رواية كامل الأوصاف الفصل الحادي والعشرون 21 بقلم صفاء حسني
رواية كامل الأوصاف الجزء الحادي والعشرون
رواية كامل الأوصاف البارت الحادي والعشرون
رواية كامل الأوصاف الحلقة الحادية والعشرون
سألها كنان وهو مستغرب خوفها:
هو انتى ليه خايفة منى أنا بحبك يا عشق وعايزك تحسي معايا بالأمان والطمأنينة اوعى فى يوم تحسي بخوف والا جواك قوليها.
تنهدت عشق وقالت:
انا مصدومة وفى حالة لخبط ما بين شخصيتك الا كنت اعرفها ،ودلوقتي اعذرني يعني أنا واخدة على ايمن، كنت أقوله يا ابنى ويعم ومصطلحات كتير ،وكان يضحك عليها، ويتكلم معايا بنفس اسلوبى ،ايمن الا كان معايا وقت تعب بابا وشاف حزنى وكان يحول يخفف عليا بكلمة أو ضحكة
ام مستر كنان تعاملي معه من خلال الورق
وكلها كانت تعليمات دكتور ليه شأنه ومكنته في الجامعة وفى الشركة منكرش انى حسيت وقت ما كنت بتشرح لي قبل الامتحانات أن ده استحالة يكون عامل بسيط او حتى طالب لسه متخرج من الجامعه عشان شرحك كان فعلا احس انه دكتور لكن وقتها مكنتش مركزة انت ازى عرفت تفصل ما بين كنان وأيمن ما بين الدكتور كنان رفيع هو ايمن السواق أنا مش عارفه بجد
ابتسم كنان وسألها :
اكيد كان صعب ومش اكذب عليك أنا اكتشفت نفسي معاكى من خلال ايمن اه كان صعب عليا جدا لكن انتى الا علمتنى اول مره ركبت فيها اتوبيس كان معاكى وقتها مكنش معايا حرفيا فلوس فكة أو اي فلوس كان كله كيد كرد
ووقتها عيشتنا حياة الناس البسيطة
وفاكر اول مره اكل سندوتش فول على العربية انتى بردو الا علمتنى لم كنت تعبانة وخرجة من الجامعة وقولت انك جعانة ولم سالتك تحب تاكلى ايه
ضحكت عشق وقالت:
اه والله وقتها كنت هموت من الجوع ومكنش معايا فلوس تجيب اكل فى الجامعة وانت بتقولى اشتري اكل من المطاعم وقتها ضحكت عليك
وقولت ليك
اكل من مطعم ايه يا ايمن ما تقولى يا باسط انت ليه عايز تصرف اول مرتب ليك على أكلة تعالى معايا بس هناكل أكلة هنعقد طول اليوم عليها
ابتسم كنان وقال
أنا وقتها استغربت أكلة ايه الا يفضل قاعد طول اليوم عليها من غير ما يجوع ولم انتى وقفتنى بعيد بالعربية وقولت
نزلنا هنا واقفل العربية كويس وتعال أكلك طبق فول من الا قلبك يحبه أنا كنت زى المسحور فعلا مشيت وراك وانا بحاول اكون العامل البسيط و
عند عربية فول وطعمية كنت مصدوم لكن بقيت
احاول اقلد الناس إلا واقفة
هزت راسها عشق وقالت:
والله العظيم مش عارفه اقولك ايه اعتذر انى عيشيتك في مستوى والعالم بتاعى والا افرح انك بتقولى انك اتغيرت علشانى
هز رأسه كنان وقال
طيب بمناسبة الاكل أنا جعان وانتى اتاخرت عليا وانا طول ما بكون جعان عقلي بيكون واقف فهمتى ليه بقي دخلتك هنا
بس انتى مصممة تفضلي واقفة على الباب
هزت راسها عشق وقالت:
حاضر بس انت اتعامل معايا دلوقتي على انك كنان بيه وروح شوف شغلك
ضحك كنان وسألها
