رواية قلبي ومفتاحه الفصل الثالث والثلاثون 33 بقلم روز أمين

رواية قلبي ومفتاحه الجزء الثالث والثلاثون

رواية قلبي ومفتاحه البارت الثالث والثلاثون

رواية قلبي ومفتاحه الحلقة الثالثة والثلاثون

🔹️البارت الثالث والثلاثون🔹️
بعد يومان من عقد القران،،ذهب أدهم لبيت الحاج رأفت لإصطحاب مها إلي القاهرة،، لعودتها لدراستها التي إنقطعت عنها لإسبوع كامل !!
صعدت معه سيارته تحت أنظار والدها ووالدتها وعلا أختها الصغري !!!
حرك أدهم مقود سيارته،،وبعد إبتعادهم،، نظر ل مها وأمسك يدها بحب وقبلها بشغف ♡
وتحدث بحب٠٠٠وحشتيني يا نور عيوني ♡♡
مها بسعادة٠٠٠وإنت كمان يا أدهم،،وحشتني أوي ♡♡
نظرلها بعتاب٠٠٠٠واللي حبيبه واحشه يقعد بعيد عنه أوي كده؟؟
إبتسمت له بخجل،، مد يده لها بحنان،، سحبها وأدخلها بحضنه،،وضعت رأسها علي كتفه بحنان ووضعت كف يدها علي موضع قلبه،،وإستكانت داخل ملاذها !!
أدهم ممسكآ برأسها ورفع ذقنها له،،ونظر لها بحب مقبلآ جبهتها
وتحدت٠٠٠هو أنتي عملتي فيا أيه ؟؟مش عارف أنام يا مها،،شكلي كده مش هاعرف أنام غير بعد جوازنا إن شاء الله،،ساعتها بس هارتاح وأخدك في حضني وأقدر أنام !!!
شددت من إحتضانه من فرط سعادتها بكلماته التي تشعرها أنها ملكة مميزة،،
وتحدثت بدلع ٠٠٠بحبك يا دومي ♡
تحدث بتهديد مفتعل٠٠٠لا بقولك أيه،،أنتي مش أد اللي بتعمليه ده،، مش كل مرة تقعدي تتدلعي،، وبعدين تعيطي وتجيبي ورا،،
زي يوم كتب الكتاب كده،، لما قعدتي تتدلعي وتحسسي بنعومه علي شعري ورقبتي لما جننتي أمي،، وبعدها كنتي هاتعيطي،، سيبني ياأدهم،، عيب كده يا أدهم،، بابا برة يا أدهم،،
كان يقلد صوتها وهو يتحدث،، مما جعلها تدخل بنوبة ضحك وتخرج من بين أحضانه بقهقهه عاليه !!!
نظر لها بإبتسامه ونظره مسحورة من جمال وجهها الضاحك بسعاده ♡
أدهم ببسمه٠٠٠عجبك أوي الكلام ،،صح !!!
هزت له رأسها بإيماء وضحك ٠٠٠ بصراحه أه،،واللي عجبني أكتر لما محمد خبط علي الباب،، وأنت جريت وقعدت تظبط في لبسك وشكلك،، وقعدت مكانك قمة في الإحترام،،ولا كأنك كنت هاتفترسني قبلها بثواني !!
ثم نظرت له بإستغراب٠٠٠هو إنت إزاي بتقدر تتحكم في إنفعالاتك بالشكل الرهيب ده؟؟
تحدث بغرور٠٠٠دي إمكانيات يا بنتي،، حاجه كدة كبيرة علي واحده في سنك تفهمها !!
ثم نظر لها بلوم وتحدث٠٠٠٠إنتي أيه اللي خرجك من حضني؟؟ تعالي هنا،، وسحبها من جديد وهو يقبل جبهتها ويشتم رائحة جلدها التي بات يعشقها و يتنفسها♡
ظل علي وضعهما هائمين في عشقهما الحلال،،مابين قبلات وهمسات وضحكات،، حتي أخرجهما هاتف أدهم !!
أمسك هاتفه،، نظر به وجده أيمن،، رد عليه !!
أدهم بجديه٠٠٠أيمن باشا،،صباح الخير!!
