رواية انتقام عاشق الفصل الأول 1 بقلم ميفو السلطان

رواية انتقام عاشق الجزء الأول

رواية انتقام عاشق البارت الأول

رواية انتقام عاشق الحلقة الأولى

…..كان الجو ملبدا بالغيوم كالاجواء المحيطه وماتحمله الصدور من جدال وتشاحن كانت تقف تستعيد مافعلته بنفسها وتستعيد الاحداث والقهر الذي دخلت فيه برغبتها كانت تتذكر بعيون دامعه ما اجرمت فيه بحق نفسها لعدم امتثالها للنصح من شخص كان محقا لتتذكر ما مرت به ……كان اخو زوجها يقف غاضبا يصرخ فيها.. كان يعنفها بكل السبل وعيونه تشع غضبا كان يقف شامخا فهو رجل صادقا لا يخاف من قول الحق له او عليه صرخ بها بعنفوان.. انت ايه ماعندكيش دم مابتحسيش جوزك مر عليه شهرين وانت سايبه واحد زباله يقرب منك.
هتفت ماجي معترضه بغضب .. ناظم مش زباله يا مراد ناظم محترم وواقف جنبي.
هتف مراد… لا والله التعبان ده محترم دي اخرتها يا ماجي يا بنت الناس.
هتف ماجي.. انت ماقابلتوش وماتعرفوش دا حد محترم. عايزني اعمل ايه اخوك سايبني بقاله سنين ومسافر وغلبت اقوله ارجع او خدني معاك بس هو مش فاضي الا لفلوسه وشركاه.
هتف مراد ساخطا… تقومي اول ما يموت تعرفي عليه واحد انت ايه انت ازاي كده.
هتفت… عيب كده انا ماعرفتش حد وناظم صديق ومن فضلك بقه اظن اللي كان بينا راح ومن فضلك كده خلاص انا حره في حياتي ماتتدخلش فيها تاني.
هتف.. يا ماجي ناظم ده تعبان وسمعته زفت هياخد فلوسك ويبهدلك انا عارف.
هتفت.. مراد من فضلك قلتلك كفايه انت مالكش عندي حاجه.
نظر اليها غاضبا.. طب يا ماجي انا كده عملت اللي عليا وحذرتك من التعبان ده يا بنت الناس عشان عضم التربه انما بكده انت قفلتي سكتك وماتبقيش تيجي تصوتي وتقولي انجدني يا مراد انت حره يا بنت الناس ليتركها ويرحل. وتصمم هيا علي قربها من من وقعت في حبه فزوجها طال غيابه وبعد وفاته تقرب منها ناظم كصديق وتحول الامر لحب وعشق بينهم وخاصتا من ناظم كان معسول الكلام لتضرب بنصائح اخو زوجها عرض الحائط وتتزوج ناظم ولكن الامر تحول الي جحيم.
صدقت المقوله وظهر التعبان علي حقيقته ليتحولي الي افعي تلف حول رقبتها عشقت ولكنها لم تكن تعلم انه عشق مميت قاتل. عشق مسموم سيكون جحيما لاخري. ناظم الجميل الفساد والبشاعه بعينها شخص فاسد ومجرم وظهرت كل أفعاله لها غيور بشكل بشع وشنيع لتتحول حياتها لجحيم من حبس وضرب واهانه لتعود اليها الذكريات كل ما مرت به …..
كانت تقف تصرخ وتستنجد به من رعبها وكانت محاوطه بالحرس من كل ناحيه.. كان المشهد مهيبا انثي رائعه الجمال تقف متربطه بسلاسل في احد المخازن والدماء تسيل من كل مكان كانت عيناها تجحظان من الرعب وامامها يقف ذلك الرجل وعلي وجهه ابتسامه شماته يضع يده في جيبه وعيونه كصقر اجهز علي فريسته والحقد يشع من ملامحه سمعها تصرخ به…. ارحمني ارحمني
اقترب ونظر اليها بغل وكره شديدين.. ايه كنت فاكره انك هتنفدي بعملتك السوده كنت فاكره اني هتلطخ علي قفايا وماهكشفكيش ايه فاكراني اهبل.
هتفت بصريخ.. سبني يا ناظم سيبني بالله عليك حرام عليك تموتني.
هتف.. انت ليكي عين تخونيني َتبلغي عني ايه القدره دي بتشتغلي لحساب الداخليه وفاكراني سهل وهبقي لقمه سهله لا دانت هيتعلم عليكي وتترمي زي الكلاب.