طيب لم كنت في حضنى من شوية حسيت بمين معاكى فين ولم شفايفى لمست شفايفك حسيت بمين فين عايز افهم احساسك ومشاعرك كلها
شعرت بخجل عشق من سؤاله
انت ضحكت عليا على فكرة وخطفتين من أقدم الشركة ودلوقتي بتخطفينى تانى وبدخلنى البيت بالعافيه وبعد كدة تقولي جعان
انت مصمم تخلينى كل لحظة احس انك شخصيتين في الافضل نتعرف على بعض من الاول عشان فى لحظة بحس معاك ب الأمن وفى لحظة خوف
ابتسم كنان:
طيب أنا فهمت دلوقتي انتى عايزاه تتعرف على كنان رفيع صح
هزت راسها عشق بالتأكيد:
طبعا بس قبل ما اعرفه أنا لازم الكل يعرفه فى الشركة
انت خلاص عرفت مين عدوءك وكمان قدرت تخرج من العزلة الا عيشيت فيها غصب عنك يبقي لازم تكون مدير بجد تعرف كل حاجه عن كل موظف عندك
ابتسم كنان وقال:
ما أنا عارف كل تفصيلى كبير او صغيرة عنهم
هزت راسها عشق بالنفي:
لا طبعا انت تعرف اسماء بتتسجل ببصمة على الكومبيوتر أنا بتكلم عن بشر احساسي مشاعر فاهمنى
هز رأسه وقال
حاضر يا ستى اروح اعمل اجتماع دلوقتي وانتى حضر الاكل وبعد كده لم نرجع هبقي اعرف الكل اوكى
ابتسمت عشق وقالت:
حاضر يا مستر كنان
شهق كنان وقال
مستر كنان ماشي يا عشق لم نشوف اخرتها معاكى .
خرج كنان على البرندة واقعد على كنبة كبيرة تنظر على الحديقة وترك عشق تعمل الاكل الا أصبح مدمنة الاكل من ايديها اول مرة ياكل اكل بيتي وصحي من ايديها
ورجع راسها للخلف وهو سعيد مكنش متصور أن فى يوم يحسي بالفرحة ده او السعادة ده
قطع شروده عامل فى المزرعة وقال
مساء الخير يا كنان بيه حمد الله على السلامه ليك وحشه
ابتسم كنان ورد عليها
اذيك يا عم سلطان اخبارك ايه
رد سلطان أنا بخير يا ابنى نشكر ربنا كله من خيرك انت والباشا رفيع
ابتسم كنان وقال
متقولش كدة انت الخير والبركة اومرنى يا رجل يا طيب
ابتسم سلطان
والله محرج منك يا كنان بيه لكن يكون لي الشرف انك تحضر فرح بتى الوحيدة النهاردة الحنه وبكرة كتب الكتاب وكمان جيب السنيورة معاك ياه مش عارف هنفرح ازى
ابتسم كنان وقال
اكيد طبعا أنا موافق يكون الساعه كام
ابتسم سلطان بفرحة وقال
الساعة 8 يا بيه والله ما عارف اشكرك ازاي هو يكون هنا فى المزرعة مع الفلاحين هتنبسط اوى يكون بين الغيطاني وهنولع كهراب ونحط زينا
ساله كنان وقال
يبقي كدة هتحتاج مساعدة اتغدى واجى أنا وعشق ونساعدكم اوكى
هز رأسه سلطان بفرحة وقال:
والله ما عارف اقولك ايه اكيد تنورة منتظرك
انسحب سلطان وقام كنان يشوف عشق من بعيد
كانت عشق بدت فعلا تجهز الاكل وتظبط الدنيا
وعملت نفس ما كانت بتعمل معه ووضعتهم في صنية
دخل كنان ورفض :
لا المرة ده هناكل مع بعض مفيش مدير يعني حط الاكل على تربيزية المطبخ اتفقنا
هزت راسها عشق وقالت
تمام اروح اغير هدومى اخ نسيت أنا مش معايا هدوم
أنصدم كنان
انتى لسه مصممة مش تلبسه من الفساتين اقسم بالله لو ملبستيش مش هاكل
كانت عشق فى حيرة وقالت:
حاضر متزعلش نفسك بس احسابك على تمن الا استمعلهم انت عارف شخصيتى مش جديد عليك
