رواية غرام تركي الفصل الثاني والعشرون 22 بقلم لؤلؤة محمد
رواية غرام تركي الجزء الثاني والعشرون
رواية غرام تركي البارت الثاني والعشرون
رواية غرام تركي الحلقة الثاني والعشرون
رسلان كان بيصلي ويدعي غرام تقوم خلص صلاه وفضل قاعد على المصليه مش عارف هيحصله ايه لو جرالها حاجه لاقدر الله فاق من سرحانه على الشاب بيطبطب على كتفه / ربنا استجاب ليك ولدعائك فاقت وبتسأل عنك
رسلان الفرحه اترسمت على وشه اللي نور من السعاده وقام بسرعه خبط على باب الأوضه ودخل بصلها جامد وعيونهم اتقابلت في نظره طويله رسلان كل اللي شاغل باله إنها فاقت وغرام اللي شاغل بالها رد فعله بعد ماعرف إنها الوحش
رسلان / حمدالله على سلامتك يا غرامي
غرام / الله يسلمك
رسلان / حاسه بتعب أو حاجه
غرام/ لأ الحمدلله
الشاب / مش هينفع تفضلوا هنا أكتر من كده الإرهابيي’ن قالبين الصحرا عليكم لازم تتحركوا دلوقتي فيه عربيه مستنياكم بره
غرام بصت للشاب جامد ورسلان قام وكان هيشيل غرام
غرام / أنا هقدر أمشي وقامت وهي بتحاول تمشي وكانت هتقع رسلان لحقها وسندها
خرجوا بره وكان فيه عربيه واقفه قدام الكوخ رسلان ركب غرام وركب وساق العربيه وكانت نظرات غرام على الشاب متشالتش عنه لحظه وقبل مارسلان يطلع بالعربيه الشاب بص لغرام وهز راسه بمعنى أيوه وغرام ابتسمتله
غرام / روح بيت عاكف
رسلان بصلها بضيق وغضب / أفندم
غرام / أنا على طول بخرج من عند روان وزمان علي مستنيني وقلقان عليا جامد
رسلان / تمام
وساق على هناك فعلاً بعد ساعه كانوا وصلوا نزل رسلان وسند غرام وطلعوا على السلم خبط على باب روان فتحت وأول ما شافت غرام كده صوتت وطلع على صوتها مامتها وجنات وأحلام وأميمه صاحباتهم وعلي وعاكف
روان / ايه اللي حصلك يا غرام مالك يا حبيبتي
علي / ايه ده مالها غرام يا رسلان
رسلان / فيه واحد طعن’ها بسكي’نه وللحظه افتكر هي مين بعد ما كان قلقه وخوفه عليها نساه
أم عاكف / تعالي يابنتي ادخلي على السرير جوه دخل أختك يا علي
علي / حاضر
علي دخلها ونيمها على السرير وقعد جنبها صحابها الأربعه
أميمه بدموع / ألف سلامه عليكي يا غرام
أحلام بمرح بتحاول تغير مود الكئابه / تعيشي ومتاخديش غيرها يا وحش
غرام / تسلمولي يابنات والله ووجهت كلامها لأميمه وأحلام / انتوا جيتوا امتى من لبنان
أميمه / جينا انهارده الصبح
غرام / وكانت الزياره عامله ايه بعد مرات الأب
أحلام / مرات أبونا دي طلعت جامده يابت يا غرام أقسم بالله أبويا ده بيفهم
أميمه / بيئه أوي
فضلوا يتكلموا ويهزروا شويه والباب خبط ودخل رسلان بعد ما أذنوله يدخل قعد على كرسي جنب السرير / عامله ايه
غرام / الحمدلله
رسلان/ عاوز أتكلم معاكي شويه
جنات / طب يلا احنا يا بنات نساعد ماما في تجهيز الغدا
خرجوا البنات وسابوا رسلان وغرام
رسلان / ازاي انتي الوحش والملف فيه اسم عاكف وصورته
غرام / الإداره حاطه ملف فيك عشان محدش يقدر يعرف مين الوحش الحقيقي
رسلان / مين من أهلك غير علي عارف بالكلام ده
غرام / بابايا
رسلان / أنا عاوزك تسيبي الشغل ده
غرام ببرود / تمام هسيبه بس انت كمان تسيبه
رسلان / انتي حياتك دايما معرضه للخ’طر وانا مستحملش فكرة إني ممكن أخسرك في أي وقت
غرام / وانت كمان حياتك معرضه للخ’طر وأنا مقدرش استحمل فكرة إني أخسرك في أي وقت
رسلان / لأ طبعاً أنا شغلي بعيد عن أي مخا’طر
غرام باستهزاء / اه صح بأمارة الألمان
رسلان بتنهيده / أنا راجل
غرام / وأنا ست بميت راجل
رسلان/ وأنا مقبلش إن مراتي تشتغل شغلانه خط’ر زي دي
غرام ببرود / وأنا مش مراتك
رسلان / هتكوني بإذن الله
غرام / لو انت قبلت بطبيعة شغلي وقتها بإذن الله هكون لكن رفضت يبقى انت كمان مرفوض
رسلان بصدمه / يعني انتي بتفضلي الشغل عليا
غرام / زي ما انت فضلته عليا برضه
رسلان / غرام أنا بحبك وعاوز نعيش حياه طبيعيه مرتاحين من غير مشاكل من مطاردات
غرام / وأنا كمان بحبك يا رسلان وبجد لو عاوز نعيش حياه طبيعيه يبقى احنا الإتنين نسيب الشغل ده