صرخت…. حرام عليك وبنتي.
ضحك وابتعد عنها ويدور رافعا يديه هاتفا بغل وبنتك..اهو ده اللي ماعملتيش حسابه.ده اللي نسيتيه ونسيتي معاه مين ناظم الجميل. تقريبا طول الفتره ماحرمتيش ولا اتعلمتيش. بنتك هعيشها في جحيم عشان احرق قلبك عليها بنتك هتشوف السواد عشان تعيشي عمرك كله وتموتي عارفه هيا عايشه ازاي هتبقي ممسحه في البيت افرحي يا ماجي هانم هتموتي وهتسيبي بنتك مدعوكه بالرجلين وماهتعرفش حقيقتك ولا حقيقتها.. ناظم الجميل هياخد تاره صح ده واستدار للحرس دلوقتي مش عايز فيها حته سليمه وتترمي في اي حته لما تتعفن وتموت لياخذها الحرس. وَهيا تصرخ بشده وينهالو عليها ضربا وصرخاتها تصدح في المكان لتخرج طفلتها المسكينه من حجرتها وتسمع صرخاتها ليقابلها ذلك الاب الجاحد او من ظنته هكذا لتنادي امها .اقترب منها وصفعها علي وجهها الصغير لتسقط علي الارض كانت طفله جميله ذو خمس سنوات لا تفهم شيئا ولا تعي شئ لتبكي َتنادي امها صرخ فيها.. ماعادش ليكي ام امك ماتت وانت هنا ماتتنفسيش فاهمه والا مش فاهمه.
صرخت تنادي امها فانهال عليها ضربا لتصرخ من كثره الضرب صرخ بغل.. من هنا ورايح اسمع صوتك هطلع روحك فاهمه والا لا. وامك تنسيها ماتت فاهمه والا عايزه تحصليها وتموتي.
لتنكمش الفتاه برعب نادي علي الخادمه …….خدي البت دي تقعد مع الخدم وتتعامل معامله الكلاب من هنا ورايح فاهمين واي حد مش هينفذ اوامري هيتطرد من هنا.
انصرف غاضبا ودخل حجره المكتب وظل يدور مغلولا يذهب الي احد الكراسي واستلقي عليه وجسده ينتفض من عنفوانه اغمض عينيه يتذكر كيف قابل تلك المرأه واحبها بل عشقها كانت امراه جميله كانت متزوجه من رجل من عائله محترمه كانت قد تزوجت ومات زوجها فاحبت ذلك المدعو ناظم لتهرب من عائله زوجها وتكتشف انها حامل لتخاف من عائله زوجها ان يعيدوها ولا تتزوج ناظم اقترح ناظم ان يكتب المولود باسمه ليتم ذلك وما ان ولدت وتزوجها حتي بدا جحيم من نوع اخر فناظم كان شديد الغيره عليها لتمر ايام واسابيع وسنوات بعذاب مطبق لتلك المراه قد قطعها عن عائلتها وتوفت والدتها وهيا لا تعلم عنها شيئا و ووضع يده علي اموالها ليغرز فيها كرها غير عاديا كان ساديا يعذب فيها دون رحمه ومطالب منها ان تظل صامته لا تنطق من اجل ابنتها لتكرهه وتكره نفسها لما فعلته لنفسها ولكنها ليس امامها شئ تفعله فناظم لا تجرو علي النفس من غيره . كان ناظم له صفقات مشبوهه من التهريب والمواد الغذائيه الفاسده واعمال اخري تندرج تحت بند الفساد لتحاول هيا ان تجمع اكبر قدرمن المعلومات وتبلغ عنه ولكنه يكتشفها قبل الوقوع في ايدي الشرطه ليصب عليها جام غضبه ويهلكها ضربا حتي اصبحت بلا نفس ولا يعلم استبقي حيه ام ستنفق من كثره الاصابات ليظل جالسا والحقد ينهش قلبه فحبه لها كان قويا ليتحول لبغض رهيب سيتحول مع الايام ليصبه علي تلك الطفله المسكينه التي لا حول لها ولا قوه.
اما تلك الجميله التي لم تفعل شيئا في الدنيا فقد اخذتها الخادمه ووضعتها مع الخدم لتبدا عذاباتها علي يد ذلك الجاحد الذي تظن انه اباها ولكنه في الواقع شيطان متحكم ينتقم من امها في صورتها. طفله في عمر الورد خلقت لتتعذب لا تعي من الحياه سوي انه ابيها ولكن قبح ذلك الاب.. انه اب السؤ اب النار والحقد والغل.. اب اتخذ من نفسه امرا ظالما علي تلك المسكينه لتتحول الحياه وتعلو الانات والاهات ويصبح الوجع هو الحليف والسند.
