رواية قدر قلبي الفصل الحادي عشر 11 بقلم ندى أحمد
رواية قدر قلبي الجزء الحادي عشر
رواية قدر قلبي البارت الحادي عشر
رواية قدر قلبي الحلقة الحادية عشر
بعدم فهم =ايه الي بيحصل هنا !!
~ قررت اكتب كتابي النهارده وكمان مفيش فرح .. من النهارده ندي هتكون مراتي
= نعم !!
اما ندي فكانت واقفه مصدومه وبتبص ل دوروك نظرات كلها استنجاد وعيونها بتدمع وماسكه ايده و بتترعش
~ اه شكرا يا دوروك انك جبتهالي .. من غيرك مكنتش هعرف هلاقيها النهارده وكان هيتأجل جوازنا يوم كامل
و بص علي ايدهم الماسكه فبعض
~ تقدر تسيب ايدها يا دوروك خلاص ..
دوروك مكنش عارف يعمل ايه ولا يتصرف ازاي
ساب ايدها وهي رجعت مسكتها تاني
بصوت مرتجف -ا.. ارجوك متس..بنيش
=اسف …
وساب ايدها و راح قعد جمب باباه و ندي بصتله بخيبه امل و صدمه من تصرفه
وبعدها استجمعت شجاعتها
-انا مش هتجوزك يا مروان !! افهمني انا مش طايقاك ومش حاسه معاك بالامان ومش بحبك كمان !!
مروان اتحرج من كلامها دا قدام المأذون و باباه و دوروك
مسكها من دراعها جامد
~ عيب عليكي تعملي كدا قدام المأذون !!
وهي كانت باصه علي دوروك الي ودي وشه الناحيه التانيه
فلتت دراعها من ايد مروان
بدموع-يرضيك يا مأذون تجوز واحده بالعافيه ؟! اكيد عندك بنات ومترضاش دا يحصل فيهم
+ انا شايف انكم لو مش متفاهمين من الاول ف بلاش جواز
~ اصل انت متعرفهاش يا مأذون .. انا دفعت لابوها المهر و بعدها هي غيرت رأيها وقالت مش عيزاني .. وكمان افترت علي اخويا .. شفت اد ايه هي مش بريئه زي م باين عليها ؟!
+ خلاص يبنتي طالما مهرك اتدفع يبقا يا ترجعي المهر يا تتجوزيه .. دا العدل
-هشتغل و هدفعهولك يا مروان بس سبني فحالي
مروان ضحك
~ شغلانه ايه الي ممكن تجبلك ٢ مليون ونص ف ٥ سنين حتي ؟!
+ طب خلاص يبني انا من رأيي تسبها فحالها و تستعوض ربنا فالمهر و انا شايف انه اكيد المبلغ دا ميفرقش حاجه معاكم .. دا انت ابن حسام السيوفي
~ لا هتجوزها بالعافيه حتي .. يلا يا مأذون اكتب الكتاب
+ مش هكون طرف فحكايه زي دي
قاطعت كلامهم ندي
-و رجولتك هتسمحلك تتجوز واحده مش عيزاك ؟!
قرب منها وهو متعصب و شدها من شعرها جامد
دوروك قام من مكانه وهو متعصب و فلت ايده من شعرها و هي وقفت وراه بخوف
= هي مش عايزه تتجوزك يا مروان .. خلاص فكك منها
~ دوروك انا بحاول مفهمش الموضوع غلط و بحاول اصفي نيتي ف ملكش دعوه بالخلاف الي بينا
=انا قاعد ساكت اهو من الصبح و مستنيك ترجع فقرارك لما تشوف اصرارها و كرهها ليك بس لازم اتدخل طالما انت معندكش دم ولا ضمير
~ ايوا هتعمل ايه مثلا
= هتجوزها .. عارفك مش هتسيبها فحالها غير لما تبقا مرات حد تاني ف انا هتجوزها
مروان مسكه من ياقه قميصه
~ انت سامع الكلام الي بتقوله دا !! هتتجوز خطيبتي!!
الاب راح ناحيتهم لما شاف الموضوع هيقلب بخناقه
> مروان .. انا لما جيت معاك اخطبهالك افتكرتها لو وافقت عليك ف هتوافق لانها حباك و لما وافقت قولت كلامي صح بس طالما وصل الموضوع انها بنفسها بتقولك بكرهك ومش طايقاك يبقا خلاص يا مروان الموضوع منتهي .. الجواز بالذات مفهوش اجبار
~ بس انا بحبها يا بابا
> وهي مش بتحبك ..