رسلان / بس أنا بحب شغلي وأنا الراجل يا غرام
غرام بسخريه / يبقى للأسف يا رسلان طرقنا مش هتتقابل
رسلان / ده أخر كلام عندك
غرام / أيوه ده أخر كلام عندي
رسلان/ طب تمام عن اذنك
رسلان خرج / هو علي راح فين يا حاجه
أم عاكف / راح البيت يعرفهم إن غرام هتبات هنا يابني
رسلان / طب عن اذنكم ومشي بسرعه قبل ماجد يتكلم وصل البيت دخل وكان الكل قاعد
رسلان / بابا ماما يلا هنمشي أنا اشتريت البيت اللي في الشارع اللي ورا
أحمد / ليه يابني هو حد مننا زعلكم في حاجه
رسلان بضيق وغضب / لأ ياعمي العيب عندي أنا لو سمحتي يا ماما لمي حاجتك انتي وبابا على أما أجهز حاجتي وقام بسرعه دخل أوضته وبدأ يلم حاجاته الباب خبط
رسلان / ادخل
علي دخل وقفل الباب / أنا عارف انت عاوز تمشي ليه
رسلان مردش كمل اللي بيعمله حتى مبصلوش
علي / غرام بتحبك
رسلان / وأنا كمان بحبها بس هي اللي بنت بينا ألف سد مبقيناش ننفع لبعض بالعند ده يا علي
علي / ممكن أفهم ايه اللي حصل
رسلان ساب اللي في ايده وبص لعلي وحكاله الحوار اللي حصل بينهم
علي / انت غلطان زيك زيها زي ماهي عندت انت كمان عندت
رسلان / علي أنا مهما كان راجل وهي بنت
علي / زي ما انت ليك شغلك اللي بتحبه هي كمان ده شغلها اللي بتحبه
رسلان بصله جامد / علي خلاص اقفل الحوار ده مبقاش ليه لازمه
جهز حاجته ووالده ووالدته كمان ومشيوا راحوا بيتهم الجديد كان رسلان بعد تلات بنات من الخدمات ينضفوا البيت ويجهزوه دخل أوضته وقعد على السرير وهو حاسس إنه تايه في صحرا مش عارف الشمال من الجنوب ولا الشرق من الغرب لأول مره معرفته في تحديد الإتجاهات متساعدوش حاسس بعقله مقفول وقلبه مكسور مش عارف يعمل ايه أو يتصرف ازاي مش قادر يصدق إن غرام فضلت الشغل عنه
دخلت مامته الأوضه بعد ماخبطت قعدت جنبه وطبطبت عليه / مالك يا حبيبي فيك ايه
رسلان / الدنيا بتضيق على قلبي أوي يا أمي
إلهام / طب ماتوسع انت قلبك للدنيا
رسلان بصلها باستغراب / أوسع قلبي للدنيا ازاي
إلهام بابتسامه / انك تستحمل ضيقها لحد ماتفرج ( ضاقت ولما استحكمت حلقاتها فرجت وكنت أظنها لا تفرج ) لو ضاقت من الدنيا واسعه من رحمة ربنا اللي قال في كتابه العزيز ( وَرَحْمَتِي وَسِعَتْ كُلَّ شَيْءٍ ۚ فَسَأَكْتُبُهَا لِلَّذِينَ يَتَّقُونَ وَيُؤْتُونَ الزَّكَاةَ وَالَّذِينَ هُم بِآيَاتِنَا يُؤْمِنُونَ ) خليك واثق إن ربنا دايما جنبك ومعاك ووقت ماتحتاج تتكلم مع ربنا قوم اتوضى وصلي وقتها بتكون بين ايديه وقوله كل اللي في قلبك وانت واثق إنه هيحلها وخليك عارف إن مهما اتأخر فرج ربنا جاي يعني جاي بإذن الله وممكن يجيلك أحسن من اللي كنت طالبه كمان اطلب من ربك على قد رحمته ومش وحش إنك تكون طمعان في كرم ورحمة ربنا ده الطمع في كرمه ورحمته حاجه جميله أوي
رسلان بابتسامه باس راسها وايدها/ ربنا يديمك ليا يا أمي
إلهام / ويديمك ليا انت وأبوك ده انتوا سندي وضهري يابني يلا بقى أسيبك ترتاح وخرجت
رسلان قام اتوضى وجاب المصليه وبدأ يصلي وأول ماسجد/ سبحان ربي الأعلى سبحان ربي الاعلى سبحان ربي الاعلى _ يارب ريح قلبي يارب اجعلها من نصيبي ومتوجعنيش فيها أبدا يارب
فضل رسلان يدعي كتييير أوي وبعد ماخلص صلاه جاب المصحف وقعد يقرأ شوية قرآن وأخيراً حس براحه نفسيه كبيره باس المصحف / قد ايه انت دوا وشفاء للروح سبحان من أنزلك وعظمك وحفظك
وبعدين حاول ينام بس تفكيره في غرام مش مخليه عارف ينام وعامله إرهاق
________________
عند غرام كانت نايمه على السرير وروان نايمه جنبها بس غرام مش نايمه بتفكر ( يعني كان هيحصل ايه لو اتنازل عن غروره وتكبره ده شويه لأ وبيقولي أنا اللي فضلت شغلي عليه طب ما فضلت شغلك عليا الأول نفسي أفهم بيفكر بأي عقل وأي منطق اللي يخليه عاوز نعيش حياه هاديه ومستقره ومش عاوز يسيب شغله هو شغلي أنا بس اللي هيقل هدوئنا واستقرارنا انسان بعقليه متخلفه )
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية غرام تركي)