أيمن٠٠٠صباحك فل يا عريس،،أنا وصلت الجامعه أهو وجبتلك كل اللي طلبته يا باشا،،والله من الفجر وأنا في محل الحلويات بجهز لسيادتك الجاتوهات والشيكولاته،، يلا،، عد الجمايل يا أدهومه !!!
أدهم بضحك٠٠٠ أردهالك في فرحك يا باشا،،وبعدين أنا جمايلي عليك من يوم ما عرفتك،، أنت هاتظيط ولا أيه يا أيمن !!
أيمن بضحك٠٠٠ياساتر عليك،،ماحدش يعرف يغلبك أبدآ !!
أدهم بضحك٠٠٠٠أنسي،،وأكمل بجديه٠٠٠ تمام يا أيمن هاتصلك ب عدنان اللي ماسك الكافيتريا،، يطلع هو والشباب ياخدو منك الحاجه،، وأنا في الطريق،، نص ساعة بالكتير وأكون عندك بإذن الله !!
أيمن٠٠٠لا يا حبيبي،، أنا هاروح أنام وأنت مع نفسك بقا،، يلا سلام،،
ثم تحدث بمرح ٠٠٠أه بالمناسبه،،سلملي علي الموزه اللي جنبك !!
أدهم بحنق٠٠٠إخرص يا أيمن وأشتري عمرك أحسنلك،، يلا سلام !!
نظر لها وجدها تنظر له بإستغراب،،وبعيناها حزن وعدم رضي،، إستغرب،، لما نظرة الحزن تلك؟ ماذا حدث ؟؟
أدهم بإستغراب٠٠٠مالك يا حبيبي،، أيه اللي حصل ؟؟
مها بحزن٠٠٠هو صاحبك كان بيقولك أيه ؟؟
أدهم بلا مبالاه٠٠٠مافيش،،كنت حاجز جاتوهات وشيكولاتات وكرواسون،، علشان عميد الجامعه والدكاترة وزمايلك،، يعني،، علشان ماعزمتهومش في كتب الكتاب،، قولت أجبلهم حاجه حلوة،، وإن شاء الله نبقا نعزمهم في الفرح،،
كلمت أيمن راح إستلمهم ووصلهم لعدنان في الكافتيريا،، وعدنان جهزلي كانز من عنده،، وبس !!!
ثم نظر لها بإستغراب٠٠٠إنتي بتبصيلي كده ليه؟؟وأيه نظرت الحزن اللي في عيونك دي يا روحي؟؟
مها بحزن٠٠٠هو أنت ليه مش بتقولي علي كل حاجه يا أدهم،، مش المفروض إني بقيت مراتك،، والمفروض كمان أعرف كل حاجه عنك بالتفصيل،،تشاركني يومك،،تفاصيلك،،
ليه بحسك كتوم،، ومش بتخرج كل اللي جواك بسهوله !!!
أدهم بنظرة حزن لأجلها ٠٠٠تعالي يا قلبي في حضني،، تعالي يا حبيبي وأنا هافهمك ♡♡
أدخلها بحضنه بحنان وقبل شفتاها سريعآ بنعومه ♡
ثم تحدث٠٠٠مش يمكن ما قولتلكيش علشان عندنا الأهم اللي نتكلم فيه ♡وغمز لها بعينه
ثم أكمل بجديه ٠٠٠ماتزعليش مني يا مها وأعذريني،، أنا ليه فترة كبيرة قاعد لوحدي في القاهرة،، يمكن إتعودت علي إني أعمل كل حاجه لوحدي،،ومن غير ما أشارك حد فيها،، ويمكن علشان ده طبعي،، مابحبش أحكي كتير !!!
مها بدلال وهي تتحسس صدرة بدلع٠٠٠بس أنت خلاص بقيت جوزي،،ولازم تشاركني كل حاجه في حياتك،، وكمان لازم أعرف كل صغيرة وكبيرة عنك،، أظن ده حقي يا دومي !!!
صرخ بسعاده٠٠٠أااااه يادومي أه،، أهو أنا بعد كلمة جوزي ودومي دي،، مستعد أعمل أي حاجه علشان بس أرضيكي ،،
ثم أكمل وهو يضمها لصدره بشدة٠٠٠حرام عليكي والله،، جوزي ودومي في جمله واحده،، الله يكون في عونك يا أدهم !!!
