رواية رساله الى أحدهم الفصل الثامن والثلاثون 38 بقلم هبة أحمد
رواية رساله الى أحدهم الجزء الثامن والثلاثون
رواية رساله الى أحدهم البارت الثامن والثلاثون
رواية رساله الى أحدهم الحلقة الثامنة والثلاثون
فرح / ممكن تكلم اعمامك وابوك انا عاوزاهم هنا ضروري
عمر / اطمني هم في الطريق على وصول و نصيحة من اخ لاخته بلاش ترضى بالهوان علشان اى حد انا عارف ان الولاد غالين عليكى بس مش هيكونوا اغلى من نفسك و من ضناكى اللى مات بسبب عمى مرتين
فرح / انا نفسي اعرف سبب واحد او غلطة لكل ده
عمر / فكرى فى كلامى و لو على السكن ستى هتخلى عمى يكتبلك شقة باسمك غير الشقة اللى كنتى قاعدة فيها مع الاولاد
فرح / انا مش عوزة حاجة غير الهدوم اللى عليه الحمد لله ربنا مش بينسى حد من عباده
عمر / ربنا يتم شفائكى على خير
بدور / فرح عوزة حاجات من الشقة
عمر / شنطتها اهى فى الكيس
فرح / فى شنطة فى الدولاب فيها اجنتات و كشاكيل وشنطه صغيره جنبها ممكن تجيبهم هم وبس ما يلزمنيش حاجه غير كده
بدور / و ولادى ارجوك
عمر / ولادك جاين مع ستى و نرجس
فرح / انت اطيب و اجدع اخ يا عمر ربنا يكفيك شر الظلم و أهله
عمر / عوزين حاجة تانى
فرح / انا بخير عوزة اقعد فى اوضة عادية و دلوقت
عمر حاضر هافوت على الدكتور مندور حاجة تانية
تم نقل فرح لاوضة عادية
بدور / ياريت سندوتش اى حاجة و كباية شاى
عمر / من عنيه
حمزة / السلام عليكم
فرح / وعليكم السلام
حمزة / الجماعة كلهم برة منتظرين الاذن بالدخول
دكتور مندور/ السلام عليكم دكتور حمزة ابعد الطور الهايج اللى برة عمال بيزعق و انتى انسانه ضعيفة بلاش الطيبة الزيادة هتفضلى تاخدى على دماغك طلما مكنش ليكى رد فعل فاهمة احمدى ربنا أننا ما اضطرناش لشيل الرحم وكنت هتفضلي طول عمرك محرومه من الولاد خليك شجاعه وخدي موقف انتى صعبانة عليه بجد
فرح / خلاص يا دكتور الكسره اللي حصلتلي علمتني ازاي اخذ حقي وبالاحترام
دكتور مندور / ده مش عاوزه احترام دي عاوز يتحبس عشان خاطر يتعلم ازاي يتعامل مع الناس
فرح / علشان ولاده هو يطلقني وخلصت المشكله ربنا يسهلله الحال ويرزق ولاده بللى ترعاهم بضمير
دكتور مندور / ربنا ييسر امرك يا بنتي ولو عاوزه اي حاجه انا تحت امرك ممكن اتوسط لك واشغلك في اي مكان انتى عاوزه انتى معاكي شهاده ايه
فرح / انا معايا دبلوم تجارة
دكتور مندور / ادي رقمي اتواصلي معايا وانا هخلي زوج اختي شغاله في البنك يشوفلك شغل
بدور / الحمد لله ربنا سبحانه وتعالى ميسر لكى الحال وموقفلك اولاد الحلال تشكر يا دكتور
دكتور مندور / البنت دي جبل من حق اي حد ان هو يساعدها
عمر / الجماعة كلهم وصلوا
حمزة / اسف يا دكتور على اللى حصل من عمى
دكتور مندور / عمك ده المفروض يروح يعيش فى مزرعة ميكنش فيها بنى ادمين يكون فيها شوية مواشى بقر و جاموس و خرفان
بدور / ههههه هارد على شوقى روح قلبى و خرجت تكلم زوجها
فرح / عوزة تقرير بحالتى المرة دى و كمان المرة اللى فاتت
دكتور مندور / عقلتى و رميتى الهبل ورا ضهرك وهتقولى اللى حصل لوكيل النيابه
فرح / لا هاخليه يطلقن ويا اسجنه من باب التهديد اسفة يا دكتور حمزة
حمزة / حقك و تشكرى على كده
فرح / علشان ولاده هم محتاجين لاب يكون فى نظرهم اب مثالى
دكتور مندور / انت فخر لاى حد يعرفك
وكيل النيابة و الكاتب اللى معاه خبط و دخل السلام عليكم
دكتور مندور / و عليكم السلام
استاذ امجد ( وكيل النيابة) ممكن نستجوب الأستاذة
دكتور مندور / ممكن نص ساعة فى مكتبى لحد ما المريضة تجهز حضرتك هتشوف التقرير
استاذ امجد / تمام يلا يابنى معانا
طلعت و مصطفى و مختار و الحاجة حميدة دخلوا عند فرح السلام عليكم
فرح / وعليكم السلام
طلعت / احنا اسفين و طلباتك اوامر
فرح / اخوكم يطلقني و دلوقت يا هاحبسه
مختار / حقك و طلبك هينفذ
فرح / انا هاخرج من المستشفى على اى مكان بهدومى اللى عليه و تليفونى و شويه اوراق فيها بعض روايات واشكركم على حسن معاملتى ربنا يجزيكم عنى خير
الحاجة حميدة / وهيهون عليكى تسيبى 3 اطفال بيحبوكى و معتبرينك امهم
فرح / و انا كنت و لازلت معتبرهم اولادى بس ابنك جبروته تخطى الحدود
الحاجة حميدة / طب لو قولتلك علشان خاطرى
فرح / خاطرك على رأسى اسفة معدش هاقدر اطمئن و انام و ابنك موجود فى حياتى
طلعت / خلاص يامه خدى يابنتى مش اختى ده عقد تمليك للشقة اللى انتى قاعدة فيها العقد مكتوب و متسجل بتاريخ قديم و ده عقد ايجار قديم للشقة اللى ساكنه فيها قربتك و اخوية هيطلقك دلوقت ربنا يسعدك يارب يلا ياجماعة
مختار / كده مرضية ياست الناس
فرح / انا م——–
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية رساله الى أحدهم)
