ملاك نزلت من علي ايد سليم وحضنته جامد:يحيا العدل يحيا العدل يحيا سولي يحيا سولي وراحت لحمزه وفضلت تطلعله لسانها سولي هيجيبلي شيكولاته
حمزه:طب خدي وجيه يمسكها لكن ملاك جريت علي سليم وحضنته
سليم:حمزه ملكش دعوه بمراتي يا ولا انت والا
حمزه:والا ايه
سليم:والا عقاب كل حضن حضنته لملاكي هيحصل بس المرادي قدام روان
حمزه:ملاك دي عسل يا شيخ متضيعش بريستيجي دي ملاك دي عسل وقمر خالص
ملاك:ههههه قلبت الوقتي فرخه بلدي
حمزه:يهون كلوا علشان بريستيجي يا اوختي
سليم:الا صحيح انت مين وهو بيشاور علي الللي خبط في ملاك
ساره:هقولك انا يا سليم
سليم:ماما مين ده
ملاك قامت من حضن سليم وطلعت تجري علي الست اللي جمب ساره ومعاها حمزه :خالتوووو
خالت ملاك ضحكت:وحشتيني يا بكاشه
ملاك وروان بترقب: هي فين
بنت من ورا خالت ملاك:انا هنا
ملاك جريت عليها وحضنتها:وحشتيني وحشتيني يا كلب البحر
البنت:انتي الللي وحشتيني خالص يا مولا
ملاك:حبيبت قلب مولا يا رودي
روان:خيانه ومن مين من اختي وصحبتي
رودي:مقدرش يا كلب البحر والله خش في حضن اخوك يا فواز
(دقايق كده نعرف الشخصيات الجديده
خالت ملاك سُريّه:سيده في اوائل العقد الاربعين محجبه طيبه جدا بتحب ملاك جدا جدا وعندها بنت وولد
يوسف ابن خالت ملاك وحمزه وايوا هو صاحب حمزه ومعاه في الكليه 18سنه شاب رياضي طويل القامه بشره قمحيه عيون سوده وشعر اسود
رودينا:بنت عندها 19سنه قموره بيضه مختمره وبتحب ملاك وروان وصاحبتهم)
روان:وحشتيني وحشتينا اوووي يا رودي
رودي:انتوا اكتر
حمزه جري علي يوسف:وحشتني يا جو
يوسف:وانت وحشتني يا اسطا واللله
حمزه:ما انت اللي سافرت بس وحشتني يا جو والله
سليم:مش تعرفوني وشاور علي ملاك وكمل وانتي يا ماما قاعده بتوزعيلي احضان تعالي اوقفي هنا
ملاك راحت وقفت جمبه وبدأت تعرفه عليهم
ملاك:بص يا سولي دي خالتوا سريه انت عارفها من واحنا صغيرين خالتوا ده سليم
سريه:عارفاه سليم المنشاوي اللي كنتي بتحكي عنه
سليم بص لملاك: كنتي بتقولي ايه عني
ملاك:بكل خير كل خير
سليم:ماهو ده اللي مخوفني مبستريحش للخير بتاعك ده
ملاك:يا ظالمني دايما دايما كده ظالمني يا سولي
سليم:انتي هتقوليلي
ملاك:وده يوسف ابن خالتوا سريه وصاحب حمزه في الكليه
سليم:اهلا وسلم عليه
ملاك:ودي يا سيدي رودينا الشق بتاعي انا وروان اكبر مننا بسنه عندها 19بس ايه لاسعه خالص وهندسه بردو
سليم:اكيد لاسعه مش صاحبة ملاك يبقي لاسعه
ملاك:مش قولتلك ظالمني
يوسف:يلا يا ماما نروح انا تعبان جدا
سليم:رايحين فين
يوسف:مروحين عايز انام تعبان اووي
سليم:عايز تنام اطلع نام في اوضتك فوق محدش هيطلع من هنا
حمزه:تعالا عايزك يا يوسف واخد يوسف لفوق
سليم: يلا اطلعوا ارتاحوا عما الغدا يجهز
وفعلا طلعوا ارتاحوا والغدا جهز
ونزلوا اتغدوا وفضلوا يتكلموا بعد الغدا
كانوا قاعدين بيتكلموا سليم بص في الساعه وطلع فوق جاب الدوا ونزل تحت
سليم:ملاكي
ملاك:نعم
سليم:معاد الدوا بتاعك
ملاك اخدت الدوا بتاعها
بعد شويه
ملاك:سليم
سليم:نعم
ملاك:عايزه اخرج
سليم:مش هينفع
ملاك:بس انا قولتلك امبارح وكنت موافق
سليم:موافق بس بشرط
ملاك:بجد طب ايه الشرط
سليم: انا هاجي معاكي ومش هتتحركي لمكان ولا تجري
ملاك:سليم انا زهقانه بجد وكده مش هخرج انت مش كنت موافق امبارح
سليم وبيتجنب النظر لعيونها :كنت بس النهارده لا
ملاك بزعل وبدأت تعيط
سليم:متعيطيش
ملاك بدموع وصوت عالي :في ايه مش عارفه انت مالك بقالك يومين متغير مش عارفه مالك قولي لانك كده بتتعبني وانت عارف كده كويس
سليم ببرودظاهري ولكن بداخله بركان لانه راي دموعها:متعليش صوتك يا ملاك ومتعيطيش
ملاك:انا ماشيه يا سليم انا تعبت والله تعبت بقالك يومين متغير ومش عارفه مالك ومستنياك ترجع زي الاول بس مرجعتش وانا تعبت انا ماشيه
حمزه:استني يا ملاك انتي عايزه تعرفي في ايه متمشيش هو بيعمل كده لسبب
ملاك وقفت قدام سليم:سليم
سليم بصلها كملت بهدوء ودموع علي خديها مثل الشلال:في ايه قولي علشان انا تعبت وهبعد يا سليم انا تعبت ملاكك تعبت يا سولي مش انت بتحب ملاك في ايه قولي علشان لو مقولتش هعتبر ان ده اذن منك اني ابعد عنك يا سليم
سليم بعصبيه ودموع :في ان لسه خطر الاسيوطي في ان الاسيوطي لسه عايز يقتلك في ان انا مش عايز احس نفس الاحساس في ان مش عايز احس اني ضعيف سليم المنشاوي اللي الكل بيشهد بجبروته وقوته واللي الكل بيخاف من اسمه بس معرفش يحمي روحه في انك كنتي في وضة العمليات وروحي معاكي وانا برا ضعيف مش عارف اعمل ايه في انك فضلتي اكتر من تلت ساعات في اوضة العمليات ولما طلعتي كان ممكن تدخلي في غيبوبه واحتمال انك تفوقي قليل جدا في ان الاسيوطي لسه بيحاول علشان يقتلك في ان انا خايف انك تسمعي كلام الاسيوطي تاني وتبعدي عني 12سنه كنت عايش روبوت وانتي شوفتي كنت عامل ازاي 12 سنه انا بقوم باليل علشان بخاف لتكوني هتمشي وتسيبيني شوفتي بقي ليه باعد عنك عرفتي ليه مش عايزك تطلعي بره لوحدك وعايزك معايا