بعد مدة،،كانت مغمضة العينان داخل أحضانه وهي تدندن له وتغني،، بنائآ علي طلبه،، رن هاتفها،،خرجت من حضنه لتري من المتصل،،نظرت بشاشة الهاتف،،وجدتها أريج ♡
أجابت بإبتسامه وحب٠٠٠ياريجاااا وحشتيني،،
أريج علي الهاتف٠٠إنتي كمان يا حبي وحشتيني جدآ،،إنتي فين،، قربتي علي الجامعه ولا أيه ؟؟
مها٠٠٠أه يا قلبي خلاص،،خمس دقايق ونوصل إن شاء الله !!
أريج بتوتر٠٠٠خلاص هاقفل وأستناكي،، وأغلقت !!
مها ناظره ل أدهم٠٠٠وربنا البت دي مجنونه،، تخيل قفلت الفون في وشي،، وضحكت
وضحك أدهم وقال٠٠٠مجنونه رسمي،، لكن محترمه ونضيفه أوي من جوه،، وأهم من ده كله إنها بتحبك بجد !!!
ثم أمسك يدها وقبلها وتحدث٠٠٠هانتغدا مع بعض إنهاردة،،إستنيني لما أخلص محاضراتي وبعدها نروح نتغدي في المكان اللي تختاريه يا عمري !!
هزت له رأسها بإيماء وعيون سعيده ♡
دلف بسيارته للجامعه،، وجد حشدآ كبير من الطلبه علي الجانبين،، وعميد الجامعه والأساتذه يقفون بالداخل ناظرين لهما،،
إسغربا هو ومها،، صف سيارته ونزل وفتح الباب لمها وأمسك يدها،،ونظرا لبعضهما مستغربان من نظرات الجميع لهما
وفجأه وبدون سابق إنذار،،، إنطلقت الألعاب الناريه،، ونزلت الورود المتناثره فوقهم،، وأسدلت من أعلي إحدي المباني بالجامعه صورة لهما معآ،، وهو محتضنها وينظر لها بحب،، قد ألتقطت لهما من حفل عقد القران،،
كل هذا مع تصفيق حار،،
وفجأه،، أنارت شاشة عرض كبيرة،،وظهر بها فيديو لرقصة مها وأدهم معآ،، كانت رقصه رومانسيه للغايه،،كانا يرقصان وينظران لبعضهما بمنتهي الغرام،، والورود تتناثر فوق رأسيهما،،والستائر الشفافيه تتهافت من الهواء،، وتهتز معها أعقاد الزهور المنيرة،، في منظر يشد البصر ويسحره ♡♡
كانت كلمات الغنوة تقول
🎶قول حبيبي إنك معايا وجنب مني 🎶
🎶دي الحقيقه ولا حلم وطال شويه🎶
🎶والكلام الحلو ده بتقوله عني🎶
🎶يعني فعلا دنيتي رضيت عليااا🎶
🎶وعد مني تعيش معايا سنين معاشتش زيهم أحلامك اللي حلمتهم🎶
🎶إنسي الحياه والدنيا دي وتعالي نهرب منهم🎶
مابقتش عايز ناس خلاص جاني اللي بيهم كلهم🎻
🎶ياللي سايب ليا روحك ومأمنلي🎶
🎶اللي فاتك من الحياه هاتعيشه بيا 🎶
🎶وف عيونك ألف حاجه مفرحني 🎶
🎶والحياه بتذيد جمال لو باااصو ليا 🎶
🎶وعد مني تعيش معايا سنين ماعشتش زيهم أحلامك اللي حلمتهم 🎶
🎶إنسي الحياه والدنيا دي وتعالي نهرب منهم ما بقتش عايز ناس خلاص جاني اللي بيهم كلهم 🎻
كان الإنبهار والإندهاش سيد موقفهما وهما ممسكان بيديهما وينظران لبعضهما بسعاده مفرطه ♡♡
نظرت بعيناها للأمام ،،وجدت من دبرت وقررت وفعلت كل تلك السعادة لأجلها،، نعم،، ومن غيرها،،صديقتها الوفيه،، صديقة روحها ♡أريج♡
في تلك اللحظات جرت عليها أريج وأحتضنا بعضهما بشدة،،
نظرت لها مها بعيون تشع سعادة وحب وعرفان
قائله٠٠٠كل ده عملتيه علشاني؟؟
ثم أحتضنتها بسعاده وأكملت ٠٠٠إنتي جميله أوي،، وأنا بحبك أوي ،،أوي ♡♡
أريج بسعاده٠٠٠وأنا كمان بحبك أوي♡
في تلك اللحظات إلتف من حولهما جميع المهنئين،، من أول العميد الذي هنأ أدهم بإحترام وأيضآ مها
ونظر ل أدهم متحدثآ٠٠٠بجد برافو عليك يا دكتور،، عرفت تختار،، مها يعني الأدب الأخلاق الإحترام والتميز،، ألف مبروك،، بصراحه لايقين جدآ علي بعض وتستاهو بعض !!!