و بص علي ندي
> دوروك بيقول انه عايز يتجوزك .. موافقه عليه يبنتي ؟!
بخجل – ايوه
ووقفت جمبه ومسكت ايده
~ انتو اكيد اتجننتو !! انا لا يمكن اسمح ل دا انه يحصل ..
> هي الي اختارت يا مروان .. اكيد مش مع الوقت هتلاقي بنت تحبك و تحبها لكن انك تجبر حد عليك دا مينفعش .. مش حلو ليك انت و هيدمر ثقتك فنفسك فكل يوم هيعدي من الجوازه دي عشان كدا متنفعش .. لان انت ابني وانت الي تهمني اكتر منها و انا شايف انك هتضرر اكتر منها لو اتجوزتها
مروان طنش كلام الاب و ساب القصر و قفل الباب جامد
> متقلقش يا دوروك هيهدي بعد شويه هو بس محتاج يقعد لوحده شويه
> يلا يا مأذون اكتب كتاب دوروك و ندي .. خلينا نفرح
المأذون كتب كتابهم
‘ بارك الله لكما وجمع بينكما علي خير ‘
اول لما دوروك سمع الكلمه دي حضنها جامد .. و كانت عينه بتدمع و مش مصدق نفسه
= معقوله بقيتي مراتي ؟! اكيد بحلم اكيد
-قفصي الصدري هيتكسر يا دوروك 😂😂😂
خرج من حضنها
= اسف اسف مكنش قصدي اوجعك
-يبني لا كنت بهزر معاك
= يبني ؟!
-اه
= مفيش يا حبيبي مثلا؟!
-لا مفيش
= لا انا كدا اتضحك عليا وفهمت الجواز غلط
بضحك -مش مشكلتي
= طب بما انك خلاص بقيتي مراتي فهمي نظمي قوليلي .. بتحبيني ؟
قعدت تفكر كتير
=هو السؤال محتاج التفكير دا كله ؟
-احم احم و شاورت علي باباه و المأذون
=اهاا فهمت
شكر المأذون وسلم علي باباه و حضنه وشكره علي انه نصفه المره دي و اخدها لاوضته
=هنعيش فالاوضه دي مؤقتا لغايه لما نشوف بيت لينا .. بيت هادي و جميل فمكان مفهوش ناس كتير
-ايه دا انت ازاي عرفت ان دي مواصفات البيت الي عيزاه ؟!
= فاكره مره واحنا بنتناقش فالبروجيكت عن ايه اكتر مكان الناس بيحبو يبنو فيه بيت ليهم و انتي قولتي الجمله دي ؟!
-ايه دا انت لسا فاكر ؟!
= انا عمري م نسيت .. كل تفصيله ليكي و كل كلمه قولتيها محفوره ف عقلي و قلبي
-طب انا جعانه
= حرام عليكي بوظتي الجو الرومانسي والكلام الي قولته
بضحك-اعمل ايه طيب منا جعانه ؟!
= طب تعالي
راحو ناحيه السفره وطبعا الاب نام ف اوضته والمأذون مشي
= اقعد هنا يا اميره وانا هحضرلك الاكل
-بس يا امير انا عايزه احضره معاك
= لا مفيش طبخ .. الاميره مش بتطبخ
-بلييز يا امير مره واحده بس
الاتنين بصو علي بعض وضحكو
-دا ايه خفه الدم الي انت فيها دي
= ايه رأيك نعمل زي الافلام و نروح نحضر كيكه و نرمي الدقيق علي بعض
بحماس-بتتكلم بجد ؟!
بضحك= انا قلت بردو ان دا هيعجب روح الطفله الي جواكي
بحزن -ايه دا يعني كنت بتقول كدا وخلاص
شالها و اخدها للمطبخ
-هتوقعنييي نزلنيي
= عيب عليكي انا بردو اوقعك ؟!
نزلها وبدأو تحضير الكيكه و يرمو علي بعض دقيق لغايه لما هدومهم بقت بيضه و المطبخ كله بقا دقيق
وفجأه الاب دخل عليهم وهو مش قادر ياخد نفسه
> الحق يا دوروك … مروان عمل حادثه !!!!
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية قدر قلبي)