رواية قلب الفهد الفصل الثالث 3 بقلم ندى رأفت
رواية قلب الفهد الجزء الثالث
رواية قلب الفهد البارت الثالث
رواية قلب الفهد الحلقة الثالثة
بليل ..
في اوضه الضيوف ..
خبط حد على جيان…
جيان بخوف :مين ..؟!!
داده عبير: انا يا بنتي كنت عايزه اقولك ..إن العشاء جاهز..تحبي أجبهولك ..ولا تنزلي تاكلي تحت ..
جيان : لا يا داده متتعبيش نفسك شويه وجايه ..
داده عبير: ماشي يا بنتي ..
وبعد فتره نزلت جيان تحت ..لقت جد فهد قاعد على السفره واول ما شافها ابتسم وقال : يااااااا… حبيبتي هتيجي تونسني انهارده بدل ما انا كل يوم باكل لوحدي ..
قعدت جيان وقالت: وهو عمر فهد ..ما جه قعد على السفره خالص ..
جد فهد بحزن :بقاله فتره كبيره اوي مايجيش..دايما بيتعشي يا بره يا في مكتبه …
جيان : هو زعلان منك في حاجه…
جد فهد بنفي : لا والله يا بنتي ..مش فاكر اني زعلته في حاجه ..
فجأه راحت قامت جيان وقالت: طب انا هخلي فهد يتعشى معانا انهارده …
جد فهد : بلاش يا بنتي دا متعصب وعلى آخره خليها بكره..
جيان : لا ..لأن طول ما فهد قاعد لوحده عمر ما حاجه فيه هتتغير ..لكن لو قعد في جو اسري واتكلم عن نفسه وفتح أحاديث… دي حاجه هتغير جدا ..من نفسيته وتفكيره …
جد فهد : ما هو بيروح الشغل وبيحاور ناس كتير يا بنتي ومفيش تغير..
جيان : انت فهمت التحاور غلط يا جدو ..التحاور الي انا قصدي عليه ..هو انه يفتح قلبه…ويتكلم عن نفسه ..بدون اي قيود …علشان كدا انا هروح اجيبه…..هو في مكتبه صح …
جد فهد بقلق : ايوه صح ..
جيان : متأكلش اي حاجه غير لما يجي …فين الاكل الي كنتي هتودهوله يا داده ..
داده عبير : الصنيه اهي يا بنتي…
راحت مسكتها جيان واتجهت لاوضه المكتب …وبعدها خبطت …
سمعت صوت فهد بيقول : خشي يا داده ..
خدت جيان نفسها ودخلت ..
فهد : انتي ايه الي جابك هنا ..
جيان بتوتر: داده عبير تعبانه شويه فأنا قولت اجاي اديهولك ….انا ..
فهد : طب خلاص حطيه على الترابيزه دي …واطلعي برا …
جيان : لا مش هينفع لازم تيجي تاخده ..مني ..بصلها فهد بأستغراب …
جيان بتوتر: أصل الصنيه تقيله وانا مش هعرف اتحرك بيها ..
فقام فهد ورحلها وكان هياخد منها الصنيه ..لكن جيان رجعت لورا
فراح فهد علشان يخدها تاني فرجعت جيان لورا فخرجت من اوضه المكتب …
فحاول فهد ياخدها تاني بعصبيه
فرجعت جيان لورا ..
فهد بعصبيه : طيب أوقفي علشان اعرف أخدها منك ..
جيان : بحاول والله……
وفضلت جيان تعمل كدا لغايه ما راحت السفره وحطت الاكل عليها …..
جيان : ياااا..دي كانت تقيله اوي بس الحمد لله اني حطتها على السفره يلا يا فهد ..اقعد علشان تاكل…
فهم فهد قصدها …راح رمى الصنيه بالأكل على الأرض وقال : طب انا مش عايز اكل حاجه
جيان بسخريه : فهد بيه …المهنه : رمي صواني ..والله بيصعب عليا طقم الطباق والكوبيات الي بتحبوها كل يوم …والله يا داده عبير انا رأي تشتروا المصنع كله احسن … ولا أيه يا فهد ..
رحلها فهد وقال بعصبيه : اشتري المصنع كله اكسر طباق كوبيات ..متدخليش ..اعمل الي انا عايزه …انتي فاهمه …وكان فهد هيمشي راحت قالت جيان : الي انت بتعمله دا …عمره ما هيخرجك من الي انت فيه …بل هيدخلك اكتر لازم ..تساعد نفسك …
فهد: وانا بقا مش عايز اساعد نفسي ..ولا عايز اتغير ارتحتي .. وياريت توفري الكلام دا للمرضى بتوعك ..متيقلقي هيحتاجوه اكتر مني ……وبعدها سابها ومشي ….
جد فهد حاول يتمالك دموعه وقال بحزن حاول يخفيه : مش قولتلك يا بنتي متجبهوش ..أهو الاكل برد أهو ….ومكلناش
مسكت جيان إيد جد فهد وقالت : متضايقش كل ..حاجه محتاجه ..وقت علشان تتغير وبعدين انت مش وثقت فيا بعد ربنا..
جد فهد : ايوه يا بنتي …
جيان بابتسامه : خلاص ..يبقى متقلقش وان شاء الله ..كل حاجه هتتحل …..ينفع بقا ناكل علشان جعانه …
ضحك جد فهد وقال : وانا كمان ……..
الكاتبه: Miyano shiho (ندى رأفت )
الصبح …
نزلت جيان من على السلم…
داده عبير : صباح الخير يا حبيبتي
جيان: صباح الخير يا داده اومال جدو فين
داده عبير : جد فهد خرج يشم هوا شويه ..
وقبل ما تتكلم جيان .. خبط حد على باب الفله
جيان : إيه دا مين هيجلنا دلوقتي ..استني يا داده انا هفتح …
واول ما فتحت جيان ..لقت ست في عمر الخمسين وشايله طفل رضيع في ايدها ..
جيان بأستغراب: مين حضرتك ..؟!
الست : انتي جيان …
جيان : ايوه..انا ..ليه ..
الست : طب مش تقوليلي ..اتفضلي ..ولا هتفضلي سيباني على الباب كدا ..
جيان : لا طبعا اتفضلي …
ودخلت الست …قعدت على الكنبه وجيان قعدت جنبها ..
جيان : انتي تعرفيني منين ..؟!
فجأه طلعت داده عبير عليهم وقالت : مين يا ..وقبل ما تكمل ..راحت انصدمت وقالت : ازي حضرتك يا مدام ..اي سبب الزياره …
الست : ازيك يا عبير ..
جيان : إيه دا يا داده انتي تعرفيها..
الست : طبعا تعرفني …
جيان : ليه حضرتك مين ؟!
الست : انا والده رقيه زوجه فهد الأولى..وجايه أحذرك..انك لازم تسبيه بسرعه ..
جيان : تحذريني من إيه…واسيب مين
الست : أحذرك من فهد …………….
يتبع..
لقراءة الفصل التالي : اضغط هنا
لقراءة الرواية كاملة اضغط علي : (رواية قلب الفهد)
تعليق واحد