إبتسم له أدهم بإحترام قائلا٠٠٠ده من ذوق حضرتك يا أفندم ،،وكلام حضرتك شهادة أعتز بيها ووسام علي صدري !!
العميد٠٠٠لكن أنا عاتب عليك يا دكتور،، بقا يا راجل ماتعزمنيش علي كتب كتابك،، أنا ماأعرفش غير من أريج إمبارح وهي بتطلب مني إذن بالإحتفال بيكم !!
أدهم بوقار وإحترام٠٠٠أنا أسف جدآ يا أفندم،، بس والله ماحبيتش أتعب حضرتك،، الحفله زي ما حضرتك عارف كانت في محافظه تانيه،، وماحبيتش أتعب سيادتك معانا،،
لكن الفرح إن شاء الله هاعمله في قاعه هنا في القاهرة،، علشان أجمع حبايبي كلهم حواليا،، وأكيد حضرتك هاتكون أول اللي هايشرفوني !!!
العميد ببسمه٠٠٠أكيد،، وليا الشرف إني أحضر فرحك إنت وطالبتنا المتفوقه يا دكتور،، ومرة تانيه ألف مبروك !!
وتهافتت عليهم المباركات والتهاني من الجميع بفرحه وسعاده ،،
إلا من إثنان،، عماد الواقف بنافذة مكتبه،، يشاهد العرض بقلب مشتعلآ بنيران الغيرة من أدهم الدائم الفوز عليه،، ويتحسر علي حبيبة عمره التي تمناها وأصبحت ملك لرجل غيرة،، وليس أي رجل،، إنه أدهم،، عدوه اللدود !!!
والاخري أيه،،الناظره عليهم من بعيد بغل ونارآ مشتعله،، وحقدآ كاد أن ينهي علي قلبها
وهي تحادث حالها٠٠٠٠مها،،أيتها اللعينه الحقيرة،، فلتصحبك اللعنه أيتها الوقحه،، لقد خدعتي تلك الأبله بألاعيبك،،سحبته خلفك مثل المسحور عند أبيكي،، وبسرعة البرق حدث القران حتي لا تعطيه وقت ليتراجع عن تلك الزيجه الملعونه،، أتمني لكي عدم الراحه،، وعيشة تعسه ،،وحزن دائم،، ودموع لا تفارق عيناك الخبيثتان أيتها الشريرة !!!
فاقت علي أمنيه تحدثها٠٠٠أيه يا أيه،، واقفه بعيد كده ليه؟؟ وليه ماروحتيش تباركي لصاحبتك ؟؟
أيه بكل غل٠٠٠كفايه عليها أريج وإنتو يا روحي،، وبعدين أنا خلاص،، مابقاش يشرفني تكون واحده زي دي صاحبتي !!
نظرت لها أمنيه بإستنكار ٠٠٠نعمممم،، ما يشرفكيش ليه إن شاء الله ،،
وأكملت بتفاخر٠٠٠دي حتي بقت حرم دكتور أدهم سليم،،
وأكملت لتغيظها٠٠٠يلهوي،، شفتي ماسك في إيدها إزاي؟؟ ده ماسبهاش لحظه وهايكولها بعنيه أكل،، ولا الفيديو وهو بيرقص وضاممها لصدرة،، ولا وهو بيبص لعيونها،، وربنا بيعشقها عشق بنت المحظوظه !!!
