رواية فرصتي الفصل الأول 1 بقلم حورية
رواية فرصتي البارت الأول
رواية فرصتي الجزء الأول
رواية فرصتي الحلقة الأولى
وزي العاده كنت راجعه
من شغلي بعد الضهر وصلت لبيتي وانا طالعه شقتي سمعت صوت سلفتي بتكلم حد في التليفون
وصوتها كان عالي وبتعيط
وبتقول = انا غضب عني يا بويا اخدت الواد الشيطان ذلني انا واقعه
في مصيبه وعايزه حد معايا ويوقف جمبي
انا بصراحه انصدمت 😱
ومش عارفه هيا بتتكلم عن ايه مع ابوها وولد مين اللي اخدته وايه الحكايه
واي المصيبه اللي وراكي يا هدي..
وقبل ما اكمل الحكايه
انا روان وعندي 30 سنه متجوزه في بيت عيله واشتغل مدرسه علوم بمدرسه ابتدائي
ومعايا بنت عمرها ١٠ سنين
اسمها ضحي
انا عايشه مع جوزي في بيت عيله حمايا متوفي وحماتي عايشه بس كبيره شويه في السن
انا قاعده مع جوزي في بيت والده وشقتنا بالدور الثاني وساكنه في الأول سلفتي هدي مع جوزها ممدوح
وابنها مروان عنده ثلاث سنين
..
انا وجوزي عازالين وحدينا فوق بعد المشاكل الكتير الا عملتها معايا سلفتي هدي وكل همها تمشيني
من البيت عشان تقعد فيه لوحدها
واخره مره عملت معايا مشكله واتهمتني بعملها سحر واعمال عشان متخلفش
وانا والله كل دي
ما اعرف عنه حاجه خالص
المهم انا كمان شيلت منها في قلبي خصوصا
ان حماتي وجوز هدي مصدقينها دايما
وحتي في فترات حسيت إن جوزي كمان بدأ يشك فيا اني بتاعت أعمال
ربنا ينتقم منها وانا بصراحه نفسي ومني عيني انتقم
منها باي شكل من الأشكال
وانا واقفه عند شقة هدي وسماعها بتعيط في التليفون مع ابوها عرفت ان في سر
ومصيبه كبيره عملاها . فرحت اووي
وقلت في بالي الفرصه
جات علي طبق من فضه
لازم اعرف اي حصل معاها واضربها الضربه القاضيه
واخلص منها وابقي انا ست البيت مكانها
بس اي هيا المشكله لسه معرفش
طلعت شقتي ودخلت
اوضتي اغير هدومي
غيرتي هدومي ولسه رايحه اريح شويه بالصاله سمعت صوت صراخ جاي من اوضه
هدي نزلت اجري لتحت لقيت……
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية فرصتي)
