رواية كان اسمه حبيبي الفصل الأول 1 بقلم آلاء محمد
رواية كان اسمه حبيبي الجزء الأول
رواية كان اسمه حبيبي البارت الأول
رواية كان اسمه حبيبي الحلقة الأولى
_ نورتي بيتك يا عروسة …
” قالها بسخرية ونظرات مش مفهومه “
+ شكرا يا حازم بس هو انت بتتكلم كده ليه..
” قرب مني وقال بصوت هادي بس رعبني “
_ عشان ده قبرك اللى هتدفني فيه بالحياه ، واوعدك كل يوم هتعشيه ف البيت ده هيبقي جحيم بالنسبالك وهموتك بس بالبطي …
+ انا مش فاهمه حاجه ايه اللي انت بتقوله ده …
_ بقول اللي سمعتيه يا حياه ، اوعي تكوني فاكرة ان دي جوازة حقيقي وان الدور اللي رسمته عليكي ده حقيقي .. هه تبقي مغفله يا دكتورة…
” اتصدمت من كلامه ودموعي نزلت .. مش ممكن يكون هو ده حازم اللي عيشني احلي 6 شهور خطوبة .. مش ممكن يكون هو ده اللي حبيته واتمنيته من بين جنس الرجالة كله “
قال بحده _ انتي هنا مش اكتر من خدامه .. وملكيش اي حقوق … هتعيشي زيك زي الحيوانات … هتنضفي وتطبخي وتخدميني وطول ما انا ف البيت مش عايز اسمعلك صوت … ودي اوضتك يلا اتفضلي…
قربت منه وقولت بدموع + حازم فوق .. انا حياه .. حبيبتك … اللي استحملت كل حاجة عشانها … اللي فضلت تجري وراها سنتين عشان توافق تتجوزك .. وحبيتك واطمنتلك واتجوزتك …
“قرب مني ومسكني من شعري “
_ اوعي تقولي كده تاني .. انا مش بحبك .. انا بس عملت كل ده عشان اكسرك واكسر مناخيرك اللي رفعاها ف السما دي .. ووعد مني يا حياة هوريكي العذاب اشكال والوان وهتشوفي…
” زقني ودخل الاوضه ورزع الباب … قعدت اعيط وانا مش مصدقه .. مش ممكن تكون كل حاجة كذب … مش ممكن تكون كل المشاعر الحلوة اللي حسيتها كذب .. والحب اللي كان ف عنيه كمان .. معقولة انا غبيه للدرجادي .. طيب عمل كده ليه .. قلبي واجعني اوي .. قمت غيرت هدومي واتوضيت وصليت وقعدت اشتكي لربنا .. لحد ما نمت ع الأرض من التعب “
_ قومي يا زفته انتي …
+ ايه فيه ايه ؟!
_ فيه ايه!!! … قومي يا هانم حضريلي فطار .. واعمليلي قهوة …
” قومت وقربت منه بلهفه “
+ حازم يا حبيبي انت بتعمل كده ليه بس .. انا زعلتك ف حاجة طيب ..
زقني وقال _ اياك تقربي مني تاني او تلمسيني .. سامعه .. يلا انجري علي المطبخ ..
” دخلت المطبخ وانا دموعي ع خدي .. ليه بس بيعمل كده .. انا اكيد زعلته ف حاجة وهو اما يفطر ويشرب القهوة ويروق هيقولي ماله “
حضرت الفطار وروحت الأوضه عشان الأوضه عشان اقوله سمعت بيتكلم وبيقول ..
_ متزعليش مني يا امل .. انا بعمل كل ده والله عشانك واوعدك هجبلك حقك… منهم كلهم …
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية كان اسمه حبيبي)
تعليق واحد