نظرت أيه بغل وتركتها وأنصرفت لداخل الكافيتريا،، ولكنها وجدت ما يكمل قهرتها،، وجدت العمال يجهزون الطاولات الممتلئه بالحلويات والمعجنات والشيكولاتات والعصائر،،إستعدادآ لدخول العميد والأساتذه للإحتفال بعقد قران عدوتها اللدود حاليآ صديقتها المقربه سابقآ !!!
خرجت كالإعصار عند الباب،، وجدت أمامها أدهم ممسكآ بيده مها،، وبجانبه سياة العميد،،
هنا مها نظرت لها بكبرياء،، فهي من وصمتها بسمعتها ووصفتها بالرخيصه،، ويشهد الله أنها لم تكن يومآ هكذا،، فهي الغاليه بأخلاقها وطهارة قلبها،، نظرت لها أيه بكرة،، ثم تنحت جانبآ لتفسح الطريق لدخول العميد وأدهم ومها وخلفهم الأساتذه !!!
وخرج بعض العمال حاملين بعض العلب الممتلئه بالشيكولاتات والحلويات لتوزيعها علي الطلبه،، بأمر من أدهم !!!
بعد مده من الوقت،، كانت مها تجلس مع أريج في الكافيتريا يحتسيان مشروبآ !!
مها بسعادة٠٠٠ربنا يخليكي ليا يا ريجا،، بجد كانت مفاجأة حلوه أوي ♡♡
أريج بسعادة٠٠٠أنا مبسوطه بجد إني قدرت أشوف نظرت السعادة اللي في عيونك دي يا ماهي♡♡
مها بحزن٠٠٠٠شوفتي أيه،،حتي ماحاولتش تجمل شكلها وتقولي مبروك ولو مجامله،،المشكله إنها بتبصلي كأني أنا اللي أهنتها وظلمتها !!!
أريج ٠٠٠أوعي تزعلي نفسك يا قلبي،، اللي زي أيه دي صدقيني مايتزعلش عليها،،أنا بقولها إنهاردة تعالي أقفي جنبي وإنسي اللي حصل بينكم وباركي ل مها ،،وإنتي عارفه مها طيبه وهتسامح وتنسي،،
تخيلي ردت عليا وقالتلي أيه؟؟ قالتلي أنا مش منافقه زيكم،، أنا خلاص قطعت علاقتي بيها وإنتهي الأمر !!!
مها٠٠٠أنا أساسآ مش هاينفع أئامن لها تاني أو نرجع زي الأول،، أدهم كمان طلب مني أبعد عنها خالص،، مش طايقها من وقت ما راحت إفترت عليا عنده في موضوع عماد،، بيقولي البنت دي بتكرهك وبتغير منك،،وقالي إقطعي علاقتك بيها خالص !!!
أريج مغيرتآ مجري الحديث لتخرج صديقتها من حزنها هذا !!
أريج بسعاده٠٠٠سيبك إنتي من كل الكلام الفاضي ده،، قوليلي بقا،،لما دخلتو تتعشو وحدكم إنتي وأدهم،، أيه اللي حصل؟؟
وغمزت لها بعينيها وأكملت٠٠٠شكله شقي أوي أدهم ده !!!
مها بهيام٠٠٠٠أاااه،، أدهم طلع رومانسي بطريقه تجنن،، حنين أوي ورقيق،، وبيعاملني برومانسيه،، بيدوبني يا ريجا ♡♡
أنا أتعلقت بيه أوي،، بقيت مش قادرة ولا عاوزه أخرج من حضنه،، بحبه أوي يا ريجا،، بحبه أوي ،،وبتمني الأيام تعدي بسرعه ونتجوز بقا وأعيش في حضنه ،،جوه قلبه ♡♡
أريج واضعه يدها علي ثغرها بهيام٠٠٠٠أمممم وأيه كمان،،
تصدقي يا ماهي،، أنا دوبت من كلامك وعاوزه أتجوز بسرعه أنا كمان !! ثم ضحكا
◇◇◇◇◇◇◇◇◇◇◇◇◇◇◇
بعد إنتهاء محاضراتها،، هاتفها أدهم،،طلب منها الصعود لمكتبه لمكوثها معه بعض الوقت،،لحين الإنتهاء من بعض الأعمال ،،وتخليص بعض الأوراق الخاصه بمادته !!
عارضته بأول الحديث،، حتي أقنعها أدهم وصعدت له !!