مرت الايام وتزوج ناظم من سيده تدعي ليلي وهنا بدل ان يكون العذاب موحد اصبح العذاب عذابين.. من ذلك الجاحد مره وزوجته مره اخري فتلك الطفله و َتدعي نيران كانت رقيقه فاتنه سمتها امها هكذا نسبتا لشعرها الاحمر الناري وجَمال بشرتها وعيونها التي تسحر من يراها لتمر الايام وليلي انجبت فتاه وسمتها داليا وكان عندها ولد اخر من زوجها السابق يدعي عصام لتنزوي الفتاه منذ الصغر وتصبح مكسوره بلا سند ولا احد يقف معها سوي تلك الخادمه التي حنت عليها وتعلم حقيقتها وكانت علي صله بوالده نيران وحكت لها قصتها وتعلم ان نيران ليست ابنه ذلك القاسي ولكنها خافت بشده ان تنطق وتقول شيئا وخاصتا ان والدتها تركت مع الخادمه خطابا لعم نيران تخبره فيها عن قصتها لتخفيه الخادمه عمرا خوفا من ذلك الحقير فهو ينتظر ان يستولي علي اموال والده نيران التي كتبتها لنيران لتتم العشرون ولو علم ان نيران ستذهب بعيدا عنه لقتلها وقتل تلك الخادمه ولكنها تخشي صاحب البيت فقد هددها بقتلهم جميعا وحبسها ومنع عنها اي اتصال بالخارج لتعيش الخادمه في قهر وخوف فاتخذتها ابنه لها كانت نيران تلتصق بتلك الخادمه التي اصبحت مصدر الحنان الوحيد.
مرت الايام والسنين وتكبر نيران في واقع بشع لا يمت للانسانيه بصله فهيا لا تقرب ابيها او ذلك الذي يدعو نفسه ابيها وزوجته وابنتها تتكبر علي تلك الجميله كانت نيران قد اجتهدت ونجت في الثانويه العامه واتت بمجموع كبير ولكن ليلي من حقدها عليها وكرهها لها لم تجعلها تدخل الكليه التي تمنتها فكانت تتمني ان تدخل كليه الاثار لشغفها بذلك المجال لترفض بشده بحجه التكاليف رغم غناهم وثرائهم ولكن ناظم لا يفعل شيئا ولا يهتم لامرها لتقهر نيران علي يد تلك الحاقده فرغم ان ناظم متزوجها من عمر الا انه مازال يعشق ام نيران وليلي تعي ذلك فتصب حقدها علي تلك الفتاه التي لم تفعل شيئا في الدنيا سو انها خلقت في تلك العائله لتجبرها ليلي ان تبحث عن عمل لتصرف علي نفسها لتلتحق نيران بكليه التجاره وتعمل في احد الملاجئ لتصرف علي نفسها وتمر الحياه كوتيره واحده لا تسعد نيران الا عندما تخرج من ذلك البيت ويعود كوابيسها اليها وتعاسه الدنيا عندما تعود من عملها فلا تتركها ليلي لحظه الا وتنغص عليها عيشتها وما زاد حياتها جحيما ابن ليلي عاصم الذي يرغب نيران بشده ويقربها بكل السبل حتي انه كان يتطاول عليها الا انها كانت تصده بشده وتقفل عليها حجرتها ليلا حتي لايتطاول عليها.
كانت نيران لا تفهم لماذا يعاملها والدها هكذا لماذا يتركها لزوجته وكان دائما مايشوه صوره والدتها ووصمها بالخيانه لتخاف نيران بشده من اقامه اي علاقه مع اي رجل او اقترابها منهم لما تعانيه من قسوه ابيها وبشاعه ماتقاسيه من تلك العائله ولم يكن لها الا تلك الخادمه سعيده التي اعتبرتها امها وتمنت دائما ان تترك ذلك الجحيم وتذهب للعيش معها وتهرب ولكنها تخاف من والدها.لتستمر الحياه وتأبي الدنيا ان تعيش تلك الفتاه عيشه حنيه لتنغمس تلك النيران بكيف من ظنت انهم سندا لتنغمس في نيران الغل والحقد والانتقام فلم ينسي ناظم زوجته ليشع غلا ويصبه في ابنتها ولم تنسي ليلي حب زوجها لتلك المراه لتخرج هيا ايضا غلها في تلك المسكينه التي تتلقف ذلك الغل بلا دفاع عن روحها لينغرز فيها ليحدث في في نفسها انكسارا دائما لا نعلم كيف ومن سيعالجه .
