رواية فيروزتي الفصل العشرون 20 بقلم زولة وحيدة
رواية فيروزتي الجزء العشرون
رواية فيروزتي البارت العشرون
رواية فيروزتي الحلقة العشرون
فيروز وهي بتضرب ب ايدها الباب :تالا حبيبتي انتي سامعاني
بس مكنش في رد وفجأة الباب انفتح وكان زياد بس كان متصاوب في صدره راح حضنها
فيروز بدموع :زياد انت متصاوب لازم نروح للدكتور
زياد :كنتي عايزة تتجوزيه عايزة تسيبيني وتتجوزيه هو
فيروز :مكنتش هتجوزه كنت عارفة انك هتيجي تنقذني
زياد شدد ع حضنها اكتر :بحبـ…
ولم يكمل كلمته الا ووجدته يسقط على الارض
فيروز بصراخ :زيـــاااااد
رضوان ومحمد كانو بيكلمو الشرطة وسمعو صوت فيروز جريو عليها
فيروز كانت ماسكة راس زياد وبتعيط
فيروز :زياد فوق ارجوك زياااد
محمد :فيروز اتصلي ع الدكتور وانا ورضوان هناخده ع العربية
فيروز بسرعة اخدت الفون واتصلت ع الدكتور
في القصر
الدكتور كان بيحاول يطلع الرصاصة من صدر زياد ومعاه احسن الدكاترة والممرضين
فيروز كانت رايحة وجاية قدام الاوضة وبتدعي ربنا انه يشفيه
تالا راحت مسكت عباية فيروز
تالا :ماما هو بابا هيكون كويس؟
فيروز وهي بتشيلها وبتعيط :اه ان شاء الله
فتحية راحت اخدت منها تالا
فتحية :تالا حبيبتي تعالي علشان تاخدي دوش وتنامي
تالا :لا مش عايزة
فيروز :تالا عشان خاطري اسمعي الكلام
تالا :طيب وفتحية اخدتها
الدكتور طلع
الدكتور :احنا قدرنا نطلع الرصاصة وهو طلع من مرحلة الخطر دلوقتي ممكن تشوفوه بس هو محتاج راحة وكمان في أدوية لازم تجيبوها
محمد :انا هجيبها
رضوان :وانا هاجي معاك
فيروز دخلت بسرعة لعند زياد وعيطت اول ماشافته بالحالة دي والشاش ملفوف ع صدره
زياد بابتسامة :تعالي
فيروز قربت منه ببطء
زياد :اقعدي
فيروز قعدت جنبه وحضنته
زياد بوجع :اااه براحة ياحبيبتي الجرح
فيروز بعدت عنه بسرعة
فيروز :اسفة
زياد :متعتذريش
الكل دخل واطمنو ع زياد
زياد :فين بابا وعمو رضوان وتالا
فيروز :تالا نايمة وعمو محمد وبابا راحو يجيبو الأدوية
رضوان ومحمد كانو داخلين
زياد :فيروز ابوكي وابويا هم اللي قدرو ينقذوكي انتي وتالا
فيروز :ازاي
زياد حكالها كل حاجة
فيروز قامت وراحت حضنت رضوان وكانت بتعيط
رضوان :خلاص يابنتي
فيروز :بابا انا اسفة
رضوان :وانا اسف ياحبيبتي خلاص متعيطيش بقى
فيروز بعدت عنه وابتسمت وهي بتمسح دموعها
محمد :وانا مليش في الاحضان الحلوة دي ولا ايه
فيروز كانت هتحضنه بس زياد قاطعها
زياد :لا ممنوع دي مراتي ياجماعة هتتشاركوها معايا ولا ايه
فيروز حضنت محمد علشان تغيظ زياد
محمد :في النهاية هي زي بنتي وبعدين انت هتغير مننا
زياد بغضب :فيرووووز
فيروز بعدت بسرعة
زياد :حسابك معايا بعدين
فجأة تالا جت وهي بتعيط
فيروز بخضة :حبيبتي في ايه
تالا بعياط :عايزة بابا
زياد بضحك :هاتوها حبيبة بابا
فيروز اخدتها ل زياد
وقعدو يلعبو
فيروز :حبيبتي خلاص لأنه بابا تعبان لازم نخليه يرتاح
زياد :بس…
فيروز بحدة :اسمع الكلام
علياء ل فيروز :فيروز تعالي
فيروز راحت معاها
علياء :هو انتي مش هتقولي ل بابا عن تالا؟
فيروز :هو.. انا..
