رواية فتاتي الضائعة الفصل الرابع 4 بقلم ملك نزيه

رواية فتاتي الضائعة الجزء الرابع

رواية فتاتي الضائعة البارت الرابع

رواية فتاتي الضائعة الحلقة الرابعة

لما حسام واميره رجعوا تاني لقوا مليكه قاعده بتاكل بشكل غريب جدا سايبه المعلقه و عماله تاكل بأديها بشكل مقرف و حرفياً عماله تحشي بقها اكل لما حسام قرب عندها رمت كل الاكل الي في اديها و قامت و بدأت تبصلوا بنظرات غريبه جدا .
حسام : فيه ايه يا بنتي مالك خايفه كده ليه ؟
مليكه فضلت بصالوا وساكته .
حسام : متردي انا مش بحب كده وانتِ عارفه كويس .
مليكه : انا اسفه .
حسام بعصبيه : اسفه علي ايه يا ربي هنرجع تاني للقرف بتاع انا اسفه ده . كتابه الكاتبه الصغيره : ملك نزيه
مليكه : انا بجد اسفه ممكن متتعصبش .
اميره : أنتِ خايفه ليه كده يا حبيبتي تعالي هنا متخافيش حسام مش هيعملك حاجه .
مليكه راحت عند اميره …
اميره : سيبك منوا و تعالي نخرج بره .
مليكه : حاضر .
مليكه و اميره قعدوا سوي كتير اوووي و حسام كل اما يجي اميره تشاورلوا انو يبعد بعد وقت طويل كان حسام نزل الشغل و رجع لما رجع لقي اميره قاعده لوحدها لما سألها فين مليكه….
اميره : نايمه في اوضه الضيوف يا بني .

حسام : طيب انا طالع الاوضه بتاعتي لاني هموت وانام و عايز بكره اصحي بدري علشان اروح مدرستها اسال عن عنوان أهلها .
اميره : ربنا معاك يابني و تلاقيهم ؛ بس خد معاك حد بكره المدرسه دي لاني مش مطمنه .
حسام : حاضر تصبحي علي خير .
في اوضه حسام حسام طلع تليفونه واتصل بصاحبه البيست .
حسام : الوا ياض يا محمد .
محمد : ياه اخيرا افتكرتني .
حسام : انا عايز منك مصلحه .
محمد : انا كنت عارف عايز ايه يلا .
حسام : عايزك بكره تيجي معايا مشوار .
محمد : ماشي هجيلك بكره .
حسام : مش عايز تعرف فين .
محمد : اقفل يلا انا عايز انام .
تاني يوم الصبح …
حسام نزل عند اوضه مليكه .
حسام بصوت عالي : مليكه أنتِ جوه ولا لاء .
مليكه فتحت الباب : نعم يا عمو .
حسام : ايه ده مين الي جابلك الفستان الحلو ده .
مليكه : داده اميره .
حسام : بجد ؛ لفي كده .
مليكه لفت حسام قالها ده فستان والدتي الله يرحمها .
مليكه : لاء انا كده مينفعش البسوا ادخل اقلعه طب .
حسام : لاء ده جميل اوي عليكي خليكي بيه .
مليكه : شكرا يا عمو .
حسام : يلا ننزل علشان ندور علي اهلك .
مليكه : بجد يلا بسرعه .
حسام نزل تحت لقي محمد .

حسام : ايه ده صحيت بدري كده ليه .
محمد : صحبي محتاجني لازم اجي بدري .
حسام ايوه هي دي الصحبيه ولا بلاش .
محمد : مين البنت دي .
حسام : حكي لمحمد القصه كلها .
محمد : ازيك يا مليكه انا محمد انا عندي ١٩ سنه يعني اكبر منك بحبه صغيرين .
مليكه : بجد انتَ في سنه كام في المدرسه ؟
محمد : انا خلصت خلاص .
مليكه : بجد ؛ ازاي .
محمد : ايه اللي ازاي انتِ في سنه كام .
مليكه : انا في سنه تانيه ثانوي .
محمد : أنتِ كبيره اوووي اهو .
مليكه ضحكت : شكرا .
حسام : خلاص بقي يلا بينا .
كلهم ركبوا العربيه .
مليكه بتوتر : احنا رايحين فين .
حسام : المدرسه نجيب العنوان .
مليكه : لاء والنبي متروحش .