*********
في احد الدول الاوربيه كان يجلس علي مكتبه يدخن سيجاره الفخم يسترجع سنينه القاسيه ليغمض عينه ليستدعي بشاعه ما بعدها بشاعه يوم ان كان مع والده وذلك الحقير يقف متشدقا ليقف ابيه يصرخ.. حرام عليك تخرب بيتي عملتلك ايه حرام عليك
هتف الرجل.. عشان تحرم تقف قصادي وتبقي تسمع كلامي من سكات.
صرخ سليمان.. عايزني امشي في الحرام والممنوع ولما رفضت تخرب بيتي.
هتف …..ايوه خربته وانت كده قدامك السجن وانا دلوقتي بيتك بقي بيتي ويالا بقه خد الواد ده وبره وامر الحرس ان يخرجوه ليصرخ سليمان ويصرخ الطفل ليقع سليمان لا يقدر علي الحركه اقترب ابنه وارتمي عليه وصرخ ليتحول الامر الي بشاعه اكبر ليموت ذلك الرجل امام عيني ابنه ويزج الطفل في احد الملاجئ ويعيش اسؤا فتره عاشها لمده سنتين لتاتي عمته اخيرا وتنجده مما كان فيه لتبدا قصه اخري قصه رجع الحقوق واسترداد المظالم… ليعود يونس الي نفسه دخل عليه صديقه ليهتف.. ايه يا كبير خلاص نويت.
ضحك هو ضحكه خبيثه ليهتف.. نويت.. دانا نويت ونويت ونويت.
هتف صديقه.. لا شكل المزاج عالي والتخطيط اترستق فرحني ايه وصلت لحاجه.
هتف.. وصلت ازاي هنهش قلبه واجيب بوزه الارض.. هعلم عليه واعلم علي دنيته واعيشه حسره مابعدها حسره كل صفقاته الوسخه والمشبوهه عندي ان ماكت الدعه في قلبه مابقاش يونس سليمان.
هتف بدر صديقه.. تمام يا كبير وانا معاك النجس ده لازم يتحسر علي عيشته.
هتف يونس.. مش كده وبس فيه تخطيط كده في دماغي اضبطه وساعتها هيبقي تحت درسي انا جمعت معلومات عنه حتي النفس اللي بيتنفسه عارفه بس انزل والشركات تتنقل وساعتها اللعب هيبقي عادي واولها هيوصله كمان يومين اول صفقه وسخه هتتقفش ليه ملايين بدايه خراب بيته.
هتف بدر ……..ايوه كده نبتدي الشغل ونحتفل عمتك هتفرح اوي بالخبر ده.
ليبتسم يونس.. عمتي شكريه مستنيه اليوم اللي هحرق قلبه واجيب بوذه الارض لازم يتمحي من علي وش الارض وواحده ورا وحده هخليه جربوع وشحات ويمشي يمد ايديه للناس هحصره علي ماله وحاله واعيشه جحيم ماعاشوش وفوق ده هنتقم منه انتقام يطلع من عنينه ويخلع قلبه مش عايش مستقر وعنده عيله وعيال ان ماعيشته حسره مابعدها حسره يونس سليمان هيبفي كابوس شيطان ينهش قلبه ويندمه علي اللي عمله في ابويا وموته بحسرته علي فلوسه وشركته اللي نهبها بس خلاص كده كفايه عليا بعد انا كده كبرت وعليت وبقيت اده اضعاف وان كان هو تعبان انا حنش هيلدعه واول لدعه هتكون قلبه بس يصبر عليا ان ماركعته تحت رجلي.
هتف بدر…… طب قوم زمان عمتك مستنيانا ما بتقدرش تعدي يوم الا ماتعرف اخباره.
ابتسم يونس….. عمتي.. لولاها كنت لسه مرمي في ملجأ والا عيشت في الشوارع جت خدتني و ادتني فلوس ابويا عندها وكبرت و َكبرتي عمتي دي يتعملها تمثال وعايشه عشان اليوم اللي ناظم هيركع تحت رجليها وهيحصل وهنولهولها.
ليقوم يونس و َصديقه بدر ويذهبا الي شقتهم ليجدا عمتهم في انتظارهم ذهب وقبلها والسعاده باديه علي وجهه.
