رواية كل حياتي الفصل الثاني 2 بقلم حمادة هيكل
رواية كل حياتي الجزء الثاني
رواية كل حياتي البارت الثاني
رواية كل حياتي الحلقة الثانية
ماما دخلت ندهت عليا ..تعالي سلمي على الضيوف
كنت لابسه فستان ازرق وطرحه بيضه لأنه بيحبهم عليا
وحاسه اني طايرة من الفرحه
قدمت العصير وقعدت انا وماما وبابا واختي
وبدأ يتكلم
طبعا يا عمي احنا أهل ..وانا بصراحه
فكرت كتير ودورت ..واتاكدت اني مش هلاقي نسب
افضل من نسب حضرتك
خلاص هيقولها انا مش مصدقه يا فاروق
الفرحه كانت في عنيه وهو بيقول
خلاص هيقولها انا مش مصدقه يا فاروق
الفرحه كانت في عنيه وهو بيقول
وعشان كدا يسعدني اتقدم واطلب ايد بنت
حضرتك الآنسه حنان !!
حنان !! بصيت له وانا مش مصدقه
وهو بيبص لحنان وفرحان اوي
شوفت ابتسامه على وشها ..مشوفتهاش من زمان
فرحه من قلبها ..انا عارفه اختي لما تفرح من قلبها
بتبقى عامله ازاي …بابا كان مبسوط وهو
بيقوله واحنا كمان يا فاروق مش هنلاقي احسن منكم
احنا أهل وناس بعض ووالدك الله يرحمه
كان غالي عليا
في وسط كل الفرحه دي ..شوفت نظرة حزن
في عيون ماما وكأنها بتواسيني
وبتقولي أوعي تتكلمي ولا تنطقي بحاجه
نار ووجع في قلبي ..وكلام كتير عاوزه أقوله
ليه يا فاروق تعمل كدا ..فين حبك ليا !!
معقول كل دا كان كدب ؟؟
طب لو ناوي تسيبني وتخطب غيري دا حقك
بس ليه أختي ؟
ليه تحكم عليا بالوجع دا بس ..كتير اوي عليا
انا مستاهلش كل دا
وحنان كمان متستهاهلش مني أكسر فرحتها
ها يا عروسه مقولتيش رأيك ايه في ابني
حنان بصت للأرض وقالت بخجل
اللي يشوفه بابا انا موافقه عليه يا طنط
شوفي ياختي دلع البنات
طيب يا حج ؟ قولت ايه
والله ..واضح كدا ان حنان مش معترضه
ولا أنا برضو ..وكمان مامتها وأختها مفيش عندهم
مانع ولا أيه ؟
ردت ماما بصعوبة وقالت
لا طبعا واحنا هنلاقي عريس زي فاروق لحنان فين
ألف مبروك يابني
لقيت فاروق بص لي وقالي
وانتي يا انسه سهيلة ايه رأيك ؟
بصيت ليه في تحدي وقولت ..
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية كل حياتي)