دلفت للداخل وجدته بإنتظارها بلهفه،، بادلته نفس اللهفه وجرت عليه،، وبلحظة سحبها وأحتضنها وأمسكها من خسرها ورفعها لمستوي وجهه،،ثم قبلها بشغف وبادلته قبلته بهيام،، وظل هكذا لبعض الوقت حتي أبتعدا ليأخذا نفسآ،،
وبعد فترة كانت تجلس أمامه علي مكتبه وتهز ساقيها بدلال ،،وهو ينظر بأوراقه بعمليه لينهي عمله سريعآ !!
تحدثت بدلال٠٠٠يلا بقا يا أدهم،،أنا جعانه وعاوزه أكل !!
نظر لها بحب٠٠٠حالآ يا قلبي،، صدقيني قربت أخلص ♡
وبعد مده كانت تجلس بجانبه بسيارته،،منطلقآ بها خارجآ من باب الجامعه،، كانت في تلك اللحظه أيه تخرج فرأتها،، نظرت بكل غل علي تلك الناظره بهيام لحبيبها وتبتسم له بعشق ولا تبالي بأي شيئ من حولها !!
♡♡♡♡♡♡♡♡♡♡♡♡♡♡♡
وبعد مرور بعد الوقت،، كانت تجلس معه في أحد المطاعم الفاخرة وهي تتناول طعامها بشهيه مفتوحه،، كان ينظر لها بسعادة وهي تأكل ♡
أدهم بحب وإهتمام٠٠٠الأكل عجبك يا حبيبي؟؟
نظرت له وهي تمضغ طعامها وهزت له رأسها حتي إبتلعت طعامها وتحدثت٠٠٠حلو أوي يا حبيبي،،اللحمه مستويه كويس جدآ،، والصوص بتاعها يجنن !!!
أدهم بسعادة٠٠٠بألف هنا يا قلبي،،
ثم تحدث٠٠٠بكرة هاخدك مطعم بيعملو فيه سمك حلو أوي،، متأكد إنه هايعجبك !!
مها ببسمه٠٠٠أيه ده،، هو أنت خلاص قررت تتبناني وتغديني كل يوم علي حسابك !!
قهقه عاليا برجوله وسحر،، جعل كل من الجالسات حوله من النساء ينظرن إليه بإعجاب،، لاحظت هي،، هبت نار الغيره مشتعله بقلبها،، ولكن تماسكت حالها !!!
وتحدث برجوله وجاذبيه٠٠٠إنتي بقيتي مراتي حبيبتي،، يعني مسؤله مني،، أكلك،، لبسك،، خروجاتك،، حتي لو إحتاجتي تجيبي باكو شيكولا،، المفروض تطلبيه مني أنا،، أنا وبس يا مليكة فؤادي،، وهنا أيامي،، قال كلماته الأخيرة بعيون عاشقه وذائبه ♡♡
هنا قررت أن تثبت لتلك النساء الناظرات لممتلكاتها الشخصيه،،أنه يخصها هي،،هي وفقط !!
فنظرت له بوله وتحدثت ٠٠٠بحبك أوي يا حبيبي ♡♡
نظر لها كالمسحور،، وأمسك بيدها ووضع قبله رقيقه ونظر بعيونها٠٠٠ وأنا بعشقك يا قلب حبيبك ♡♡
هنا إبتسمت برضي وكبرياء !!!
ثم تحدث بعمليه وهو يعاود تناول طعامه ويقطع اللحم بالسكين ٠٠٠مها،، عاوزك تفضيلي الإسبوع ده علشان تيجي شقتنا وتشوفيها،،يعني،،لو عاوزه تغيري فيها أي ديكورات،،علشان أكلم مهندس ديكور ويعملنا فيها اللي إنتي عاوزاه !!!
مها برفض٠٠٠إنت عاوزني أجيلك شقتك وأبقي معاك لوحدنا؟؟ إنسي،،ده مستحيل يحصل طبعآ !!!
