رواية احببته ولكن الفصل الأول 1 بقلم دودي عماد
رواية احببته ولكن الجزء الأول
رواية احببته ولكن البارت الأول
رواية احببته ولكن الحلقة الأولى
– صباح الخير يا حبيبتي
= صباح النور يا حبيبي .. الفطار جاهز ثواني ويكون على السفرة
– ماشي ندخل أحد شاور تكوني جهزتي الدنيا
= اوك يا يا حبيبي
* After 15 minute *
قاعدين على السفرة بيفطروا
= خارجه امتى يا حبيبي
– تقريبا هتاخر النهاردة عشان عندي شغل كتير في الشركة ومينفعش يتأجل
= اوك أنا هخرج النهاردة اقابل صاحبتي
– صاحبتك مين
= هو أنا عندي غيرها .. جودي طبعا
– خلاص تمام بس متاخريش
= اوك يا حبيبي
خلصوا اكل وهو مشي وهي قعدت تكلم صاحبتها في التليفون
= زي ما بقولك كده يا جودي نتقابل في الكافيه اللي بنتقابل فيه
جودي : اوك يا رودي .. أنا عندي ليكي خبر هيفرحك جدا
رودينا بحماس : خبر ايه
جودي : لا لما نتقابل الاول عشان اشوف رياكشنك هيبقى عامل ازاي
رودينا : اوك زي ما تحبي .. المهم متتأخريش عليا أنا هخرج من البيت الساعة 2 اروح على الأقل عشر دقايق والاقيكي هناك اوك
جودي : اوك يلا باي بقى عشان اجهز اللي ورايا عشان ما اتأخرش
رودينا : باي يا حبيبتي
Stop
( رودينا : بنوتة جميلة عندها 22 سنة متخرجة من سياسة واقتصاد وهنعرف عنها اكتر من خلال أحداث الرواية )
( جودي : صاحبة رودينا الانتيم وكانوا مع بعض دايما من اول ابتدائي لحد ما اتخرجوا حتى كانوا في نفس الكلية .. بيحبوا بعض جدا ودايما مع بعض وهنتعرف على جودي من أحداث الرواية بردو )
Action 🎬
* في شركة المغربي *
قاعد في مكتبه وبيشتغل ومندمج جدا في شغله
وفجأة دخل عليه صاحبه
– مااااااازن
مازن اتنفض ونط من مكانه وزعق : يخربيت اللي جابك هنا يا شيخ قطعتلي الخلف
صاحبه بضحك : اصلك مندمج اوي قولت اخضك شوية
مازن : عايز ايه يا زفت
صاحبه : حبيبي والله عارف انك بتحبني
مازن بهدوء : عايز ايه يا مالك
مالك : اخبار مراتك ايه
مازن : مالكش دعوة
مالك : يا عم خلاص متزوقش أنا بس بتطمن
مازن : لا متطمنش
مالك : والله انا غلطان .. المهم مش هنخرج النهاردة
مازن : واحنا من امتى بتخرج
مالك : يا اخي والله انا اللي ببقى غلطان اني بتكلم معاك .. أنا ماشي
مازن : مع السلامة
مالك اتضايق جدا ومشي متنرفز
* في الكافيه اللي رودينا وجودي هيتقابلوا فيه *
رودينا قاعدة مستنية جودي وكالعادة جودي اتأخرت عليها واخيرا جت
جودي وهي بتقعد : اتأخرت عليكي؟
رودينا بسخرية : لا خااالص نص ساعة بس
جودي : طب ما هي مش اول مرة اصلا
رودينا : طيب ياختي تشربي ايه
جودي : ايس كوفي
رودينا : اوك
ونادت على الجرسون وطلبت اتنين
رودينا : ها يا ستي ايه هو الخبر اللي هيفرحني بقى
جودي : هتبقي خالتو قريب
رودينا بفرحة حقيقية : بجد
جودي : اه
رودينا : الف مليون مبروك يا قلبي
جودي : الله يبارك فيكي عقبالك .. أنا مش عارفة ليه مأجلة الموضوع ده
رودينا : أنا ومازن متفقين نأجل الموضوع لفترة كده
جودي : مالك بقى اكيد هيفرح بالخبر ده
رودينا باستغراب : هو ميعرفش
جودي : لا
رودينا باستغراب اكبر : ليه
جودي : بيني وبينك خايفة يتضايق
رودينا : ليه يا بنتي مش بتقولي أنه اكيد هيفرح
جودي : بصي هو بصراحة بيخليني اخد حبوب منع الحمل وبيقولي أنه مش عايز اولاد على الأقل لفترة كده لما يدبط أموره وانا الحكاية دي مش داخلة دماغي خالص فقررت ابطل البرشام من وراه عشان نفسي في بيبي
رودينا : بصي هو غلطان أنه يحرمك من الخلفة وانتي نفسك في بيبي بس ده ميمنعش انك غلطانة بتصرفك ده .. حاجة زي دي المفروض تبقى بموافقتكم انتوا الاتنين
جودي بزعل : يعني عاجبك أنه حارمني يا رودي
رودينا : اكيد مش عاجبني بس يا حبيبتي المفروض كنتي قولتيله قبل ما تعملي كده
جودي : عشان كده مش عايزة أقوله دلوقتي عشان ميتعصبش عليا ويقولي نزليه .. استنى لما اعدي الشهور الاولى واحطه قدام الأمر الواقع
رودينا : أنا مش موافقاكي على اللي بتعمليه ده
جودي : أنا بقى مقتنعة باللي بعمله .. عشان اللي زي مالك ده مينفعش معاه غير كده
رودينا : طب كان ايه اللي جابرك على العيش معاه طالما هو حارمك من انك تكوني ام
جودي : بحبه اوي يا رودي .. بحبه فوق ما تتخيلي .. بحبه لدرجة اني قاطعت اخويا عشان مكانش عايزني اتجوزه وكان بيقولي ده مش كويس ومش بيحبك
رودينا : تصدقي أنا كمان اخويا قالي كده .. قالي أن مازن مش كويس واناني وعمره ما حبني .. بس في الاخر طلع غلطان .. مازن بيحبني اوي وعمره ما زعلني
جودي : ربنا يسعدك يا حبيبتي
رودينا : ويسعدك يا قلبي ويهديلك مالك
جودي : يااااارب
وخلصوا قعدتهم وكل واحدة روحت بيتها
Cuuuttt
خلص بارتنا على كده
تفتكروا جودي هتقول لمالك على حملها ولا لا؟
وهل رد فعله هيكون ايه؟
وهل مازن فعلا مش كويس ولا اخو رودين اللي واخد عنه فكرة وحشة؟
ده اللي هنعرفه في اللي جاي أن شاء الله
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية احببته ولكن)
تعليق واحد