هتف.. شكلك مبسوط طمن قلبي يا حبيبي.
هتف يونس.. اطمني يا حبيبتي اول لدعه هتوصله بعد يومين ملايين خراب عليه صفقه العمر عنده راقدلها من زمان ويومين ويتخرب بيته ولسه.
هتفت هيا بغل.. عايزاه محصور عايزه تجيب قلبه تحت رجلي عايزه بيته مخروب وولاده متشردين.
هتف يونس بثقه.. هيحصل يا عمتي هيحصل انا بخطط لكذا حاجه بس اوصل للي في دماغي َهتلاقي بيته اتخرب واتحسر علي عياله ناظم الجميل هيركع تحت رجلي طالب السماح.
مرت الايام وانتقل يونس وعمته وصديقه الي القاهره واستقر هو واشتري احد الفلل ليمكثا فيها وبدا يونس خطته في خلع قلب ذلك الرجل او هكذا يظن ان قلبه سينخلع.
************
عند ناظم نجده يصرخ في مدير اعماله.. ازاي ازاي دا يحصل يا خراب بيتي الصفقه اتقفشت في الجمرك بعد ما كت مرتبلها ودافع انا اتخرب بيتي اعمل ايه والحاجه اتصادرت دا حاجات بملاين.
هتف مدير اعماله.. احنا دلوقتي اللي يهمنا حد من الموظفين ندفعله ويلبسها عشان مايبقاش عليك حاجه.
صرخ ناظم …..اعمل ايه دلوقتي كل السيوله راحت وضهري اتكشف ومافاضلش الا صفقه السويس ودي لسالها شهر علي ماتيجي هنمشي ازاي وهندفع فلوس الموظفين ازاي.
هتف مدير اعماله.. بص احنا نبيع بعض الاصول ونمشي نفسنا حتتين الارض اللي في الساحل.
هتف ناظم ….يا خراب بيتي مين اللي عمل فيا كده مين اللي بيحرب ورايا اروح فين دلوقتي.
هتف مدير اعماله….. انت بس حرس وشوف مين بيخرج معلومات ونعدي الاسبوعين دول علي ما صفقه السويس تعدي وساعتها هنتسند شويه انما لو راحت بيتنا هيتخرب كلنا ليظل يتكلمان ويخططان ليجدا مخرج مما هما فيه.
**********
عند يونس دخل علي عمته واحتضنها وهتف سعيدا افرحي يا عمتي اول مسمار في نعش ناظم الجميل خسر نص فلوسه في صف
قه من اكبر الصفقات.
….هبت سعيده …..بجد يا يونس يعني خلاص هفرح قريب وناري تبرد.
ابتسم سعيدا…. هانت كلها اسابيع ونترحم عليه ونقول يا رحمن يا رحيم ونطلع عليه الارافه.
لتقوم وتقف امام صوره اخيها وتنظر بحنين… خلاص يا سليمان خلاص يا حبيبي هانت هنخليه يشحت هنخليه ممسحه ندوسها بجزمنا خلاص يا قلب اختك.
ابتسم يونس ….ومش بس كده يا عمتي يونس هيخلع قلبه بطريقته التكتيك التقيل جاي َورا..
عند ناظم كانت ليلي تقف ومعها داليا.. ايه يا ماما بابا ماله متعصب كده لا مش هينكد علينا حفله راس السنه هتتعمل وهعزم كل صحباتي
هتفت ليلي….. ماتقلقيش يا قلب مامتك هنعمل احلي حفله وهنعزم ناس تقيله وعايزاكي ورده مفتحه كده توقعلنا عريس والا اتنين يكونو ولاد ناس متريشين.
هتفت….. اسكتي يا مامي فيه واحد اتعرفت عليه في النادي بس ايه قمر وبيقولو لسه جاي من برا وعنده شركات ايه.
لمعت عين والدتها.. طب كلميه اعزميه اوعي تسيبيه وعندك كمان فادي ابن خالد السنوسي الواد ده برضه مريش وعينه منك اعزميه واللي يشبط معاكي نحط عليه العين.
هتفت داليا …..ماشي يا ماما خلاص هعزمه وربنا يسهل علي الله يطلع كويس رغم انه تقيل اوي في كلامه كده ويخوف شويه بس مايهمش يتبلع عشان فلوسه …..
دخل عصام عليهم.. ها بتتودودو في اي اكيد وراكو حكايه.
لتخبطه داليا…. وانت مالك يا اخي الله.
ضحك ….. عيب….. انا بعرفكو لما بتخططو لحاجه.