نظر لها بغرور وببسمه قائلا ٠٠٠أيه،، مش واثقه فيا ؟؟
مها برقه وحب٠٠٠للأسف يا حبيبي،، مش واثقه في نفسي ♡♡
ضحك ضحكته الرجوليه المهلكه مجددآ،،
إغتاظت منه بشدة ونظرت حولها ،،
لاحظت كل من النساء مسحورات من جمال عينيه وسحرهما،، وضحكته ورجولته الطاغيه،، بجسده الرياضي،، بثيابه العصريه الأنيقه،، بفتحة قميصه المظهرة لصدرة العريض الملفت للنظر،،كادت أن تخرج دخانآ من أذنيها من شدة إشتعالها الداخلي !!!
نظرت له بغضب ٠٠٠ما تهدي شويه يا عم الشبح،، أيه،، عاجبك أوي نظرات الإعجاب من الحيزبونات اللي حواليك دول !!!
ضحك بسعادة٠٠٠أيه ده،، هو قلب أدهم بيغير عليه ولا أيه ؟؟
نظرت له بغضب وتهديد٠٠٠أه بغير،، وإن مابطلتش اللي بتعمله ده هاقوم أرمي علي كل واحده فيهم كباية مايه علي شعرها اللي فرحنالي بيه ده !!!
تحدث ببسمه وغرور ٠٠٠طب أعمل أيه في نفسي،،إذا كنت جذاب والستات بتموت فيا،، ذنبي أنا أيه ؟؟
تحدثت ٠٠٠أدهم يا سليم !!
نعم ٠٠٠قالها بإيماء،، فتحدثت بسخريه ٠٠٠تبآ لتواضعك يا رجل !!
ضحك مجددآ وقال٠٠٠إنتي مشكله والله،،بس عاوز أقولك حاجة،،
ثم أكمل بهيام ٠٠٠شكلك يجنن وإنتي غيرانه عليا،،شرسه أوي يا عيون أدهم !!!
مها بتحدي٠٠٠أه شرسه وبخربش كمان يا أدهم،، فاخلي بالك علي نفسك !!!
أدهم بجرأة ونظرة وقحه ٠٠٠أموت أنا في الخربشه !!
نظرت له بخجل ٠٠٠إحترم نفسك !!
ضحك وتحدث٠٠٠أهو شفتي،،نبدأ ونجيبه لنفسنا،، وبعدها نجيب ورا في ثواني !!!
تحدثت لتغيير الموضوع٠٠٠أدهم،، كنت عاوزه أعدي علي أي محل حلويات،، أجيب علبتين شيكولا علي جاتوه علشان مدام نور والبنات اللي معايا !!!
أدهم بطاعه٠٠٠متقلقيش يا قلبي،،الموضوع في بالي مش ناسيه،، وكنت بفكر فيه !!!
نظرت له بشكر٠٠٠ربنا يخليك ليا يا حبيبي ♡♡
وبعد مدة من الوقت،، كان أدهم يقف مع مها أمام فيلا نور وحارس الفيلا يأخذ منه علب الحلويات ،،ونور المرحبه به وبمها الغائبه عنها لمدة إسبوع !!
كانت البنات أسرعو إلي مها لتهنئتها ورؤية زوجها الوسيم ،،
نظر بعينيه وجد أيه تنظر لمها بغل وحقد،، كانت تقف بجانب أخري ويتحدثتان بغل،،بالطبع الآخري هي عبير التي أصبحت صديقتها بعد إفتراقها عن مها،،
متماشيه مع مقولة ،،عدو عدوي صديقي !!
أدهم ناظرآ لنور ٠٠٠٠لو سمحتي مدام نور،، يا ريت تندهيلي أيه عمر،، كنت عاوزها في موضوع خاص بالكليه !!
نور بإبتسامه ٠٠٠٠٠تحت أمرك يا دكتور،، وذهبت لتخبر أيه !!
مها بإستغراب ٠٠٠عاوزها في أيه دي كمان يا أدهم ؟؟
أدهم بحب٠٠٠هاعرفها مقامها وأحذرها من اللعب معاكي،، المهم،، إطلعي إنتي علي أوضتك بدلي هدومك وحاولي ترتاحي شويه !!!
ذهبت مها بطاعه،، قابلة بوجهها أيه التي تطلعت عليها بنظرة كره،، ردتها لها مها ،،وذهبت كل منهما بطريقه !!!