علياء :فيروز في النهاية هو بيكون جدها واصلا انتي سامحتيه ف عادي خليه يعرف وينبسط انتي مش عارفة قد ايه هو انبسط لما انا جبت إياد… فيروز متغلطيش روحي عرفيه
فيروز دخلت وكانت تالا قاعدة جنب زياد
تالا :ماما هو جدو رضوان فين
فيروز بصت ع رضوان بابتسامة :اهو
تالا راحت ل رضوان وحضنته
رضوان بدموع وابتسامة :هي هي
فيروز بابتسامة :بنتي يعني حفيدتك
رضوان فضل يبوسها في خدودها
زياد بغيرة :طب والله انا بغير
الكل ضحك عليه
فيروز:عادي دي حفيدتو
زياد :انتي متكلمنيش خالص
فيروز :عارف ايه مش هكلمك ولا هاجي اوضتك تاني خلي بالك من نفسك ومش هساعدك
وطلعت ل برا
زياد :شوفو شوفو عاملالي انها هي الزعلانة واصلا انا اللي زعلان
الكل ضحك
في المساء
فيروز كانت قاعدة مع علياء
علياء بخبث :هو حصل صح
فيروز :اتنيلي انتي كمان
علياء فضلت تضحك عليها
فيروز :القعدة معاكي مش بتجيب فايدة انا هروح
فيروز راحت وجلال دخل وقفل الباب
راح ه الحمام وغير هدومه
علياء :حبيبي الاكل جاهز اجبهولك
جلال :مش عايز
علياء :طب عايز عصير
جلال بزعيق:مش عايز حاجة يا علياء
علياء بغضب:مالك يازياد في ايه
جلال بغضب:بتسأليني في ايه انتي من يوم ما اتولد الواد دة وانتي حاضناه وبتهتمي فيه اكتر مني وكل ما أقرب منك بتتحججي بيه وتبعدي عني ودلوقتي جاية تسأليني في ايه
علياء بغضب :وهو دة سبب كمان علشان تزعق كدا
جلال :يووووه بقى انا زهقت والله
واخد مفتاح العربية وطلع
علياء راحت عند فتحية وحكيتلها كل حاجة
فتحية :ع فكرة جلال دة عينه زايغة ممكن يبص لبنت تانية إذا…
علياء بمقاطعة :لالا مستحيل هو يعمل كدا
فتحية بخبث :انا حذرتك وعملت اللي عليا
علياء :طب انا اعمل ايه
فتحية :هتعمليلو عشا وووو
علياء بخجل :بس
فتحية :انا اهو وريتك بعد كدا براحتك اعملي اللي عايزاه
عند خلود
آدم :ع فكرة فيروز رجعت ومعاها بنت واكيد هتجيب الواد للعيلة ف احسنلك تساعديني
خلود بعدم تصديق :لالا انت بتكدب مستحيل
آدم بخبث :احسنلك تساعديني والا هروح اقول للشرطة كل اللي انتي عملتيه
خلود :مانت كمان مطلوب
آدم :متقلقيش من الناحية دي انا بعرف اتصرف…. ها هتساعديني ولا لا
خلود :موافقة بس هنعمل ايه
آدم :تؤ انتي هتعملي ايه
خلود بعدم فهم :انا هعمل ايه
آدم :…………………..
خلود بابتسامة شريرة :خطة روعة
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية فيروزتي)
2 تعليقات