هتفت ليلي…. مفيش هنعمل خفله راس السنه وكنا بس بنشوف ناظم وهنقوله اصله متعفرت.
هتف عاصم …..عمي ناظم متعلم عليه في صفقه عمره سيبوه في حاله الراجل بيدخن من كل حته.
هتفت داليا…… وانا مالي انا ليا حفلتي الله.
نظر اليها عاصم.. انت يا بت ماعندكيش دم بقلك خسران ملايين تقولي حفله ربنا يشفيكي
لتدخل عليهم نيران وقد كانت قد انتهت من عملها …..هب عاصم وذهب اليها.. ازيك يا نيران لتتتجاهله
هتفت ليلي…… اتاخرتي ليه هو انت متسابه مالكيش رابط.
هتفت….. ايه يا طنط هو كل يوم…. هتاخر اروح فين يعني.
صرخت ليلي ……انت بتردي عليا وعايزه ياختي تتصرمحي ولا نسالش.
هتف عاصم …..ايه يا ماما كلامك ده.
هتفت……. مالكش دعوه انت.. وانت يا زفته تتاخري تاني هسود عيشتك واقول لابوكي.
تنهدت نيران….. حاضر يا طنط هحاول اعمل ايه مواصلات وبركب اتنين وبتاخر.
هتفت داليا.. ايه يا ماما خلاص هو كل يوم هوليله ماتسيبيها تتاخر والا تولع الله يلا يلا روحي شوفي حالك.
لتتنهد نيران وتتركهم فذهب ورائها عاصم ويقف لها.
تنهدت غاضبه…. من فضلك يا عاصم مش كل يوم مناهده سيبني في حالي الله يخليك.
هتف برغبه.. يا نيران انا عايزك ماتسيبيكي من الشغل ده وانا كفيل اصرف عليكي ومالكيش دعوه بحد وهخليكي مراتي ماتحتاجيش لحاجه
نظرت اليه بحسره.. عرفي با عاصم عايز تاخدني بالعرفي من ورا اهلك دي اخرتها اسمع يابن الناس دي مش سكتي وانا اصلا مابفكرش لا في جواز ولا حب َابعد عني انا استحاله اصلا اتجوز من اساسه سيبني في حالي بقه.
شدها من يدها.. بت انت انا عشان بسايرك عشان باخدك علي راحتك فوقي انا ممكن اخدك من غير لا ورق ولا جواز بس انا اللي عامل حساب العشره.
نظرت اليه بغضب وتدفعه.. لحد هنا وتحترم نفسك بق عشان انا لوحدي.. ابعد عني بقلك اهوه انا ماليش في الشمال لو فاكر اني غلبانه وماليش حد لا فوق انا ليا ربنا واقدر اقفلك يبقي ابعد عن سكتي.
ابتسم بسخريه.. لا عجبتيني حلوه الشجاعه دي مسكها من يدها وشدها يحاول ان يحتضنها لتدفعه وتهرب منه وتتجه الي حجره سعيده وتغلقها عليها وتندفع الي سعيده ترتمي في احضانها لتحتضنها سعيده…..انا تعبت يا داد تعبت انا عايشه في جحيم نفي اهرب من هنا نفسي ابعد عنهم
تنهدت سعيده.. سامحيني يا بنتي سامحيني نفسي اخرجك لبر الامان بس الحوجه مالناش عيش الا هنا هنروح فين وابوكي راجل جاحد ماهيسيبناش وانت عارفه فلوس امك وصايه تحت ايديه لو مشيتي ممكن يعمل فيكي حاجه.
هتفت….. مش عايزه فلوس عايزه انفد بجلدي من الجحيم ده نفسي اعيش واتنفس انا بموت
هتفت سعيده.. هيجي يوم يا قلب امك هيجي يوم.. اما تتمي ٢١ تقدري تمشي وتتحكمي في نفسك وتقدري تاخدي مالك منه وساعتها ليا كلام تاني والدنيا هتتغير انا بس ساكته عشان خايفه عليكي.
هتفت نيران.. انت فيه حاجه مخبياها عليا يا دادا.
هتفت.. هيجي يوم وتعرفي كل حاجه هيجي بس لما اقدر ابعد عن هنا هيتحل كل حاجه ابوكي مابيخلنيش اخرج ولااتكلم مع حد ابوكي قافل عليا بس هيجي يوم وكل حاجه هتظهر..
*********
كان يونس جالسا ليسمع رنه تليفونه ليبتسم بخبث ويرفع تليفونه و..