أيه ل أدهم بإحترام٠٠٠أفندم يا دكتور،، حضرتك عاوزني في أيه ؟؟
تحدث أدهم قاصدآ٠٠٠الله يبارك فيكي يا أيه وعقبالك،،
أحرجت،، وكادت أن تتحدث،، ولكنه أوقفها بإشارة من أصبعه ونظرة صارمه من عينيه !!
وأكمل بحزم٠٠٠بصي يا بنت الناس،،أنا جاي أقولك كلمتين ،،علشان عندي أخت في سنك،، وخايف علي مستقبلك،، وكمان علشان أكون خلصت ضميري من ناحيتك قدام ربنا !!
وتحدث بعيون شرسه٠٠٠مها،،،خط أحمر،،بمعني،، إن اللي هايجيب سيرتها أو يحاول يأذيها بأي شكل من الأشكال،، هانسفه من علي وش الأرض،،الكلام اللي جيتي وأفتريتي بيه علي مها عندي،، مش عاوزك تذكريه تاني حتي بينك وبين نفسك،، لأني قسمآ بالله وقتها ما هارحمك !!!
أيه وهي تبتلع ريقها من شده خوفها ولكنها تكابر٠٠٠٠هو حضرتك بتهددني ولا أيه يا دكتور؟؟
أدهم بغضب٠٠٠لا يا ماما ،،أنا مابهددش،، أنا بنفذ علي طول،، أنا بس بحذرك علشان شيطانك ما يوزكيش علي اللعب في عداد عمرك !!!
وأكمل بتحذير ٠٠٠إنتي ماتعرفنيش لسه،،أدهم المحترم إبن الناس اللي قدامك ده،،لما بيقلب وبيغضب بتبقي قلبته سودا،، أتمني من ربنا ماتشوفيش القلبه دي !!
وأكمل بوجه غاضب٠٠٠مها خلاص بقت مراتي،، يعني عرضي وشرفي،، واللي هايمس عرضي قسمآ بالله أقتله من غير ما أرمش بعيني،،
فياريت تخلي بالك علي نفسك،، وتقضي الشهرين اللي فاضلينلك هنا بأدب وإحترام،،
وأكمل بتهديد٠٠٠ فهمتيني ولا تحبي أفهمك بطريقه تانيه !!!
أيه بوجه مرعوب وهي تبتلع لعابها ٠٠٠فهمتك يا دكتور،، وأسفه لو كنت ضايقت حضرتك !!!
أدهم ٠٠٠٠شاطره يا أيه،،أحب أنا الناس اللي بتريح وبتسمع الكلام وتشتري عمرها،،
وأنصرف دون أن يضيف كلمه أخري !!
كل هذا كان يحدث تحت أنظار الواقفه بشرفتها،، تتطلع عليهم ،،وهي تري أدهم يحادثها بنظرات ناريه لم تري وجهه بتلك الإنفعالات سابقآ،،حتي بأسوء مواقفه معها،، لم تري غضبته تلك،،
ولا تعبيرات عيناه المخيفه،، تطلعت أيه عليها ونظرت لها بكره،، وحقد،، وإنكسار،، وحسرة،، بادلتها مها بنظرة قوة،،
ثم دلفت للداخل،، أمسكت هاتفها تحادث حبيبها الذي إنطلق بسيارته علي الفور !!!
أدهم بدعابه٠٠٠أيه ده،، هو أنا لحقت أوحشك بسرعه كده ؟؟
مها بتأثر ومشاعر حقيقيه٠٠٠هاتصدقني لو قولتلك إنك بتوحشني وأنت معايا ♡♡
أدهم بتأثر وحب٠٠٠هاصدقك يا مها،، علشان والله العظيم ده اللي بيحصل معايا ♡♡
مها بفضول وتأثر ٠٠٠ قولتلها أيه؟؟
أدهم بطمأنه٠٠٠حذرتها من إنها تحاول تمسك بكلمه واحده،، وعرفتها قيمتها كويس أوي،، مش عاوزك تقلقي من أي حاجه طول مانا جنبك ♡♡
مها بحب وتأثر ٠٠٠هو أنا ليه بحبك أوي كده ♡♡
أدهم بعشق٠٠٠٠علشان أنا بعشقك بجنون ♡
وأكمل بهيام٠٠يا مها ♡
ردت بإنوثه ٠٠٠يا نعم ♡
أدهم ٠٠٠٠بحبك♡ بحبك♡ بحبك ♡