ضحك كنان
هتقوليلي اعمل الا عايزه يا مجننى لحد ما توافقي عليا اه نسيت اقولك معزومنى على فرح بنت المستأجر المزرعه فاختاري فستان حلوة
هزت راسها عشق وقالت
بجد فرح فى الاريف كنت نفسي احضر فرح معاك طبعا
طلعت جري عشق بطفولة غيرت هدومها ولبست فستان لونه سماوي مثل لون السماء والبحر سادة ولفت شعرها كحك ونزلت كانت اميرة
انبهر كنان بيها مكنش اقدر يسيطر على مشاعره لكن لازم تكون متقبله الاول وصفر تصفير تشجيع وأعجب
ايه الحلوة دي أنا مش اقدك
شعرت عشق بخجل وكسوف واقعدت وبدوا يأكلو
وبعد كده شالت الاطباق وكانت هتبدا تغسلهم رفض كنان
لا بقي الفستان ده مش ينفع لده وانا عندى هنا غسلت اطباق وفتح الغسالة ووضع كل الصوانى والاطباق وحدده على وقت
وسحب أيده وقال
يلا بينا وانكشه من ذرعها مشيت جنبه وهى فعلا اميرة
اتجهوا نحو الأرض والزرع وكانت فرحانة جدا
وكل الا فى المزرعة رحبوا بيها وعرفهم كنان وقالهم
خطيبتى عشق حسين مكتوب كتابنا وانشاء الله قريبا هنتجوز
شعرت عشق بالحراج وأنه بيحطها في الأمر الواقع لكن بردو هى بنت وسمعتها ووجوده هنا مكنش ينفع من غير ما تعترف بكتب الكتاب حتى قربه منها ده عشان هى حلاله ملهاش دعوة إن كان توكيل المهم انهم وقت ما وكلوا اهلهم كانوا موافقين على اي قرار
هنا سلطان لم عرف فرح جدا وخطط مع اهل المزرعه على خطة
وبعد ما قاموا بتزين المكان وكانت عشق بتساعدهم وهى فرحانة جدا
وكان كنان يتابعها من بعيد وهى وسط الزينة والأرض الزراعية حوريه من الجنه
اقترب المغرب والكل صلي السيدات في دار كبيرة والرجالة في الساحة وبعد كده بدت الحينة
والرقص والغنى وبدت البنات تحط حنة لبعض وطلبوا عشق تشركهم وفعلا حطت حنا معهم على ايديها ورسمت بتاعت الحنة قلب على رقبتها وفرع زهرة على كتفها
وفتحت سوستى الفستان ورسمت على ظهرها
كانت عشق فرحانة جدا بالجوى ده والاحتفال خارجها من حزنه والمها على فراق ابوها
عند الرجل الضحك وسمع الاغانى الشعبى والرقص بالخشب وبعد كده بدأ العشاء ينزل هنا وهنا
مرة الوقت عليهم خرجت عشق برا تدور على كنان كانت بتلف يمين ويسار
جيه وراها كنان بدور على مين
انفزعت عشق واترمت في حضنه من الخوف
ضمها كنان ما بين أحضانه وطمنها
متخفيش طول ما انتى معايا مفهوم
تعالي وقعدت جانبه على حصيرة كانت مفروشه على الأرض ومع الهواء بدت النوم يداعب عيونها ومالت على كتفه من التعب
تركها كنان وهو ينظر لها بحب وفضل هو صاحي عشان يكون مطمنى عليها
اقترب منه سلطان وقال
انت بتحبه جوى يا كنان بيه
ابتسم كنان وقال
حبى مش عارف اوصفه والله يا عم سلطان حاجة كدة اخترقت كل كيانى زى الرصاص الا بيغترق القلب مباشرتنا
ابتسم سلطان وقال
اشي رايك دخلتكم تكون بكرة مع بنتى وانى جهزت فستان زفاف ليها وبدلة زياده ليكم ايه رايك
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية كامل الأوصاف)
