رواية قبر الجد الفصل الخامس 5 بقلم رانيا عمارة
رواية قبر الجد الجزء الخامس
رواية قبر الجد البارت الخامس
رواية قبر الجد الحلقة الخامسة
قومت من مكاني وفضلت ألف حوالين نفسي..واهلي مش فاهمين حاجه مني!..روحت متصل بـ زميلتي..ونزلت أقابلها ومكنش باقي على الوقت ده غير ١٠ دقايق بالظبط!..خدتها وروحنا بيت جدي والمره دي مكنش حلم..والبيت مكنش قصاده أي حاجه..ديرت وشي أبص للسما..ولما بصيت للبيت تاني لقيت راجل طويل بـ دقن واقف قصاد بيت جدي..قالي “لو عملت اللي هطلبه منك مش هيحصلك أي حاجه..وأظن مفيش وقت ومقدامكش أي حل غير انك تسمع الكلام وبس!”..وانا فعلاً مكنش قدامي أي حاجه اعملها غير ان انا اسمع كلامه!..قولتله”ماشي”..راح واخدني انا وزميلتي..ودخلنا بيت جدي!..وطلعنا في الدور العلوي..ودخلنا وراه في مكتب جدي..وابتدا يطلع اوراق وكتب من المكتب وقالي” امضي انت وزميلتك! “.. قولناله” نمضي على ايه؟ “.. قالنا “هتفض الشراكه اللي بينك وبين عالمهم”..ردت زميلتي وقالتله”انت بتتكلم عن ايه؟..وشراكة ايه دي؟”..قالنا “مفيش وقت للتفسير..لو عايز تعيش خلص!”..وزي مابيقولوا الغرقان بيتعلق بقشايه..وانا كنت عايز أعيش بأي طريقه!..لحد ما قربت ومضيت اسمي..وبعد ما زميلتي قربت ومضيت اسمها
هى كمان..قالنا” حلو..كده فاضل خطوه أخيره..لازم تشرب من الدم ده! “..اتصدمت من كلامه وقولتله”انت مجنون؟.. دم ايه اللي أشربه!!..الدم حرام!..وغير كده انا ممكن اموت ويجيلي تسمم بسببك!.. انت مين وايه حكايتك؟”..راح الراجل مطلع صوره من جيبه وادهالي..ولما استرجعت الذاكره..افتكرت الصوره اللي محطوطه في أوضة جدي!.. واللي فيها كان متصور مع واحد صاحبه!.. معقول ده صاحب جدي؟..رد وقالي”ايوه انا”.. قولتله” انت سمعت أفكاري ازاي؟ “.. قالي” مفيش غير دقيقتين.. خلص! “..بصيت لصاحبتي بخوف وقررت أشرب الدم..وبعد ماشربته..جاتلي هزه قويه جداً من قوتها وقعت في الأرض أغم عليا..وأول مااغم عليا..صحيت لقيتني قاعد في بيت تاني وقصادي الراجل ده وزميلتي..قومت قعدت وانا دايخ وقولتله” هو ايه اللي حصل؟”..ضحك وقالي”أشكرني كان زمانك ميت دلوقتي”..قولتله”انا ازاي ممتش؟”.. قالي”دي ارادة ربنا..لسه ليك عمر”..وبعدين قام وبص لـ صورة جدي اللي كان معلقها
عنده على الحيطه..وقال”جدك ده صاحب عمري من واحنا في الابتدائي..عرفنا بعض في ماتش كوره..ومن ساعتها واحنا صحاب.. لحد ماكبرنا واتجوزنا وبقى عندنا أحفاد..ماهو انتوا من دور أحفادي!..والحقيقه جدك ده كان غالي عليا اوي..وانا الوحيد اللي عارف سره”..ولما سمعت كده ارتاحت وحسيت ان انا ممكن أعرف أخبار جدي من خلاله..لحد ماوقفت على رجليا وقولتله” اللي بيحصل ده ايه علاقته بيا وبـ جدي؟ “..راح لف الناحيه التانيه..وقالي” جدك اتسبب في لعنه كبيره للعيله
كلها..مش ليك انت بس!..ولكن انت بداية طرف الخيط”..استغربت وقولتله “ازاي؟..هو جدي عمل ايه اصلاً علشان يحصلنا كل ده؟”..قالي “وانت صغير..في يوم كنت مع جدك.. كان جدك قاعد قصاد البيت على كرسي ومولع نار..وانت بتلعب مع ولاد عمامك..فجأه جدتك جات وقالت الأكل جاهز ياولاد..ادخلوا عشان تتعشوا!..كلهم دخلوا ماعدا انت..وفجأه شوفت من بعيد حاجه انت بتحبها وقررت تقرب
منها..جدك ندهك وقالك متروحش بعيد.. بس انت علشان عنيد مسمعتش الكلام وروحت..ووقت مانت كنت ماشي وقعت في حفره..ولما صرخت بصوت عالي.. جالك جدك..ولما شدك وقومك كانت درجة حرارتك عاليه!..وبعدها خدك وراح بيك علي البيت..ولما أمك شافتك تعبان.. عيطت وخدتك على عيادة الدكتور..وجدك يوميها راح في مكان بعيد من غير مايقول لحد..عارف المكان ده كان ايه؟..كان عند دجال..جدك كان بيروحله عشان يطلع الأثار من المنطقه ويتغني وتكونوا كلكم في ثراء فاحش وتكونوا من أغنى الأغنياء..ولما راحله اليوم ده..سأله سؤال”عايز مين في عيلتكم يتغني؟”..قاله “انا عايز عيلتي كلها تتغنى ونبقى من أثرياء القوم”.. قاله “انا عايز قربان”.. قاله “ازاي؟”..قاله”مقابل انكم تكونوا أغنياء لازم تضحي بواحد من أحفادك”.. ووقتها جات العين عليك انت..ولما جدك حس بتأنيب الضمير.. تراجع عن قراره..ولما منفذش طلب الدجال!..قرر ينتقم منه!..واللعنه صابتكم كلكم..ولكن أكتر واحد جات فيه هو
انت!.. قولتله وانا كلي استغراب “انت عرفت كل التفاصيل دي ازاي؟؟..الا لو انت الدجال نفسه!”..ضحك وقالي “الدجال مات قبل جدك بـ ٥ أيام..ولو مش مصدقني تعالى معايا اثبتلك!”..وانا علشان اتأكد..روحت معاه المقابر انا وزميلتي..ووصل عند مقبرة جدي..روحت متعصب وقولتله”انت قولت هتوديني عند مقبرة الدجال…مش عند جدي! “.. قالي”الدجال مدفون مع جدك”..سكت من الصدمه..وكنت مش قادر استوعب أي حاجه بتتقالي وحاسس ان ده كلام عبيط مالوش أي معنى!..قولتله”وانا ايه ضمني انه مدفون هنا؟..اذا كان احنا لما فتحنا المقبره ملقناش جثة جدي!”..قالي” لان روح الدجال موجوده هنا في المكان ده..وهى اللي بتتسبب في كل اللى بيحصل!”…راحت زميلتي قالتله”وانت عرفت كل ده ازاي؟”..قالها ان جدي كان بيحكيله على كل حاجه بما انهم صحاب اوي!..قولتله” والحل ايه؟ “..قالي” الحل اننا نخلص من جثة الدجال عشان ترتاحوا من كل ده”..وفجاه زميلتي صرخت.. ببص ورايا لقيت..!!!!
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية قبر الجد)
